ສື່ ຊິລີ ຕີແຜ່ຂ່າວ ! ວິດັນ ຕົກລົງຍ້າຍຮ່ວມທີມແມນຢູແລ້ວ

677 30 ກ.ລ. 2014 ນານາກີລາໂລກ
ສື່ ຊິລີ ຕີແຜ່ຂ່າວ ! ວິດັນ ຕົກລົງຍ້າຍຮ່ວມທີມແມນຢູແລ້ວ

<p> <strong>ສື່ຊິລີ ຕີແຜ່ຂ່າວ ອາຕູໂຣ່ ວິດັນ ກອງກາງ ຢູເວນຕຸສ ຕົກປາກຮັບຄຳຍ້າຍໄປຫຼິ້ນໃຫ້ ແມນເຊສເຕີ ຢູໄນເຕັດ ໃນໄລຍະພັກຮ້ອນນີ້ແນ່ນອນແລ້ວ ຫຼັງຕົກລົງຮັບຄ່າເມື່ອຍອາທິດລະ </strong><strong>270.000 ປອນ ຂະນະທີ່ຄ່າຕົວພຸ່ງສູງເຖິງ 63,3 ລ້ານປອນ.</strong></p> <p> ອາຕູໂຣ່ ວິດັນ ກອງກາງຕົວເກັ່ງຂອງ ຢູເວນຕຸສ ແຊັມ ກັນໂຊ່ ເຊເຣຍ ອາ ອິຕາລີ ຕົກລົງດ້ວຍວາຈາທີ່ຈະຍ້າຍໄປຫຼິ້ນໃຫ້ ແມນເຊສເຕີ ຢູໄນເຕັດ ສະໂມສອນຍິ່ງໃຫຍ່ ພຣີເມຍລີກ ອັງກິດ ເປັນທີ່ຮຽບຮ້ອຍແລ້ວ ຕາມລາຍງານຈາກ "ເອວ ເມຄູຊິໂອ" ສື່ຂອງຊິລີ ເມື່ອວັນອັງຄານທີ 29 ກໍລະກົດທີ່ຜ່ານມາ.</p> <p> ລາຍງານລະບຸວ່າ ກອງກາງທີມຊາດຊິລີ ກຽມອຳລາ ຢູເວນຕຸສ ໄປເຂົ້າຖິ່ນ ໂອລ ແທຣບຟອດ ໃນໄລຍະພັກຮ້ອນນີ້ ຫຼັງຕົກລົງຮັບຄ່າເມື່ອຍກັບແມນຢູ ໄດ້ທີ່ອາທິດລະ 270.000 ປອນ  ສ່ວນຄ່າຕົວໜ້າຈະຢູ່ທີ່ 63,3 ລ້ານປອນ.</p> <p> ອີກກະແສຂ່າວໜຶ່ງຈາກ ເອີໂຣສະປອດ ລາຍງານຂ່າວວ່າ ລາຄາຄ່າເມື່ອຍ ລວມເຖິງຄ່າຕົວຂອງ ວິດັນ ບໍ່ໄດ້ສູງຂະໜາດນີ້ ໂດຍໄດ້ລາຍງານວ່າ ຄ່າຕົວຂອງດາວເຕະຊິລີຢູ່ທີ່ 47 ລ້ານປອນ ສ່ວນຄ່າເມື່ອຍຢູ່ທີ່ອາທິດລະ 120.000 ປອນເທົ່ານັ້ນ.</p> <p> ຂະນະດຽວກັນ ສື່ຂອງອິຕາລີ ເປີດເຜີຍວ່າ ທ່ານ ເຟນານໂດ ເຟລິເຊວິຊ ນາຍໜ້າຂອງດາວເຕະໄວ 27 ປີ ກຳລັງຢູ່ໃນລະຫວ່າງການເວົ້າລົມກັບຜູ້ບໍລິຫານ ຢູເວນຕຸສ ເຖິງເລື່ອງການຍ້າຍຈາກເມືອງຕູຣິນ ໄປຫຼິ້ນທີ່ປະເທດອັງກິດ.</p>

ຂ່າວທີ່ກ່ຽວຂ້ອງ