ຮູ້​ທັນ​ຫຼ່ຽມ​ໂຈນ

3.520 18 ກ.ຍ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ເຄີຍ​ຂຽນ​ແນ່​ແລ້ວ​ເລື່ອງ​ພວກ​ຂີ້­ລັກ​ງັດ​ແງະ ແຕ່​ກໍ່​ຕ້ອງ​ຊ່ວຍ​ກັນ​ມີ​ສະ­ຕິ​ລະ­ວັງ​ຕົວ​ສູງ​ຂຶ້ນ ເພາະ​ພວກ​ໂຈນ ຂີ້­ລັກ ພວກ​ຈີ້​ປຸ້ນ ຍ່ອມ​ພັດ­ທະ­ນາ​ສີ­ມື ແລະ ເທັກ​ນິກ​ສູງ​ໃນ​ການ​ຫຼອກ​ລວງ ຂໍ​ເອີ້ນ​ສັ້ນໆ​ວ່າ <strong>ໂຈນ​ຍ່ອມ​ພັດ­ທະ­ນາ​ວິ­ຊາ​ໂຈນ</strong> ມັນ​ຖືກ​ຈັດ​ເຂົ້າ​ໃນ​ປະ­ເພດ​ຂີ້ ເຊັ່ນ: ຂີ້​ຢາ ຂີ້­ລັກ ຂີ້​ຕົວະ ພວກ​ນີ້​ກ່ອນ​ຈະ​ລົງ­ມື​ແມ່ນ​ໄດ້​ງັດ​ລວ­ດລາຍ​ເລ້​ຫຼ່ຽມ​ສູງ​ບໍ່​ທຳ​ມະ​ດາ ສະ­ນັ້ນ ພວກ​ຕົກ​ເປັນ​ເຫຍື່ອ​ແມ່ນ​ພວກ​ຮູ້​ບໍ່​ທັນ​ກົນ​ເກມ​ຫຼອກ​ລວງ ເຊັ່ນ: ເຊື່ອ​ຄົນ​ງ່າຍ ໃຈ​ເມດ​ຕາ ໃຈ​ອ່ອນ ແລະ ຫົວ​ອ່ອນ ໂຈນ​ຂີ້­ລັກ​ຍິ່ງ​ຕົບ​ຫົວ​ລູບ​ຫຼັງ​ໄດ້​ງ່າຍ­ດາຍ.</p> <p style="text-align: justify;"> ຜູ້​ຂຽນ​ຂໍ​ຍົກ​ຕົວ­ຢ່າງ​ທີ່​ເກີດ​ຂຶ້ນ ສະ­ເພາະ​<strong>ໃນ​ບັນ­ດາ​ໂຮງ­ໝໍ​ບາງ​ແຫ່ງ​ໃນ​ນະ­ຄອນ­ຫຼວງ​ວຽງ​ຈັນ ເພາະ​ເຮືອນ​ຢູ່​ໃກ້​ໂຮງ­ໝໍ</strong> ແລະ ຄອບ­ຄົວ​ເຮັດ​ວຽກ​ຢູ່​ໂຮງ­ໝໍ ຈຶ່ງ​ໄດ້​ຍິນ​ບັນ­ດາ​ແພດ ແລະ ທ່ານ­ໝໍ​ເລົ່າ​ເຫດ­ການ​ສູ່​ຟັງ​ເລື້ອຍໆ ຈົນ​ສັງ­ເກດ​ໄດ້​ວ່າ​ສັງ­ຄົມ​ພັດ­ທະ­ນາ​ໄວ ບັນ­ດາ​ໂຈນ​ກໍ່​ພັດ­ທະ­ນາ​ສີ­ມື​ໄວ​ເຊັ່ນ​ກັນ ຖ້າ​ໃຫ້​ຈັດ​ປະ­ເພດ​ພວກ​ຂີ້­ລັກ​ຕາມ​ອາ­ຍຸ ແມ່ນ​ຕັ້ງ­ແຕ່​ເດັກ­ນ້ອຍ​ທີ່​ຮູ້​ຄວາມ​ສິບ​ກວ່າ​ປີ​ຂຶ້ນ​ໄປ ຈົນ​ຮອດ​ຜູ້​ເຖົ້າ​ໃກ້​ເຂົ້າ​ໂລງ ຕົວ­ຢ່າງ ກົນ​ວິ­ທີ​ທີ່​ພວກ​ຂີ້­ລັກ​ໃຊ້ <strong>ແມ່ນ​ແຝງ​ຕົວ​ເປັນ​ພີ່­ນ້ອງ​ຄົນ​ເຈັບ</strong>​ມາ​ນອນ​ໂຮງ­ໝໍ​ເລາະ​ຍ່າງ ແລະ ນັ່ງ​ລົມ​ນຳ​ພີ່­ນ້ອງ​ຄົນ​ເຈັບ​ທີ່­ຢູ່​ເປັນ​ກຸ່ມ ແລ້ວ​ກໍ່​ນັ່ງ​ເຈົ່າ​ເລົ່າ​ທຸກ (ແບບ​ລະ­ບາຍ​ຄົນ​ຫົວ­ອົກ​ດຽວ​ກັນ) ສູ່​ຟັງ ບັງ­ເອີນ​ໄປ​ຖືກ​ຄົນ​ເຊື່ອ​ໄວ ອິ­ຕົນ​ສົງ­ສານ​ເລີຍ​ພັກ​ນອນ​ນຳ​ກັນ ກາງ​ມຸ້ງ​ເປີດ​ພັດ​ລົມ​ໃຫ້ <strong>ບາດ​ຕື່ນ​ຂຶ້ນ​ມາ​ຫຼຽວ​ຫາ​ຄົນ ແລະ ກະ­ເປົາ​ເງິນ​ໂຕ​ເອງ​ກະ​ບໍ່​ເຫັນ</strong> ນີ້​ແມ່ນ​ກົນ­ລະ­ຍຸດ​ຂີ້​ຕົວະ​ແບບ​ໜຶ່ງ​ຂອງ​ຂີ້­ລັກ.</p> <p style="text-align: justify;"> ຂໍ​ຍົກ​ຕົວ­ຢ່າງ​ອີກ​ຮູບ​ການ​ໃໝ່​ມາ​ແຮງ ແລະ ໄດ້­ຜົນ​ທັນ­ໃຈ​ຂອງ<strong>​ພວກ​ຫາ​ກິນ​ນຳ​ສີ­ປາກ ແລະ ຢາ​ສະ­ຫຼົບ </strong>(ປາ­ກົດ​ເປັນ​ຢາ​ທີ່​ເຮັດ​ໃຫ້​ເຫຍື່ອ​ຖືກ​ຕົວະ ນອນ​ຫຼັບ​ບໍ່​ຮູ້­ສຶກ​ໂຕ) ແບບ​ນີ້​ອັນ­ຕະ­ລາຍ​ແທ້ໆ ເພາະ​ຂີ້­ລັກ​ມີ​ເຄື່ອງ­ມື​ໄດ້­ຜົນ​ໄວ​ແບບ​ບໍ່​ຮູ້­ສຶກ​ໂຕ ໂດຍ​ສະ­ເພາະ​ເກີດ​ຂຶ້ນ​ນຳ​ຄົນ​ເຈັບ​ນອນ​ຫ້ອງ​ຄົນ​ດຽວ ເວ­ລາ​ພີ່­ນ້ອງ​ບໍ່​ຢູ່​ນຳ ຫຼື ຈະ​ມີ​ຄົນ​ຢູ່​ນຳ​ສອງ​ສາມ​ຄົນ​ກໍ່​ສາ­ມາດ​ລົງ­ມື​ເຮັດ​ໄດ້ ເພາະ​ທຸກ​ຄົນ​ຖືກ​ລິດ​ຢາ­ນອນ­ຫຼັບ​ສະ­ບາຍ ຕື່ນ​ມາ​ກະ­ເປົາ​ເງິນ​ກະ​ບໍ່​ເຫັນ​ແລ້ວ ເທົ່າ​ທີ່​ຮູ້​ທາງ​ໂຮງ­ໝໍ​ກໍ່​ຕັກ­ເຕືອນ​ພີ່­ນ້ອງ​ຄົນ​ເຈັບ­ເປັນ​ປະ­ຈຳ ແຕ່​ພວກ​ຂີ້­ລັກ​ມັນ​ກໍ່​ພະ­ຍາ­ຍາມ​ຫາ​ຊ່ອງ​ຫວ່າງ​ຈົນ​ໄດ້.</p> <p style="text-align: justify;"> ຂໍ້​ມູນ​ຂ້າງ​ເທິງ​ນັ້ນ​ເກີດ​ຂຶ້ນ​ຈິງ​ກັບ​ຫຼາຍ​ກໍ­ລະ­ນີ ເຊິ່ງ​ເຫຍື່ອ​ແຕ່­ລະ­ຄົນ​ເສຍ​ຊັບ​ສິນ​ເງິນ​ຄຳ​ຈົນ​ນ້ຳ​ຕາ​ໄຫຼ ພຽງ​ແຕ່​ຍົກ​ສອງ​ຕົວ­ຢ່າງ​ຂຶ້ນ​ມາ​ເປັນ​ບົດ­ຮຽນ​ຊ່ວຍ​ກັນ​ມີ​ສະ­ຕິ​ລະ­ວັງ​ຕົວ​ໃຫ້​ສູງ ເພາະ​ຂີ້­ລັກ​ມາ​ໃນ​ຫຼາຍ​ຮູບ​ແບບ ເຊັ່ນ: ແຝງ​ຕົວ​ເປັນ​ຄົນ​ຈົນ ເປັນ​ຄົນ​ເຈັບ ເປັນ​ພີ່­ນ້ອງ​ຄົນ​ເຈັບ ພ້ອມ​ນີ້​ມີ​ທັງ​ເດັກ­ນ້ອຍ​ທີ່​ເປັນ​ລູກ​ນ້ອງ​ໂຈນ​ຂີ້­ລັກ (ເບິ່ງ​ຄື​ວ່າ​ມັນ​ເຮັດ​ເປັນ​ຂະ​ບວນ) ຖ້າ​ເຮົາ​ຈະ​ອາ­ໄສ​ແຕ່​ເຈົ້າ​ໜ້າ­ທີ່​ຕຳ­ຫຼວດ ແລະ ພວກ​ປ້ອງ​ກັນ​ຢ່າງ​ດຽວ​ແມ່ນ​ຍັງ​ບໍ່​ພໍ ພວກ​ເຮົາ​ຕ້ອງ​ຊ່ວຍ​ກັນ​ຕັກ­ເຕືອນ​ໃຫ້​ມີ​ສະ­ຕິ​ລະ­ວັງ​ຕົວ ຜູ້​ຂຽນ​ຄິດ​ວ່າ​ໃນ­ຕໍ່­ໜ້າ​ນີ້​ທາງ​ໂຮງ­ໝໍ​ແຫ່ງ​ຕ່າງໆ​ຕ້ອງ​ເຂັ້ມ​ງວດ​ຕໍ່​ຄົນ​ເຈັບ ແລະ ພີ່­ນ້ອງ​ຄົນ​ເຈັບ ອາດ​ຈະ​ເຮັດ​ຄື​ໂຮງ­ໝໍ​ຕ່າງ­ປະ­ເທດ ເຂົາ​ໃຫ້​ພີ່­ນ້ອງ​ຄົນ​ເຈັບ​ຕິດ​ບັດ ຫຼື ໃສ່​ຄໍ​ປະ­ຈຳ ບໍ່​ຊັ້ນ​ເວ­ລາ​ປ້ອງ​ກັນ​ໂຮງ­ໝໍ​ກວດ​ບໍ່​ມີ​ບັດ​ຈະ​ຖືກ​ກັກ​ຕົວ​ສອບ​ສວນ... ສ່ວນ​ໃນ​ຕອນ​ຄ່ຳ​ປ້ອງ​ກັນ​ແຮງ​ເຄັ່ງ​ຄັດ​ກວດ­ກາ... ປ້ອງ​ກັນ​ໂຮງ­ໝໍ​ຕ້ອງ​ປະ­ສານ​ສົມ­ທົບ​ກັບ​ເຈົ້າ​ໜ້າ­ທີ່​ຕຳ­ຫຼວດ​ທີ່​ຂຶ້ນ​ກັບ​ເຂດ​ນັ້ນໆ... ໃນ​ນີ້ ສິ່ງ​ສຳ­ຄັນ​ຍັງ​ຄົງ​ແມ່ນ​ສະ­ຕິ​ລະ­ວັງ​ຕົວ​ຂອງ​ແຕ່­ລະ­ຄົນ​ໃຫ້​ຮູ້​ທັນ​ຫຼ່ຽມ​ໂຈນ ທີ່​ມາ​ໃນ​ຮູບ​ສະ­ແດງ​ໂຕ​ເປັນ​ມິດ.</p> <p style="text-align: justify;"> ຜູ້​ຂຽນ​ຈຶ່ງ​ຂໍ​ຝາກ​ທຸກ​ທ່ານ​ຊ່ວຍ​ກັນ​ຍົກ​ສູງ​ສະ­ຕິ​ສັງ­ຄົມ​ປ້ອງ​ກັນ​ການ​ສູນ​ເສຍ​ຊັບ​ສິນ ຢ່າ​ຫຼົງ​ເລ້​ຫຼ່ຽມ​ໃຫ້​ແກ່​ຂີ້­ລັກ ຂໍ​ໃຫ້​ຮູ້​ເທົ່າ​ທັນ​ຫຼ່ຽມ​ໂຈນ​ແທ້​ເນີ ຢ່າ​ຫຼົງ​ເຊື່ອ​ຄົນ​ງ່າຍ ຢ່າ​ຟ້າວ​ໃຈ​ອ່ອນ​ກັບ​ໜ້າ​ຕາ ແລະ ສີ​ປາກ­ຫວານໆ ບໍ່​ດັ່ງ­ນັ້ນ​ຈະ​ເສຍ​ໃຈ​ຕາມ​ພາຍ­ຫຼັງ</p>

ຂ່າວທີ່ກ່ຽວຂ້ອງ