ຂ່າວຫຼ້າສຸດ

ແມນຢູ ກຽມປະກາດສ້າງລາຍໄດ້ສູງເປັນສະຖິຕິ 420 ລ້ານປອນ

669 11 ກ.ຍ. 2014 ນານາກີລາໂລກ
ແມນຢູ ກຽມປະກາດສ້າງລາຍໄດ້ສູງເປັນສະຖິຕິ 420 ລ້ານປອນ

<p> <span style="font-size:12px;"><strong>ເດລີ່ ເມວ ສື່ຂອງເກາະອັງກິດ ຕີແຜ່ຂ່າວ ແມນເຊສເຕີ ຢູໄນເຕັດ ຈະປະກາດເຖິງການສ້າງລາຍໄດ້ເມື່ອລະດູການກ່ອນໄດ້ສູງເປັນສະຖິຕິທີ່ຈຳນວນປະມານ </strong><strong>420 ລ້ານປອນ ໂດຍຫຼັກໆມາຈາກຍອດຂາຍຊຸດແຂ່ງທີ່ມີຄົນຊື້ຫຼາຍເຖິງ 2 ລ້ານຜືນ</strong><strong>. </strong></span></p> <p> <span style="font-size:12px;">ແມນເຊສເຕີ ຢູໄນເຕັດ ຍອດສະໂມສອນແຫ່ງເວທີ ພຣີເມຍລີກ ອັງກິດ ກຽມທີ່ຈະປະກາດໃນວັນພຸດທີ 10 ກັນຍານີ້ວ່າ ພວກເຂົາສາມາດສ້າງລາຍໄດ້ຈາກເມື່ອລະດູການກ່ອນໄດ້ສູງເປັນສະຖິຕິທີ່ປະມານ 420 ລ້ານປອນ ຕາມລາຍງານຂອງ ເດລີ່ ເມວ ສື່ຊື່ດັງຂອງອັງກິດ ເມື່ອວັນອັງຄານທີ 9 ກັນຍາທີ່ຜ່ານມາ.</span></p> <h1> <span style="font-size:12px;">          ເຖິງແມ່ນໃນລະດູການທີ່ຜ່ານມາ ແມນເຊສເຕີ ຢູໄນເຕັດຈະມີຜົນງານທີ່ຕົກຕໍ່າ ຈາກການທີ່ຈົບເປັນອັນດັບ 7 ຂອງລະດູການ ແຕ່ພວກເຂົາກໍຍັງສ້າງລາຍໄດ້ເປັນຈຳນວນຫຼາຍ ເຊິ່ງໜຶ່ງໃນປັດໄຈຫຼັກທີ່ເຮັດໃຫ້ ແມນເຊສເຕີ ຢູໄນເຕັດ ສ້າງລາຍໄດ້ເປັນຈຳນວນມະຫາສານນັ້ນ ມາຈາກການທີ່ພວກເຂົາຂາຍຊຸດແຂ່ງທົ່ວໂລກໄດ້ເຖິງ 2 ລ້ານຜືນ ຈົນເກັບກຳໄລຈາກດ້ານນີ້ໄປ 25 ລ້ານປອນດ້ວຍກັນ.</span></h1> <h1> <span style="font-size:12px;">        ສຳລັບຕົວເລກດັ່ງກ່າວນັ້ນ ຖືກເປີດເຜີຍໃນຖານະບົດສະຫຼຸບຄວາມກ້າວໜ້າສຳລັບຕະຫຼາດຫຸ້ນນິວຢອກ ໂດຍມັນສະແດງໃຫ້ເຫັນວ່າ ຄ່າຊົດເຊີຍທີ່ຈ່າຍໃຫ້ ເດວິດ ມອຍ ອະດີດຜູ້ຈັດການທີມຊາວສະກັອດ ກັບທີມຜູ້ຝຶກສອນຂອງເຂົາ ຖືເປັນເງິນກ້ອນໃຫຍ່ພໍສົມຄວນ ແຕ່ມັນກໍທຽບກັບລາຍໄດ້ຂອງ ແມນເຊສເຕີ ຢູໄນເຕັດ ທີ່ເພີ່ມຂຶ້ນ 18 ຫຼື 19 % ບໍ່ໄດ້ ຢ່າງໃດກໍຕາມ ຍັງບໍ່ຮູ້ວ່າການທີ່ ແມນເຊສເຕີ ຢູໄນເຕັດ ບໍ່ໄດ້ຊີງຂັນເອີຣົບໃນລະດູການນີ້ ຈະເຮັດໃຫ້ທີມຂາດທຶນໄປຫຼາຍເທ່ົາໃດ.</span></h1> <h1> <span style="font-size:12px;">        ລາຍງານຄວາມຄືບໜ້າດັ່ງກ່າວ ລະບຸວ່າ "ຊຸດແຂ່ງ ແລະ ເສື້ອຊ້ອມຂອງ ແມນເຊສເຕີ ຢູໄນເຕັດ ມີການອອກແບບໃໝ່ທຸກລະດູການ ການເປີດຕົວຊຸດແຂ່ງຕົວໃໝ່ປະຈຳປີ ເປັນວັນທີ່ກອງເຊຍບານທົ່ວໂລກຂອງເຮົາຄາດຫວັງຢ່າງສູງຢູ່ສະເໝີ ຜົນຮັບກໍຄືຍອດຂາຍອັນມະຫາສານຈາກການທີ່ສິນຄ້າລິຂະສິດຂອງ ແມນເຊສເຕີ ຢູໄນເຕັດ ສາມາດຂາຍໄດ້ເຖິງປະມານ 5 ລ້ານຊິ້ນ ຈາກຕະຫຼາດທົ່ວທັງໂລກເມື່ອປີກ່ອນ ເຊິ່ງໃນນັ້ນມີຍອດຂາຍຊຸດແຂ່ງຈຳນວນປະມານ 2 ລ້ານຜືນລວມຢູ່ດ້ວຍ"</span></h1> <h1> <span style="font-size:12px;">        ທັງນີ້ ເປັນທີ່ເຊື່ອກັນວ່າ ຍອດທີມແຫ່ງຖິ່ນ ໂອລ ແທຣັບຟອດ ຈະນຳກຳໄລທຸກປອນຈາກລາຍໄດ້ໃນຄັ້ງນີ້ ໄປໃຊ້ຊຳລະໜີ້ກ້ອນໃຫຍ່ຂອງທີມຕໍ່ໄປ.</span></h1>

ຂ່າວທີ່ກ່ຽວຂ້ອງ