ຂ່າວຫຼ້າສຸດ

ການ​ຕຳ​ນິ​ສົ່ງ​ຂ່າວ ຕ້ອງ​ກົງ​ໄປ​ກົງ​ມາ

3.099 18 ສ.ຫ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ໃນ​ບົດ​ຂຽນ​ມື້­ນີ້ ຈະ​ເວົ້າ​ເຖິງ​ການ​ສ່ອງ​ແສງ​ການ​ປະ­ຕິ­ບັດ​ລະ­ບຽບ​ວິ­ໄນ​ຂອງ​ພະ­ນັກ­ງານ​ພັກ-ລັດ ເຊັ່ນ: ຢູ່​ໃນ​ບັ້ນ​ດຳ­ເນີນ​ຊີ­ວິດ​ການ­ເມືອງ​ຕ່າງໆ​ຂອງ​ແຕ່​ລະ​ໜ່ວຍ​ງານ​ຂອງ​ພັກ-ລັດ ເຊິ່ງ​ບັນ­ດາ​ສະ­ມາ­ຊິກ​ພັກ ແລະ ພະ­ນັກ­ງານ​ລັດ ຕ້ອງ​ບໍ່​ລືມ​ກົດ​ລະ­ບຽບ​ຂອງ​ພັກ ທີ່​ເປັນ​ວິ­ໄນ​ສູງ​ສຸດ ທີ່​ສະ­ມາ­ຊິກ​ພັກ​ຕ້ອງ​ຖື​ເປັນ​ຄັນ​ທຸງ​ໃນ​ການ​ຕຳ​ນິ​ສົ່ງ​ຂ່າວ​ໝູ່​ເພື່ອນ ພາຍ​ໃນ​ໜ່ວຍ​ງານ​ຂອງ​ຕົນ ໂດຍ​ຫຼີກ­ເວັ້ນ​ເດັດ­ຂາດ​ເລື່ອງ​ອະ­ຄະ­ຕິ ແລະ ແນວ​ຄິດ​ສ່ວນ​ຕົວ ເຊິ່ງ​ມັນ​ເປັນ​ພະ­ຍາດ​ອັນ­ຕະ­ລາຍ​ທີ່​ຝັງ​ໃນ​ແນວ​ຄິດ ຕ້ອງ​ທຳ­ລາຍ​ມັນ​ອອກ.</p> <p style="text-align: justify;"> ຜູ້​ຂຽນ​ມີ​ໂອ­ກາດ​ດີ​ໄດ້​ອ່ານ​ເອ­ກະ­ສານ​ເຝິກ­ອົບ­ຮົມ​ພະ­ນັກ­ງານ​ທີ່​ຄະ­ນະ​ໂຄ­ສະ­ນາ​ອົບ­ຮົມ​ສູນ​ກາງ​ພັກ ໄດ້​ພິມ​ອອກ​ປີ 2001 ເຊິ່ງ​ໃນ​ປຶ້ມ​ຫົວ​ດັ່ງ­ກ່າວ​ແມ່ນ​ມີ​ຫຼາຍ​ບົດ ເຊັ່ນ: ບົດ​ໜຶ່ງ​ທີ່​ເວົ້າ​ການ​ກຳ​ແໜ້ນ​ເນື້ອ​ໃນ​ພື້ນ­ຖານ​ກົດ​ລະ­ບຽບ​ຂອງ​ພັກ ເຊິ່ງ​ມັນ​ໄດ້​ເນັ້ນ​ເຖິງ​ສະ­ມາ­ຊິກ​ພັກ​ດ້ວຍ​ກັນ ຕ້ອງ​ໄດ້​ສຶກ​ສາ​ໃຫ້​ເຂົ້າ­ໃຈ ແລະ ກຳ​ແໜ້ນ​ໃຫ້​ໄດ້​ເຖິງ​ໜ້າ­ທີ່​ຕ່າງໆ​ທີ່​ຖືກ​ກຳ­ນົດ​ໄວ້​ໃນ​ກົດ​ລະ­ບຽບ​ຂອງ​ພັກ ຕົວ­ຢ່າງ​ໜ້າ​ທີ 33 ທີ່​ເວົ້າ​ເຖິງ​<strong>ການ​ເອົາ­ໃຈ­ໃສ່​ປັບ­ປຸງ​ວຽກ​ງານ​ການ­ຈັດ­ຕັ້ງ ນຳ​ໃຊ້ ແລະ ການ​ປະ­ຕິ­ບັດ​ນະ­ໂຍ­ບາຍ​ຕໍ່​ພະ­ນັກ­ງານ​ປ່ຽນ­ແປງ​ທັດ­ສະ­ນະ ແລະ ວິ­ທີ​ການ​ຕີ​ລາ­ຄາ​ພະ­ນັກ­ງານ</strong>​ຕາມ​ທິດ​ເສີມ​ຂະ­ຫຍາຍ​ປະ­ຊາ­ທິ­ປະ­ໄຕ ວິ­ທະ­ຍາ­ສາດ ແລະ ພາ­ວະ​ວິ­ໄສ ຈັດ​ວາງ​ພະ­ນັກ­ງານ​ໃຫ້​ຖືກ​ກັບ​ວິ­ຊາ​ສະ­ເພາະ ແລະ ລະ­ດັບ​ຄວາມ​ສາ­ມາດ... ໝາຍ​ຄວາມ​ວ່າ ການ​ສ້າງ​ພະ­ນັກ­ງານ​ເຂົ້າ​ໃນ​ການ​ເຮັດ​ວຽກ​ຕົວ​ຈິງ ຕ້ອງ​ໄດ້​ເບິ່ງ​ຄວາມ​ຮູ້​ຄວາມ​ສາ­ມາດ​ຂອງ​ຜູ້­ກ່ຽວ ແລະ ນຳ​ໃຊ້​ໃຫ້​ເຂົ້າ​ກັບ​ຕົວ​ຈິງ ແລະ ຕາມ​ຄວາມ​ສາ­ມາດ​ສະ­ເພາະ​ຂອງ​ແຕ່­ລະ­ຄົນ ວ່າ​ສາ­ມາດ​ເຮັດ​ວຽກ​ຕົວ​ຈິງ​ໄດ້​ດີ​ໃນ​ດ້ານ​ໃດ ?.</p> <p style="text-align: justify;"> ພວກ​ເຮົາ​ຢ່າ​ລືມ​ວ່າ: <strong>ການ​ປາບ​ພະ­ຍາດ​ກູ້​ເອົາ​ຄົນ​ນັ້ນ</strong> ແມ່ນ​ນະ­ໂຍ­ບາຍ​ຂອງ​ພັກ​ເຮົາ​ຕໍ່​ພະ­ນັກ­ງານ ແຕ່​ຖ້າ​ຜູ້­ກ່ຽວ​ເຊື່ອມ​ທາດ​ຂາດ​ຄຸນ ກໍ່​ສາ­ມາດ​ໃຫ້​ອອກ​ຈາກ​ສະ­ມາ­ຊິກ​ພັກ​ໄດ້ ນີ້​ແຫຼະ​ບ່ອນ​ຢັ້ງ­ຢືນ​ເຖິງ​ຄວາມ​ເປັນ​ຈິງ (ວິ­ທະ­ຍາ­ສາດ) ຖ້າ​ຄົນ​ໃດ​ຄອນ​ແຄນ​ບໍ່​ສາ­ມາດ​ກຳ​ແໜ້ນ​ແນວ­ທາງ ແລະ ບໍ່​ຢາກ​ເຕົ້າ­ໂຮມ​ຄວາມ​ສາ­ມັກ­ຄີ​ຂອງ​ໝູ່​ຄະ­ນະ ຫຼື ປວງ​ຊົນ ກໍ່​ສະ­ແດງ​ວ່າ​ຜູ້­ກ່ຽວ​ມີ​ແນວ​ຄິດ​ບໍ່​ເຊື່ອ​ໝັ້ນ​ຕໍ່​ນະ­ໂຍ­ບາຍ​ຂອງ​ພັກ ຫຼື ຈະ​ເວົ້າ​ອີກ​ແບບ​ໜຶ່ງ​ວ່າ <strong>ເປັນ​ຄົນ​ເຊື່ອມ​ຄຸນ​ທາດ​ການ­ເມືອງ.</strong></p> <p style="text-align: justify;"> ການ​ສ່ອງ​ແສງ ຫຼື ຕຳ​ນິ​ສົ່ງ​ຂ່າວ​ລະ­ຫວ່າງ​ພະ­ນັກ­ງານ​ພັກ-ລັດ​ດ້ວຍ​ກັນ ຖ້າ​ເວົ້າ​ໃນ​ແງ່​ຈິດ​ສຳ­ນຶກ​ຂອງ​ສັງ­ຄົມ​ລາວ <strong>ແມ່ນ​ເກີດ​ຈາກ​ນ້ຳ​ໃຈ­ຄວາມ​ຮັກ­ແພງ​ມີ​ເມດ​ຕາ​ຕໍ່​ກັນ</strong>​ໃນ​ຖາ­ນະ​ດຳ­ລົງ​ຊີ­ວິດ​ຢູ່​ໃນ​ໜ່ວຍ​ງານ​ດຽວ​ກັນ ແລະ ສັງ­ຄົມ​ດຽວ​ກັນ ແນ່­ນອນ​ມີ​ແຕ່​ການ​ຕັກ­ເຕືອນ​ຍອມ­ຮັບ​ຄວາມ​ຈິງ ກ້າ​ປ່ຽນ­ແປງ​ເທົ່າ​ນັ້ນ ຊີ­ວິດ​ການ​ເຮັດ​ວຽກ​ໃຫ້​ພັກ-ລັດ ຈຶ່ງ​ຈະ​ດີ​ຂຶ້ນ ແຕ່​ຖ້າ​ຍັງ​ມີ​ພະ­ນັກ­ງານ​ທ່ານ​ໃດ​ທີ່​ມີ​ແນວ​ຄິດ​ອາດ­ຍາ​ສິດ​ສ່ວນ​ຕົວ <strong>ເງືອດ​ຫງຳ ແລະ ມີ​ອະ­ຄະ­ຕິ​ຕໍ່​ໝູ່​ເພື່ອນ</strong> ຂາດ​ຄວາມ​ຈິງ​ໃຈ​ໃນ​ການ​ຕຳ​ນິ​ສົ່ງ​ຂ່າວ​ໃນ​ບັ້ນ​ດຳ­ເນີນ​ຊີ­ວິດ​ການ­ເມືອງ​ນັ້ນ ສະ­ແດງ​ວ່າ​ຜູ້­ກ່ຽວ​ນັ້ນ​ຂາດ​ຄຸນ­ສົມ­ບັດ​ສິນ​ທຳ​ປະ­ຕິ­ວັດ ແລະ ມີ​ລັກ­ສະ­ນະ​ເສື່ອມ​ຖອຍ​ທາງ​ສະ­ຕິ­ຊາດ ແລະ ຄວາມ​ສາ­ມັກ­ຄີ​ພາຍ​ໃນ​ໜ່ວຍ​ງານ.</p> <p style="text-align: justify;"> ຕໍ່​ການ​ນຳ​ສະ­ເໜີ​ຂ້າງ​ເທິງ​ນັ້ນ ຜູ້​ຂຽນ​ພຽງ​ຫວັງ​ວ່າ <strong>ເປັນ​ການ​ທົບ​ທວນ​ເຖິງ​ສະ­ຕິ​ຄວາມ​ຮັບ­ຜິດ­ຊອບ</strong>​ໃນ​ຖາ­ນະ​ພະ­ນັກ­ງານ​ຂອງ​ພັກ-ລັດ​ແຕ່​ລະ​ທ່ານ ເພື່ອ​ປ້ອງ​ກັນ​ໄວ້​ບໍ່​ໃຫ້​ຫຼົງ​ຕົວ​ເອງ ແລະ ບໍ່​ໃຫ້​ລືມ​ລະ­ບຽບ​ວິ­ໄນ​ອັນ​ເປັນ​ເຂັມ­ທິດ​ໃນ​ການ​ປະ­ຕິ­ບັດ​ໜ້າ­ທີ່​ໂດຍ​ຢາກ​ເນັ້ນ​ການ​ສ່ອງ​ແສງ​ເຊິ່ງ​ກັນ ແລະ ກັນ ຕ້ອງ​ກົງ​ໄປ​ກົງ​ມາ ແລະ ປາ­ສະ­ຈາກ​ອະ­ຄະ­ຕິ.</p> <p style="text-align: justify;"> ຂໍ​ໃຫ້​ຄິດ​ວ່າ ມີ​ແຕ່​ລະ­ບອບ​ເຮົາ​ທໍ່​ນັ້ນ​ທີ່​ມີ​ນະ­ໂຍ­ບາຍ​ຕຳ​ນິ ກໍ່­ສ້າງ​ກັນ​ເພື່ອ​ປາບ​ພະ­ຍາດ​ກູ້​ເອົາ​ຄົນ.</p>

ຂ່າວທີ່ກ່ຽວຂ້ອງ