ປະທານສະໂມສອນບາເຊໂລນ່າ ມີສ່ວນທຸຈະລິດໃນຄະດີຊື້ຕົວ ເນມາ

1.188 30 ກ.ລ. 2014 ນານາກີລາໂລກ
ປະທານສະໂມສອນບາເຊໂລນ່າ ມີສ່ວນທຸຈະລິດໃນຄະດີຊື້ຕົວ ເນມາ

<p> <strong>ທ່ານ ຄໍດີ້ ກາເຊສ ສະມາຊິກອົງການບໍລິຫານຂອງບາເຊໂລນ່າ ເປີດເຜີຍວ່າ ປະທານສະໂມສອນຢ່າງທ່ານ ໂຄເຊບ ມາເຣຍ ບາໂຕເມວ ແລະ ຮອງປະທານຝ່າຍທຸລະກິດ ຄາເບຍ ຟາອຸສ ຄືອີກ </strong><strong>2 ຄົນທີ່ມີສ່ວນກ່ຽວຂ້ອງໃນຄະດີຊື້ຕົວ ເນມາ ອັນອື້ສາວ ພ້ອມໃຊ້ກົດໝາຍຫຼິ້ນງານທັງຄູ່ໃຫ້ເດັດຂາດ</strong><strong>.</strong></p> <p> ລາຍງານໃນເບື້ອງຕົ້ນນັ້ນເປີດເຜີຍວ່າ ຄ່າຕົວຂອງດາວເຕະໄວ 22 ປີ ໃນການຍ້າຍຈາກຊານໂຕ໊ສ ໃນລີກບຣາຊິນມາຮ່ວມທີມ ບາເຊໂລນ່າ ຄື  57,1  ລ້ານເອີໂຣ.</p> <p> ແຕ່ພາຍຫຼັງທີມບາເຊໂລນ່າ ຖືກຕັ້ງຂໍ້ສົງໄສທີ່ບໍ່ອາດໃຫ້ຄວາມກະຈ່າງກ່ຽວກັບເງິນອີກກ້ອນ ຈຳນວນ 37,9 ລ້ານເອີໂຣ ເຊິ່ງຖືກແບ່ງຈ່າຍໃຫ້ບໍລິສັດທີ່ມີຄວາມໃກ້ຊິດກັບຄອບຄົວຂອງເນມາ.</p> <p> ເມື່ອເດືອນມັງກອນທີ່ຜ່ານມາ ຜູ້ພິພາກສາປະຈຳສານສູງແອັດສະປາຍ ຢ່າງທ່ານ ປາໂບນ ຣຸຊ ໄດ້ດຳເນີນການສືບ ສວນອະດີດປະທານບາເຊໂລນ່າຢ່າງທ່ານ ຊານໂດຣ ໂຣເຊວ ຕາມຄຳກ່າວຫາຂອງທ່ານ ຄໍດີ້ ກາເຊສ.</p> <p> ທ່ານ ຄໍດີ້ ກາເຊສ ຖືເປັນກອງເຊຍບານຄົນໜຶ່ງຂອງບາເຊໂລນ່າ ເຊິ່ງດຳລົງຕຳແໜ່ງດ້ານສັງຄົມ ອັນເປັນສະມາຊິກທີ່ລົງທະບຽນເປັນໜຶ່ງໃນອົງການບໍລິຫານ ແລະ ຍັງຖືຫຸ້ນສ່ວນໜຶ່ງຂອງສະໂມສອນດ້ວຍ.</p> <p> ຜົນຮັບຄື ທ່ານ ຊານໂດຣ ໂຣເຊວ ຕ້ອງລາອອກ ແລະ ເປັນທ່ານ ບາໂຕເມວ ຮັບຕຳແໜ່ງຕໍ່ ແຕ່ຫຼ້າສຸດຜູ້ສືບທອດກຽມຖືກຫຼິ້ນງານເປັນຄົນຕໍ່ໄປ ພ້ອມລູກນ້ອງຢ່າງ ຟາອຸສ.</p> <p> "ສິ່ງທີ່ເຮົາພະຍາຍາມເຮັດຢູ່ຄື ດຳເນີນຄະດີຕໍ່ທັງຄູ່ " ທ່ານ ຄໍດີ້ ກາເຊສ ໃຫ້ສໍາພາດກັບໜັງສືພິມ ອາສ.</p> <p> "ແລະເຮົາກຳລັງພະຍາຍາມລົງໂທດທັງຄູ່ທີ່ຖືກກ່າວຫາວ່າເຮັດຜິດກົດໝາຍ ເຊິ່ງດີກວ່າການລົງໂທດບາເຊໂລນ່າໃນຖານະນິຕິບຸກຄົນ ນີ້ເປັນຄວາມພະຍາຍາມປົກປ້ອງສະໂມສອນໃນຖານະສະຖາບັນແຫ່ງໜຶ່ງ "</p> <p> ຫຼ້າສຸດ ທະນາຍຄວາມຂອງທ່ານ ຄໍດີ້ ກາເຊສ ຢ່າງເຟລິເປ ອິຊກິເອໂດ້ ໄດ້ຮ່ວມຢືນຢັນວ່າ ໄດ້ຮວບຮວມເອກະສານທີ່ຈຳເປັນຕໍ່ການຍື່ນເລື່ອງດຳເນີນຄະດີທັງຄູ່ໄວ້ຮຽບຮ້ອຍແລ້ວ.</p> <p> ດ້ວຍສະຖານະການມາເຖິງຂັ້ນນີ້ ເຮັດໃຫ້ຢູ່ທີ່ຜູ້ພິພາກສາ ທ່ານ ປາໂບນ ຣຸຊ ແລ້ວວ່າຈະໃສ່ຊື່ທ່ານ ບາໂຕເມວ ແລະຟາອຸສ ເປັນຜູ້ຕ້ອງສົງໄສໃນຄະຄີນີ້ຫຼືບໍ່.</p>

ຂ່າວທີ່ກ່ຽວຂ້ອງ