ຂ່າວຫຼ້າສຸດ

ອຸທອນໄຮ້ຜົນ ! ຟີຟ່າຢືນຢັນລົງໂທດບາເຊໂລນ່າ ຫຍຸ້ງຕະຫຼາດຊື້ຂາຍຕະຫຼອດປີໜ້າ

572 21 ສ.ຫ. 2014 ນານາກີລາໂລກ
ອຸທອນໄຮ້ຜົນ ! ຟີຟ່າຢືນຢັນລົງໂທດບາເຊໂລນ່າ ຫຍຸ້ງຕະຫຼາດຊື້ຂາຍຕະຫຼອດປີໜ້າ

<h1>         ສະຫະພັນ​ເຕະບານ​ລະຫວ່າງປະເທດ (ຟີຟ່າ) ຖະແຫຼງການຢືນຢັນປະຕິເສດຄຳອຸທອນຈາກບາເຊໂລນ່າ ໃນກໍລະນີເລື່ອງຫ້າມຊື້ຂາຍນັກເຕະ 2 ​ໄລຍະເປີດຕະຫຼາດ ຫຼັງກ່ອນໜ້ານີ້ລະເມີດກົດເຊັນສັນຍານັກເຕະເຍົາວະຊົນອາຍຸຕ່ຳກວ່າ 18 ປີເຂົ້າທີມ.</h1> <h1>           ບາເຊໂລນ່າ ແລະ ສະມາຄົມ​ເຕະບານ​​ແອັດ​ສະ​ປາຍ ( RFEF )ຍື່ນຄໍາອຸທອນໄປຍັງສະຫະພັນ​ເຕະບານ​ລະຫວ່າງປະເທດ ຫວັງຫຼຸດໂທດຫ້າມຊື້ຂາຍນັກເຕະສອງ​ໄລຍະການເປີດຕະຫຼາດ ຫຼັງທີມ​ເຮັດຜິດກົດເຊັນສັນຍານັກເຕະເຍົາວະຊົນອາຍຸຕ່ຳກວ່າ 18 ປີເຂົ້າທີມ ໂດຍຫຼ້າສຸດນັ້ນ ຟີຟ່າຖະແຫຼງຢືນຢັນໂທດຂອງ ບາເຊໂລນ່າຍັງຄົງມີຕາມເດີມ ໂດຍຈະເລີ່ມມີຜົນຕັ້ງແຕ່ເດືອນມັງກອນປີ 2015 ເປັນຕົ້ນໄປ. </h1> <h1>           ທີ່ຈິງແລ້ວ ບົດລົງໂທດດັ່ງກ່າວມີວາລະເລີ່ມໜ້າຮ້ອນນີ້ ແຕ່ເນື່ອງຈາກບາ​ເຊ​ໂລ​ນ່າຍື່ນເລື່ອງອຸທອນ ​ເຮັດໃຫ້ຟີຟ່າເລື່ອນການບັງຄັບໃຊ້ອອກໄປກ່ອນ ​ເຮັດໃຫ້ ບາເຊໂລນ່າ ສາມາດຊື້ຂາຍນັກ​ເຕະ​ໄລຍະ​ພັກ​ຮ້ອນນີ້ໄດ້.</h1> <h1>           ນອກຈາກນີ້ແລ້ວ ຟີຟ່າຍັງປັບ​ໄໝເງິນທີ​ມບາ​ເຊ​ໂລ​ນ່າ450.000 ສວິສຟຣັງ ແລະ ໃຫ້ເວລາບາ​ເຊ​ໂລ​ນ່າ 90 ວັນເພື່ອແກ້ໄຂສະຖານະການຂອງນັກເຕະທຸກຄົນທີ່ກ່ຽວເນື່ອງກັບເຫດການຄັ້ງນີ້ໃຫ້ຖືກຕ້ອງຕາມກົດໝາຍດ້ວຍ.</h1> <h1>           ຂະນະດຽວກັນ ຟີຟ່າຍັງສັ່ງປັບ​ໄໝສະມາຄົມ​ເຕະບານ​ແອັດ​ສະ​ປາຍ 900.000 ສວິສຟຣັງດ້ວຍ ໃນຖານະທີ່ມີສ່ວນຮ່ວມກະທຳຄວາມຜິດ ແລະ ມີເວລາ 12 ເດືອນເພື່ອຈັດການເລື່ອງທັງໝົດໃຫ້ເປັນໄປຕາມກົດໝາຍ.</h1> <h1>  </h1>

ຂ່າວທີ່ກ່ຽວຂ້ອງ