ຂ່າວຫຼ້າສຸດ

ລີເວີພູນ ເຊັນສັນຍາຄວ້າ ບາໂລເຕວລີ່ຮ່ວມທີມ 3 ປີຮຽບຮ້ອຍ

739 26 ສ.ຫ. 2014 ນານາກີລາໂລກ
ລີເວີພູນ ເຊັນສັນຍາຄວ້າ ບາໂລເຕວລີ່ຮ່ວມທີມ 3 ປີຮຽບຮ້ອຍ

        ລິເວີພູນ ທີ​ມຍິ່ງໃຫຍ່ແຫ່ງ​ເວທີພຣີເມຍລີກ ອັງກິດ ປະກາດຜ່ານເວັບໄຊເປັນທາງການຂອງສະໂມສອນ(www.liverpoolfc.com) ວ່າ ພວກເຂົາໄດ້ເຊັນສັນຍາຄວ້າຕົວ ມາຣິໂອ ບາໂລເຕວລີ ກອງໜ້າທີມຊາດອິຕາລີ ຈາກ ເອຊີ ມິລານ ຍອດທີມ​ແຫ່ງ​ອິຕາ​ລີ ມາເສີມທັບຢ່າງເປັນທາງການຮຽບຮ້ອຍແລ້ວ ເມື່ອວັນທີ 25 ສິງຫາທີ່ຜ່ານມາ ຫຼັງຜ່ານການກວດ​ຮ່າງກາຍ ແລະ ຕົກລົງເຊັນສັນຍາ​ໄລຍະຍາວກັບທີມ ສ່ົງຜົນໃຫ້ເຂົາເປັນນັກ​ເຕະ​ຄົນທີ 9 ​ເຊິ່ງ ລິເວີພູນ ຄວ້າຕົວມາເສີມທັບໃນ​ໄລຍະ​ພັກ​ຮ້ອນນີ້ ຕໍ່ຈາກ ຣິກກີ ແລມເບິດ, ອະດໍາ ລັນລານາ, ເດຢັນ ລອຟເຣນ, ເອັມເຣ ຊານ, ລາຊາ ມາໂຄວິຊ, ອັນແບໂຕ ໂມເຣໂນ, ຄາເວຍ ມານກິໂຢ ​ແລະ ດິວອກ ໂອຣິກິ.           ສຳລັບການຊື້-ຂາຍຄັ້ງນີ້ ລິເວີພູນ ບໍ່ໄດ້ເປີດເຜີຍຄ່າຕົວຂອງບາໂລເຕວລີ ອອກມາສູ່ສາທາລະນະຊົນ ແຕ່ສື່ຂອງ​ອັງກິດຄາດການວ່າ ລາຄາຢູ່ທີ່ປະມານ 16-17,5 ລ້ານປອນ ແລະ ບາໂລເຕວລີ ເລືອກສວມເສື້ອເບີ 45 ໝາຍເລກດຽວກັບທີ່ເຂົາເຄີຍໃສ່ລົງເຕະໃຫ້ ເອຊີ ມິລານ, ແມນ​ເຊ​ສ​ເຕີ ຊິຕີ ແລະ ອິນເຕີ ມິລານ ໃນການຫຼິ້ນໃຫ້ລິ​ເວີ​ພູນ.

ຂ່າວທີ່ກ່ຽວຂ້ອງ