ຂ່າວຫຼ້າສຸດ

ຫວນ​ຄືນ​ວັນ​ແມ່

2.022 08 ສ.ຫ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ຄວາມ​ຈິງ​ແລ້ວ​ຄຳ​ວ່າ​ແມ່​ນີ້ ເຖິງ​ວ່າ​ເປັນ​ຄຳ​ໂດດ​ສັ້ນໆ ແຕ່​ກິນ​ຄວາມ​ໝາຍ​ເລິກ ແລະ ມີ​ຄວາມ​ສຳ­ຄັນ​ຕໍ່​ທຸກ​ຄົນ ຍົກ­ເວັ້ນ​ຄົນ​ໃຈ​ມືດ​ບອດ​ທີ່​ບໍ່​ຮູ້­ຈັກ​ບຸນ­ຄຸນ​ພໍ່​ແມ່ ເຖິງ​ແມ່ນ​ວ່າວັນ​ທີ 20/7 ໄດ້​ຜ່ານ​ພົ້ນ​ໄປ​ແລ້ວ​ກໍ່​ຕາມ ຜູ້ຂຽນ​ຍັງ​ຢາກຫວນ​ຄືນ​ວັນ​ສຳ­ຄັນ​ທີ່​ລູກ​ຕ້ອງ​ສຳ­ນຶກ​ຕໍ່​ແມ່ ຜົວ​ຕໍ່​ເມຍ ເອື້ອຍ​ມີ​ຕໍ່​ນ້ອງ ປ້າ​ມີ​ຕໍ່​ຫຼານ ແລະ ບຸນ­ຄຸນຂອງ​ແມ່ <strong>(ແມ່ຍິງ)</strong> ທີ່​ມີ​ຕໍ່​ແຜ່ນ­ດິນ ຢ້ອນ​ຫຼັງ​ຈາກ​ນີ້​ກັບ​ໄປ​ເມື່ອ​ວັນ​ທີ 20/7/1955ຈົນ​ເຖິງ​ວັນ​ທີ 20/7/2014ບົດ­ບາດ​ຂອງ​ແມ່­ຍິງໄດ້​ຖືກ​ຍົກ​ສູງ​ສະ­ເໝີ​ໃນ​ສັງ­ຄົມ​ລາວ ແລະ ແມ່​ເອງ​ກໍ່​ຍັງມີ​ບົດ­ບາດ​ທຸກ​ຂົງ­ເຂດ​ວຽກ​ງານ ແລະ ໃນ​ການ​ເປັນ​ຄູ​ຄົນ​ທຳອິດ​ຂອງ​ລູກ.</p> <p style="text-align: justify;"> ຜູ້​ຂຽນ​ດີ­ໃຈ​ທີ່​ສະ­ຫະ­ພັນ​ແມ່­ຍິງ ໃນ​ສະ­ຖາ­ນະ​ເປັນ​ອົງ­ການມະ­ຫາ­ຊົນ​ ໄດ້​ມີ​ບົດ­ບາດ​ສູງ​ເດັ່ນ​ຂຶ້ນ​ໃນ​ສັງ­ຄົມ ພ້ອມ​ດ້ວຍ​ສະຫະ​ພັນ​ແມ່­ຍິງ​ໃນ​ແຕ່​ລະ​ໜ່ວຍ​ງານ ອົງ­ການ​ຕ່າງໆ​ຂອງ​ລັດ ແລະ ເອ­ກະ​ຊົນ ຖ້າ​ເບິ່ງ​ໃນ​ແງ່​ຂອງ​ວັດ­ທະ­ນະ­ທຳ​ຜູ້­ຍິງ ແມ່ນມີ​ບົດ­ບາດ​ເດັ່ນ​ສູງ​ໃນ​ການ​ຮັກ­ສາ ແລະ ເຜີຍ­ແຜ່​ວັດ­ທະ­ນະທຳ​ການ​ນຸ່ງ​ຖື ແລະ ສືບ​ທອດ​ການ​ຕ່ຳ­ຫູກ​ທໍ​ໄໝ ອັນ​ເປັນ​ເອກະ​ລັກ​ຂອງ​ຊາດ.</p> <p style="text-align: justify;"> ຖ້າ​ເວົ້າ​ເຖິງ​ບົດ­ບາດ​ແມ່­ຍິງ <strong>(ແມ່)</strong> ໃນ​ວັນ­ນະ­ຄະ­ດີ​ລາວ ຍິ່ງ​ເຮັດ​ໃຫ້​ພວກ​ເຮົາ​ເຫັນ​ໄດ້​ຢ່າງ​ຈະ­ແຈ້ງ ເຊັ່ນ: ບົດ­ບາດນາງ ສຸ​ມຸນ­ທາ ນາງ ແຕງ​ອ່ອນ ນາງ ຜົມ​ຫອມ... ເວົ້າ​ເລື່ອງແມ່­ຍິງ ຜູ້​ຂຽນ​ຄິດ​ເຫັນ​ເລື່ອງ­ສັ້ນ​ຂອງ​ເລີດ​ໄຊ­ຊະ­ນະ ເຊິ່ງ​ເປັນນາມ​ປາກ­ກາ​ຂອງ<strong>​ທ່ານ ຄຳ​ວິ​ສັນ ແກ້ວ​ສຸ­ວັນ ນັກ​ຂຽນ ແລະ ນັກ​ໜັງ­ສື­ພິມ​ອາ­ວຸ­ໂສ</strong> ທີ່​ເວົ້າ​ເຖິງ​ໜ້າ­ທີ່​ຂອງ​ແມ່​ ທີ່​ຖືກ​ພິມ​ຢູ່​ໃນ​ປຶ້ມ​ເສັ້ນ­ທາງ​ສູ່​ຄວາມ​ຢູ່​ດີ​ມີ​ສຸກ <strong>(ສຳ­ນັກ​ພິມ​ນັກປະ­ພັນ​ລາວ)</strong> 2012 ໜ້າ​ທີ 59 ເຊິ່ງ​ເລື່ອງ​ນີ້​ ເປັນ​ຜູ້​ຫຼິ້ນ​ບົດ­ບາດ​ເພື່ອໃຫ້​ລູກ​ສືບ​ທອດ​ຄວາມ​ຄິດ​ຂອງ​ພໍ່ ເພື່ອ​ເລືອກ​ອາ­ຊີບ​ເປັນ​ຄູ​ສອນ ໝາຍ​ຄວາມ​ວ່າ​ເລື່ອງ​ນີ້​ມັນສະ­ທ້ອນ​ຄວາມ​ຄິດ​ຂອງ​ຄົນ​ໃນ​ສັງ­ຄົມ​ທີ່​ພົ້ນ​ເດັ່ນ ສະ­ເພາະແຕ່​ລະ​ບັນ­ຫາ.</p> <p style="text-align: justify;"> ສັງ​ລວມ​ໃຫ້​ສັ້ນ ​ເລື່ອງ​ນີ້ກິນ​ຄວາມ​ໝາຍ​ເລິກ​ເຖິງ​ຊີ­ວິດລູກ​ຜູ້​ຊາຍ​ສອງ​ຄົນ ລະ­ຫວ່າງ​ພໍ່ ແລະ ລູກ​ຊາຍ ແຕ່​ມີແມ່ເປັນ​ຂົວ​ຕໍ່­ໃຫ້​ລູກ​ເຂົ້າ­ໃຈ​ອຸ­ດົມ​ການ​ຂອງ​ພໍ່ ເພື່ອ​ປະ­ໂຫຍດຂອງ​ຊາດ ແລະ ສັງ­ຄົມ ​ນັ້ນ​ຄືອາ­ຊີບ​ຄູ ​ຕາມແນວ­ທາງ​ການພັດ­ທະ­ນາ​ຊົນ­ນະ­ບົດ​ຮອບ­ດ້ານ​ຂອງ​ພັກ-ລັດ.</p> <p style="text-align: justify;"> ຜູ້​ຂຽນ​ຂໍ​ຍົກ​ເອົາ​ທາງ​ພຸດ​ທະ​ສາ­ສະ­ໜາ​ມາ​ສະ­ເໜີ​ຕື່ມ​ອີກພໍ​ເປັນ​ຫຼັກ​ໃຫ້​ຄິດ​ວ່າ: <strong>ພະ­ພຸດ­ທະ­ເຈົ້າ​ໄດ້​ສອນ​ໄວ້​ເຖິງໜ້າ­ທີ່ຂອງ​ຜົວ</strong><strong>-ເມຍ</strong>ທີ່​ຕ້ອງ​ປະ­ຕິ­ບັດ​ຕໍ່​ກັນ ຄົນ​ລະ 5 ປະ­ການ ເຊິ່ງບໍ່​ມີ​ໃຜ​ໄດ້​ປຽບເສຍ­ປຽບ ເພາະ­ວ່າ​ສາ­ມີ ແລະ ພັນ​ລະ​ຍາກໍ່​ມີ​ຂໍ້​ຫ້າມ​ບໍ່​ໃຫ້​ນອກ­ໃຈ​ເຊິ່ງ​ກັນ ແລະ ກັນ ດັ່ງ­ນັ້ນ ເມຍ <strong>(</strong><strong>ພັນ​ລະ​ຍາ)</strong>ຈຶ່ງ​ມີ​ຖາ­ນະ​ຫຼາຍ​ຢ່າງເຊັ່ນ: ເມຍ ປຽບ​ເໝືອນນ້ອງ​ສາວ ເມຍ ປຽບ​ເໝືອນ​ແມ່​ຍາຍ ສາ­ມີ​ເຈັບ​ປ່ວຍ­ໄຂ້ ຕ້ອງ​ມີ​ເມຍ​ຄອຍ​ເບິ່ງ­ແຍງ​ປອບ​ໃຈ ເມຍ ປຽບ​ເໝືອນ​ສະຫາຍ​ຮ່ວມ​ເດີນ­ທາງ ແລະ ເປັນ​ທີ່​ປຶກ­ສາ​ຂອງ​ສາ­ມີ ເວ­ລາ​ມີວຽກ​ງານ​ຂັດ­ຂ້ອງ​ໝອງ​ໃຈ ສາ­ມີ​ນຳ​ມາ​ປຶກ­ສາ​ພັນ​ລະ​ຍາ​ຜູ້ຢູ່​ເຮືອນ​ ອາດ​ໄດ້​ຄຳ​ຕອບ ຫຼື ທາງ​ແກ້​ໄຂ​ທີ່​ດີ.</p> <p style="text-align: justify;"> ດັ່ງ​ທີ່​ຜູ້​ຂຽນ​ພະ­ຍາ­ຍາມ​ຍົກ​ເຫດ­ຜົນເຖິງ​ບົດ­ບາດ​ຂອງແມ່­ຍິງ​ຂ້າງ​ເທິງ​ນັ້ນ ຈິ່ງ​ບໍ່​ມີ​ໃຜ​ກ້າ​ປະ­ຕິ­ເສດ​ວ່າ: ແມ່­ຍິງ​ມີບົດບາດ​ສູງ​ເດັ່ນ​ຢູ່​ໃນ​ຖາ­ນະ​ຕ່າງໆ​ຂອງ​ຊາດ​ລາວ ເຊັ່ນ ເວ­ລາແມ່­ລ້ຽງ​ລູກ­ນ້ອຍ ​ມີ​ນ້ຳ​ນົມ​ໃຫ້​ລູກ​ໄດ້​ດື່ມ­ກິນ ອັນເປັນ​ສາຍເລືອດ​ຜູກ​ພັນ​ໃນ​ຊີ­ວິດ ແລະ ຄວາມ​ຮັກ​ຂອງ​ແມ່ ຍ່ອມ​ບໍ​ລິສຸດ ແລະ ຈິງ​ໃຈ ​ສະ­ເໝີ​ຕໍ່​ບັນ­ດາ​ລູກໆ​ຂອງ​ຕົນ ພ້ອມ​ນີ້ຜູ້ເປັນ​ລູກ​ກໍ່​ຄວນ​ສຳ­ນຶກ​ໃຫ້​ເຫັນ​ບຸນ­ຄຸນ​ຂອງ​ແມ່​ຕໍ່​ຕົນ​ເອງ ແລະ ແມ່​ໃນ​ຖາ­ນະ​ເປັນ​ພະ­ລັງ​ຂອງ​ແຜ່ນ­ດິນ ແລະ ຮູ້­ຈັກ​ແທນ​ຄ່າ​ນ້ຳ​ນົມ​ແມ່​ໃຫ້​ໄດ້​ສຸກ​ສົມ​ຫວັງ.</p>

ຂ່າວທີ່ກ່ຽວຂ້ອງ