ນັກ​ຂຽນ​ຕາບ​ເສື້ອ

3.044 27 ສ.ຫ. 2014 ນານາສາລະ

<p style="text-align: justify;"> ນັກ​ຂຽນ​ຕາບ​ເສື້ອ</p> <p style="text-align: justify;"> <strong>ໂດຍ : ດັ້ນ​ກີບ​ເມກ</strong></p> <p style="text-align: justify;"> ບົດ​ນີ້​ຍັງ​ກ່ຽວ­ຂ້ອງ​ຢູ່​ກັບ​ຄົນ​ຂຽນ​ໜັງ­ສື ເນື່ອງ​ໃນ​ໂອ­ກາດ​ສະ­ເຫຼີມ­ສະ­ຫຼອງ​ວັນ​ສື່​ມວນ​ຊົນ 13 ສິງ­ຫາ ແລະ ໃນ​ຖາ­ນະ​ເຮັດ​ໜ້າ­ທີ່​ສື່​ມວນ​ຊົນ ເປັນ​ກະ­ບອກ​ສຽງ​ຂອງ​ສັງ­ຄົມ​ນັກ​ຂຽນ​ຈຶ່ງ​ບໍ່​ຄວນ​ຫຼົງ​ຕົວ​ເອງ ເປັນ​ນັກ​ຕາບ​ເຊິ່ງ​ແນ່­ນອນ​ວ່າ: ບົດ​ຂຽນ​ແຕ່​ລະ​ບົດ ນັກ​ຂຽນ​ຍ່ອມ​ມີ​ຄວາມ​ຈຳ­ເປັນ​ໃນ​ການ​ອ້າງ​ອີງ​ຫຼັກ​ຖານ​ຂໍ້​ມູນ​ຕ່າງໆ ແຕ່​ບໍ່​ໝາຍ​ຄວາມ​ວ່າ​ບົດ​ຂຽນ​ໜຶ່ງ​ຈະ​ກ່າຍ​ເອົາ​ກົດ­ໝາຍ 4-5 ມາດ­ຖານ​ແລ້ວ​ສຸດ​ໄປ​ຊື່ໆ ໂດຍ​ບໍ່​ມີ​ຄວາມ​ຄິດ​ເຫັນ ຫຼື ສະ­ແດງ​ທັດ­ສະ­ນະ​ອອກ​ຫຍັງ​ເລີຍ ຖ້າ​ເປັນ​ແນວ​ນັ້ນ​ຄົນ​ອ່ານ​ທີ່​ເປັນ​ພະ­ນັກ­ງານ​ອາ­ວຸ­ໂສ ຫຼື ປັນ­ຍາ​ຊົນ​ເຂົາ​ຄື​ຊິ​ຫົວ­ຂວັນ... ເພາະ​ນັກ​ຂຽນ​ຜູ້​ນັ້ນ ຢູ່​ໃນ​ລັກ­ສະ­ນະ​ໂຄ­ສະ­ນາ​ຕົວ​ໜັງ­ສື.</p> <p style="text-align: justify;"> ຢ້ອນ​ຫຼັງ​ໄປ​ປີ 2012 ຜູ້​ຂຽນ​ໄດ້​ມີ​ໂອ­ກາດ​ດີ​ອ່ານ​ບົດ​ຂຽນ​ເລື່ອງ​ເສລີ­ພາບ​ຂອງ​ໜັງ­ສື­ພິມ ໃນ​ໜັງ­ສື­ພິມ​ລາວ​ພັດ­ທະ­ນາ ເພິ່ນ​ອ້າງ​ເຖິງ​ມະ­ຕິ 36 ກົມ​ການ­ເມືອງ​ສູນ​ກາງ​ພັກ ວ່າ​ດ້ວຍ​ການ​ຄຸ້ມ​ຄອງ ແລະ ນຳ­ພາ​ສື່​ມວນ​ຊົນ ວ່າ: "ສື່​ມວນ​ຊົນ​ລາວ ເປັນ​ອາ­ວຸດ​ອັນ​ແຫຼມ​ຄົມ​ຂອງ​ພັກ​ໃນ​ສະ­ໜາມ­ຮົບ​ແນວ​ຄິດŒການ­ເມືອງ ເປັນ​ເວ­ທີ​ສະ­ແດງ​ຄວາມ​ຄິດ​ເຫັນ​ຂອງ​ປະ­ຊາ­ຊົນ" ເຈົ້າ​ຂອງ​ນາມ​ປາກ­ກາ​ໄດ້​ເນັ້ນ​ຕື່ມ​ອີ​ກວ່າ: ສື່​ມວນ​ຊົນ​ຕ້ອງ​ເຮັດ​ໜ້າ­ທີ່​ເຜີຍ­ແຜ່​ແນວ­ທາງ​ຂອງ​ພັກ ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ ພ້ອມ​ກັນ​ນັ້ນ ຕ້ອງ​ສ່ອງ​ແສງ​ຄືນ​ຂະ​ບວນ​ການ​ປະ­ຕິ­ບັດ​ຂອງ​ປະ­ຊາ­ຊົນ...</p> <p style="text-align: justify;"> ຢ່າ​ລືມ​ວ່າ​ສັງ­ຄົມ​ຫຼາຍ​ພາກ­ສ່ວນ​ໄດ້​ຮຽກ­ຮ້ອງ​ໃຫ້­ການ​ສຶກ​ສາ­ມີ​ຄຸ­ນະ­ພາບ ຢາກ​ໃຫ້­ການ​ບໍ­ລິ­ຫານ​ງານ​ມີ​ຄຸນ​ນະ​ພາບ ແຕ່​ຜູ້​ເຮັດ​ໜ້າ­ທີ່​ສື່​ມວນ​ຊົນ (ຈັບ​ປາກ­ກາ​ຂີດ​ຂຽນ) ກົງ­ກັນ­ຂ້າມ ບົດ​ຂຽນ​ຂອງ​ຕົນ​ມີ​ແຕ່​ອ້າງ​ອີງ​ເຕັມ​ໜ້າ​ເຈ້ຍ ແລ້ວ​ກໍ່​ໃສ່​ຊື່​ຕົນ​ເອງ ຂໍ້​ສະ­ຫຼຸບ​ກະ​ບໍ່​ມີ ຖ້າ​ເຮັດ​ແນວ​ນີ້​ຄຸນ​ນະ​ພາບ​ສື່​ມວນ​ຊົນ​ທີ່​ຕົນ​ເອງ​ຮຽກ­ຮ້ອງ​ຢູ່​ໃສ ? ຫຼື ຈະ​ມາ​ປາ­ກົດ​ຕົວ​ເປັນ​ປາ­ກົດ­ການ​ໄກ່​ກະ­ຕາກ​ບໍ່​ມີ​ໄຂ່ ຕົວະ​ກັນ​ຫຼິ້ນ​ຊື່ໆ ! ຂໍ​ເວົ້າ​ກົງ​ວ່າ ຖ້າ​ເຮັດ​ຄື​ເວົ້າ​ຂ້າງ​ເທິງ​ນີ້ ບົດ​ຂຽນ​ແບບ​ນັ້ນ​ອັນ​ທີ່​ເປັນ­ຄວາມ​ຄິດ​ຂອງ​ນັກ​ຂຽນ​ຄົນ​ນັ້ນ ກະ​ມີ​ແຕ່​ຫົວ­ຂໍ້​ເທົ່າ​ນັ້ນ​ເອງ ດັ່ງ­ນັ້ນ ນັກ​ຂຽນ​ປະ­ເພດ​ຕາບ​ເສື້ອ​ຕາບ​ໂສ້ງ​ຄວນ​ພິ­ຈາ­ລະ­ນາ​ຄືນ​ໃຫ້​ຄັກໆ​ບໍ ?.</p> <p style="text-align: justify;"> ໃນ​ວັນ​ຄົບ­ຮອບ​ສື່​ມວນ​ຊົນ​ລາວ​ຜ່ານ​ມາ ປາ­ກົດ​ໃຫ້​ເຫັນ​ມີ​ຫຼາຍ​ບົດ​ຂຽນ ຫຼື ວຽກ​ງານ​ສຳ​ມະ​ນາ​ເດີນ​ໜ້າ​ຢູ່​ໃນ​ທ່າ​ກ້າວ​ແທ້ໆ ແຕ່​ຍັງ​ມີ​ບາງ​ບົດ​ຂຽນ​ໜີ​ບໍ່​ມົ້ມ​ມາ​ຕາບ​ເສື້ອ​ໃຫ້​ຄົນ​ອ່ານ​ຢູ່ ມີ​ນັກ​ຂຽນ​ອາ­ວຸ­ໂສ​ບາງ​ທ່ານ​ຈັບ​ບົດ​ຂຽນ​ບາງ​ບົດ​ມາ​ອະ­ທິ­ບາຍ​ໃຫ້​ຜູ້​ຂຽນ​ຟັງ... ຜູ້​ຂຽນ​ໄດ້​ແຕ່​ຄິດ​ຢູ່​ໃນ​ໃຈ​ວ່າ ເອີ ! ຄ່ອຍ​ເປັນ​ຄ່ອຍ​ໄປ ຂໍ​ແຕ່​ວ່າ​ຢ່າ​ມາ​ກະ­ຕາກ​ແບບ​ບໍ່​ມີ​ໄຂ່​ໃຫ້​ສັງ­ຄົມ​ເຫັນ​ເລື້ອຍໆ ສິ່ງ​ທີ່​ຄວນ​ພິ­ຈາ­ລະ­ນາ​ຄື ເຮັດ​ແນວ­ໃດ​ຕ້ອງ​ລົງ​ໃຫ້​ເລິກ​ສະ­ທ້ອນ​ບັນ­ຫາ​ໃຫ້​ສັງ­ຄົມ​ມີ​ສະ­ຕິ ເຊິ່ງ​ບໍ່​ແມ່ນ​ຈະ​ຝົນ​ປາກ­ກາ​ໃຫ້​ໄດ້​ຫຼາຍ​ບົດ​ຢ່າງ​ດຽວ ຄວນ​ຈະ​ຝົນ​ສະ­ໝອງ​ໃຫ້​ແຫຼມ​ນຳ​ດ້ວຍ!.</p> <p style="text-align: justify;"> ສຳ­ຄັນ​ແມ່ນ​ຕ້ອງ​ກຳ​ໃຫ້​ແໜ້ນ​ກົດ­ໝາຍ ວ່າ​ດ້ວຍ​ສື່​ມວນ​ຊົນ ແລະ ຈັນ​ຍາ​ບັນ​ຂອງ​ນັກ​ຂ່າວ​ທີ່​ສະ­ມາ­ຄົມ​ນັກ​ຂ່າວ​ວາງ​ອອກ 10 ຂໍ້ ຖື​ວ່າ​ບັນ­ລຸ​ເປົ້າ​ໝາຍ.</p> <p style="text-align: justify;"> ເຊົາ​ສາ​ຂຽນ​ບົດ​ກ່າຍ​ພຸ້ນ​ກ່າຍ​ພີ້ ເອົາ​ຊື່​ແປະ​ໃສ່ ຄວນ​ລະ­ອາຍ​ເພິ່ນ​ແດ່ ? ບັນ­ນາ­ທິ­ການ​ກໍ່​ຄວນ​ເຂັ້ມ​ງວດ​ແດ່​ເນີ !.</p>

ຂ່າວທີ່ກ່ຽວຂ້ອງ