"ເວັບ" ແຂວນໝາກຫວີດ ຂຶ້ນຮັບໜ້າທີ່ຜູ້ອໍານວຍການດ້ານເຕັກນິກ

903 07 ສ.ຫ. 2014 ນານາກີລາໂລກ
"ເວັບ" ແຂວນໝາກຫວີດ ຂຶ້ນຮັບໜ້າທີ່ຜູ້ອໍານວຍການດ້ານເຕັກນິກ

<p> <strong>ຮາວເວິດ ເວັບ ຜູ້ຕັດສິນຄົນ​ດັງ ແຫ່ງ​ເວທີພຣີເມຍລີກ ອັງກິດ ຕັດສິນໃຈປະກາດຂໍຢຸດບົດບາດຜູ້​ຕັດສິນ​ເຮັດ​ໜ້າທີ່ຄຸມເກມໃນສະໜາມເປັນທີ່ຮຽບຮ້ອຍ ຫຼັງຈາກ​ເຮັດ​ໜ້າ​ທີ່ມານານກວ່າ </strong><strong>25 ປີ ໂດຍຈະເລື່ອນຕຳແໜ່ງຂຶ້ນມາຮັບໜ້າທີ່ຜູ້ອຳນວຍ ການດ້ານເຕັກນິກຂອງຄະນະກໍາມະການແທນ</strong><strong>.</strong></p> <p> ຜູ້​ຕັດສິນມື 1 ຂອງອັງກິດ ຕັດສິນໃຈຢຸດຕິບົດບາດການ​ເຮັດ​ໜ້າທີ່ຜູ້ຕັດສິນ ຕາມການລາຍງານຈາກ “ສະກາຍສະປອດ” ສື່ຊື່​ດັງຂອງອັງກິດ ຫຼັງຜ່ານປະສົບການໃນເວທີພຣີເມຍລີກ ມາຫຼາຍກວ່າ 500 ນັດ  ຕະຫຼອດ​ໄລຍະເວລາ 25 ປີ ​ເຊິ່ງນອກຈາກນີ້ ຮາວ​ເວິດ ເວັບ ຍັງໄດ້ຮັບໂອກາດຕັດສິນລາຍການໃຫຍ່ໆມາແລ້ວທັງ​ເຕະບານໂລກ ​ເຕະບານຊີງແຊັມແຫ່ງຊາດ​ເອີຣົບ ແລະ ຢູຟາ ແຊັມປຽນລີກ.</p> <p> ຢ່າງ​ໃດ​ກໍຕາມ ຫຼັງຈາກປະກາດ​ແຂວນ​ໝາກຫວີດ ຮາວ​ເວິດ ເວັບ ຍັງຄົງ​ເຮັດ​ໜ້າທີ່ໃນວົງການ​ເຕະບານເຊັ່ນເຄີຍ ໂດຍຈະໄດ້ເລື່ອນຂຶ້ນໄປຮັບຕຳແໜ່ງຜູ້ອຳນວຍການດ້ານເຕັກນິກຂອງຄະນະກໍາມະການ ມີໜ້າທີ່ດູແລຮັບຜິດຊອບໃນສ່ວນການກຳນົດທິດທາງ ແລະ ມາດຕະຖານຕ່າງໆໃນການຕັດສິນ ນອກຈາກນີ້ ຍັງມີໜ້າທີ່ພັດທະນາ ແລະ ຄັດເລືອກຜູ້​ຕັດສິນຣຸ່ນ    ໃໝ່ໆຂຶ້ນມາຕັດສິນໃນເກມລີກລະດັບຕ່າງໆຂອງອັງກິດດ້ວຍ. </p> <p> ສຳລັບ ຜູ້​ຕັດສິນ​ໄວ 43 ປີ ເລີ່ມຕ້ນໜ້າທີ່ການເປັນຜູ້ຕັດສິນມາຕັ້ງແຕ່ປີ 1989 ໂດຍໄດ້ຮັບໂອກາດຕັດສິນ​ເຕະບານໃນລີກຕໍ່າຂອງອັງກິດ ກ່ອນຈະກ້າວຂຶ້ນມາ​ເຮັດ​ໜ້າທີ່ຜູ້ຕັດສິນໃນລະດັບພຣີເມຍລີກ ຕັ້ງແຕ່ປີ 2003.</p>

ຂ່າວທີ່ກ່ຽວຂ້ອງ