ຫຼຸຍ ຟານ ກັນ ກົດດັນຮອງປະທານນຳເຂົ້າ "ດິ ມາເຣຍ"

575 11 ສ.ຫ. 2014 ນານາກີລາໂລກ
ຫຼຸຍ ຟານ ກັນ ກົດດັນຮອງປະທານນຳເຂົ້າ "ດິ ມາເຣຍ"

<p> <strong>​ຫຼຸຍ ຟານ ກັນ ຜູ້​ຈັດການຄົນໃໝ່ຂອງ ແມນເຊສເຕີ ຢູໄນເຕັດ ກົດດັນທ່ານ ເອັດ ວູດເວິດ ຮອງປະທານສະໂມສອນໃຫ້ດຳເນີນການຄວ້າຕົວ ອັງເກວ ດິ ມາເຣຍ ປີກທີມຊາດອາກຊັງ​ຕິນ ຂອງ ຣິວ ມາດຣິດ ມາຣ່ວມທີມ.</strong></p> <p> ເດລີ ມິເຣີ ສື່ຊື່ດັງຂອງ​ອັງກິດ​ລາຍງານຂ່າວວ່າ <strong>ທ່ານ ​ເອັດ ວູດເວິດ</strong> ໄດ້ກ່າວລະຫວ່າງທ່ຽວສະຫະລັດອາເມຣິກາວ່າພວກເຂົາພ້ອມທຸ່ມເງິນລະດັບ 85 ລ້ານປອນເໝືອນທີ່ ຣິວ ມາດຣິດ ຄວ້າຕົວ ແກເຣັດ ເບວ ໄປຈາກທັອດແນ່ມ ຮອດສະເປີ.</p> <p> ​ແກ​ເຣັດ ເບວ ແລະ ຄຣິສ​ເຕຍໂນ່ ໂຣນັນໂດ້ ມີສັນຍາຍາວກັບ ຣິວ ມາດຣິດ ແຕ່ ດິ ມາເຣຍ ​ໄວ 26 ປີອາດຖືກທີມແຊັມ​ເອີຣົບປ່ອຍຕົວອອກມາໃນ​ໄລຍະ​ພັກ​ຮ້ອນນີ້ . </p> <p> ຫຼັງຈາກ ຫຼຸຍ ຟານ ກັນ ຜູ້​ຈັດການຄົນໃໝ່ຂອງ​ແມນ​ເຊ​ສ​ເຕີ ຢູໄນເຕັດ ອອກມາກ່າວຊົມ​ເຊີຍ ດິ ມາເຣຍ ວ່າຢູ່ໃນລະດັບດຽວກັບ ໂຣນັນໂດ້ ນັ້ນກໍ​ເຮັດໃຫ້ຄວາມກົດດັນໄປຢຸ່ທີ່ທ່ານ ​ເອັດ ວູດເວິດ ຫຼັງຈາກ ປາຣີສ ແຊງ-ແຊກແມງ ຖອນຕົວຈາກການລ່ານັກເຕະດ້ວຍລາາຄາ 50 ລ້ານປອນໄປແລ້ວ.</p> <p> ຜູ້​ຈັດການໃຫຍ່ຊາວ​ໂຮ​ນລັງ ເຊື່ອວ່າ ທີມທີ່ເຂົາໄດ້ຮັບສືບທອດຈາກ ເດວິດ ມອຍ ອະດີດຜູ້​ຈັດການທີ​ມຍັງຂາດຄວາມສົມດຸນ.</p> <p> "ມັນເປັນກົນລະ​ຍຸດສຳລັບ ແມນເຊສເຕີ ຢູໄນເຕັດ ທີ່ຈະ​ເຮັດແບບນັ້ນ"ຫຼຸຍ ຟານ ກັນ ຕອບເມື່ອຖືກສອບຖາມເລື່ອງທ່ານ ​ເອັດ ວູດເວິດ ກຽມທຸ່ມເງິນທໍາລາຍຄ່າຕົວສະຖິຕິໂລກ.</p> <p> "ໃນຕອນນີ້ເຮົາມີກອງໜ້າ 5 ຄົນ ແລະ ຈອມທັບອີກ 4 ຄົນ ເຮົາບໍ່ມີປີກມາຊ່ວຍສ້າງເກມບຸກດ້ານຂ້າງ"</p> <p> "ຫຼືບໍ່ຂ້ອຍຄົງຕ້ອງບອກວ່າເຮົາບໍ່ມີປີກລະດັບສູງເໝືອນຢ່າງ ໂຣນັນໂດ ຫຼື ດິ ມາເຣຍ ຫຼືໃຜບາງຄົນໃນລະດັບນັ້ນ ດັ່ງນັ້ນຂ້ອຍຕ້ອງຫຼິ້ນໃນແນວທາງອື່ນ ແລະ ທ່ານກໍເຫັນໄປແລ້ວ"        </p> <p> "ຂ້ອຍຈະຊື້ກໍຕໍ່ເມື່ອຂ້ອຍຄິດວ່າເຮົາມີຄວາມຈຳເປັນ ແລະ ຕຳແໜ່ງນັ້ນຈຳເປັນຕ້ອງເສີມ".</p>

ຂ່າວທີ່ກ່ຽວຂ້ອງ