ຂ່າວຫຼ້າສຸດ

ໄຟ ເອຊຽນ ເກມ ເດີນທາງເຖິງ ອິນຊອນ ແລ້ວ

1.447 14 ສ.ຫ. 2014 ນານາກີລາໂລກ
ໄຟ ເອຊຽນ ເກມ ເດີນທາງເຖິງ ອິນຊອນ ແລ້ວ

<p> <strong>ສຳນັກຂ່າວ </strong><strong>"ຢອນຮັບ" ຂອງ ສ. ​ເກົາຫຼີ ລາຍງານວ່າ ທວນໄຟເອຊຽນເກມ ຄັ້ງທີ 17 ເດີນທາງຈາກອິນເດຍ ຜ່ານຈີນແຜ່ນດິນໃຫຍ່ ລົງເຮືອຂ້າມຄາບສະໝຸດເກົາຫຼີ ​ໄປ​ເຖິງ ອິນຊອນ ​ແລ້ວ​ເມື່ອ​ວັນ​ທີ 13 ສິງຫາທີ່​ຜ່ານ​ມາ ເພື່ອກຽມເລີ່ມການ​ແລ່ນທວນໄຟເອຊຽນເກມໄປທົ່ວດິນແດນ ສ. ​ເກົາຫຼີ..</strong></p> <h1>         "ຢອນຮັບ"ລາຍງານວ່າ ເມື່ອວັນທີ 12 ສິງຫາ 2014 ຄະນະກໍາມະການຈັດການແຂ່ງຂັນກີລາ ເອຊຽນເກມ ຄັ້ງທີ 17 ພ້ອມດ້ວຍແຂກຮັບເຊິນຈຳນວນໜຶ່ງ ຮ່ວມ​ເຮັດພິທີຈູດໄຟເອຊຽນເກມ ຄັ້ງທີ 17 ທີ່ພູເຂົາມານີ່ ​ເທິງເກາະກັງຮວາ ນອກຊາຢຝັ່ງເມືອງອິນຊອນ ເພື່ອເປັນສັນຍະລັກຂອງໄຟທີ່ເກີດຈາກດິນແດນ ສ. ເກົາຫຼີ ແລ້ວນຳໄປຢັງເມືອງອິນຊອນ ເພື່ອລໍຖ້າ​ເຮັດພິທີຕາມຂັ້ນຕອນຕໍ່ໄປ.</h1> <p>           ຂະບວນໄຟເອຊຽນເກມ ຄັ້ງທີ 17 ທີ່​ເຮັດພິທີຈູດໃນນະຄອນຫຼວງນິວເດນລີ ເມືອງຫຼວງຂອງອິນເດຍ ເມື່ອວັນທີ 9 ສິງຫາ 2014 ທີ່ຜ່ານມານັ້ນ ຮຸ່ງຂຶ້ນ (10 ສິງຫາ 2014) ມີການອັນເຊີນດ້ວຍຖ້ຽວບິນພິເສດ ໄປຍັງສະໜາມບິນນານາຊາດຂອງເມືອງເຢນໄຕ ຫຼື ເມືອງຢີ່ຟູ ໃນມົນທົນຊານຕົງ ທາງຕາ​ເວັນອອກສຽງເໜືອຂອງ ສປ. ຈີນ ຈາກນັ້ນ ເມື່ອວັນທີ 11 ສິງຫາ 2014 ມີການ​ແລ່ນທວນໄຟໄປ​ເຖິງເມືອງເຫວີ່ຍຮາຍ ​ເຊິ່ງເປັນເມືອງທ່າໃຫຍ່​ແຄມທະເລເຫຼືອງໃນຄາບສະໝຸດເກົາຫຼີ.</p> <p>           ເມື່ອວັນທີ 12 ສິງຫາ 2014 ມີການ​ແລ່ນ​ທວນໄຟເອຊຽນເກມອ້ອມຕົວເມືອງເຫວີ່ຍຮາຍ ສໍາ​ເລັດແລ້ວ ມີການນຳທວນໄຟເອຊຽນເກມລົງເຮືອເຟີຣີ່ເດີນທາງຂ້າມທະເລເຫຼືອງ ແລະ ຄາບສະໝຸດເກົາຫຼີ ມຸ່ງໜ້າສູ່ເມືອງທ່າອິນຊອນຂອງ ສ. ເກົາຫຼີ ແລະ ​ເຖິງເມືອງອິນຊອນໃນວັນທີ 13 ສິງຫາ 2014 ທີ່​ຜ່ານ​ມາ ກ່ອນເລີ່ມ​ແລ່ນ​ທວນໄຟໄປທົ່ວ ສ. ເກົາຫຼີ.</p>

ຂ່າວທີ່ກ່ຽວຂ້ອງ