ຂ່າວຫຼ້າສຸດ

“Adidas” ຈະຫຼຸດເງິນ ຫາກ “ແມນຢູ” ພາດໄປແຊັມປຽນລີກ

866 01 ສ.ຫ. 2014 ນານາກີລາໂລກ
“Adidas” ຈະຫຼຸດເງິນ ຫາກ “ແມນຢູ” ພາດໄປແຊັມປຽນລີກ

<p> <strong>ສະໂມສອນຍິ່ງໃຫຍ່ແຫ່ງເວທີ ພຣີເມຍ ລີກ ອັງກິດ ຄົງຕ້ອງຣີດຜົນງານຄວ້າໂຄວຕາກັບໄປແຂ່ງຂັນ ຢູຟາ ແຊັມປຽນ ລີກ ເນື່ອງຈາກໄດ້ເຮັດເງື່ອນໄຂກັບ ອາດິດາສ "</strong><strong>Adidas" ຜູ້ສະໜັບສະໜູນຜະລິດຕະພັນກີລາບໍລິສັດໃໝ່ ກ່ຽວກັບເງິນທີ່ຕ້ອງຈ່າຍຈະຖືກຫຼຸດລົງຫາກລົ້ມເຫຼວເປັນປີທີ່ 2 ຕິດຕໍ່ກັນ</strong><strong>.</strong></p> <p> ແມນເຊສເຕີ ຢູໄນເຕັດ ຫາກໍປະກາດເຊັນສັນຍາ 10 ປີກັບ “ອາດິດາສ” ຜະລິດຕະພັນກີລາຍິ່ງໃຫຍ່ສັນຊາດເຢຍລະມັນ ພ້ອມຮັບເງິນ 750 ລ້ານປອນ ໂດຍຈະເລີ່ມໃຊ້ຕັ້ງແຕ່ລະດູການ 2015-16 ເປັນຕົ້ນໄປ.</p> <p> ຢ່າງໃດກໍຕາມ ມີການເປີດເຜີຍວ່າຖ້າລະດູການ 2014-15 ທີ່ກຳລັງຈະເປິດສາກກາງເດືອນສິງຫານີ້ ແມນຢູ ພາດໂຄວຕາ ຢູຟາ ແຊັມປຽນ ລີກ ເຊິ່ງຖືເປັນປີທີ 2 ຕິດຕໍ່ກັນ ເງິນທີ່ “ອາດິດາສ” ຕ້ອງຈ່າຍຈະຫຼຸດລົງ 30% ຄືຈາກ 75 ລ້ານປອນຕໍ່ປີ ເຫຼືອ 52,5 ລ້ານປອນ ທາງກົງກັນຂ້າມ ຈະເພີ່ມອີກ 4 ລ້ານປອນຕໍ່ປີ ຖ້າໄດ້ແຊັມ ພຣີເມຍ ລີກ, ແຊັມປຽນ ລີກ ຫຼື ເອຟເອ ຄັບ ໃນອະນາຄົດ.</p> <p> ຖະແຫຼງຂອງ ແມນຢູ ເປີດເຜີຍວ່າ “ຄວາມສຳເລັດຫຼວງຫຼາຍໄລຍະ 20 ປີທີ່ຜ່ານມາ ບໍ່ໄດ້ມີຄວາມໝາຍອັນໃດເລີຍ ສິ່ງສຳຄັນຄືເຮົາຕ້ອງສານຕໍ່ໃນອະນາຄົດຕ່າງຫາກ ເນື່ອງຈາກການຫົດຕົວຂອງຜົນງານອາດສົ່ງຜົນກະທົບຕໍ່ປະສິດທິພາບໃນການດຶງດູດຜູ້ຫຼິ້ນ ” ໂດຍມີລາຍງານວ່າ ລະດູການ 2014-15 ທີ່ພາດໄປແຊມປຽນ ລີກ ແມນຢູສູນເສຍລາຍໄດ້ 35,5 ລ້ານປອນ.</p> <p> ເບື້ອງຕົ້ນ ສິ້ນສຸດເດືອນມິຖຸນາປີ 2014 ແມນຢູ ມີລາຍໄດ້ທີ່ຍັງບໍ່ປະກາດຢ່າງເປັນທາງການຄາດວ່າຢູ່ທີ່ 430 ລ້ານປອນ ເຖິງແມ່ນຜົນງານລະດູການ 2013-14 ຈະບໍ່ສູ້ດີ ໄຮ້ແຊັມ ລວມເຖິງຈົບທີ  7 ພຣີເມຍ ລີກ ແຕ່ເນື່ອງຈາກມີກອງເຊຍບານໜູນຫຼັງເຖິງ 659 ລ້ານຄົນທົ່ວໂລກ.</p> <h1>           ຂະນະດຽວກັນ ແມນຢູ ຕັ້ງເປົ້າເກັບເງິນ 87 ລ້ານປອນ ຈາກການຂາຍຫຸ້ນທີ່ຕະຫຼາດຫຼັກຊັບ ນິວຢອກ ໂດຍປະກາດຂອງຕະກູນເກວເຊີ ເຈົ້າຂອງສະໂມສອນເມື່ອວັນພຸດທີ 30 ກໍລະກົດທີ່ຜ່ານມາ ເຊິ່ງເທຂາຍ 8 ລ້ານຫຸ້ນ ຄິດເປັນ 5% ຂອງທຸລະກິດ ກ່ອນໜ້ານີ້ຫາກໍຂາຍໄປ 10% ເຖິງຢ່າງນັ້ນກໍຕາມ ແຕ່ຍັງມີອຳນາດພຽງຜູ້ດຽວ ເນື່ອງຈາກຖືຫຸ້ນໃຫຍ່ສຸດ.</h1>

ຂ່າວທີ່ກ່ຽວຂ້ອງ