"ບຣັນເດົາ" ອາດຖືກບົດລົງໂທດໜັກ 2 ປີ ທີ່ທໍາຮ້າຍມັອດຕາ

600 19 ສ.ຫ. 2014 ນານາກີລາໂລກ
"ບຣັນເດົາ" ອາດຖືກບົດລົງໂທດໜັກ 2 ປີ ທີ່ທໍາຮ້າຍມັອດຕາ

<p> <strong>​</strong><strong>​ສະຫະພັນ​ເຕະບານຂອງຝຣັ່ງ (</strong><strong>FFF) ອາດລົງໂທດ ບຣັນເດົາ ກອງໜ້າຂອງ ບາສເຕຍ ​ເຖິງຂັ້ນຫ້າມລົງຫຼິ້ນ​ເຖິງ 2 ປີ ຫຼັງດັກທຳຮ້າຍ ທິອາໂກ ມັອດຕາ ນັກເຕະຂອງ ປາຣີສ ແຊງ ແຊກແມງ.</strong></p> <p> ສຳລັບ ບຣັນເດົາ ກອງໜ້າຂອງບາສເຕຍ ທີ່ກາຍເປັນຫາງ​ສຽງ​ອັນ​ບໍ່​ດີ ຫຼັງໄປດັກທຳຮ້າຍ ທິອາໂກ ມັອດຕາ ນັກເຕະຂອງ ປາຣີສ ແຊງ ແຊກແມງ ໃນເກມລີກອອງ ເມື່ອວັນເສົາ ແລະ ມີການຄາດການວ່າ ເຂົາອາດຖືກບົດລົງໂທດ​ເຖິງຂັ້ນຫ້າມລົງຫຼິ້ນ​ເຖິງ 2 ປີເລີຍ ເຫດກາານດັ່ງກ່າວເກີດຂຶ້ນຫຼັງຈົບເກມທີ່ ປາຣີສ ແຊງ ແຊກແມງ ເປິດຖິ່ນ ປາກ ເດ ແປຣງ ຊະນະ ບາສເຕຍ  ໄປ 2-0 ໂດຍກອງໜ້າຊາວບຣາຊິນ ມາຢືນລໍຖ້າກອງ​ກາງທີມຊາດອິຕາລີ ໃນອຸໂມງ ພໍ ມັອດຕາ ຍ່າງມາ ກໍເອົາຫົວ​ຕໍາ​ເຂົ້າ​ໃສ່​ດັງຈົນເລືອດອາບ ກ່ອນຈະ​ແລ່ນໜີ ກັບເຂົ້າຫ້ອງແຕ່ງຕົວໄປທັນທີ ໂດຍກ້ອງວົງຈອນປິດຈັບພາບເຫດການໄວ້ໄດ້ທັງໝົດ.</p> <h1>           ທັງນີ້ ຕາມກົດລະບຽບຂອງສະຫະພັນ​ເຕະບານຂອງຝຣັ່ງ (FFF) ມີການຄາດການວ່າ ບຣັນເດົາ ອາດສ່ຽງຖືກໂທດ ຫ້າ​ມລົງ​ແຂ່ງນານ​ເຖິງ 2 ປີ ຫາກເຂົາ​ເຮັດໃຫ້ ມັອດຕາ ຕ້ອງພາດການລົງຫຼິ້ນນານເກີນກວ່າ 8 ວັນ ຫຼ້າສຸດ ທາງສະໂມສອນທີມແຊັມເກົ່າລີກ ອອງ ກໍຢືນຢັນແລ້ວວ່າ ມັອດຕາ ໄດ້ຣັບບາດເຈັບດັງຫັກ ແຕ່ບໍ່ໄດ້ເປິດເຜີຍວ່າ ຜູ້ກ່ຽວຕ້ອງພັກຮັກສາຕົວນານເທົ່າ​ໃດ ແຕ່ຫາກເຂົາໄດ້ພັກບໍ່ເກີນ 8 ວັນ ໂທດຫ້າມຂອງ ບຣັນເດົາ ຈະເຫຼືອໂທດສູງສຸດຄື  1 ປີ.</h1> <h1>         ນອກຈາກນີ້ ໃນເກມດັ່ງກ່າວ ປາຣີສ ແຊງ ແຊກແມງ ຍັງຢືນຢັນວ່າ ມີນັກເຕະອີກ 2 ຄົນທີ່ໄດ້ຮັບບາດເຈັບຈາກເກມ ບາສເຕຍ ຄື ຊະລາຕັນ ອິບຣາຮິໂມວິຊ ກອງໜ້າຕົວສຳຄັນທີ່ບາດເຈັບກ້າມຊີ້ນໜ້າທ້ອງ ​ເຊິ່ງເຂົາລົງຫຼິ້ນໄດ້ພຽງ 15 ນາທີ ກ່ອນຖືກປ່ຽນຕົວອອກ.</h1> <p>         ສ່ວນອີກຄົນຄື ເກຣກໍຣີ່ ຟານ ເດີ ວີວ ໄດ້ຮັບບາດເຈັບກະດູກສັນຫຼັງ​ແຕກ ຫຼັງຈາກພົບ ບຣັນເດົາ ໃຊ້ເຂົ່າກະແທກເຂົ້າກາງຫຼັງ.</p>

ຂ່າວທີ່ກ່ຽວຂ້ອງ