ຂ່າວຫຼ້າສຸດ

ແມນເຊສເຕີ ຊີຕີ ຟອມເດັ່ນ ເປິດຖິ່ນຊະນະ ລິເວີພູນ 3-1

570 26 ສ.ຫ. 2014 ນານາກີລາໂລກ
ແມນເຊສເຕີ ຊີຕີ ຟອມເດັ່ນ ເປິດຖິ່ນຊະນະ ລິເວີພູນ 3-1

<p> <strong>​</strong><strong>​</strong>​<strong>ການ​ແຂ່ງຂັນ​ເຕະບານພຣີເມຍລີກ ອັງກິດ ນັດທີ </strong><strong>2 ຂອງລະດູການ 2014-15 ເມື່ອວັນຈັນທີ 25 ສິງຫາທີ່ຜ່ານມາ ເປັນເກມຍິ່ງ​ໃຫຍ່ປະຈຳອາທິດ ລະຫວ່າງ ແມນ​ເຊ​ສ​ເຕີ ຊິຕີ ທີມແຊັມເກ່ົາ ເປິດສະໜາມເອຕິຮັດ ພົບກັບທີມອັນດັບ 2 ທີ່ບຽດແຍ່ງແຊັມກັນໃນລະດູ​ການກ່ອນ ລິເວີພູນ ຜົນການແຂ່ງຂັນປາກົດວ່າ ແມນ​ເຊ​ສ​ເຕີ ຊິຕີ ສະ​ແດງ​ຄວາມ​ສາມາດໄດ້ຢ່າງສຸດຍອດ ເປິດຖິ່ນໄລ່ຍິງ ລິເວີພູນ 3-1 ເຈ້ົາຖິ່ນໄດ້ປະຕູຈາກ ສະເຕຟານ ໂຢເວຕິຊ ນາທີ 41 ແລະ 55, ເຊຄິໂອ ອະເກວໂຣ ນາທີ 68 ດ້ານຜູ້ມາຢາມຕີໄຂ່ແຕກໄດ້ຈາກການ​ເຮັດເຂ້ົາປະຕູຕົວເອງຂອງ ພາໂບວ ຊາບາເລຕາ ນາທີ 83 ໂດຍ​ໄລຍະທ້າຍເກມ ລິ​ເວີ​ພູນ ຕ້ອງເຫຼືອຜູ້ຫຼິ້ນພຽງແຕ່ສິບຄົນ ເມື່ອ ເກລັນ ຈອນສັນ ມີບັນຫາບາດເຈັບຫຼິ້ນຕໍ່ບໍ່ໄຫວ ແຕ່ທີມປ່ຽນຕົວສຳຮອງຄົບໂຄວຕາ 3 ຄົນແລ້ວ ຊໍ້າ​ບໍ່ພໍ ກ່ອນໝົດເວລາບໍ່​ເທົ່າ​ໃດນາທີ ອັນແບໂຕ ໂມເຣໂນ ແບັກຊ້າຍຕົວໃໝ່ ຊາວ​ແອັດ​ສະ​ປາຍ ມີບັນຫາຂໍ້ຕີນພິກອີກ ​ແຕ່ວ່າ ຕ້ອງທົນເຈັບລົງມາຫຼິ້ນຕໍ່ ບໍ່ສະນັ້ນ ລິເວີພູນ ຈະເຫຼືອນັກເຕະພຽງແຕ່ 9 ຄົນເທ່ົານັ້ນ.</strong></p> <p>           ​ໄຊຊະນະນັດນີ້​ເຮັດໃຫ້ ແມນ​ເຊ​ສ​ເຕ ຊິຕີ ຄວ້າ​ໄຊ 2 ນັດລວດ ມີ 6 ຄະແນນເຕັມເທ່ົາກັບ ສະເປີ ແລະ ເຊວຊີ ຄອງອັນດັບທີ 2 ຮ່ວມກັບ ເຊວຊີ ເນື່ອງຈາກມີຜົນຕ່າງປະຕູໄດ້ເສຍເທ່ົາກັນ ໄດ້ 5 ເສຍ 1 ທາງ ລິເວີພູນ ​ເສຍນັດທໍາ​ອິດ ມີ 3 ຄະແນນຈາກ 2 ນັດ ຄອງອັນດັບທີ 9 ຂອງຕາຕະລາງ ແລະ ເປັນຄວາມປະລາ​ໄຊໃນເກມຢາມນັດທໍາ​ອິດຂອງລິ​ເວີ​ພູນໃນປີ 2014.</p>

ຂ່າວທີ່ກ່ຽວຂ້ອງ