ແມນຢູ ວາງງົບ 80 ລ້ານປອນ ຄວ້າ “ດິ ມາເຣຍ-ໂຣໂຢ-ບລິນ”

952 14 ສ.ຫ. 2014 ນານາກີລາໂລກ
ແມນຢູ ວາງງົບ 80 ລ້ານປອນ ຄວ້າ “ດິ ມາເຣຍ-ໂຣໂຢ-ບລິນ”

<p> <strong>ແມນເຊສເຕີ ຢູໄນເຕັດ ກຽມ​ໃຫ້ເງິນເສີມທັບອີກ </strong><strong>80 ລ້ານປອນ ຄວ້າ ອັງເຄວ ດິ ມາເຣຍ, ມາກອສ ໂຣໂຢ ແລະ ດາລີ ບລິນ ສ່ົງທ້າຍຕະຫຼາດປິດທ້າຍເດືອນສິງຫານີ້ ຈາກການ​ເປີດ​ເຜີຍຂອງ “ເດລີ ເມລ” ສື່ດັງຂອງເກາະອັງກິດ.</strong></p> <p> ແມນຢູ ຕັ້ງງົບຄວ້າ <strong>ດິ ມາເຣຍ</strong> ກອງກາງທີມຊາດອາກຊັງ​ຕິນ ຊຸດເຂົ້າ​ເຖິງຮອບຊີງ​ເຕະບານໂລກ 2014 ເອົາໄວ້ທີ່ບໍ່ເກີນ 50 ລ້ານປອນ ເພາະຫຼ້າສຸດບໍ່ໄດ້ມີ​ລາຍ​ຊື່​ລົງ​ແຂ່ງ​ໃນເກມ ຢູຟາ ຊູເປີ ຄັບ ທີ່ ຣີວ ມາດຣິດ ຊະນະ ເຊບີຢ່າ 2-0 ທີ່ເມືອງຄາດິຟ ປະເທດເວວ ເມື່ອວັນອັງຄານທີ 12 ສິງຫາທີ່ຜ່ານມາ.</p> <p> ສ່ວນທີ່ເຫຼືອຈະໃຊ້ຄວ້າ 2 ກອງຫຼັງ ເລີ່ມຈາກ <strong>ໂຣໂຢ</strong> ສັກ​ສີທີມຊາດອາກຊັງ​ຕິນຂອງ ສະປໍຕິງ ລິສບອນ ລວມ​ເຖິງ <strong>ບລິນ</strong> ແບັກຊ້າຍຂອງ ອາແຈັກ ອໍາສະເຕີດໍາ ທີ່ເຄີຍເປັນລູກທີມຂອງ ຫຼຸຍ ຟານ ກັນ ຜູ້​ຈັດການ​ທີ​ມແມນຢູ ຄັ້ງຄວ້າອັນດັບ 3 ​ເຕະບານໂລກທີ່ບຣາຊິນ ເມື່ອເດືອນກໍລະ​ກົດທີ່ຜ່ານມາ.  </p> <p>           ລາຍງານລະບຸວ່າ <strong>ທ່ານ ເອັດ ວູດ​ເວິດ</strong> ປະທານບໍລິຫານຂອງ ແມນຢູ ຢູ່ທີ່ ຄາດິຟ ເພື່ອລົມກັບ <strong>ຣີວ ມາດຣິດ</strong> ກ່ຽວກັບ<strong>ການຄວ້າ ດິ ມາເຣຍ</strong> ມາເປັນຕົວປັ້ນເກມ ໂດຍ <strong>ຫຼຸຍ ຟານ ກັນ</strong> ​ເຖິງຂະໜາດຍົກຍ້ອງວ່າເປັນປີກດີທີ່ສຸດຂອງໂລກເວລານີ້ເລີຍ ຢ່າງ​ໃດກໍຕາມ ຄົງຕ້ອງແຍ່ງກັບ ປາຣີສ ແຊງ-ແຊກແມງອີກທີມ.</p> <p>           ຂະນະທີ່ <strong>ໂຣໂຢ</strong> ປະຕິເສດທີ່ຈະຊ້ອມກັບ ສະປໍຕິງ ລິສບອນ ເມື່ອວັນອັງຄານທີ່ຜ່ານມາ ພ້ອມຖາມ​ເຖິງໂອກາດຍ້າຍສັງກັດ ຄ່າຕົວໜ້າຈະຢູ່ທີ່ 18 ລ້ານປອນ ດ້ານ <strong>ບລິນ</strong> ຄ່າຕົວ 15 ລ້ານປອນ ແຕ່ມີ ບາເຊໂລນາ ສົນໃຈເຊ່ັນກັນ.</p>

ຂ່າວທີ່ກ່ຽວຂ້ອງ