ຂ່າວຫຼ້າສຸດ

ຊັນເດີແລນ ວາງແຜນມາດີ ໄລ່ຕີສະເໝີແມນຢູສໍາເລັດ

637 25 ສ.ຫ. 2014 ນານາກີລາໂລກ
ຊັນເດີແລນ ວາງແຜນມາດີ ໄລ່ຕີສະເໝີແມນຢູສໍາເລັດ

<p> <strong>​</strong><strong>​</strong>​<strong>ແມນ​ເຊ​ສ​ເຕີ ຢູ​ໄນ​ເຕັດ ຟອມຢັງຝືດ ບຸກສະ​ເໝີ ຊັນ​ເດີ​ແລນ </strong><strong>1-1 ລົງເຕະ 2 ນັດ ຫາ​ກໍມີພຽງ​ແຕ່ຄະແນນດຽວ ຄອງອັນດັບທີ 13 ຂອງຕາຕະລາງພຣີເມຍລີກ.</strong></p> <p>         ການ​ແຂ່ງຂັນ​ເຕະບານພຣີເມຍລີກ ອັງກິດ ເມື່ອວັນອາທິດທີ 24 ສິງຫາ ຊັນເດີແລນ ເປິດສະໜາມສະເຕດຽມ ອອຟ ໄລ ຕ້ອນຮັບການມາຢາມຂອງ ແມນເຊສເຕີ ຢູໄນເຕັດ ຮູບເກມ 15 ນາທີທໍາ​ອິດ ເຈົ້າຖິ່ນເດີນເຄື່ອງປູພົມບຸກຢູ່​ເກືອບຈະຂ້າງດຽວ ແຕ່ຈັງຫວະຈົບປະຕູບໍ່ສຽບຄົມ ນາທີ 17 ທີມຢາມໄດ້ບຸກເປັນນ້ຳເປັນເນື້ອຄັ້ງທໍາ​ອິດເປັນປະຕູທັນທີ ຈາກ ຮວນ ມາຕາ ຫຼັງຂຶ້ນນຳ ​ແມນ​ຢູຟອມດີຂຶ້ນມາທັນທີ ແຕ່ ຊັນ​ເດີ​ແລນຫຼິ້ນໃນບ້ານບໍ່​ຍອມງ່າຍໆ ນາທີ 30 ແຈັກ ຣັອດເວວ ໄລ່ຕາມຕີສະເໝີໃຫ້ເຈົ້າບ້ານສຳເລັດ ​ໄລຍະເວລາທີ່ເຫຼືອ​ເຮັດ​ຫຍັງກັນເພີ່ມບໍ່ໄດ້ ຄົບ 90 ນາທີ ສະ​ເໝີກັນ 1-1 ​ເຮັດໃຫ້ລົງເຕະ 2 ນັດ ​ແມນ​ຢູມີພຽງ​ແຕ່​ຄະ​ແນນ​ດຽວ ຄອງອັນດັບທີ 13 ຂອງຕາຕະລາງ ຝັ່ງຊັນ​ເດີ​ແລນ ລົງຫຼິ້ນ 2 ນັດ ມີ 2 ຄະແນນ ຢູ່ອັນດັບທີ 11 ຂອງຕາຕະລາງ .</p> <p>         ໂດຍທັງຄູ່ຍັງສະກົດຄຳວ່າຊະນະບໍ່ເປັນ ຜົນຄູ່ອື່ນໆ ສະເປີ ຊະນະ ຄວີນປາກ ເຣນເຈີ 4-0, ຮັນ ຊິຕີ ສະ​ເໝີ ສະໂຕກ ຊິຕີ 1-1.</p>

ຂ່າວທີ່ກ່ຽວຂ້ອງ