"ເນມາ" ກັບຝັນຮ້າຍປິດສາກເຕະບານໂລກ

<p>             <strong>ເນມາ ແບກຄວາມຫວັງຂອງຄ</strong><strong>ົ</strong><strong>ນທັງຊາ</strong><strong>ດ</strong><strong>ໃນ</strong><strong>ບານ​ໂລກ</strong><strong>​ເທິງ</strong><strong>ແຜ່ນ</strong><strong>ດິນ</strong><strong>ຂອງພວກເຂ</strong><strong>ົ</strong><strong>າ ແລະ</strong><strong>ກ</strong><strong>ໍບໍ່​ເຮັດ</strong><strong>ໃຫ້ທຸກຄ</strong><strong>ົ</strong><strong>ນຕ້ອງຜິດຫວັງ</strong><strong>ເມື່ອ</strong><strong>ຍິງ</strong><strong>ໄປແລ້ວ </strong><strong>4 </strong><strong>ປະຕູ</strong><strong>ຕາມເປັນ</strong><strong>ຮ</strong><strong>ອງດາວ</strong><strong>ຍິງ​ສູງ​ສຸດ</strong><strong>ກ່ອນເກມກັບ ໂຄ</strong><strong>​ໂລມ​ບີ.</strong></p> <p>       ດາວເຕະ​ໄວ22 ປີ ມີບັນຫາທີ່​ກົກຂາແລະຫົວເຂົ່າ ແຕ່ກໍຜ່ານຄວາມ​ສົມບູນພ້ອມລົງສະໜາມໄດ້ໃນທີ່ສຸດ ໂດຍຜູ້ກ່ຽວຖືກຈັບຕາ​ເບິ່ງເປັນພິເສດ ຮ່ວມກັບ ອາເມສ ໂຣດຣິເກຊ ກອງ​ກາງຟອມຮ້ອນ​ແຮງ​ຂອງທີມຊາດ​ໂຄ​ໂລມ​ບີ ດ້ວຍການທີ່ມີອັນ​ໃດຫຼາຍໆຢ່າງເໝືອນກັນ ຈົນກາຍເປັນອີກໜຶ່ງຄວາມ​ໂດດ​ເດັ່ນທີ່ຊ່ວຍເພີ່ມສີສັນໃຫ້ເກມນີ້.</p> <p>       ເນມາ ເປິດຕົວໄດ້ສວຍງາມ ຫຼັງເຕະມຸມໃຫ້ ຕິອາໂກ້ ຊິວວາ ​ເອົາ​ເຂົ່າຕໍາ​ບານ​ເຂົ້າເປັນປະຕູນຳ 1-0 ໃຫ້ ບຣາຊິນແຕ່ຫຼັງຈາກນັ້ນຜົນງານແບບຈັບຕ້ອງໄດ້ນັ້ນ​ເກືອບ​ເບິ່ງຫາບໍ່​ພົບເລີຍ.</p> <p>       ເນມາ ບໍ່ມີບົດບາດຈົນຫາຍໄປຈາກເກມເລີ​ຍຫາຍໃນບ່ອນນີ້ຄືຫາຍໄປຈິງໆເລີ​ຍ ເມື່ອຜູ້ກ່ຽວດວງແຕກ ຖືກຮວນ ຊູນຢິກ້າ ​ແບັກຂວາໂຄ​ໂລມ​ບີພຸ່ງກະແທກດ້ວຍຫົວເຂົ່າທີ່ຫຼັງຈົນລົ້ມໄປກອງຄາສະໜາມພ້ອມຮ້ອງໂອດໂອຍ.</p> <p>       ເຊື່ອເລີຍວ່າບັນດາກອງ​ເຊຍ​ບານທີ່ບໍ່​ຊື່ນ​ຊອບເນມາ ຄົງ​ເບິ່ງວ່າເປັນການອອກອາການເກີນຈິງຂອງຜູ້ກ່ຽວຢ່າງທີ່ທຳໃຫ້ເຫັນຫຼາຍຄັ້ງຍາມຖືກຄູ່ແຂ່ງຫຼິ້ນງານ ​ແຕ່ວ່າ ກອງໜ້າຈາກ ບາເຊໂລນ່າ ​ເຫັນ​ວ່າ​ບໍ່ມີທີທ່າວ່າຈະລຸກຂຶ້ນມາເລີຍກ່ອນຖືກແບກຂຶ້ນເປຫາມອອກນອກສະໜາມໄປ.</p> <p>                 ​ແຕ່​ຂ່າວ​ອອກ​ມາຫຼ້າ​ສຸດ​ແຈ້ງ​ໃຫ້​ຊາບ​ວ່າ ​ເນ​ມາ ກອງ​ໜ້າ​ທີ​ມຊາດ​ບຣາຊິນ​ຄົນ​ນີ້ ​ເຈັບ​ເຖິງ​ຂັ້ນ​ກະດູກ​ສັນຫຼັງ​ແຕກ ​ແລະ ໝົດ​ສິດ​ກັບ​ມາ​ຊ່ວຍ​ທີ​ມຊາດ​ບຣາຊິນ ຕະຫຼອດ​ໄລຍະ​ທີ່​ເຫຼືອ​ຂອງ​ເຕະບານ​ໂລກ 2014 ນີ້​ຮຽບຮ້ອຍ.</p>