ຂ່າວຫຼ້າສຸດ

ແມນຢູ ຕົກລົງເງື່ອນໄຂກັບກົວດຣາໂດ້ໄດ້ແລ້ວ

532 12 ສ.ຫ. 2014 ນານາກີລາໂລກ
ແມນຢູ ຕົກລົງເງື່ອນໄຂກັບກົວດຣາໂດ້ໄດ້ແລ້ວ

<p> <strong>ສະປອດ ສື່ກີລາຂອງ ​ແອັດ​ສະ​ປາຍ ຕີ​ແຜ່ຂ່າວ ແມນ​ເຊ​ສ​ເຕີ ຢູໄນເຕັດ ຕົກລົງເງື່ອນໄຂສ່ວນຕົວກັບ ຮວນ ກົວດຣາໂດ້ ປີກຕົວເກັ່ງຂອງ ຟິອໍເຣນຕິນ່າ ໄດ້ເປັນທີ່ຮຽບຮ້ອຍ ເຫຼືອພຽງລໍຖ້າໃຫ້ ຟິອໍເຣນຕິນ່າ ຍອມຂາຍໃຫ້ເທົ່ານັ້ນ ຂະນະທີ່ ເອວ ມຸນໂດ້ ເດປໍຕິໂບ ສື່ອີກເຈົ້າຂອງ​ໃນ​ແອັດ​ສະ​ປາຍ ລະບຸວ່າ ​ແມນ​ເຊ​ສ​ເຕີ ຢູ​ໄນ​ເຕັດ ຍື່ນຂໍ້ສະ​ເໜີຈຳນວນ </strong><strong>40 ລ້ານ​ເອີໂຣ ບວກກັບໂບນັສອີກກ້ອນຕາມຜົນງານ ໃຫ້ທາງ ຟິອໍ​ເຣນຕິ​ນ່າ ພິຈາລະນາແລ້ວ.</strong></p> <h1>         ແມນເຊສເຕີ ຢູໄນເຕັດ ຍອດສະໂມສອນແຫ່ງວົງການ ພຣີເມຍລີກ ອັງກິດ ສາມາດຕົກລົງເງື່ອນໄຂສ່ວນຕົວກັບ ຮວນ ກົວດຣາໂດ້ ປີກຊາວໂຄ​ໂລມ​ບີຂອງ ຟິອໍເຣນຕິນ່າ ທີມດັງແຫ່ງ​ເວທີ ກັນໂຊ່ ເຊເຣຍ ອາ ອິຕາລີ ໄດ້ແລ້ວ ຕາມລາຍງານຂອງ ສະປອດ ສື່ກີລາຊື່ດັງຂອງປະເທດ​ແອັດ​ສະ​ປາຍ.</h1> <h1>           ກົວດຣາໂດ້ ກາຍເປັນທີ່ສົນໃຈຂອງທັງ ແມນ​ເຊ​ສ​ເຕີ ຢູໄນເຕັດ ແລະ ບາເຊໂລນ່າ ຫຼັງເຂົາສ້າງຜົນງານໄດ້ໜ້າປະທັບໃຈກັບ ຟິອໍເຣນຕິນ່າ ລວມ​ເຖິງກັບທີມຊາດໂຄ​ໂລມ​ບີ ໃນ​ເວທີ ​ເຕະບານໂລກ 2014 ຮອບສຸດທ້າຍ ແຕ່ກ່ອນໜ້ານີ້​ເບິ່ງເໝືອນວ່າ ​ແມນ​ເຊ​ສ​ເຕີ ຢູ​ໄນ​ເຕັດ ຈະເຊົາໃຫ້ຄວາມສົນໃຈໃນຕົວນັກ​ເຕະ​ໄວ 26 ປີແລ້ວ ເພາະພວກເຂົາຫັນໄປໃຫ້ຄວາມສຳຄັນກັບການເດີນໜ້າລ່າຕົວ ອັງເຄວ ດິ ມາເຣຍ ປີກຊາວອາກຊັງ​ຕິນຂອງ ຣິວ ມາດຣິດ ຫຼາຍກວ່າ.</h1> <h1>           ຢ່າງ​ໃດກໍຕາມ ຫຼ້າສຸດສະຖານະການປານກັບວ່າຈະພິກອີກຮອບ ເມື່ອ ສະປອດ ສື່ກີລາໃນແຄວ້ນກາຕາລັນ ທີ່ມີຄວາມໃກ້ຊິດພໍສົມຄວນກັບ ບາເຊໂລນ່າ ເປິດເຜີຍວ່າ ແມນ​ເຊ​ສ​ເຕີ ຢູໄນເຕັດ ຕົກລົງເງື່ອນໄຂສ່ວນຕົວກັບ ກົວດຣາໂດ້ ໄດ້ແລ້ວ ສົ່ງຜົນໃຫ້ຕອນນີ້ເຫຼືອພຽງລໍຖ້າໃຫ້ ​ແມນ​ເຊ​ສ​ເຕີ ຢູ​ໄນ​ເຕັດ ຍອມເກ້ຍກ່ອມ ຟິອໍເຣນຕິນ່າ ໃຫ້ຍອມປ່ອຍດາວເຕະຊາວໂຄ​ໂລມບີອອກຈາກທີມເທົ່ານັ້ນ.</h1> <h1>           ຂະນະທີ່ ເອວ ມຸນໂດ້ ເດປໍຕິໂບ ສື່ອີກເຈົ້າຂອງແຄວ້ນກາຕາລັນ ລາຍງານວ່າ ທີມຂອງຜູ້​ຈັດການ ຫຼຸຍ ຟານ ກັນ ຍື່ນຂໍ້ສະ​ເໜີຂໍຊື້ ກົວດຣາໂດ້ ຢ່າງເປັນທາງການແລ້ວ ໂດຍເປັນເງິນຈຳນວນ 40 ລ້ານ​ເອີໂຣ ພ້ອມກັບຈະມີການໃຫ້ເງິນເພີ່ມເຕີມອີກຈຳນວນໜຶ່ງ ຂຶ້ນຢູ່ກັບຈຳນວນນັດທີ່ເຂົາລົງຫຼິ້ນ ແລະ ຈຳນວນແຊັມທີ່ເຂົາຊ່ວຍໃຫ້ ແມນ​ເຊ​ສ​ເຕີ ຢູໄນເຕັດ ຄວ້າມາຄອງໄດ້.</h1> <h1>           ຫາກຍອດທີມແຫ່ງຖິ່ນ ໂອລ ແທຣັບຟອດ ໄດ້ຕົວ ກົວດຣາໂດ້ ມາຮ່ວມທີມ ເຂົາກໍຈະໄດ້ປະຈຳການໃນຕຳແໜ່ງວິງແບັກຝັ່ງຂວາຂອງທີມທັນທີ ​ເຊິ່ງຈະສອດຄ່ອງກັບລາຍງານທີ່ບອກວ່າ ຟານ ກັນ ແຈ້ງກັບ ຣາຟາເອລ ດາ ຊິວວາ ແບັກຂວາຊາວບຣາຊິນຂອງທີມວ່າ ເຂົາບໍ່ຢູ່ໃນແຜນການສ້າງທີມອີກຕໍ່ໄປ ແລະ ສາມາດຍ້າຍອອກຈາກທີມໄດ້ທັນທີ.</h1>

ຂ່າວທີ່ກ່ຽວຂ້ອງ