ຂ່າວຫຼ້າສຸດ

ຕຳຫຼວດເຈັບ 44 ຄົນເຫດວຸ່ນວາຍເກມ ບາສເຕຍ-ມາກເຊ

554 11 ສ.ຫ. 2014 ນານາກີລາໂລກ
ຕຳຫຼວດເຈັບ 44 ຄົນເຫດວຸ່ນວາຍເກມ ບາສເຕຍ-ມາກເຊ

<h1>           ​ເຕະບານ ລີກ ອອງ ນັດເປີດສະໜາມລະຫວ່າງ ບາສເຕຍ ກັບ ໂອລິມປິກ ມາກເຊ ເມື່ອວັນເສົາທີ່ຜ່ານມາ ເກີດເຫດວຸ່ນວາຍຈົນມີເຈົ້າໜ້າທີ່ຕຳຫຼວດບາດເຈັບໄປ​ເຖິງ 44 ຄົນ ຂະນະທີ່ລັດຖະມົນຕີກະຊວງພາຍ​ໃນຂອງຝຣັ່ງ ອ້ອນວອນທຸກຝ່າຍຊ່ວຍກັນຫຼຸດຄວາມຮຸນແຮງໃນເກມ​ເຕະບານ. </h1> <p>           ທ່ານ ແບກນາ ກາເຊນູເວ່ ລັດຖະມົນຕີກະຊວງພາຍ​ໃນຂອງປະເທດຝຣັ່ງ ​ເປີດເຜີຍເມື່ອວັນອາທິດທີ 10 ສິງຫາທີ່ຜ່ານມາວ່າ ເຈົ້າໜ້າທີ່ຕຳຫຼວດບາດເຈັບໄປທັງໝົດ 44 ຄົນ ຈາກການເຂົ້າໄປຄວບຄຸມເຫດການວຸ່ນວາຍຂອງກອງ​ເຊຍ​ບານໃນເກມ ລີກ ອອງ ທີ່ ບາສເຕຍ ສະ​ເໝີກັບ ໂອລິມປິກ ມາກເຊ 3-3 ເມື່ອວັນເສົາທີ່ຜ່ານມາ.</p> <p>         ເກມທີ່ສະໜາມ ສະຕາດ ອາກມອງ ເຊຊາຣີ່ ​ເທິງເກາະຄໍຊິກ້າ ເກີດເຫດວຸ່ນວາຍທັງກ່ອນໜ້າ ແລະ ຫຼັງການແຂ່ງຂັນ ສົ່ງຜົນໃຫ້ມີຕຳຫຼວດຄວບຄຸມຈະລາຈົນບາດເຈັບໄປ 10 ຄົນ ແລະ ຕຳຫຼວດທ້ອງຖິ່ນເຈັບໄປ 34 ຄົນ ຂະນະທີ່ກອງ​ເຊຍ​ບານ​ບໍ່ມີລາຍງານວ່າ ບາດເຈັບໄປຫຼາຍ​ປານ​ໃດ.</p> <p>         ທ່ານ ​ແບກ​ນາ ກາເຊນູເວ່ ຮຽກຮ້ອງໃຫ້ເຊົາພຶດຕິກໍາທີ່ສ້າງຄວາມຮຸນແຮງ ໂດຍສະ​ເພາະຢ່າງຍິ່ງກັບເຈົ້າໜ້າທີ່ຕຳຫຼວດຮັກສາຄວາມປອດ​ໄພ ທີ່ສົມຄວນຈະໄດ້ຮັບຄວາມເຄົາລົບ​ຫຼາຍກວ່ານີ້.</p>

ຂ່າວທີ່ກ່ຽວຂ້ອງ