“ໂຣໂຮ” ມາແລ້ວ ກວດຮ່າງກາຍກັບແມນຢູ ກ່ອນເຊັນ 4 ປີ

718 20 ສ.ຫ. 2014 ນານາກີລາໂລກ
“ໂຣໂຮ” ມາແລ້ວ ກວດຮ່າງກາຍກັບແມນຢູ ກ່ອນເຊັນ 4 ປີ

<h1>         ເດລີ່ ເມວ ສື່ຊື່ດັງຂອງເກາະອັງກິດ ຕີ​ແຜ່ຂ່າວ ມາກອສ ໂຣໂຮ ກອງ​ຫຼັງ ສະປໍຕິງ ລິສບອນ ໄດ້ມາ​ເຖິງປະ​ເທດ​ອັງກິດແລ້ວ ເພື່ອກຽມດຳເນີນຂັ້ນຕອນສຳລັບການຍ້າຍມາຢູ່ກັບ ແມນ​ເຊ​ສ​ເຕີ ຢູໄນເຕັດ ຫລັງຈາກທັງ 2 ທີມຕົກລົງເລື່ອງຄ່າຕົວໄດ້ຮຽບຮ້ອຍ.</h1> <h1>           ມາກອສ ໂຣໂຮກອງຫຼັງຊາວອາກຊັງ​ຕິນຂອງ ສະປໍຕິງ ລິສບອນ ສະໂມສອນ​ແຂງແກ່ນແຫ່ງເວທີ ພຣີເມຍຣ່າ ລີກາ ປອກຕຸຍ​ການ ເດີນທາງມາ​ເຖິງເມືອງແມນເຊສເຕີແລ້ວ ເພື່ອກຽມເຂົ້າຮັບການກວດ​ຮ່າງກາຍ ແລະ ເຈລະຈາເງື່ອນໄຂສ່ວນຕົວສຳລັບການຍ້າຍມາຢູ່ກັບ ແມນເຊສເຕີ ຢູໄນເຕັດ ທີ​ມຍິ່ງໃຫຍ່ແຫ່ງ​ເວທີ ພຣີເມຍລີກ ອັງກິດ ຕາມລາຍງານຂອງ ເດລີ່ ເມວ ສື່ຊື່ດັງຂອງອັງກິດ.</h1> <h1>           ຫຼັງຈາກການເຈລະຈາເປັນໄປຢ່າງຍາວນານ ໃນທີ່ສຸດ ແມນ​ເຊ​ສ​ເຕີ ຢູໄນເຕັດກໍຫາຂໍ້ຕົກລົງເລື່ອງຄ່າຕົວຂອງດາວເຕະ​ໄວ 24 ປີ ກັບທາງ ສະປໍຕິງ ໄດ້ຮຽບຮ້ອຍ ເມື່ອວັນອັງຄານທີ 19 ສິງຫາທີ່ຜ່ານມາ ໂດຍສື່ເຊື່ອກັນວ່າຢູ່ທີ່ 16 ລ້ານປອນ.</h1> <h1>         ທັງນີ້ ຂັ້ນຕອນທີ່ເຫຼືອຢູ່ມີພຽງລໍຖ້າໃຫ້ ໂຣໂຮ ຜ່ານການກວດ​ຮ່າງກາຍແລະ ຕົກລົງເງື່ອນໄຂສ່ວນຕົວກັບ ​ແມນ​ຢູ ໃຫ້ໄດ້ເທົ່ານັ້ນ ແລະ ຫຼ້າສຸດສື່ກໍຈັບພາບໄດ້ວ່າ ນັກ​ເຕະ​ໄວ 24 ປີ ທີ່ຫຼິ້ນໄດ້ທັງກອງ​ຫຼັງກາງ ກັບແບັກຊ້າຍ ໄດ້ເດີນທາງມາ​ເຖິງເມືອງແມນເຊສເຕີແລ້ວ ​ເຊິ່ງຫາກບໍ່ມີອັນ​ໃດຜິດພາດ ເຂົາກໍຈະເປັນການເສີມທັບຄົນທີ 3 ຂອງແຊັມລີກສູງສຸດປະ​ເທດ​ອັງກິດ 20 ສະ​ໄໝໃນ​ໄລຍະ​ພັກ​ຮ້ອນນີ້ ຕໍ່ຈາກ ລຸກ ຊໍແບັກຊ້າຍທີມຊາດອັງກິດ ແລະ ອັນເດ ເອເຣຣ່າກອງ​ກາງຊາວ​ແອັດ​ສະ​ປາຍ.</h1>

ຂ່າວທີ່ກ່ຽວຂ້ອງ