ຂ່າວຫຼ້າສຸດ

ແມນຢູ ກຽມຄວ້າຕົວດິມາເຣຍ ປີກມາດຣິດ ຄ່າຕົວສູງສຸດຂອງເກາະອັງກິດ

549 25 ສ.ຫ. 2014 ນານາກີລາໂລກ
ແມນຢູ ກຽມຄວ້າຕົວດິມາເຣຍ ປີກມາດຣິດ ຄ່າຕົວສູງສຸດຂອງເກາະອັງກິດ

<h1>         ສື່ອັງກິດ ​ເປີດເຜີຍວ່າ ອັງເຄວ ດິ ມາເຣຍ ປີກຊາວອາກຊັງ​ຕິນຂອງຣີວ ມາດຣິດ ຕົກລົງໃຈທີ່ຈະຍ້າຍໄປຮ່ວມທີມແມນ​ເຊ​ສ​ເຕີ ຢູ​ໄນ​ເຕັດແລ້ວ ດ້ວຍຄ່າຕົວ 64 ລ້ານປອນ.</h1> <h1>           ດິ ມາເຣຍຕົກເປັນຂ່າວມາຢ່າງຕໍ່ເນື່ອງວ່າ ຕ້ອງການຍ້າຍອອກຈາກ ຣີວ ມາດຣິດແລະ ສະແດງຄວາມຕ້ອງການຍ່າຍມາຫຼິ້ນໃນອັງກິດ ຫຼ້າສຸດ “ເດິະ ມິເຣີ”ລາຍງານວ່າ ປີກ​ໄວ 26ປີ ຕົກລົງໃຈທີ່ຈະຍ້າຍໄປຮ່ວມທີມແມນຢູ ເປັນທີ່ແນ່ນອນແລ້ວ ຫຼັງການເຈລະຈາກັບແມນ​ເຊ​ສ​ເຕີ ຊິຕີ ທີມຮ່ວມເມືອງຂອງ​ແມນ​ຢູ ບໍ່ປະສົບຄວາມສຳເລັດ ຄາດວ່າຈະມີຄ່າຕົວປະມານ 64 ລ້ານປອນ​ເຊິ່ງຈະກາຍເປັນນັກເຕະຄ່າຕົວແພງທີ່ສຸດໃນເກາະອັງກິດຄົນໃໝ່ ທຳລາຍສະຖິຕິທີ່ເຊວຊີ ຈ່າຍ 50 ລ້ານປອນ ຊື້ຕົວ ເຟີນັນໂດ ຕໍເຣສ ມາຈາກລິເວີພູນ ເມື່ອປີ 2011.</h1> <h1>         ມີລາຍງານວ່າ ຄວາມຈິງແລ້ວ ດິ ມາເຣຍຕ້ອງການຍ້າຍໄປຫຼິ້ນໃຫ້ກັບທີມ​ແມນ​ເຊ​ສ​ເຕີ ຊີ​ຕີ ຫຼາຍກວ່າ ເພື່ອຮ່ວມງານກັບໝູ່ຄູ່ຮ່ວມທີມຊາດອາກຊັງ​ຕິນ ຢ່າງ ພາໂບນ ຊາບາເລຕາ ແລະ ເຊີຈິໂອ ອະເກວໂຣ ແຕ່ທາງແມນ​ເຊ​ສ​ເຕີ ຊິຕີ ບໍ່ສົນໃຈໃນຕົວຂອງ ດິ ມາເຣຍ.</h1> <h1>         “ຄວາມຈິງແລ້ວ ເຮົາໄດ້ພິຈາລະນາຄວາມເປັນໄປໄດ້ທີ່ຈະເຊັນ ດິ ມາເຣຍ ເໝືອນກັນ ເພາະເຂົາຕ້ອງການຍ້າຍມາຢູ່ກັບເຮົາ ແຕ່ສັນຍາມູນຄ່າກວ່າ 75 ລ້ານ​ເອີໂຣ ແລະ ບວກຂໍ້ສະເໜີອື່ນອີກ 10 ລ້ານ​ເອີໂຣ ມັນສູງເກີນໄປ ​ເຮັດໃຫ້ການເຊັນສັນຍານີ້ບໍ່ໄດ້ເກີດຂຶ້ນ” ແຫຼ່ງຂ່າວລະດັບສູງໃນທີມແມນ​ເຊ​ສ​ເຕີ ຊິຕີ ກ່າວ.</h1> <h1>         “ເດິະ ມິເຣີ”ລາຍງານວ່າ ດິ ມາເຣຍ ບອກກັບໝູ່ຄູ່ໃນ​ແອັດ​ສະ​ປາຍວ່າ ໄດ້ຍອມຮັບຄ່າເມື່ອຍອາທິດລະ 190.000 ປອນແລະ ຄາດວ່າຈະໄດ້ສວມເສື້ອໝາຍເລກ 7 ໃນທີມແມນຢູດ້ວຍ.</h1> <h1>         ຂະນະດຽວກັນມີລາຍງານວ່າ ແດນນີ ເວວເບກກອງໜ້າທີມຊາດອັງກິດອາດຈະຍ້າຍອອກຈາກທີມ​ແມນ​ຢູ ດ້ວຍການຍ້າຍໄປຮ່ວມທີມທອດ​ແນ່​ມ ຮອດສະເປີ ຄາດວ່າຈະມີຄ່າຕົວປະມານ 15 ລ້ານປອນ ຫຼືອາດຈະຍ້າຍໄປຮ່ວມທີມແບບຢືມຕົວ ໂດຍ ມົວຣິຊິໂອ ໂປເຊັດຕິໂນ ຜູ້​ຈັດການ​ທີ​ມ ທອດ​ແນ່​ມ ຮອດ​ສະ​ເປີ ຕ້ອງການໃຫ້ ເວວເບກ ໄປຢືນເປັນກອງໜ້າຕົວເປົ້າ ເພື່ອເສີມ​ເກ​ມບຸກຂອງທີມ ແລະ ຕ້ອງການໄດ້ຕົວກ່ອນຕະຫຼາດຂາຍນັກເຕະຈະປິດລົງໃນທ້າຍເດືອນນີ້ດ້ວຍ.</h1>

ຂ່າວທີ່ກ່ຽວຂ້ອງ