ລະ­ວັງ! ນ້ຳ​ຕາ​ອາດ​ຈະ​ປົນ​ນ້ຳ​ຝົນ

2.551 30 ກ.ກ. 2014 ນານາສາລະ

<div style="text-align: justify;"> <p> <strong>ໂດຍ: ຊຽງ​ເອງ</strong></p> <p>    ນັບ​ແຕ່​ເກີດ​ມີ​ສະ­ພາ­ວະ​ການ​ໂລກ​ຮ້ອນ​ເປັນ­ຕົ້ນ​ມາ​ນີ້ ຈະ​ເຫັນ​ໄດ້​ວ່າ​ໜ່ວຍ​ໂລກ​ທີ່​ບໍ່​ມີ​ຂວັ້ນ ແລະ ລອຍ​ຢູ່​ກາງ­ຫາວ ທີ່​ພວກ​ເຮົາ​ພວມ​ອາ­ໄສ​ຢູ່​ນີ້ ຖືກ​ໄພ​ທຳ​ມະ​ຊາດ​ບຸກ​ຍ່ອງ​ຍີ​ທຳ­ລາຍ​ນັບ​ມື້​ນັບ​ໜັກ­ໜ່ວງ​ຂຶ້ນ ນຳ​ເອົາ​ໄພ­ພິ­ບັດ ກໍ່​ຄື​ຄວາມ​ເສຍ​ຫາຍ​ຢ່າງ​ມະ­ຫາ­ສານ​ມາ­ສູ່​ຊີ­ວິດ ແລະ ຊັບ​ສິນ​ຂອງ​ມວນ​ມະ­ນຸດ ຍ້ອນ​ວ່າ­ການ​ຂາດ​ຄວາມ​ສົມ​ດຸນ​ທາງ​ທຳ​ມະ​ຊາດ ແລະ ສິ່ງ­ແວ­ດລ້ອມ ອັນ​ມາ​ຈາກ​ສີ­ມື​ຂອງ​ມະ­ນຸດ​ຜູ້​ທີ່​ອ້າງ​ຕົນ​ວ່າ​ສະ­ຫຼາດ ແຕ່​ຮູ້​ເທົ່າ​ບໍ່​ເຖິງ​ການ​ຈຳ­ນວນ​ໜຶ່ງ​ໃນ​ໂລກ ເຊິ່ງ​ມີ​ອຳ­ນາດ ແລະ ອິດ​ທິ​ພົນ​ເໜືອ​ມະ­ນຸດ​ດ້ວຍ​ກັນ ແລ່ນ­ນຳ​ຜົນ​ປະ­ໂຫຍດ ຂຸດ​ຄົ້ນ​ເອົາ​ຊັບ­ພະ­ຍາ­ກອນ​ທີ່​ທຳ​ມະ​ຊາດ​ຊຸກ­ເຊື່ອງ​ໄວ້ ມາ​ແປ​ຮູບ​ໃຫ້​ກາຍ­ເປັນ​ຜົນ​ປະ­ໂຫຍດ​ຕົນ ໃນ​ນັ້ນ​ມີ​ການ​ຂຸດ​ຄົ້ນ​ບໍ່​ແຮ່ ການ​ຂຸດ​ຄົ້ນ​ໄມ້ ການ​ຖາກ​ຖາງ​ຈູດ​ເຜົາ​ປ່າ­ໄມ້ ການ​ຈູດ​ເຜົາ​ແກ​ັສ​ທຳ​ມະ​ຊາດ ການ​ໃຊ້​ນ້ຳ­ມັນ​ຈາກ​ຊາກ​ໂຟ​ຊິວ​ຕ່າງໆ ເປັນ­ຕົ້ນ​ໃນ​ໂຮງ­ງານ​ອຸດ­ສາ­ຫະ­ກຳ​ການ ໃຊ້​ຍວດ​ຍານ­ພາ­ຫະ­ນະ​ເຮັດ​ໃຫ້​ເກີດ​ມີ​ຄາ​ບອນ​ໄດ​ອອກ​ໄຊ ປິວ​ອອກ​ສູ່​ບັນ­ຍາ­ກາດ​ຈຳ­ນວນ​ຫຼາຍ ແລ້ວ​ຂຶ້ນ​ໄປ​ທຳ­ລາຍ​ຊັ້ນ​ໂອ​ໂຊນ ຈາກ​ນັ້ນ​ກໍ່​ປ່ອຍ​ໃຫ້​ລັງ­ສີ​ອັນ​ຕຣາ​ວິ​ໂອ​ເລັດ ຮົ່ວ​ລົງ​ມາ​ຍັງ​ໂລກ​ຫຼາຍ​ເຫຼືອ​ຄວາມ​ຈຳ­ເປັນ ອັນ​ເຮັດ​ໃຫ້​ອຸນ­ຫະ­ພູມ​ຂອງ​ໂລກ​ກໍ່​ຄ່ອຍໆ​ຮ້ອນ​ຂຶ້ນ ຈົນ​ເຖິງ​ຂັ້ນ​ນ້ຳ­ກ້ອນ​ຂົ້ວ​ໂລກ​ເປື່ອຍ ຍິ່ງ​ຄາ​ບອນ​ໄດ​ອອກ​ໄຊ ຖືກ​ປ່ອຍ​ອອກ​ຫຼາຍ​ເທົ່າ­ໃດ ຄວາມ​ປ່ຽນ­ແປງ​ເຮັດ​ໃຫ້​ໂລກ​ຮ້ອນ​ກໍ່​ຍິ່ງ​ເພີ່ມ​ທະ­ວີ​ໃນ​ທາງ​ຮ້າຍ​ແຮງ​ຍິ່ງ​ຂຶ້ນ ການ​ຂາດ​ຄວາມ​ສົມ​ດູນ​ຕ່າງໆ​ອາດ​ສ້າງ​ໃຫ້​ເກີດ​ໄພ­ພິ­ບັດ​ທາງ​ທຳ​ມະ​ຊາດ​ຕາມ​ມາ ເປັນ­ຕົ້ນ: ຄວາມ​ແຫ້ງ­ແລ້ງ​ແກ່­ຍາວ ພາ­ຍຸ​ລົມ ພາ­ຍຸ​ຝົນ ເກີດ​ນ້ຳ​ຖ້ວມ​ເປັນ​ວົງ​ກວ້າງ​ຫຼາຍ​ທະ­ວີບ​ໃນ​ໂລກ ປາ­ກົດ­ການ​ອານ​ນີ​ໂຍ ອານ​ນີ​ຍາ​ຕ່າງໆ ກໍ່​ຕົວ​ຂຶ້ນ​ທຳ­ລາຍ​ຄວາມ​ປົກ­ກະ­ຕິ​ໂລກ​ຕື່ມ ດັ່ງ​ຈະ​ເຫັນ​ໄດ້​ໃນ​ສື່​ຕ່າງໆ​ທີ່​ສະ­ເໜີ​ອອກ​ມາ​ເມື່ອ​ສອງŒສາມ​ປີ­ຜ່ານ­ມາ ໃນ​ນັ້ນ ຢູ່ ສປປ ລາວ​ເຮົາ ກໍ່​ຖືກ​ໄພ­ພິ­ບັດ​ທຳ­ລາຍ​ເໝືອນ​ກັນ ເປັນ­ຕົ້ນ: ພາ­ຍຸ​ເກດ­ສະ­ໜາ ພາ­ຍຸ​ນົກ​ເຕັນ ແລະ ອື່ນໆ.</p> <p>    ສິ່ງ​ທີ່​ເກີດ​ຂຶ້ນ​ມາ​ນີ້ ຖ້າ​ມະ­ນຸດ​ຫາກ​ບໍ່​ຢຸດ​ທຳ­ລາຍ​ທຳ​ມະ​ຊາດ​ດ້ວຍ​ການ​ສືບ­ຕໍ່​ປ່ອຍ​ແກ​ັສ​ຄາ​ບອນ​ໄດ​ອອກ​ໄຊ ອອກ​ສູ່​ບັນ­ຍາ­ກາດ​ຢູ່ ສະ­ພາ­ວະ​ໂລກ​ຮ້ອນ​ກໍ່​ຍັງ​ຄົງ​ສືບ­ຕໍ່​ຂົ່ມ­ຂູ່ ແລະ ອາດ​ຈະ​ຮຸນ​ແຮງ ຫຼື ແນວ­ໃດ​ນັ້ນ ຄົງ​ບໍ່​ມີ​ໃຜ​ຄາດ­ກະ​ໄດ້ ຍ້ອນ​ວ່າ​ບໍ່​ມີ​ໃຜ​ຮູ້​ແກ່​ໃຈ​ຂອງ​ໄພ​ທຳ​ມະ​ຊາດ​ທີ່​ອັນ­ຕະ­ລາຍ​ນີ້ ຖ້າ​ຢາກ​ຊ່ວຍ​ໃຫ້​ໂລກ​ປອດ​ໄພ​ຍັງ​ຢູ່ ເປັນ​ບ່ອນ​ພັກ​ອາ­ໄສ​ຂອງ​ມະ­ນຸດ​ເຮົາ ຄົນ​ເຮົາ​ໜ້າ​ຈະ​ປ່ຽນ­ແປງ​ພຶດ­ຕິ​ກຳ​ຄວາມ​ຢາກ​ຮັ່ງ​ຢາກ​ມີ ດ້ວຍ​ການ​ຫຼຸດ​ບໍ່​ໃຊ້​ນ້ຳ­ມັນ​ຈາກ​ໂຟ​ຊິວ ຢຸດ​ການ​ຖາກ​ຖາງ​ປ່າ ຈູດ​ປ່າ ແລະ ອື່ນໆ ຫັນ​ພຶດ­ຕິ​ກຳ​ໄປ​ໃຊ້​ພະ­ລັງ­ງານ​ທີ່​ເປັນ​ມິດ​ກັບ​ສິ່ງ­ແວ­ດລ້ອມ ເຊັ່ນ: ພະ­ລັງ​ນ້ຳ ພະ­ລັງ​ລົມ ພະ­ລັງ​ແສງ​ຕາ­ເວັນ ແລະ ອື່ນໆ ເບື້ອງ​ໜຶ່ງ​ອີກ​ກໍ່​ຕ້ອງ​ປົວ­ແປງ​ສຸ­ຂະ­ພາບ​ປ່າ­ໄມ້​ດ້ວຍ​ການ​ປູກ​ໄມ້​ໃຫ້​ຫຼາຍ​ກາຍ­ເປັນ​ປ່າ­ດົງ ແລະ ປູກ​ຈິດ​ສຳ­ນຶກ​ມວນ​ມະ­ນຸດ​ໃຫ້​ລະ​ເວັ້ນ​ການ​ຫາ​ຜົນ​ປະ­ໂຫຍດ​ຈາກ​ປ່າ­ໄມ້​ທຳ​ມະ​ຊາດ ເພາະ​ມັນ​ກາຍ­ເປັນ​ດາບ​ສອງ​ຄົມ ຄື: ທຳ­ລາຍ​ທຳ​ມະ​ຊາດ ແລະ ທຳ­ລາຍ​ມະ­ນຸດ​ອີກ.</p> <p>    ເປັນ​ທີ່​ຮູ້​ກັນ​ດີ​ແລ້ວ​ວ່າ ມະ­ນຸດ​ເຮົາ​ຢູ່​ໃນ​ທຳ​ມະ​ຊາດ ຄົງ​ຕົວ ແລະ ຂະ­ຫຍາຍ­ຕົວ​ໃນ​ທຳ​ມະ​ຊາດ​ບົນ​ໜ້າ​ໂລກ ເຖິງ​ຈະ​ຮັ່ງ­ມີ​ລາຍ​ໄດ້​ເຖິງ​ຂັ້ນ​ເປັນ​ເສດ­ຖີ​ຫຼາຍ​ປານ­ໃດ​ກໍ່​ຕາມ ແຕ່​ຄວາມ​ຮັ່ງ­ມີ​ທີ່​ມາ​ຈາກ​ການ​ທຳ­ລາຍ​ຕົນ​ເອງ​ນັ້ນ ບາງ­ທີ​ອາດ​ຈະ​ບໍ່​ໄດ້​ຊົມ­ໃຊ້​ສິ່ງ​ທີ່​ຫາ​ມາ​ໄດ້​ຊ້ຳ ສອງ​ສາມ​ປີ­ຜ່ານ­ມາ​ພິ­ສູດ​ໃຫ້​ເຫັນ​ວ່າ ທົ່ວ​ໂລກ​ຖືກ​ໄພ​ທຳ​ມະ​ຊາດ​ທຳ­ລາຍ​ຢ່າງ​ມະ­ຫາ­ສານ ໂດຍ​ສະ­ເພາະ​ຈາກ​ພາ­ຍຸ ເຊັ່ນ: ພາ­ຍຸ​ແລ້ງ ພາ­ຍຸ​ຝົນ ພາ­ຍຸ​ລົມ ຕາມ​ຊື່​ທີ່​ຕັ້ງ​ໃຫ້​ຕ່າງໆ ແລະ ປີ​ນີ້ ພຽງ​ແຕ່​ຢ່ວງ​ເຂົ້າ​ເຂດ​ລະ­ດູ­ຝົນ ເຊິ່ງ​ຝົນ​ເດືອນ​ກໍ­ລະ­ກົດ​ຕົກ​ມາ​ບໍ່​ພໍ​ເທົ່າ­ໃດ ແລະ ອີກ​ປະ­ການ​ໜຶ່ງ​ເຖິງ​ແມ່ນ​ວ່າ​ຈະ​ຢູ່​ຫ່າງ​ຈາກ​ປາຍ​ພາ­ຍຸ​ຣາ​ມະ​ສູນ ແລະ ພາ­ຍຸ​ໂມມ​ເມັດ ກໍ່​ຕາມ ແຕ່​ປານ​ນັ້ນ​ມັນ​ກໍ່­ຊໍ່​ເຄົ້າ​ວ່າ ບາງ​ບ່ອນ​ທາງ​ພາກ​ກາງ­ຂອງ​ລາວ​ເຮົາ​ອາດ​ຈະ​ຖືກ​ນ້ຳ​ຖ້ວມ​ກໍ່​ເປັນ​ໄດ້ ເຊັ່ນ: ລ່ອງ​ນ້ຳ​ຫີນ​ບູນ ລ່ອງ​ນ້ຳ​ເຊ​ບັ້ງ­ໄຟ ດັ່ງ­ນັ້ນ ປະ­ຊາ­ຊົນ​ເຮົາ​ບໍ່​ຄວນ​ປະ­ໝາດ ເນື່ອງ​ຈາກ​ເວ­ລາ​ນີ້ ພວກ​ເຮົາ​ຂາດ​ປ່າ ເຖິງ​ມີ​ປ່າ​ກໍ່​ເປັນ​ປ່າ​ບໍ່​ທັນ​ແຂງ­ແຮງ ເມື່ອ​ຝົນ­ຕົກ​ລົງ​ມາ​ກໍ່​ບໍ່​ສາ­ມາດ​ເກັບ​ກັກ​ນ້ຳ​ໄວ້​ໄດ້​ຫຼາຍ ອາດ​ຈະ​ມີ​ຄວາມ​ສ່ຽງ​ຕໍ່​ການ​ຖືກ​ນ້ຳ​ຖ້ວມ​ໄດ້ ດ້ວຍ​ເຫດ​ນັ້ນ​ຕ້ອງ​ມີ​ສະ­ຕິ​ລະ­ວັງ​ຕົວ​ໃນ​ການ​ປ້ອງ​ກັນ​ໄພ​ນ້ຳ​ຖ້ວມ ສິ່ງ​ໃດ​ຖ້ວມ​ແລ້ວ​ເສຍ ຄວນ​ຍົກ­ຍ້າຍ​ໄປ​ສູ່​ບ່ອນ​ສູງ​ເສຍ​ໜ້ອຍ​ດີ​ກວ່າ​ເສຍ​ຫຼາຍ ຕ້ອງ​ຕິດ­ຕາມ​ຂ່າວ​ພະ­ຍາ­ກອນ​ອາ­ກາດ​ທຸກ​ວັນ ບໍ່​ດັ່ງ­ນັ້ນ ນ້ຳ​ຕາ​ອາດ​ຈະ​ໄຫຼ​ປົນ​ນຳ​ຝົນ​ກໍ່​ອາດ​ເປັນ​ໄດ້.</p> </div>

ຂ່າວທີ່ກ່ຽວຂ້ອງ