ຂ່າວຫຼ້າສຸດ

ຟີຟ່າ ລົງໂທດ "ນີເຊຣີ" ເຫດລັດຖະບານແຊກແຊງ

872 10 ກ.ກ. 2014 ນານາກີລາໂລກ
ຟີຟ່າ ລົງໂທດ "ນີເຊຣີ" ເຫດລັດຖະບານແຊກແຊງ

<p> <strong>ສະຫະພັນເຕະບານນານາຊາດ ຫຼື ຟີຟ່າ ປະກາດລົງໂທດຕໍ່ສະມາຄົມເຕະບານຂອງນີເຊຣີ ດ້ວຍການຫ້າມສົ່ງທີມເຂົ້າຮ່ວມການແຂ່ງຂັນລະດັບນານາຊາດທຸກລາຍການແບບບໍ່ມີກຳໜົດ ຫຼັງກະທຳຜິດກົດທີ່ວາງໄວ້ຄືປ່ອຍໃຫ້ລັດຖະບານເຂົ້າແຊກແຊງການເຮັດວຽກຂອງສະມາຄົມ</strong><strong>.</strong></p> <p> ບັນດານັກເຕະ ນີເຊຣີ ສ້າງຜົນງານເຂົ້າຮອບ 16 ທີມສຸດທ້າຍ ທີ່ບຣາຊິນ ແຕ່ວ່າຕ້ອງກັບບ້ານຫຼັງຈາກເສຍໃຫ້ ຝຣັ່ງ 0-2 ສົ່ງຜົນໃຫ້ລັດຖະບານເຊິ່ງນຳໂດຍທ່ານ ກູດລັກ ໂຈນາທານ ປະທານາທິບໍດີຂອງປະເທດບໍ່ພໍໃຈ ພ້ອມກັບສັ່ງປົດ ແລະ ຄວບຄຸມຕົວ ອະມິນູ ໄມກາຣີ ປະທານເຕະບານ ຈາກຜົນງານອັນໜ້າຜິດຫວັງ ແລະ ແຕ່ງຕັ້ງເຈົ້າໜ້າທີ່ເຂົ້າໄປເຮັດວຽກແທນ.</p> <p> ຈາກເລື່ອງທີ່ເກີດຂຶ້ນ ເຮັດໃຫ້ ຟີຟາ ເຫັນວ່າເປັນການແຊກແຊງການເຮັດວຽກຂອງອົງກອນເຕະບານຂອງປະເທດ ເຖິງແມ່ນວ່າຈະມີໜັງສືຍື່ນເຕືອນໄປແລ້ວກ່ອນໜ້າ ແຕ່ກໍນິ່ງເສີຍ ຈົນເຮັດໃຫ້ ຟີຟ່າ ຕ້ອງຖະແຫຼງການສັ່ງລົງໂທດຫ້າມ ນີເຊຣີ ເຂົ້າຮ່ວມການແຂ່ງຂັນລາຍການທີ່ຈັດຂຶ້ນໂດຍ ຟີຟ່າ ຕໍ່ຈາກນີ້.</p> <p> "ຈາກກໍລະນີດັ່ງກ່າວ ຟີຟ່າ ເລັງເຫັນເຖິງຄວາມບໍ່ເໝາະສົມ ດັ່ງນັ້ນຈຶ່ງບໍ່ອະນຸຍາດໃຫ້ສະມາຄົມເຕະບານຂອງນີເຊຣີ ເຂົ້າຮ່ວມການແຂ່ງຂັນລາຍການຕ່າງໆໃນໄລຍະລະຫວ່າງຖືກໂທດຫ້າມ ບໍ່ວ່າຈະເປັນເກມທີມຊາດ, ອຸ່ນເຄື່ອງ ຫຼືແມ່ນແຕ່ທີມສະໂມສອນດ້ວຍ" ຖະແຫຼງ ການຈາກ ຟີຟ່າ ລະບຸ.</p> <p> ສຳລັບ ນີເຊຣີ ຈະເລີ່ມຮັບໂທດຄັ້ງນີ້ດ້ວຍການຫ້າມສົ່ງທີມລົງແຂ່ງລາຍການແຂ່ງຂັນເຕະບານຍິງຊີງແຊັມໂລກ ຮຸ່ນອາຍຸບໍ່ເກີນ 20 ປີ ທີ່ຈະມີຄິວລົງແຂ່ງຂັນລະຫວ່າງວັນທີ 5-24 ສິງຫານີ້ ແລະ ຈະພົ້ນໂທດກໍ່ຕໍ່ເມື່ອລັດຖະບານຢຸດແຊກແຊງສະມາຄົມເຕະບານຂອງປະເທດ.</p>

ຂ່າວທີ່ກ່ຽວຂ້ອງ