ຝ່າຍຈັດອາຊຽນເກມ ເປີດເຜີຍຍອດຂາຍບັດເຂົ້າຊົມຕໍ່າກວ່າເປົ້າ

577 16 ກ.ຍ. 2014 ນານາກີລາໂລກ
ຝ່າຍຈັດອາຊຽນເກມ ເປີດເຜີຍຍອດຂາຍບັດເຂົ້າຊົມຕໍ່າກວ່າເປົ້າ

<p> <strong>ຝ່າຍຈັດອາ​ຊຽນເກມສ໌ ຄັ້ງທີ </strong><strong>17 ຍອມຮັບວ່າ ຍອດຈຳໜ່າຍບັດເຂົ້າຊົມການແຂ່ງຂັນຍັງບໍ່ເປັນໄປຕາມເປົ້າ ເພາະປັດ​ໄຈພາຍໃນປະເທດ. </strong></p> <p> ສຳນັກຂ່າວຣອຍເຕີ ລາຍງານຈາກການເປີດເຜີຍຂອງຄະນະກໍາມະການຈັດການແຂ່ງຂັນອາ​ຊຽນເກມສ໌ ຄັ້ງທີ 17 ອິນຊອນເກມສ໌ ທີ່ປະເທດ ສ ເກົາຫຼີ ເປີດເຜີຍວ່າບັດເຂົ້າຊົມການແຂ່ງຂັນທັງໝົດ ຫາ​ກໍຈະຂາຍອອກໄປພຽງຮ້ອຍລະ 18 ເທ່ົານັ້ນ ຈາກກີລາທີ່ແຂ່ງຂັນ 36 ປະເພດ ໃນຂະນະທີ່ເຫຼືອເວລາພຽງ 4 ວັນ ພິທີເປີດການແຂ່ງຂັນຈະເລີ່ມຂຶ້ນແລ້ວ ສ່ວນກີລາຍອດນິຍົມຂອງ ສ ເກົາຫຼີ ຄື ລອຍນ້ຳ ​ເຊິ່ງກອງ​ເຊຍກີລາແຫ່ຈອງບັດເພື່ອເຂົ້າໄປຊົມ ປາກ ແຕ ວອນ ອະດີດຫຼຽນ​ຄໍາໂອລິມປິກ 2008 ທີ່ຈີນ ລວມ​ເຖິງຢິມນາສຕິກ ທີ່ມີນັກກີລາຊື່ດັງຢ່າງ ຊອນ ຢອນ ແຈ ແລະ ລີ ຢອງ ແດ ນັກຕີ​ດອກ​ປີກ​ໄກ່. </p> <p>         ຂະນະທີ່​ເຕະບານ ມີຍອດຈຳໜ່າຍບັດພຽງ 7% ​ແລ່ນ ​ແລະ ລານ ຂາຍໄປພຽງ 8% ເທ່ົານັ້ນ ​ເຖິງແມ່ນວ່າເຈົ້າພາບຈະຈັດ​ໂຄສະນາວ່າລາຄາຖືກ ມີກິດຈະກໍາສົ່ງເສີມການຂາຍ ລວມ​ເຖິງຂາຍບັດພ້ອມ​ໄດ້​ຮັບ​ສິດທ່ອງທ່ຽວ ກໍຍັງບໍ່ສາມາດດຶງດູດຜູ້ຊົມໄດ້ ຝ່າຍຈັດການແຂ່ງຂັນຍອມຮັບວ່າ ເປັນເພາະປັດ​ໄຈພາຍໃນປະເທດ ເຊ່ັນ ນະໂຍບາຍການເງິນຂອງລັດຖະບານ ລວມ​ເຖິງເຫດການເຮືອເຟີຣີ່ ເຊວອນຫຼົ້ມ ນອກຈາກນີ້ການທີ່ ສປປ ເກົາຫຼີ ຕັດສິນໃຈບໍ່ສົ່ງກອງເຊຍເຂົ້າປະເທດ ​ເຮັດໃຫ້ສົ່ງຜົນຕໍ່ຍອດຈຳໜ່າຍບັດດ້ວຍເຊ່ັນກັນ ແຜນການຕະຫຼາດທີ່ເຈົ້າພາບ​ເຮັດກັບບໍລິສັດເອກະຊົນຂອງຈີນ ໃນການຂາຍບັດກັບລົ້ມເຫຼວ ເພາະແມ່ນແຕ່ກອງ​ເຊຍກີລາຊາວຈີນຍັງບໍ່ຍອມຊື້ບັດຕາມເປົ້າໝາຍທີ່ວາງໄວ້ ​ເຊິ່ງບັນຫາໃນການຕັດສິນໃຈຊື້ບັດຂອງກອງ​ເຊຍກີລາຊາວຈີນຄື ການເດີນທາງເຂົ້າ ສ ເກົາຫຼີ ຍັງຕ້ອງຂໍວີຊ່າ ແຕ່ຫຼ້າສຸດເຈົ້າພາບພະຍາຍາມສ້າງແຮງຈູງໃຈດ້ວຍການແຖມບັດ​ເຂົ້າ​ຊົມການສະ​ແດງ​ດົນຕີ ເຄ ປອບ ໃຫ້ຜູ້ຊົມກີລາ.</p>

ຂ່າວທີ່ກ່ຽວຂ້ອງ