ຂ່າວຫຼ້າສຸດ

ລະ­ວັງ! ແດ່​ກໍ່​ດີ

2.408 11 ສ.ຫ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ດຽວ­ນີ້​ກະ­ແສ​ຮັກ­ສາ​ຄວາມ​ສວຍ​ຄວາມ​ງາມ​ມາ​ແຮງ​ຫຼາຍ ມີ​ບາງ​ຄັ້ງ​ຄາວ​ເຫັນ​ວ່າ​ລື່ນ​ຮອດ​ການ​ຮັກ­ສາ​ພະ­ຍາດ​ອີກ​ຊ້ຳ.</p> <p style="text-align: justify;"> ຖ້າ​ທ່ານ​ຢູ່​ນະ­ຄອນ­ຫຼວງ​ວຽງ​ຈັນ ຈະ​ສັງ­ເກດ​ເຫັນ​ວ່າ ຮ້ານ​ເສີມ​ຄວາມ​ງາມ​ເກີດ​ຂຶ້ນ​ປານ​ດອກ​ເຫັດ ບໍ່​ທໍ່​ນັ້ນ ເວ­ລາ​ເຂົ້າ​ໄປ​ຕະ­ຫຼາດ ບໍ່​ວ່າ​ຕະ­ຫຼາດ​ນ້ອຍ ຫຼື ໃຫຍ່ ຈະ​ເຫັນ​ວ່າ​ມີ​ສິນ­ຄ້າ​ກ່ຽວ​ກັບ​ການ​ເສີມ​ຄວາມ​ງາມ: ການ​ຮັກ­ສາ​ຄວາມ​ງາມ​ຫຼາຍ​ແທ້ໆ...ບໍ່​ທໍ່​ນັ້ນ ຍັງ​ມີ​ຈາກ​ຕ່າງ­ປະ­ເທດ​ເຂົ້າ​ມາ​ຂາຍ​ມາ​ວາງ­ສະ­ແດງ​ອີກ ເຊິ່ງ​ຫວ່າງ​ມໍ່ໆມານີ້ ຢູ່​ລາວ-ໄອ​ເຕັກ ສິນ­ຄ້າ​ໄທ​ທີ່​ມາ​ວາງ​ຂາຍ ມີ​ສິນ­ຄ້າ​ທີ່​ກ່ຽວ​ກັບ​ຄວາມ​ງາມ​ກວມ​ຫຼາຍ​ທີ່​ສຸດ.</p> <p style="text-align: justify;"> ມາ​ແຮງ​ແຊງ​ຄີວ​ກວ່າ​ນັ້ນ ແມ່ນ​ການ​ຈ່າວ​ຂາຍ​ສິນ­ຄ້າ​ພວກ​ນີ້​ຕາມ​ໜ້າ Face Book ຫຼາຍ​ແທ້ໆ ຮອງ​ລົງ​ມາ​ແມ່ນ​ເລື່ອງ​ປິ່ນ­ປົວ​ສຸ­ຂະ­ພາບ ເລື່ອງ​ເພດ​ສຳ­ພັນ... ທີ່​ຍົກ​ຂຶ້ນ​ມາ​ນີ້ ແມ່ນ​ຢາກ​ໃຫ້​ເພື່ອນ​ຜູ້​ອ່ານ​ຮູ້​ວ່າ: ສະ­ພາບ​ແວດ​ລ້ອມ​ໃນ​ສັງ­ຄົມ​ມີ​ທ່າ​ອຽງ​ເລື່ອງ​ສຸ­ຂະ­ພາບ​ຫຼາຍ​ຂຶ້ນ ຄົນ​ເຮົາ​ຄິດ​ເຖິງ​ເລື່ອງ​ນີ້​ກໍ່​ຕ້ອງ​ຍອມ­ຮັບ​ວ່າ <strong>ຖາ­ນະ​ທາງ​ເສດ­ຖະ­ກິດ​ດີ​ຂຶ້ນ ບ້ານ​ເມືອງ​ເຮົາ​ໄດ້​ຮັບ​ການ​ພັດ­ທະ­ນາ​ດີ​ຂຶ້ນ.</strong></p> <p style="text-align: justify;"> ແຕ່​ໃນ​ກະ­ແສ​ນີ້​ຢາກ​ເຕືອນ​ວ່າ: ເຮົາ​ເປັນ​ຜູ້​ບໍ­ລິ­ໂພກ​ຕ້ອງ​ໄດ້​ສຶກ​ສາ​ຫຼາຍ​ດ້ານ​ກ່ອນ​ທີ່​ຈະ​ຊື້ ຫຼື ບໍ­ລິ­ໂພກ​ສິນ­ຄ້າ​ອັນ​ໃດ​ອັນ​ໜຶ່ງ... <strong>ພວກ​ນີ້​ມີ​ຄຸນ ແລະ ໂທດ</strong> ຫາກ​ບໍ່​ພິ­ຈາ­ລະ­ນາ ຫຼື ສຶກ​ສາ​ຄັກ­ແນ່ ມີ​ໂທດ​ເຖິງ​ຊີ­ວິດ​ແທ້​ເນີ !.</p> <p style="text-align: justify;"> ຫຼາຍ​ທ່ານ​ອາດ​ໄດ້​ຍິນ​ຂ່າວ ຫຼື ເຫັນ​ຈາກ​ໂທລະ­ພາບ​ຈາກ​ປະ­ເທດ​ທີ່​ໃກ້​ຄຽງ (ໄທ) ເລື່ອງ​ການ​ເສີມ​ຄວາມ​ງາມ​ທັງ­ຫຼາຍ ນັບ​ຕັ້ງ­ແຕ່​ສັນ­ຍາ​ກຳ​ໃບ​ໜ້າ... ໜ້າ​ເອິກ ຈົນ​ໄປ​ເຖິງ​ການ­ຜ່າ­ຕັດ​ປ່ຽນ­ແປງ​ອະ​ໄວ​ຍະ​ວະ​ເພດ... ສ່ວນ​ການ​ກິນ​ຢາ-ສັກ​ຢາ​ໃຫ້​ຜິວ​ຂາວ ການ​ປ່ຽນ​ເລນ​ຕາ ກໍ່​ມີ​ໃຫ້​ເຫັນŒໄດ້​ຟັງ​ແລ້ວ ຈົນ​ເຖິງ​ຂັ້ນ​ນອນ​ບໍ່​ຫຼັບ​ກໍ່​ມີ​ມາ​ແລ້ວ.</p> <p style="text-align: justify;"> ຢູ່​ບ້ານ​ເຮົາ​ກໍ່​ມີ​ຄື​ກັນ ເຖິງ​ແມ່ນ​ບໍ່​ໜັກ​ໜາ​ຊ່ຳ​ບ້ານ​ເພິ່ນ ! ຈຸດ​ນີ້​ຢາກ​ສະ­ເໜີ​ເປັນ​ອຸ­ທາ­ຫອນ​ເພື່ອ​ໃຫ້​ມີ​ສະ­ຕິ​ລະ­ວັງ​ຕົວ ເພາະ​ຫາກ​ເກີດ​ຂຶ້ນ​ແລ້ວ​ມັນ​ແກ້​ໄຂ​ຍາກ.</p> <p style="text-align: justify;"> ວັນ​ເສົາ ທີ 2 ສິງ­ຫາ ທີ່​ຜ່ານ​ມາ ໄປ​ເລາະ​ໄອ​ເຕັກ ເຫັນ​ຜູ້­ຍິງ​ລາວ<strong>​ເອົາ​ແຂນ​ຂອງ​ຕົນ​ໃຫ້​ເຂົາ​ເອົາ​ຄີມ... ເອົາ​ຢາ​ນັ້ນ​ຢາ​ນີ້​ທາ​ໃສ່</strong> ຮູ້­ສຶກ​ຢ້ານ​ຕາງ ເພາະ​ເຄີຍ​ເຫັນ​ຄົນ​ແພ້​ເຄື່ອງ​ສຳ­ອາງ​ຈົນ​ໄດ້​ປົວ​ຜິວ­ໜັງ​ເປັນ​ເດືອນ​ຈິ່ງ​ຄື­ເກົ່າ ! ຄັນ​ແມ່ນ​ຍອມ​ເອົາ​ໃບ​ໜ້າ​ໃຫ້​ພວກ​ເຂົາ​ທົດ​ລອງ​ຄີມ​ໃສ່​ຜູ້​ຂຽນ​ກະ​ບໍ່​ຮູ້​ວ່າ​ຊິ​ວາດ​ພາບ​ແນວ­ໃດ ? ຫາກ​ໜ້າ​ນັ້ນ​ເກີດ​ແພ້​ຄີມ​ນັ້ນ​ຂຶ້ນ​ມາ ?</p> <p style="text-align: justify;"> ເຖິງ​ຈະ​ບໍ່​ເສາະ​ໃສ​ກໍ່​ຂໍ​ໃຫ້​ຖື​ວ່າ​ອັນ​ນັ້ນ​ແມ່ນ​ທຳ​ມະ​ຊາດ... ຄວນ​ເລີ່ມ​ຈາກ​ທຳ​ມະ​ຊາດ​ເປັນ​ທີ່​ຕັ້ງ​ຈະ​ດີ​ທີ່​ສຸດ ທີ່​ເປັນ​ຫ່ວງ​ກໍ່​ຍ້ອນ​ວ່າ​ເຫັນ​ເປັນ​ຂ່າວ​ມາ​ຫຼາຍ... ເສຍ​ເງິນ... ເສຍ​ໃບ​ໜ້າ... ເສຍ​ຄວາມ​ຮູ້­ສຶກ ຫຼື ຮ້າຍ​ແຮງ​ກວ່າ​ນັ້ນ​ອາດ​ເສຍ​ຊີ­ວິດ​ກໍ່​ເປັນ​ໄດ້ ?.</p> <p style="text-align: justify;"> <strong>ຂໍ​ໃຫ້​ລະ­ມັດ­ລະ­ວັງ​ເນີ ! ຜູ້­ຍິງ​ເຮົາ </strong><strong>?.</strong></p>

ຂ່າວທີ່ກ່ຽວຂ້ອງ