ລະ­ວັງ​ຢາ​ສະ­ຫຼົບ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ປາ­ກົດ­ການ​ຫຍໍ້­ທໍ້​ທີ່​ກາຍ­ເປັນ​ບັນ­ຫາ​ຂອງ​ສັງ­ຄົມ​ດຽວ­ນີ້ ເກີດ​ຂຶ້ນ​ໃຫ້​ເຫັນ ພວກ​ໂຈນ​ນຳ​ໃຊ້​ເຕັກ­ນິກ ແລະ ວິ­ທີ​ການ​ໃໝ່ໆ​ມາ​ນຳ​ໃຊ້ ໂດຍ​ສະ­ເພາະ​ໃນ​ສັງ­ຄົມ​ເມືອງ​ທີ່​ມີ​ຄົນ​ຫຼັ່ງ­ໄຫຼ​ເຂົ້າ​ມາ​ອາ­ໄສ​ຢູ່​ຢ່າງ​ຫຼວງ­ຫຼາຍ ແລະ ແອ​ອັດ ເຊິ່ງ​ເຮັດ​ໃຫ້​ພວກ​ຄົນ​ບໍ່​ດີ​ອາ­ໄສ​ຊ່ອງ​ຫວ່າງ​ຕ່າງໆ ເປັນ­ຕົ້ນ​ຂີ້­ລັກ​ງັດ​ແງະ ເພື່ອ​ເອົາ​ຊັບ​ສິນ​ຂອງ​ປະ­ຊາ­ຊົນ​ໂດຍ​ຍັງ​ມີ​ຫຼາຍ​ກໍ­ລະ­ນີ​ຍັງ​ລອຍ​ນວນ ແລະ ເບິ່ງ​ຄື​ວ່າ​ປາ­ກົດ­ການ​ແບບ​ນີ້​ໄດ້​ທ້າ​ທາຍ​ອຳ­ນາດ​ກົດ­ໝາຍ​ບ້ານ​ເມືອງ​ຫຼາຍ​ຂຶ້ນ ແຕ່​ຄິດ​ວ່າ​ໄປ​ບໍ່​ລອດ.</p> <p style="text-align: justify;"> ທ່ານ​ຜູ້​ອ່ານ​ຫຼາຍ​ທ່ານ​ຄື​ຊິ​ໄດ້​ຮູ້​ເຫັນ​ກ່ຽວ​ກັບ​ຂ່າວ​ຮ້າຍ​ຕ່າງໆ​ທີ່​ເກີດ​ຂຶ້ນ​ໃນ​ສັງ­ຄົມ ເຊັ່ນ: ໄວ​ລຸ້ນ​ຂີ່​ລົດ​ແຂ່ງ​ກັນ ແກ້ງ​ລັກ​ລົດ ຫຼື ປຸ້ນ​ຈີ້​ບ່ອນ​ທາງ​ປ່ຽວ ເຊິ່ງ​ບໍ່​ເວັ້ນ​ທຸກ​ປະ­ເພດ​ຂອງ​ລົດ ໃນ​ຈຳ­ນວນ​ຫຼາຍ​ຄະ­ດີ​ທາງ​ເຈົ້າ​ໜ້າ­ທີ່​ກ່ຽວ­ຂ້ອງ​ແມ່ນ​ໄດ້​ສືບ­ສວນ​ຈັບ​ໄດ້​ໄລ່​ທັນ ແລະ ຜູ້​ກໍ່​ເຫດ​ແມ່ນ​ຖືກ​ລົງ­ໂທດ​ຕາມ​ກົດ­ໝາຍ ແຕ່​ກໍ່​ຍັງ​ມີ​ພວກ​ຂີ້​ຢາ (ເສບ​ຢາ​ບ້າ) ເມື່ອ​ຂາດ​ເງິນ​ໝົດ​ຊັບ​ແລ້ວ​ກໍ່​ພາ­ກັນ​ອອກ​ຫາ​ລັກ​ບໍ່​ເລືອກ​ເວ­ລາ​ສະ­ຖານ­ທີ່.</p> <p style="text-align: justify;"> ຖ້າ​ໃຜ​ຕິດ­ຕາມ​ອ່ານ­ໜັງ­ສື​ພິມ​ປະ­ຈຳ​ຈະ​ຮູ້​ໄດ້​ວ່າ: ມີ​ຄະ­ດີ​ຂີ້­ລັກ​ຊັບ​ເກີດ​ຂຶ້ນ​ທີ່​ບ້ານ​ໜອງ​ທາ​ເໜືອ (ໜັງ­ສື­ພິມ​ເສດ­ຖະ­ກິດŒສັງ­ຄົມ 5/8/ 2014) ເມືອງ​ຈັນ­ທະ​ບູ​ລີ ເຊິ່ງ​ລວມ​ມູນ​ຄ່າ​ທີ່​ຊັບ​ສິນ​ເສຍ​ຫາຍ​ກວ່າ 20 ລ້ານ​ກີບ ໃນ​ຄືນ​ເກີດ​ເຫດ ເຈົ້າ​ຂອງ​ເຮືອນ​ພ້ອມ​ດ້ວຍ​ຄອບ­ຄົວ​ນອນ​ຫຼັບ​ສະ­ໜິດ​ກະ­ແຈ​ເຮືອນ​ທາງ​ຫ້ອງ​ຄົວ​ຖືກ​ງັດ​ມ້າງ​ແຕກ​ກະ­ຈາຍ ປະ­ຕູ​ເຮືອນ​ຖືກ​ໄຂ​ໄວ້​ທັງ​ເບື້ອງ​ໜ້າ ແລະ ຫຼັງ ທ້າວ ເກີດ​ຂວັນ​ໃຈ ມາ­ລີ​ຈັນ ນັກ​ຂ່າວ​ສຳ­ນັກ​ຂ່າວ­ສານ​ປະ­ເທດ​ລາວ (ຜູ້​ເສຍ​ຫາຍ) ກວດ­ເບິ່ງ​ຊັບ​ສິນ​ເສຍ​ຫາຍ ລົດ­ຈັກ​ສະ​ແມັດ 1 ຄັນ ຄອມ​ພິວ​ເຕີ​ໂນດ​ບຸກ 2 ໜ່ວຍ ໂທລະ­ສັບ​ໄອ​ໂຟນ 2 ໜ່ວຍ ກ້ອງ­ຖ່າຍ­ຮູບ 2 ໜ່ວຍ ຜູ້​ເສຍ​ຫາຍ​ເວົ້າ​ຕື່ມ​ວ່າ: ຄືນ​ນັ້ນ​ຫຼັງ​ຈາກ​ຕື່ນ​ມາ​ເຫັນ​ເຫດ­ການ​ແລ້ວ​ຮູ້­ສຶກ​ວ່າ ມີ​ອາ­ການ​ຄ້າຍ­ຄື​ຖືກ​ຄວັນ​ຢາ­ເບື່ອ​ເມົາ ເຊິ່ງ​ຜູ້­ກ່ຽວ​ເອງ​ຄາດ​ວ່າ​ເປັນ​ການ​ຈູດ​ທູບ​ເປົ່າ​ຄວັນ​ທີ່​ມີ​ຢາ​ສະ­ຫຼົບ​ເຂົ້າ​ໃນ​ເຮືອນ ເຮັດ​ໃຫ້​ຄົນ​ໃນ​ເຮືອນ­ນອນ​ຫຼັບ​ສະ­ໜິດ ແລ້ວ​ໂຈນ​ກໍ່​ໄດ້​ໂອ­ກາດ​ລົງ­ມື​ລັກ​ຊັບ ຜູ້​ຂຽນ​ໄດ້​ມີ​ໂອ­ກາດ​ໄດ້​ຟັງ​ຜູ້​ເສຍ​ຫາຍ​ອະ­ທິ­ບາຍ​ສູ່​ຟັງ​ວ່າ: ພວກ​ຂີ້​ຢາ (ຂີ້­ລັກ) ປະ­ເພດ​ນີ້​ມີ​ຫຼາຍ​ແບບ ຄື: ພວກ​ຂີ້​ຢາ​ລັກ​ກາງ­ເວັນ ແລະ ກາງ­ຄືນ ເພາະ​ຕິດ​ຢາ​ເສບ​ຕິດ ແລະ ຫຼິ້ນ​ກິນ​ຟຸມ​ເຟືອຍ.</p> <p style="text-align: justify;"> ເລື່ອງ​ທີ່​ເກີດ​ຂຶ້ນ​ຂ້າງ​ເທິງ​ນີ້ ຈຶ່ງ​ເປັນ​ຕົວ­ຢ່າງ​ໃຫ້​ຫຼາຍ​ຄົນ​ທີ່­ຢູ່​ໃນ​ສັງ­ຄົມ​ຮ່ວມ​ກັນ​ຕ້ອງ​ໄດ້​ລະ­ວັງ​ຕົວ ມີ​ສະ­ຕິ ແລະ ຕັກ­ເຕືອນ​ລູກ​ຫຼານ​ບໍ່​ໃຫ້​ປະ­ໝາດ ຫຼື ບາງ​ກໍ­ລະ­ນີ ຖ້າ​ລູກ​ຫຼານ​ຕິດ​ຢາ​ກະ​ບໍ່​ຄວນ​ປິດ​ບັງ​ເຈົ້າ​ໜ້າ­ທີ່ ຄວນ​ສົ່ງ​ໄປ​ດັດ​ສ້າງ​ປິ່ນ­ປົວ​ຕາມ​ນະ­ໂຍ­ບາຍ​ແກ້​ບັນ­ຫາ​ສະ­ເພາະ​ດ້ານ​ນີ້ ເພື່ອ​ບໍ່​ໃຫ້​ເປັນ​ໄພ​ແກ່​ສັງ­ຄົມ ຫຼື ບໍ່​ດັ່ງ­ນັ້ນ​ກໍ່​ເປັນ​ໄພ​ແກ່​ຕົນ​ເອງ​ໃນ​ຄອບ­ຄົວ​ບູ­ຮານ​ເວົ້າ​ວ່າ: ລ້ຽງ​ງູ​ເຫົ່າ​ງູ​ສາ​ໄວ້​ກິນ​ໄກ່...ບາງ​ກໍ­ລະ­ນີ ເຈົ້າ​ໜ້າ­ທີ່​ຕຳ­ຫຼວດ​ເພິ່ນ​ກໍ່​ໜັກ​ໃຈ​ທີ່​ຈະ​ແກ້​ບັນ­ຫາ​ດັ່ງ­ກ່າວ ແລະ ໃນ​ກໍ­ລະ­ນີ​ທີ່​ເຮືອນ​ຂອງ​ທ້າວ ເກີດ​ຂວັນ​ໃຈ ມາ­ລີ​ຈັນ ນີ້ ເຈົ້າ​ໜ້າ­ທີ່​ຕຳ­ຫຼວດ​ເພິ່ນ​ໄດ້​ດຳ­ເນີນ​ກວດ​ຄະ­ດີ​ຄືບ​ໜ້າ​ໄປ​ຫຼາຍ​ແລ້ວ.</p> <p style="text-align: justify;"> ຜູ້​ຂຽນ​ຫວັງ​ວ່າ​ ໝູ່​ເພື່ອນ​ເຮັດ​ໜ້າ­ທີ່​ສື່​ມວນ​ຊົນ​ອື່ນໆ​ຄວນ​ເນັ້ນ​ຕີ​ຖອຍ​ປາ­ກົດ­ການ​ຫຍໍ້­ທໍ້​ຂອງ​ສັງ­ຄົມ​ແບບ​ນີ້​ຫຼາຍ​ຂຶ້ນ ເປັນ​ກະ­ບອກ​ສຽງ​ໃຫ້​ສັງ­ຄົມ​ໄດ້​ຮູ້​ຄວາມ​ຈິງ ແລະ ມີ​ສະ­ຕິ​ຫຼາຍ​ຂຶ້ນ ເພາະ​ຄົນ​ຢູ່​ໃນ​ສັງ­ຄົມ​ຫຼາຍ​ຂຶ້ນ​ຍ່ອມ​ມີ​ບັນ­ຫາ​ຕາມ​ມາ.</p> <p style="text-align: justify;"> ສະ­ນັ້ນ ຄວນ​ເພີ່ມ​ສະ­ຕິ​ລະ­ວັງ​ຕົວ​ໃຫ້​ສູງ​ຂຶ້ນ​ສິ່ງ​ທີ່​ສຳ­ຄັນ​ແມ່ນ​ຕ້ອງ​ໃກ້­ຊິດ​ກັບ​ອຳ­ນາດ​ການ​ປົກ­ຄອງ​ບ້ານ ເພາະ​ພວກ​ເພິ່ນ​ກຳ​ບັນ­ຫາ​ໄດ້​ດີ​ເລື່ອງ​ນີ້​ໜ້າ​ໜັກ​ໃຈ​ເພາະ​ຖືກ​ໃຜ​ກໍ່​ບໍ່​ດີ ທັງ​ນັ້ນ ?.</p>