ຂ່າວຫຼ້າສຸດ

ຄົນທີ 7 ! ເຄຊີ່ ລາອອກຜູ້ຈັດການທີມຊາດ ນີເຊຣີ

1.096 02 ກ.ລ. 2014 ນານາກີລາໂລກ
ຄົນທີ 7 ! ເຄຊີ່ ລາອອກຜູ້ຈັດການທີມຊາດ ນີເຊຣີ

<p> <span style="color:#000080;"><strong>ສະຕີເຟ່ນ ເຄຊີ່ ໄວ </strong><strong>52 ປີ ປະກາດຂໍລາອອກຈາກຕຳແໜ່ງຜູ້ຈັດການທີມຊາດນີເຊຣີ ຫຼັງເກມເສຍໃຫ້ ຝຣັ່ງ 0-2 ພ້ອມກັບຕົກຮອບ 16 ທີມສຸດທ້າຍ ເຕະບານໂລກ 2014 ທີ່ປຣະເທດບຣາຊິນ ເມື່ອຄືນວັນຈັນທີ 30 ມິຖຸນາທີ່ຜ່ານມາ ! ນັບເປັນຜູ້ຈັດການຄົນທີ 7 ທີ່ລາອອກຈາກຕຳແໜ່ງໃນລະຫວ່າງການແຂ່ງຂັນເຕະບານໂລກ 2014. </strong></span></p> <p> <span style="color:#000080;">ການແຂ່ງຂັນເຕະບານໂລກ 2014 ທີ່ປະເທດບຣາຊິນ ຮອບ 16 ທີມສຸດທ້າຍ ເມື່ອຄືນວັນຈັນທີ 30 ມິຖຸນາທີ່ຜ່ານມາ ! ຝຣັ່ງ ເອົາຊະນະ ນີເຊຣີ ໄປແບບສະບາຍໆ 2-0 ໂດຍໄດ້ປະຕູຈາກ ພອນ ປັອກບາ ແລະ ກາຣເຮັດເຂົ້າປະຕູຕົວເອງຂອງ ໂຈເຊຟ ໂຢໂບ ໄຊຊະນະນັດນີ້ເຮັດໃຫ້ທີມຊາດຝຣັ່ງຈະຜ່ານເຂົ້າໄປພົບກັບ ທີມຊາດເຢຍລະມັນ ໃນຮອບ 8 ທີມສຸດທ້າຍ.</span></p> <p> <span style="color:#000080;">ຫຼັງເກມຈົບລົງ ສະຕີເຟ່ນ ເຄຊີ່ ຜູ້ຈັດການທີມຊາດ ນີເຊຣີ ກໍໄດ້ອອກມາເປິດເຜີຍວ່າ ! ”ຂ້ອຍຮູ້ພຽງແຕ່ວ່າຜູ້ຕັດສິນເຮັດໜ້າທີ່ໄດ້ຂີ້ຮ້າຍຫຼາຍ ໂອນາຊີ ຖືກຫຼິ້ນງານຮຸນແຮງຂະໜາດນັ້ນ ແຕ່ເປັນຫຍັງ ມາຕຸຍດີ ກັບໄດ້ພຽງແຕ່ໃບເຫຼືອງ ນີ້ເປັນຄັ້ງທໍາອິດໃນຊີວິດທີ່ຂ້ອຍຕຳໜິຜູ້ຕັດສິນ ຂ້ອຍຮູ້ວ່າມັນບໍ່ແມ່ນສິ່ງທີ່ດີດອກ ແຕ່ຂ້ອຍອົດບໍ່ໄດ້ຈິງໆ”.</span></p> <p> <span style="color:#000080;">“ຂ້ອຍຄິດວ່າເຮົາເໝືອນຖືກປົ້ນໄຊຊະນະ ແລະ ຂ້ອຍກໍຢາກຮູ້ເຫດຜົນເໝືອນກັນວ່າເປັນຫຍັງ ເອເມນິເກ ເຖິງຖືກຈັບລ້ຳໜ້າທັງທີ່ເຂົາຢືນເທົ່າກັບກອງຫຼັງຝຣັ່ງດ້ວຍຊ້ຳ ”ເຄຊີ່ ຜູ້ພາທີມຄວ້າແຊັມອາຟຣິກັນເນຊັ່ນຄັບ ໃນປີ 2013 ກ່າວໃນທີ່ສຸດ ! ພ້ອມກັນນີ້ກໍໄດ້ລາອອກຈາກຕຳແໜ່ງຜູ້ຈັດການທີມນີເຊຣີ ດ້ວຍເຊັ່ນກັນ ເຖິງແມ່ນວ່າລັດຖະມົນຕີກີລາຂອງນີເຊຣີ ຈະຕ້ອງການໃຫ້ຢູ່ຕໍ່ກໍຕາມ.</span></p> <p> <span style="color:#000080;">ສະຈີເຟ່ນ ເຄຊີ່ ຖືເປັນຜູ້ຈັດການຄົນທີ 7 ທີ່ຕັດສິນໃຈອຳລາຕຳແໜ່ງໃນລະຫວ່າງການແຂ່ງຂັນເຕະບານໂລກ 2014 ທີ່ບຣາຊິນ ຕໍ່ຈາກ ຫຼຸຍ ເຟີນານໂດ ຊົວເຣຊ (ຮອນດູຣັສ), ອັນແບໂຕ້ ຊັກເຄໂຣນີ່ (ຍີ່ປຸ່ນ), ເຊຊາເຣ່ ປຣັນເດວລີ່ (ອິຕາລີ), ຄາລອສ ເຄຣອຊ (ອິຣ່ານ) ຊາບຣີ ລາມູຊີ່ (ກົດດີວົວ) ແລະ ອັອດມາ ຮິດເຟວ (ສວິດ).</span></p>

ຂ່າວທີ່ກ່ຽວຂ້ອງ