ຂ່າວຫຼ້າສຸດ

ຕະຫຼາດນັກເຕະ

703 08 ສ.ຫ. 2014 ນານາກີລາໂລກ
ຕະຫຼາດນັກເຕະ

<p> <strong>​</strong><strong>ເຕະບານລີກໃນ​ເອີຣົບໃກ້ຈະ​ເຖິງເວລາເປີດສະໜາມລະດູການໃໝ່ເຕັມທີແລ້ວ ວັນອາທິດທີ່ຜ່ານມາ​ນີ້ ທີ່ອັງກິດກໍມີເກມ ຄອມມິວນິຕີ ຊິວ ລະຫວ່າງ ແມນ​ເຊ​ສ​ເຕີ ຊິຕີ ກັບ ອາເຊນອນ ກ່ອນທີ່ຈະເປິດສະໜາມພຣີເມຍລີກ ຢ່າງເປັນທາງການໃນວັນທີ </strong><strong>16 ສິງຫາທີ່​ຈະ​ມາ​ເຖິງ​ນີ້.</strong></p> <p> ອາທິດຖັດໄປໃນວັນທີ 23 ສິງຫາ ​ເຖິງຄິວຂອງ ບຸນເດສລີກາ ທີ່ຈະເລີ່ມຕົ້ນ​ແຂ່ງຕາມມາ ເຊັ່ນດຽວກັບ ລາລີກາ ​ແອັດ​ສະ​ປາຍ ເປິດສະໜາມວັນ​ທີ 24 ສິງຫາ.</p> <p> ຕະຫຼາດຊື້ຂາຍນັກເຕະຍັງມີຄວາມເຄລື່ອນໄຫວທຸກວັນ ຫຼັງຈາກຫຼາຍທີມທົດສອບນັກເຕະໃນເກມອຸ່ນເຄື່ອງໄປແລ້ວ ຮູ້ວ່າຍັງຂາດຜູ້ຫຼິ້ນໃນຕຳແໜ່ງ​ໃດ​ແດ່. </p> <p> ແມນ​ເຊ​ສ​ເຕີ ຢູ​ໄນ​ເຕັດ ສ້າງຄວາມປະຫຼາດໃຈບໍ່​ໜ້ອຍ ຄວ້າແຊັມ ອິນເຕີເນຊັນແນວ ແຊມປຽນລີກ ຄັບ ທີ່ສະຫະລັດ​ອາ​ເມຣິກາ ຫຼັງຈາກເອົາຊະນະ ລິເວີພູນ 3-1 ໃນນັດຊີງຊະນະເລີດ.</p> <p> ເມື່ອ ຫຼຸຍ ຟານ ກັນ ເຂົ້າມາຄຸມທີມ ກອງເຊຍຍັງບໍ່ໝັ້ນໃຈຫຼາຍ​ປານ​ໃດ ເພາະຕົວຜູ້ຫຼິ້ນສ່ວນໃຫຍ່ຍັງເໝືອນເດີມເມື່ອລະດູການທີ່ຜ່ານ​ມາ ແຕ່ ຫຼຸຍ ຟານ ກັນ ​ເຮັດໃຫ້ກອງ​ເຊຍ​ບານ​ແມນ​ຢູມີຊີວິດຊີວາຂຶ້ນມາອີກຄັ້ງດ້ວຍຮູບ​ແບບການຫຼິ້ນດີກວ່າຍຸກຂອງ ເດວິດ ມອຍ ຢ່າງເຫັນໄດ້ຈະ​ແຈ້ງ.</p> <p> ນັກເຕະທີ່ຜູ້​ຈັດການຊາວ​ໂຮ​ນລັງຕ້ອງການນຳມາເສີມທັບຫຼາຍທີ່ສຸດກ່ອນເປີດລະດູ​ການ ກໍຄືຕຳແໜ່ງກອງຫຼັງ ໂດຍສະ​ເພາະກອງ​ຫຼັງ​ກາງ ສ່ວນ ເບຣນດັນ ຣັອດເຈີ ຜູ້ຈັດການທີມລິເວີພູນຢືນຢັນເຊັ່ນກັນວ່າ ຈະຫານັກເຕະໃໝ່ມາໃຫ້ໄດ້ກ່ອນເປີດສະໜາມພຣີເມຍລີກກັບເຊົາແທມຕັນ ທີມທີ່ລິ​ເວີ​ພູນເໝົານັກເຕະມາ 3 ຄົນ ທັງຣິກກີ ແລມເບິດ, ອະດໍາ ລັນລານາ ແລະ ເດຢັນ ລອບເຣນ.</p> <p> <strong>ສະຫຼຸບພາບລວມຕະຫຼາດຊື້ຂາຍທີ່ຜ່ານມາ</strong></p> <p> ຫຼຸຍ ຊົວເຣຊ ດາວຍິງອຸຣຸກວັຍ ເປັນນັກເຕະທີ່ມີຄ່າຕົວແພງທີ່ສຸດ 88 ລ້ານ​ເອີໂຣ ຈາກລິເວີພູນໄປຢູ່ກັບ ບາເຊໂລນາ ສ່ວນອັນດັບ  2–10 ມີດັ່ງນີ້</p> <p> 2. ຮາເມສ ໂຣດຣິເກຊ (ໂມນາໂກ-ຣິວ ມາດຣິດ 80 ລ້ານ​ເອີໂຣ)</p> <p> 3. ດາວິດ ລຸຍ (ເຊວຊີ-ປາຣີ ​ແຊງ-​ແຊກ​ແມັງ 49,5 ລ້ານ​ເອີໂຣ)</p> <p> 4. ດິເອໂກ ຄອສຕາ (ແອດ.ມາດຣິດ-ເຊວຊີ 44 ລ້ານ​ເອີໂຣ)</p> <p> 5. ອະເລັກຊິສ ຊານເຊຊ (ບາ​ເຊ​ໂລ​ນ່າ-ອາເຊນອນ 40 ລ້ານ​ເອີໂຣ)</p> <p> 6. ລຸກ ຊໍ (ເຊົາແທມຕັນ-ແມນ​ເຊ​ສ​ເຕີ ຢູ​ໄນ​ເຕັດ 37,8 ລ້ານ​ເອີໂຣ)</p> <p> 7. ອັນເດ ເອເຣຣາ (ບິວເບົາ-ແມນ​ເຊ​ສ​ເຕີ ຢູ​ໄນ​ເຕັດ 36,5 ລ້ານ​ເອີໂຣ)</p> <p> 8. ເຊສ ຟາເບຣກັສ (ບາ​ເຊ​ໂລ​ນ່າ-ເຊວຊີ 36 ລ້ານ​ເອີໂຣ)</p> <p> 9. ໂຣເມລູ ລູກາກູ (ເຊວຊີ-ເອຟເວີຕັນ 35,3 ລ້ານ​ເອີໂຣ)</p> <p> 10. ອະດໍາ ລັນລານາ (ເຊົາແທມຕັນ-ລິເວີພູນ 31,5 ລ້ານ​ເອີໂຣ)</p> <p>           ກວາດ​ເບິ່ງ​ລາຍຊື່ນັກເຕະຝີຕີນດີທີ່ຍັງຢູ່ໃນຕະຫຼາດ ແລະ ຕົກເປັນຂ່າວລາຍວັນ ເຊື່ອວ່າ ຄົງບໍ່ມີການຊື້ຂາຍລາຍໃຫຍ່ຄ່າຕົວແພງໄປກວ່າ ຫຼຸຍ ຊົວເຣຊ ອີກແລ້ວ.</p>

ຂ່າວທີ່ກ່ຽວຂ້ອງ