ຂ່າວຫຼ້າສຸດ

ນະຄອນຫຼວງວຽງຈັນ ປະກາດຈົບຊັ້ນປະຖົມບຳລຸງ

3.190 17 ມ.ກ. 2011 ສຶກສາ

<p> ຍ້ອນແສງສະຫວ່າງຂອງລັດທິມາກ-ເລນິນ ແລະ ພາຍໃຕ້ການຊີ້ນຳໆພາອັນສະຫຼາດສ່ອງໃສ ຂອງພັກປະຊາຊົນປະຕິວັດລາວ ເຮັດໃຫ້ຊີວິດການເປັນຢູ່ຂອງປະຊາຊົນ ນັບມື້ນັບດີຂຶ້ນ ເວົ້າລວມ ເວົ້າສະເພາະແມ່ນນະຄອນຫຼວງວຽງຈັນ ຕະຫຼອດໄລຍະ 35ປີ ທີ່ປະເທດຊາດໄດ້ຮັບການປົດປ່ອຍ ປະຊາຊົນລາວທັງຊາດ ໄດ້ຮັບການສຶກສາ ເຮັດໃຫ້ຊີວິດຂອງເຂົາເຈົ້າ ຫຼຸດພົ້ນຈາກຄວາມືດມົນ ໄປສູ່ແສງສະຫວ່າງອັນສົດໃສ ດັ່ງຄຳເວົ້າທີ່ວ່າ: <strong>ການສຶກສາຄືແສງທຽນແຫ່ງຊີວິດ</strong> ທັງໝົດນີ້ ແມ່ນຄວາມຕັດສິນໃຈ ຂອງຄະນະພັກ ອົງການປົກຄອງທຸກຂັ້ນ ແລະ ຂະແໜງການຕ່າງໆທີ່ກ່ຽວຂ້ອງ ໂດຍສະເພາະແມ່ນຖັນແຖວຄູ-ອາຈານ ທີ່ເຮັດວຽກງານການສຶກສາ ແລະ ດ້ວຍຄວາມຕັດ ສິນໃຈສູງຂອງປະຊາຊົນບັນດາເຜົ່າ ໃນນະຄອນຫຼວງວຽງຈັນ ໃນໄລຍະ 20ກ່ວາປີຜ່ານມານີ້ ນະຄອນຫຼວງວຽງຈັນ ກໍໄດ້ຈັດຕັ້ງ  ການຮຽນ-ການສອນ ໃຫ້ພໍ່ແມ່ປະຊາ ຊົນ ໃນເກນອາຍຸຮຽນ ແລະ ສາມາດສຳເລັດ ການປະກາດຈົບຊັ້ນບຳລຸງຢູ່ແຕ່ລະເມືອງ ສຳເລັດໃນບັ້ນທີ 1ເຊິ່ງແມ່ນເມືອງສັງທອງ ເປັນເມືອງສຸດທ້າຍ ທີ່ໄດ້ປະກາດຈົບ ຊັ້ນບຳລຸງ ໃນວັນທີ 12/11/2004 ເພື່ອປະຕິບັດຕາມຄຳສັ່ງແນະນຳ ຂອງກົມການເມືອງສູນກາງພັກ ສະບັບເລກທີ 09/ກມ.ສພ ລົງວັນທີ 8/6/2004 ວ່າດ້ວຍການສ້າງ ບ້ານ ແລະ ກຸ່ມບ້ານພັດທະນາ ສະນັ້ນ ພະແນກສຶກສາທິການນະຄອນຫຼວງ ຈຶ່ງໄດ້ຫັນລົງຮາກຖານ ແລະ ໄດ້ເກັບກຳສະຖິຕິຄືນ ຕົວເລກປະຊາກອນໃນເກນອາຍຸ 15-40ປີ ທີ່ບໍ່ຮູ້ໜັງສືຈຳນວນ 1.193ຄົນ ເປັນຍິງ 693ຄົນ ແລະ ບໍ່ຈົບປະຖົມ ຈຳນວນ 10.413ຄົນ ຍິງ 6.537ຄົນ ເຫດຜົນແມ່ນຍ້ອນມີປະຊາກອນ ຍົກຍ້າຍເຂົ້າ ມາຢູ່ນະຄອນຫຼວງວຽງຈັນ ເພື່ອທຳມາຫາກິນ ຈຳນວນໜຶ່ງກໍແມ່ນນັກຮຽນ ປະລະການຮຽນ ແລະ ກືກຄືນ.</p> <p> ມາຮອດເດືອນ 10 ປີ 2009 ນະຄອນຫຼວງວຽງຈັນ ຈຶ່ງໄດ້ບຳລຸງຄືນ ແລະ ສຳເລັດການບຳລຸງຈົບຂັ້ນປະຖົມ ເປັນບັ້ນທີ 2 ຢູ່ 332 ບ້ານ ໃນຈຳນວນ 491 ບ້ານ ໃນ ວັນທີ 22/10/2009.</p> <p> ຜົນສຳເລັດດັ່ງກ່າວ ມັນແມ່ນສັນຍາລັກແຫ່ງຊີວິດໃໝ່ ທີ່ມີວັດທະນະທຳ ມີວິທະຍາສາດເຕັກນິກ ເພື່ອຕອບສະໜອງກັບຄວາມຮຽກຮ້ອງຕ້ອງການ ຂອງພາລະກິດສ້າງສາ ແລະ ພັດທະນາປະເທດຊາດ ທັງເປັນຂີດໝາຍໃຫ້ພວກເຮົາເຫັນວ່າ: ຊີວິດແຫ່ງຄວາມມືດມົນ ເສົ້າໝອງ ໂງ່ຈ້າ ຫຼ້າຫຼັງ ຂາດວັດທະນະທຳທີ່ສີວິໄລນັ້ນ ໄດ້ສູນຫາຍໄປ ຈາກປະຊາຊົນລາວ ກໍຄືຊາວນະຄອນຫຼວງວຽງຈັນ ຜົນງານໃຫຍ່ຫຼວງດັ່ງກ່າວ ແມ່ນໄດ້ມາຈາກການຮ່ວມມືຈາກຫຼາຍພາກສ່ວນ ເປັນຕົ້ນແມ່ນພໍ່ແມ່ປະຊາຊົນ ຄູອາສາສະ ໝັກ ພະສົງ ອົງການປົກຄອງແຕ່ລະຂັ້ນ ໃຫ້ການຊຸກຍູ້ ແລະ ຊ່ວຍເຫຼືອ ພ້ອມນັ້ນ ກະຊວງສຶກສາທິການ ຍັງໄດ້ຕອບສະໜອງ ອຸປະກອບຮັບໃຊ້ການຮຽນ-ການສອນ ທີ່ຈຳເປັນເຊັ່ນ: ປຶ້ມຕຳລາຮຽນ ແລະ ສະໜອງເງິນອຸດໜູນໃຫ້ຄູສອນເປັນປົກກະຕິ ແລະ ຍ້ອນການຊີ້ນຳ-ນຳພາຈາກຂັ້ນເທິງ ຈຶ່ງເຮັດໃຫ້ການປະກາດຈົບຊັ້ນປະຖົມບຳ ລຸງ ທົ່ວນະຄອນຫຼວງວຽງຈັນ ສຳເລັດຜົນຕາມຄາດໝາຍ.</p> <p> ສຳລັບແຜນການຕໍ່ໜ້າ ແມ່ນຈະສືບຕໍ່ເກັບກຳຂໍ້ມູນສະຖິຕິ ປະຊາກອນທີ່ຍົກຍ້າຍມາໃໝ່ ໃນເກນອາຍຸ 15-40ປີ ທີ່ຍັງບໍ່ທັນຈົບປະຖົມ ເພື່ອຈັດຕັ້ງບຳລຸງໃຫ້ແກ່ກຸ່ມເປົ້າ ໝາຍ ສືບຕໍ່ຈັດຕັ້ງການບຳລຸງມັດທະຍົມຕອນຕົ້ນ ໃຫ້ແກ່ປະຊາຊົນໃນເກນອາຍຸ 15-35ປີ ໄດ້ 60%ຂອງຈຳນວນບ້ານທັງໝົດ ແລະ ໃນປີ 2015 ໃຫ້ສາມາດປະ ກາດຈົບຊັ້ນມັດທະຍົມຕອນຕົ້ນ ທົ່ວນະຄອນຫຼວງວຽງຈັນ ແລະ ສືບຕໍ່ຈັດຕັ້ງບຳລຸງຍົກລະດັບພະນັກງານ ທະຫານ ຕຳຫຼວດ ນັກຮຽນ ນັກສຶກສາ ທີ່ດ້ອຍໂອກາດ   ໃຫ້ ໄດ້ເຂົ້າບຳລຸງຈົບຊັ້ນມັດທະຍົມຕອນປາຍ ຕື່ມອີກ.</p>

ຂ່າວທີ່ກ່ຽວຂ້ອງ