ຂ່າວຫຼ້າສຸດ

ໂຣນັນໂດ ແຊງ ເມສຊີ່ ຂຶ້ນທີ 2 ດາວຍິງສູງສຸດເກມເອີຣົບ

920 14 ສ.ຫ. 2014 ນານາກີລາໂລກ
ໂຣນັນໂດ ແຊງ ເມສຊີ່ ຂຶ້ນທີ 2 ດາວຍິງສູງສຸດເກມເອີຣົບ

<h1>         ຄຣິສເຕຍໂນ່ ໂຣນັນໂດ ຍອດດາວຍິງຄົນ​ເກັ່ງ​ຂອງ ຣິວ ມາດຣິດ ຍອດທີມ ລາລີກາ ​ແອັດ​ສະ​ປາຍ ຍິງປະຕູແຊງ ລິໂອເນວ ເມສຊີ່ ກອງ​ໜ້າທີ​ມ ບາເຊໂລນ່າ ໃນເກມຊີງຂັນ​ເອີຣົບເປັນທີ່ຮຽບຮ້ອຍ ຫຼັງດາວເຕະຊາວປອກຕຸຍ​ການ ຫາ​ກໍ​ຍິງປະຕູຄົບ 70 ລູກ ຈາກການເໝົາ 2 ປະຕູ ໃນເກມ ຢູຟ່າ ຊູເປີຄັບ ທີ່ ຣິວ ມາດຣິດ ຊະນະ ເຊບີຢ່າ 2-0 ເມື່ອວັນອັງຄານທີ 12 ສິງຫາທີ່ຜ່ານມາ.</h1> <h1>            ໂຣນັນໂດ ຍິງປະຕູຕາມຫຼັງ ເມສຊີ່ ​ເຖິງ 18 ລູກ ເມື່ອເດືອນເມສາ ປີ 2012 ແຕ່ກໍຫຍັບເຂົ້າມາໃກ້ເລື້​ອຍໆຫຼັງຍິງໄດ້ 12 ປະຕູ ແລະ 17 ລູກ ໃນ 2 ລະດູ​ການຫຼັງສຸດຂອງຂັນ ຢູຟ່າ ແຊມປຽນ ລີກ ແລະ ຈາກການຍິງ 2 ປະຕູໃນເກມເມື່ອວັນອັງຄານທີ່ຜ່ານມາ ​ເຮັດໃຫ້ປີກຈອມສັບຂາຊາວ​ປອກຕຸຍ​ການ ແຊງກອງໜ້າຊາວອາກຊັງ​ຕິນ ໃນຕຳແໜ່ງດາວຍິງ​ສູງ​ສຸດຕະຫຼອດການທະວີບ​ເອີຣົບຮຽບຮ້ອຍ.</h1> <h1>           ໂຣນັລໂດ ຍິງ 68 ລູກໃນເກມຊີງ​ຂັນໃຫຍ່​ເອີຣົບ ແລະ ອີກ 2 ລູກໃນເກມຊູເປີ ຄັບ ລວມທັງໝົດ 70 ລູກ ສ່ົງຜົນໃຫ້ຜູ້ກ່ຽວຂຶ້ນມາຢູ່ໃນລາຍຊື່ດາວຍິງສູງສຸດອັນດັບ 2 ໃນການແຂ່ງຊີງຂັນ​ເອີຣົບຮ່ວມກັບ ຟິລິປໂປ ອິນຊາກີ້ ອະດີດດາວຍິງ ຢູເວນຕຸສ ແລະ ເອຊີ ມິລານ ດ້ວຍ ໂດຍຕາມຫຼັງ ຣາອູນ ກອນຊາເລຊ ອະດີດກອງ​ໜ້າ ຣິວ ມາດຣິດ ທີ່ຍິງໄດ້ 76 ປະຕູ ​ເຊິ່ງທາງ ເມສຊີ່ ກໍຢູ່ອັນດັບທີ 3 ກັບ 68 ລູກ ຈາກການຍິງໃນ ແຊມປຽນລີກ 67 ປະຕູ ແລະ ອີກ 1 ລູກໃນຂັນ ຊູເປີ ຄັບ.</h1> <h1>           ທັງນີ້ ໂຣນັນໂດ ຍິງປະຕູລວມໃຫ້ຍອດທີມເມືອງຫຼວງຂອງ​ແອັດ​ສະ​ປາຍ ໄປ 254 ລູກ ຈາກການລົງສະໜາມ 247 ນັດ.</h1>

ຂ່າວທີ່ກ່ຽວຂ້ອງ