ຂ່າວຫຼ້າສຸດ

ເຮັດທຸລະກິດ ! ເກວເຊີ ຫາເງິນຂາຍຫຸ້ນແມນຢູອີກ 5%

698 31 ກ.ກ. 2014 ນານາກີລາໂລກ
ເຮັດທຸລະກິດ ! ເກວເຊີ ຫາເງິນຂາຍຫຸ້ນແມນຢູອີກ 5%

<p> <strong>ຕະກູນເກວເຊີ ປະກາດຂາຍຫຸ້ນທີມ ແມນເຊສເຕີ ຢູໄນເຕັດ ຜ່ານຕະຫຼາດຫຼັກຊັບທີ່ນິວຢອກ </strong><strong>8 ລ້ານໜ່ວຍ ເພື່ອສ້າງລາຍໄດ້ 87 ລ້ານປອນ ຕາມລາຍງານຈາກ "ເດລີ່ເມວ" ສື່ດັງຂອງອັງກິດ ເມື່ອວັນພຸດທີ  30 ກໍລະກົດທີ່ຜ່ານມາ</strong><strong>.</strong></p> <p> ຄອບຄົວມະຫາເສດຖີຊາວອາເມຣິກາ ພ້ອມຂາຍຫຸ້ນທີ່ພວກເຂົາຄອບຄອງອີກຮອບ ປະມານ 5% ຫຼັງເຄີຍປ່ອຍມາແລ້ວ 10% ໃນປີ 2012 ນັບເປັນການຕັດສິນໃຈຄັ້ງສຳຄັນພຽງ 2 ເດືອນຫຼັງການເສຍຊີວິດຂອງ ທ່ານ ມັນຄອມ ເກວເຊີ ຜູ້ເຂົ້າມາຊື້ກິດຈະການເມື່ອປີ 2005 ເຊິ່ງການຂາຍຄັ້ງນີ້ ຈະເຮັດໃຫ້ສິດການອອກສຽງໃນກອງປະຊຸມຜູ້ຖືຫຸ້ນຫຼຸດລົງດ້ວຍ ແຕ່ລູກຫຼານຕະກູນເກວເຊີທັງ 6 ຄົນ ກໍຍັງຄົງເປັນຜູ້ຖືຫຸ້ນລາຍໃຫຍ່ຂອງສະໂມສອນຕໍ່ໄປ ໂດຍເມື່ອປິດຕະຫຼາດຫຼ້າສຸດ ຫຸ້ນຂອງແມນເຊສເຕີ ຢູໄນເຕັດ ມີລາຄາໜ່ວຍລະ 11,42 ປອນ.</p> <p> ທັງນີ້ ແມນເຊສເຕີ ຢູໄນເຕັດ ຫາກໍເຮັດສັນຍາ 10 ປີກັບ ອາດິດາສ ບໍລິສັດຜະລິດເສື້ອຜ້າຍິ່ງໃຫຍ່ຈາກເຢຍລະມັນ ເມື່ອເດືອນກໍລະກົດທີ່ຜ່ານມາ ເຊຶິ່ງມີຜົນຕັ້ງແຕ່ປີ 2015 ແລະ ເຮັດໃຫ້ມີລາຍໄດ້ເຂົ້າຄັງ 750 ລ້ານປອນ.</p> <p> ຢ່າງໃດກໍຕາມ ຫາກທີມພາດໂຄວຕາ ຢູຟ່າ ແຊັມປຽນ ລີກ ເປັນປີທີ 2 ຕິດຕໍ່ກັນ ຫຼືຍາວນານກວ່ານັ້ນ ອາດິດາສ ຈະຈ່າຍເງິນໃນປີທີ 2 ຫຼຸດລົງ 30% ຈາກ 75 ລ້ານປອນ ເຫຼືອພຽງແຕ່ 52,5 ລ້ານປອນ ແຕ່ຖ້າເປັນແຊັມພຣີເມຍລີກ, ເອັຟເອ ຄັບ ຫຼື ຢູຟ່າ ແຊັມປຽນ ລີກ ຈະໄດ້ໂບນັສເພີ່ມຂຶ້ນປີລະ 4 ລ້ານປອນ.</p> <p> ຫຼ້າສຸດ ຫຼຸຍ ຟານ ກັນ ຜູ້ຈັດການໃຫຍ່ຊາວໂຮນລັງ ນຳທີມໄປອຸ່ນເຄື່ອງໃນສະຫະລັດອາເມຣິກາ ແລະ ພາທີມຊະນະທັງ 3 ເກມເບື້ອງຕົ້ນທີ່ເຂົ້າມາຄຸມຕໍ່ຈາກ ເດວິດ ມອຍ ຜູ້ຈັດການຄົນກ່ອນ ທີ່ບໍ່ສາມາດພາທີມໄປເຕະບານ ຢູຟ່າ ແຊັມປຽນ ລີກ ເພາະໄດ້ພຽງອັນດັບ 7 ໃນເວທີພຣີເມຍລີກ ແລະ ເຮັດໃຫ້ລາຍໄດ້ໃນລະດູການຫນ້າຫາຍໄປປະມານ 35,5 ລ້ານປອນ.</p> <p> ແມນເຊສເຕີ ຢູໄນເຕັດ ເປີດເຜີຍຜ່ານໜັງສືສະເໜີຂາຍໜ່ວຍລົງທຶນວ່າ ການປະສົບຄວາມສຳເລັດໃນສະໜາມ ຄືກຸນແຈສຳຄັນໃນການຮັກສາມູນຄ່າ ແລະ ຄວາມແຂງແກ່ນຂອງເຄື່ອງໝາຍ ລວມເຖິງຊື່ສຽງຂອງສະໂມສອນ ໂດຍຂໍ້ຕົກລົງຈາກຜູ້ສະໜັບສະໜູນທົ່ວໂລກ ເຮັດໃຫ້ພວກເຂົາມີລາຍໄດ້ປະມານ 430 ລ້ານປອນ ເມື່ອສິ້ນສຸດປີງົບປະມາໃນວັນທີ 30 ມິຖຸນາທີ່ຜ່ານມາ.</p>

ຂ່າວທີ່ກ່ຽວຂ້ອງ