ບັນ­ຫາ​ໂທລະ­ສັບ​ມື​ຖື ຄວນ​ຕ້ອງ​ປັບ­ປຸງ

3.739 20 ສ.ຫ. 2014 ນານາສາລະ

<p style="text-align: justify;"> <strong>ໂດຍ: ຊຽງ​ເອງ</strong></p> <p style="text-align: justify;"> ວຽກ​ງານ​ໂທລະ​ຄົມ ໄດ້​ມີ​ການ​ຂະ­ຫຍາຍ­ຕົວ​ມາ​ປະ­ມານ 20 ປີ​ກວ່າ ພ້ອມໆ​ກັບ​ການ​ເປີດ​ກວ້າງ​ທາງ​ເສດ­ຖະ­ກິດ​ກັບ​ຕ່າງ­ປະ­ເທດ ກໍ່​ຄື​ການ​ຫັນ​ກົນ​ໄກ​ຄຸ້ມ​ຄອງ​ເສດ­ຖະ­ກິດ ມາ­ສູ່​ເສດ­ຖະ­ກິດ​ການ​ຕະ­ຫຼາດ​ຂອງ​ພັກŒລັດ­ຖະ­ບານ ແລະ ວຽກ​ໂທລະ​ຄົມ​ນີ້​ເປັນ​ວຽກ​ພັດ­ທະ­ນາ​ໄວ​ໄປ​ກວ່າ​ວຽກ​ອື່ນ ຈົນ​ບາງ​ປະ­ເທດ​ໃກ້​ຄຽງ​ທີ່​ເຄີຍ​ນຳ​ໜ້າ­ດ້ານ​ນີ້ ຍັງ​ເອົາ​ລາວ​ເປັນ​ຕົວ­ຢ່າງ​ໃນ​ການ​ຂະ­ຫຍາຍ​ໄປ​ສູ່ 3 ຈີ 4 ຈີ ກ່ອນ​ເພິ່ນ ສູ່​ມື້­ນີ້​ຄົນ​ບ້ານ​ເຮົາ​ເມືອງ​ເຮົາ​ເອີ້ນ​ວ່າ ມີ​ຫູ​ທິບ​ຕາ​ທິບ ແມ່ນ​ໂທລະ­ສັບ​ນີ້​ແຫຼະ ໄດ້​ສ້າງ​ສຽງ​ທັງ​ພາບ​ໄປ​ພ້ອມ​ກັນ ຈະ​ຢູ່​ໃກ້Œໄກ ກໍ່​ສົ່ງ​ຫາ​ກັນ​ຢ່າງ​ສະ­ດວກ​ສະ­ບາຍ.</p> <p style="text-align: justify;"> ແຕ່​ຄຽງ​ຄູ່​ກັບ​ຈຸດ​ດີ​ກໍ່​ຍັງ​ມີ​ຈຸດ​ຄ້າງ​ຄາ​ທີ່​ຈະ​ຕ້ອງ​ປັບ­ປຸງ ເບິ່ງ​ຄືນ ແລະ ຫາ​ທາງ​ປ່ຽນ­ແປງ ອາດ​ເປັນ​ຍ້ອນ​ລະ­ບົບ​ການ​ແກ່ງ​ແຍ່ງ​ແຂ່ງ­ຂັນ​ທາງ​ການ​ຕະ­ຫຼາດ ເພື່ອ​ນຳ​ເອົາ​ສິ່ງ​ທີ່​ດີ​ບໍ­ລິ­ການ​ໄປ​ຍັງ​ລູກ​ຄ້າ​ຕິ​ບໍ? ແຕ່​ກໍ່​ຄົງ​ເກົາ​ບໍ່​ຖືກ​ບ່ອນ ຄັນ​ບໍ່​ເຂົ້າ­ໃຈ​ລູກ​ຄ້າ​ທີ່​ໃຊ້​ບໍ­ລິ­ການ​ດີ​ພໍ­ວ່າ​ແມ່ນ​ກຸ່ມ​ໃດ ໄວ​ລຸ້ນ ຄົນ​ໄວ​ກາງ­ຄົນ ໄວ​ສູງ​ອາ­ຍຸ ແລະ ຜູ້​ມີ­ໜ້າ​ທີ່​ລະ­ດັບ​ສູງ​ໃນ​ວຽກ​ງານ​ລັດ​ຖະ​ການ ຄວາມ​ຕ້ອງ­ການ​ແມ່ນ​ບໍ່​ຄື​ກັນ ແລະ ສຳ­ຄັນ​ເລື່ອງ​ໂທລະ­ສັບ​ເປັນ​ເລື່ອງ​ຄວາມ​ເປັນ​ສ່ວນ​ຕົວ ປິດ​ລັບ​ຂອງ​ສ່ວນ​ບຸກ­ຄົນ...</p> <p style="text-align: justify;"> ມີ​ຫຼາຍ​ທ່ານ​ໄດ້​ສ່ອງ​ແສງ​ເຖິງ​ຄໍ​ລຳ ຝາກ​ເຖິງ​ບັນ­ດາ​ບໍ­ລິ­ສັດ​ໂທລະ​ຄົມ​ຂອງ​ລາວ​ເຮົາ ໃຫ້​ປັບ­ປຸງ​ການ​ບໍ­ລິ­ການ ຖ້າ​ບໍ່​ປ່ຽນ­ແປງ​ອາດ​ຈະ​ປ່ຽນ​ໄປ​ຊີມ​ເບິ່ງ​ເຄືອ​ຂ່າຍ​ໃໝ່ ຫຼື ເຊົາ​ໃຊ້​ເລີຍ ບັນ­ຫາ​ດັ່ງ­ກ່າວ​ແມ່ນ​ການ​ໂຄ­ສະ­ນາ​ສິນ­ຄ້າ​ທາງ​ໂທລະ­ສັບ​ໃນ​ບາງ​ເຄືອ​ຂ່າຍ ເຊິ່ງ​ມີ​ການ​ຫຼຸດ​ແລກ​ແຈກ​ແຖມ ຫຼື ໃຫ້​ສົ່ງ​ຂໍ້­ຄວາມ​ລ້າ ຫຼື ເພີ່ມ​ມູນ​ຄ່າ​ໂທ​ໃຫ້ ແລ້ວ­ແຕ່​ກໍ­ລະ­ນີ​ຂອງ​ກົນ­ລະ­ຍຸດ​ການ​ຕະ­ຫຼາດ ບວກ​ກັບ​ສຽງ​ເພງ​ລໍ​ສາຍ ດັ່ງ­ນັ້ນ ຈະ​ເຮັດ​ແນວ­ໃດ​ກໍ່​ຕາມ ສຳ­ຄັນ​ການ​ທີ່​ບຶດ​ລະ​ໂທ ບຶດ​ລະ​ສົ່ງ​ຂໍ້­ຄວາມ​ເລື້ອຍ ມັນ​ເປັນ​ການ​ລົບ​ກວນ​ລູກ​ຄ້າ​ທີ່​ມີ​ວຽກ ວຽກ​ປະ­ຈຳ ແລະ ລົບ​ກວນ​ສະ­ມາ­ທິ ຖ້າ​ມອດ​ສຽງ​ພັດ​ຂາດ​ວຽກ​ຈຳ­ເປັນ ລູກ​ຄ້າ​ໃຊ້​ໂທລະ­ສັບ​ໃນ​ທີ່​ນີ້​ກໍ່​ມີ​ແຕ່​ໃຊ້​ໂທລະ­ສັບ​ຢ່າງ​ດຽວ ຫຼື ນຳ​ສົ່ງ​ຂໍ້​ມູນ​ຜ່ານ​ໃນ​ວຽກ​ທີ່​ຈຳ­ເປັນ​ຕາມ​ຄວາມ​ຕ້ອງ­ການ ຖ້າ​ເຂົາ​ຕ້ອງ­ການ​ແນວ​ອື່ນ​ເຂົາ​ຈະ​ໂທ​ຫາ​ໄປ​ເອງ ຫຼື ເຂົ້າ​ໄປ​ຫາ​ລາຍ­ການ​ຕ່າງໆ​ຕາມ​ຕ້ອງ­ການ​ທີ່​ຕັ້ງ​ໄວ້​ໃນ​ເຄືອ​ຂ່າຍ​ໂທລະ­ສັບ​ກໍ່​ຄົບ​ຖ້ວນ​ແລ້ວ ດັ່ງ­ນັ້ນ ຂໍ​ແລກ­ປ່ຽນ​ທັດ­ສະ­ນະ​ໃນ​ການ​ໂຄ­ສະ­ນາ​ທາງ​ໂທລະ­ສັບ ດັ່ງ­ນີ້:</p> <p style="text-align: justify;"> 1. ຖ້າ​ໂຄ­ສະ­ນາ​ຂໍ​ໃຫ້​ສົ່ງ​ເປັນ​ຂໍ້­ຄວາມ​ເທື່ອ​ດຽວ​ແລ້ວ​ພໍ ບໍ່​ໃຫ້​ຫຼຳ​ໄປ​ຫຼຳ​ມາ​ຫຼາຍ​ເທື່ອ ດີ​ແທ້​ບໍ່​ຕ້ອງ​ສົ່ງ​ມາ​ລົບ​ກວນ.</p> <p style="text-align: justify;"> 2. ການ​ຈ່າວ​ໃຫ້​ຄົນ​ໂຫຼດ​ເພງ​ໃນ​ສາຍ​ນັ້ນ ທາງ​ເຄືອ​ຂ່າຍ​ຮູ້​ບໍ​ວ່າ ໂທລະ­ສັບ​ນັ້ນ​ເປັນ​ຂອງ​ໃຜ ຢູ່​ໃນ​ໄວ​ໃດ ? ເຂົາ​ຕ້ອງ­ການ​ບໍ ? ເພາະ​ເຄືອ​ຂ່າຍ​ໂທ​ໄປ ຫຼື ສົ່ງ​ຂໍ້­ຄວາມ​ໄປ ມັນ​ກໍ່​ເປັນ​ວຽກ​ໜຶ່ງ​ທີ່​ຈຳ​ຕ້ອງ​ໄດ້​ຟັງ​ນຳ ບາງ­ເທື່ອ​ເພງ ແລະ ໄວ​ອາ­ຍຸ​ມັນ​ສວນ​ທາງ​ກັນ​ກໍ່​ມີ.</p> <p style="text-align: justify;"> 3. ເພງ​ລໍ​ສາຍ ທາງ​ເຄືອ​ຂ່າຍ​ບໍ່​ຄວນ​ເລືອກ​ໃຫ້​ລູກ​ຄ້າ​ໃຊ້ ເນື່ອງ​ຈາກ​ເພງ​ທີ່​ເຄືອ​ຂ່າຍ​ໃສ່​ໃຫ້​ບໍ່​ຮູ້​ວ່າ​ເໝາະ​ສົມ​ກັບ​ເຈົ້າ​ຂອງ​ເບີ ຫຼື ບໍ່ ສິ່ງ​ນີ້​ມັນ​ພົວ­ພັນ​ເຖິງ​ສິດ­ທິ ແລະ ກຽດ​ສັກ​ສີ ບໍ່​ຄວນ​ຍັດ​ໃຫ້ ເພາະ​ຜູ້​ໂທ​ມາ​ຫາ​ເຂົາ​ໄດ້​ຟັງ​ເພງ​ລໍ​ສາຍ ແລ້ວ​ມີ​ຄວາມ​ຮູ້­ສຶກ​ບໍ່​ສົບ​ອາ­ລົມ ທັງ​ຜູ້​ຮັບ​ສາຍ​ເອງ​ກໍ່​ບໍ່​ຮູ້​ອີ່​ໂໜ​ອີ​ເໜ ວ່າ​ມັນ​ໂຕນ​ມາ​ແຕ່​ທາງ​ໃດ ມີ​ພະ­ນັກ­ງານ​ຂັ້ນ​ສູງ​ທ່ານ​ໜຶ່ງ​ເພິ່ນ​ສົ່ງ​ຂ່າວ​ມາ​ວ່າ ເພງ​ລໍ​ສາຍ​ຂອງ​ເຄືອ​ຂ່າຍ​ທີ່​ເພິ່ນ​ໃຊ້​ຢູ່​ນັ້ນ​ບໍ່​ເໝາະ​ກັບ​ໄວ ບໍ່​ເໝາະ​ກັບ​ໜ້າ­ທີ່​ຕຳ­ແໜ່ງ​ທີ່​ເພິ່ນ​ເຮັດ​ຢູ່ ດັ່ງ­ນັ້ນ ບາງ​ກໍ­ລະ­ນີ​ຖ້າ​ແຂກ​ຄົນ​ອື່ນ​ໂທ​ມາ​ເຂົາ​ຈະ​ບໍ່​ຕີ​ລາ­ຄາ​ເພິ່ນ​ຫວະ ຖ້າ​ຢາກ​ໂຄ­ສະ­ນາ​ຄວນ​ຫາ​ວິ­ທີ​ບໍ່​ໃຫ້​ລົບ​ກວນ​ລູກ​ຄ້າ ບໍ່​ແມ່ນ​ວ່າ​ພວມ​ປະ­ຊຸມ​ວຽກ​ງານ​ສຳ­ຄັນ​ຢູ່ ຈຳ​ຕ້ອງ​ມາ​ຮັບ​ສາຍ​ຟັງ​ໂຄ­ສະ­ນາ​ສິນ­ຄ້າ​ຢູ່ ຖ້າ​ຈະ​ມອດ​ສຽງ​ໂທລະ­ສັບ ພັດ​ຍັງ​ວຽກ​ສຳ­ຄັນ​ຂອງ​ຊາດ ບັນ­ຫາ​ນີ້​ບໍ­ລິ­ສັດ​ຄວນ​ຊອກ​ວິ­ທີ​ໃຫ້​ບໍ­ລິ­ການ ວ່າ​ລູກ​ຄ້າ​ຜູ້​ໂທ ຫຼື ຜູ້​ຮັບ​ໂທ ຈະ​ໃຊ້​ເພງ​ຄວນ​ຖາມ​ລູກ​ຄ້າ​ໃຫ້​ຖີ່​ຖ້ວນ​ເສຍ​ກ່ອນ​ຈະ​ໃຊ້​ເພງ​ລໍ​ສາຍ​ທົ່ວ​ໄປ ເຫັນ​ວ່າ​ບໍ່​ເໝາະ​ສົມ​ແທ້ໆ.</p>

ຂ່າວທີ່ກ່ຽວຂ້ອງ