ອາເມຣິກາລາຕິນ ປະທະ ເອີຣົບ ທີມໃດຈະທະລຸຊີງດຳບານໂລກ

661 07 ກ.ລ. 2014 ນານາກີລາໂລກ
ອາເມຣິກາລາຕິນ ປະທະ ເອີຣົບ ທີມໃດຈະທະລຸຊີງດຳບານໂລກ

<p> <strong>ການແຂ່ງຂັນເຕະບານໂລກ </strong><strong>2014 ຮອບສຸດທ້າຍ ມາເຖິງໂຄ້ງສຸດທ້າຍແລ້ວ ໂດຍໃນຮອບຮອງຊະນະເລິດຖືເປັນເສິກລະຫວ່າງທະວີບທັງ 2 ຄູ່ກໍວ່າໄດ້ ເພາະເປັນການພົບກັນລະຫວ່າງທີມຈາກທະວີບອາເມຣິກາໃຕ້ ແລະ ທີມຈາກທະວີບເອີຣົບ ໂດຍໃນມຸມໜຶ່ງຄືເກມລະຫວ່າງ ບຣາຊິນ ຊາດເຈົ້າພາບກັບ ເຢຍລະມັນ ສ່ວນອີກຄູ່ຄືການພົບກັນຂອງ ອາກຊັງຕິນ ກັບ ໂຮນລັງ</strong><strong>.</strong></p> <p> ແນ່ນອນວ່າທັງ 2 ເກມຖືເປັນນັດທີ່ສະໜຸກລະດັບ 5 ດາວ ເພາະທັງ 4 ທີມຕ່າງກໍເປັນທີມຍິ່ງໃຫຍ່ຂອງໂລກ ແລະ ມີນັກເຕະຝີຕີນດີຢູ່ໃນທີມຫຼາຍຕໍ່ຫຼາຍຄົນ ຢ່າງໃດກໍຕາມ ເມື່ອລອງຢ້ອນໄປເບິ່ງສະຖິຕິທີ່ຜ່ານມາຂອງການແຂ່ງຂັນເຕະບານໂລກ ຮອບສຸດທ້າຍ ທີ່ຈັດຂຶ້ນໃນທະວີບອາເມຣິກາໃຕ້ແລ້ວນັ້ນ ຖືໄດ້ວ່າທີມເອີຣົບມີລາງທີ່ບໍ່ດີເທົ່າໃດ<strong>.</strong></p> <p> 4 ຄັ້ງກ່ອນໜ້ານີ້ທີ່ມີການຈັດມະຫະກໍາເຕະບານໂລກຂຶ້ນທີ່ທະວີບອາເມຣິກາໃຕ້ ຍັງບໍ່ເຄີຍມີທີມຈາກທະວີບເອີຣົບໄດ້ຊູຂັນແຊັມເລີຍແມ່ນແຕ່ທີມດຽວ ຊ້ຳຮ້າຍໄປກວ່ານັ້ນ ຍັງມີພຽງ 2 ທີມ ທີ່ໄປເຖິງຮອບຊີງດຳດ້ວຍ ໂດຍເປັນ ເຊັກໂກສະໂລວາກີ ໃນປີ 1962 ທີ່ ຊິລີ ເປັນເຈົ້າພາບ ກັບ ໂຮນລັງ ໃນປີ 1978 ທີ່ ອາກຊັງຕິນ ຮັບໜ້າທີ່ຈັດການແຂ່ງຂັນ.</p> <p> ໃນທາງກັບກັນ ທັງ ບຣາຊິນ ແລະ ອາກຊັງຕິນ ກໍຄົງຍິ້ມຢ່າງມີຄວາມຫວັງໃນການລົງຫຼິ້ນຮອບຕັດເຊືອກ ເພາະທັງ 2 ທີມຕ່າງກໍໄດ້ແຊັມໃນການແຂ່ງຂັນເຕະບານໂລກ ທີ່ທະວີບອາເມຣິກາໃຕ້ໄປຄົນລະ 1 ສະໄໝ ໂດຍຂອງ ບຣາຊິນ ໄດ້ແຊັມໃນປີ 1962 ດ້ວຍການເອົາຊະນະ ເຊັກໂກສະໂລວາກີ 3-1 ສ່ວນ ອາກຊັງຕິນ ເກີດຂຶ້ນໃນປີ 1978 ຈາກການຄວ້າໄຊເໜືອ ໂຮນລັງ 3-1 ໃນໄລຍະຕໍ່ເວລາພິເສດ ຫຼັງຈົບ 90 ນາທີສະເໝີກັນ 1-1.</p> <p>           ທັງນີ້ ນັບຕັ້ງແຕ່ປີ 1986 ເປັນຕົ້ນມາ ເຊິ່ງເປັນຄັ້ງທໍາອິດທີ່ໃນເຕະບານໂລກ ມີການແຂ່ງຮອບ 16 ທີມສຸດທ້າຍນັ້ນ ທີມຈາກທັງ 2 ທະວີບກໍມີການໂຄຈອນມາພົບກັນໃນຮອບຕັດເຊືອກເຖິງ 6 ຄັ້ງ ເຊິ່ງທີມຈາກທະວີບອາເມຣິກາໃຕ້ກໍມີສະຖິຕິທີ່ດີສຸດໆ ເມື່ອຜ່ານເຂົ້າເຖິງຮອບຊີງດຳໄດ້ເຖິງ 5 ຄັ້ງ ມີພຽງທີມດຽວທີ່ເສຍໄຊຈົນຕ້ອງໄປຫຼິ້ນເກມຊິງອັນດັບ 3 ນັ້ນກໍຄື ອຸຣຸກວັຍ ເມື່ອ 4 ປີກ່ອນ ແລະ ທີມຈາກທະວີບອາເມຣິກາໃຕ້ທີ່ທະລຸເຂົ້າເຖິງຮອບຊິງຊະນະເລິດ ຍັງໄດ້ແຊັມໃນບັ້ນປາຍອີກ 3 ຄັ້ງດ້ວຍ.</p> <p> <strong>       ສະຖິຕິຈະຊ້ຳຮອຍ ຫຼືປະຫວັດສາດໜ້າໃໝ່ຈະຖືກຳເນີດຂຶ້ນ ວັນທີ </strong><strong>8-9 ກໍລະກົດນີ້ ເຮົາຄົງຈະໄດ້ຮູ້ກັນ.</strong></p>

ຂ່າວທີ່ກ່ຽວຂ້ອງ