ຂ່າວຫຼ້າສຸດ

ຜ່ານ !! FIA ອະນຸມັດ "ຣັດເຊຍ" ແຂ່ງເອຟວັນຕໍ່

688 21 ສ.ຫ. 2014 ນານາກີລາໂລກ
ຜ່ານ !! FIA ອະນຸມັດ "ຣັດເຊຍ" ແຂ່ງເອຟວັນຕໍ່

<p> <strong>​</strong><strong>​</strong><strong>ສະຫະພັນຍານຍົນນານາຊາດ ຫຼື ເອຟໄອເອ (</strong><strong>FIA) ເປີດໄຟຂຽວໃຫ້ ຣັດເຊຍ ຮັບໜ້າທີ່ເປັນເຈົ້າພາບຈັດການແຂ່ງຂັນ "ຣັດເຊຍ ກຣັງ ປຣີ" ທີ່ສະໜາມ ໂຊຊິ ອໍໂຕໂດຣມ ໄດ້ຕາມກຳນົດເດີມ ຄືວັນທີ 12 ຕຸລານີ້ ຫຼັງຜ່ານການກວດສອບເລື່ອງຄວາມປອດ​ໄພຈາກເຈົ້າໜ້າທີ່ຮຽບຮ້ອຍ.</strong></p> <p> ຫຼັງມີເຫດເຮື​ອບິນຂອງສາຍ​ການບິນ ມາເລເຊຍ ຖ້ຽວບິນ MH17 ຈາກ ອໍາສະເຕີດໍາ ​ເຖິງ ກົວລາລໍາເປີ ຖືກຍິງຕົກພື້ນທີ່ຕາ​ເວັນອອກຂອງອູ​ແກຣນ ເມື່ອເດືອນກໍລະ​ກົດທີ່ຜ່ານມາ ​ເຊິ່ງຢູ່ຫ່າງຈາກສະໜາມພຽງ 335 ໄມ ​ເຮັດໃຫ້ນັກການເມືອງຫຼາຍຝ່າຍຮຽກຮ້ອງໃຫ້ເລື່ອນແຂ່ງ ເອຟວັນ ອອກໄປກ່ອນ.</p> <h1>           ​ເຮັດໃຫ້ ເອຟໄອເອ ສ່ົງທີມງານລົງໄປກວດສອບ ໂຊຊິ ອໍໂຕໂດຣມ ລວມ​ເຖິງພື້ນທີ່ຮອບຂ້າງເພື່ອກວດຄວາມພ້ອມຕ່າງໆ ຫຼ້າສຸດ ທ່ານ ຊາລີ ໄວຕິງ ຜູ້ອໍາ​ນວຍ​ການຝ່າຍແຂ່ງຂັນ ເອຟວັນ ຢືນຢັນວ່າການແຂ່ງຂັນ ຣັດ​ເຊຍ ກຣັງ ປຣີ ຈະດຳເນີນຕາມໂປຣແກຣມເດີມ ເນື່ອງຈາກຜ່ານການກວດສອບມາດຕະຖານທຸກສ່ວນແລ້ວ.</h1> <h1>           "ຈາກການກວດສອບພົບວ່າສະໜາມແຂ່ງຂັນຢູ່ໃນສະພາບສົມບູນຫຼາຍ ບໍ່ວ່າຈະຂອບສະໜາມ ຫຼືຮົ້ວກັ້ນ ​ເຊິ່ງຂ້ອຍພໍໃຈຫຼາຍ ດັ່ງນັ້ນ ທຸກຢ່າງຈະເປັນໄປຕາມແຜນເດີມ ແລະ ບອກໄດ້ເລີຍວ່າສະໜາມແຫ່ງນີ້ຈະພ້ອມສຳລັບການແຂ່ງຂັນໃນອີກ 60 ວັນຂ້າງໜ້າ" ທ່ານ ໄວຕິງ ກ່າວ.</h1> <p>           ສ່ວນ ທ່ານ ເຊີຈີ ໂວໂຣບາເຢຟ ປະທານຈັດແຂ່ງ ຣັດ​ເຊຍ ກຣັງ ປຣີ ​ເປີດ​ເຜີຍວ່າ ຮູ້ສຶກດີ​ໃຈຫຼາຍທີ່ໄດ້ຮັບໄຟຂຽວຈາກທີມງານໃຫ້ຈັດຕໍ່ໄດ້ "ເຮົາກຽມຄວາມພ້ອມທຸກຢ່າງເພື່ອໃຫ້ທ່ານ ໄວຕິງ ແລະ ທີມງານເຂົ້າມາກວດສອບ ແລະ ເຮົາກໍຮູ້ສຶກຍິນດີທີ່ຜົນການຕັດສິນເປັນເຊີງບວກ ​ເຊິ່ງເປົ້າໝາຍຂອງເຮົາຄືຕ້ອງການໃຫ້ຜູ້ຊົມຮູ້ສຶກປະທັບໃຈແບບບໍ່​ຮູ້ລືມ ແລະ ຈະອຳນວຍຄວາມສະດວກຢ່າງເຕັມທີ່ສຳລັບຜູ້ມາຢາມທຸກຄົນ".</p>

ຂ່າວທີ່ກ່ຽວຂ້ອງ