ຂ່າວຫຼ້າສຸດ

ຄວາມ​ສຳ­ນຶກ​ຕໍ່​ບ້ານ​ເກີດ

3.239 26 ມິ.ນ. 2014 ນານາສາລະ

<p>  </p> <p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ໃຜໆ​ກໍ່​ຍ່ອມ​ຮູ້​ດີ​ວ່າ ການ​ດຳ­ລົງ​ຊີ­ວິດ​ໃນ​ໂລກທຸກ​ມື້­ນີ້ ແຕ່­ລະ­ຄົນ​ດີ້ນ­ຮົນ​ຫາ​ລ້ຽງ​ປາກ​ທ້ອງ​ <strong>ຈົນ​ເຮັດ​ໃຫ້​ບໍ່​ມີເວ­ລາ​ຄິດ​ທົບ​ທວນ​ເຖິງ​ພໍ່​ແມ່ ແລະ ບ້ານ​ເກີດ​ເມືອງ​ນອນ</strong> ບໍ່ແນ່​ໃຈ​ວ່າ​ທ່ານ​ຜູ້​ອ່ານ​ກໍ່​ຄິດ​ປະ­ເດັນ​ນີ້ ຫຼື ບໍ່ ? ໝາຍຄວາມວ່າ​ ສັງ­ຄົມ​ເມືອງ​ໃຫຍ່​ເຮັດ​ໃຫ້​ມະ­ນຸດ​ຄິດ​ກ້າວ​ໄປ​ຂ້າງ​ໜ້າເລື້ອຍໆ ແລະ ຂະ​ບວນ​ການ​ເກ້ຍ​ກ່ອມ​ທາງສັງ­ຄົມ​ ກະ​ຕຸ້ນເຮັດ​ໃຫ້​ຄົນ​ໃນ​ສັງ­ຄົມ​ຢາກ​ໄຕ່­ເຕົ້າ​ຍົກ​ສູງ​ຖາ­ນະ​ກັນ​ຂຶ້ນ​ໄປເລື້ອຍໆ ຫຼື ຈະ​ເວົ້າ​ວ່າ ປາ­ກົດ­ການແຂ່ງ­ຂັນ​ຊິງ​ດີ​ຊິງ​ເດັ່ນຈົນ​ເຮັດ​ໃຫ້​ຫຼາຍ​ຄົນ​ເກີດ​ຄວາມ​ຫຼົງ ແລະ ລືມ​ບ້ານ​ເກີດເມືອງ​ນອນ.</p> <p style="text-align: justify;"> <strong>ຜູ້​ຂຽນ​ຢາກ​ເວົ້າ​ກົງ​ວ່າ:</strong>ຄວາມ​ກະ­ຕັນ­ຍູ​ເປັນ​ເຄື່ອງ­ໝາຍຂອງ​ຄວາມ​ດີ ເຊິ່ງ​ກິນ​ຄວາມ​ໝາຍ​ເລິກ ເຊັ່ນ: <strong>ກະ­ຕັນ­ຍູ​ຕໍ່​ຜູ້ມີ​ບຸນ­ຄຸນ ກະ­ຕັນ­ຍູ​ຕໍ່​ວັດ­ຖຸ ຫຼື ສະ­ຖານ­ທີ່​ເກື້ອ­ກູນ​ຊີ­ວິດ</strong> ແລະ ຊຸກ­ຍູ້​ໃຫ້​ຄົນ​ໃດ​ໜຶ່ງ​ສ້າງ​ຜົນ­ສຳ­ເລັດ​ໃນໜ້າ­ທີ່​ການ​ງານ ແລະ ມີ­ໜ້າ​ມີ​ຕາ​ໃນ​ສັງ­ຄົມ ​ແຕ່​ຈະ​ມີ​ຈັກ​ຄົນ​ທີ່​ຄິດ​ເຫັນ​ບຸນຄຸນ​ຂອງ​ວັດ­ຖຸ ແລະ ຄົນ ຫຼື ສະ­ຖານ­ທີ່​ເຫຼົ່າ­ນັ້ນ​ທີ່​ສົ່ງ​ຜົນ​ໃຫ້ຕົນ​ໄຕ່­ເຕົ້າ​ຈົນ​ປະ­ສົບ​ຜົນ­ສຳ­ເລັດ​ໃນ​ຊີ­ວິດ.</p> <p style="text-align: justify;"> ພວກ​ເຮົາ​ເຄີຍ​ໄດ້​ຍິນ​ນິ­ທານ​ຄົນ​ລືມ​ພໍ່​ແມ່ ​ບ້ານ​ເກີດ​ເມືອງນອນ ແລະ ລືມ​ອ້າຍ​ນ້ອງ ໃນ​ເມື່ອ​ຕົນ​ເອງ​ໄດ້​ດີ​ມີເງິນ ເພາະວ່າ​ຖາ­ນະ​ຂຶ້ນ​ສູ່​ທີ່​ສູງ​ແລ້ວ ເຮັດ​ໃຫ້​ສັກ​ສີ​ສູງ​ຕາມ ຈົນ​ບໍ່​ສາມາດ​ຫຼຽວ​ລົງ​ມາ­ສູ່​ທີ່​ຕ່ຳ​ຕ້ອຍ ຫຼື ຖາ­ນະເດີມ​ໄດ້ ຍິ່ງ​ເຫັນ​ພໍ່ແມ່​ແຕ່ງ​ໂຕ​ແບບ​ຄົນ​ບ້ານ­ນອກ​ຍິ່ງ​ຮູ້­ສຶກ​ຢາກ​ອາຍ ມີ​ຄຳຖາມ​ວ່າ ຍ້ອນ​ຫຍັງ​ຈຶ່ງ​ເຮັດ​ໃຫ້​ມະ­ນຸດ​ປ່ຽນ​ໄປ​ຂະ­ໜາດ​ນັ້ນ ? ຫຼື ຈະ​ເປັນ​ຍ້ອນ​ວ່າ​ຖາ­ນະ​ການ​ເງິນ​ສູງ​ສັກ ແຕ່​ປັນ­ຍາ​ຍັງ​ຕ່ຳຢູ່ ? ຫຼື ຄ່າ​ນິ­ຍົມ​ຂອງສັງ­ຄົມ​ມັນ​ບໍ່​ແນ່­ນອນ​ແລ້ວ ? ຫາ​ຄຸນຄ່າ​ຂອງ​ຄວາມ​ດີ​ມາ​ເປັນ​ມາດ­ຕະ­ຖານ​ໄດ້​ຍາກ ຫຼື ຜູ້­ກ່ຽວເອງ​ເປັນ​ຄົນ​ບໍ່​ມີຈຸດ​ຢືນ ?.</p> <p style="text-align: justify;"> ຖ້າ​ຫາ​ກວ່າ ຄຳ​ຖາມ​ຂ້າງ​ເທິງ​ມັນ​ສາ­ມາດ​ດຶງ​ໃຈ​ໃຜ​ຜູ້ໜຶ່ງໄດ້​ຫັນ​ມາ​ທົບ​ທວນ​ຄິດ​ຄົງ​ຈະ​ດີ​ບໍ່​ໜ້ອຍ ເພາະ​ມັນຈະເຮັດ​ໃຫ້ເຄືອ​ຍາດ​ພີ່­ນ້ອງ​ເຫັນ​ຄວາມ​ສຳ­ຄັນ​ໃນ​ທີ່​ມາ​ຂອງ​ຕົນ ຫຼື ສາມາດ​ເບິ່ງ​ເຫັນ​ຄວາມ​ສຳ­ຄັນ​ທີ່​ມາ​ຂອງຕົນ​ຈົນ​ເກີດ​ມີຄຳ​ວ່າ <strong>ມອບ​ຄວາມ​ກະ­ຕັນ­ຍູ​ສູ່​ມາ­ຕຸ­ພູມ.</strong></p> <p style="text-align: justify;"> ພໍ່​ແມ່ ຫຼື ຍາດ​ພີ່­ນ້ອງ ​ຕະ­ຫຼອດ​ເຖິງ​ຄົນ​ທີ່​ເຮົາ​ໄດ້​ເພິ່ງ​ພາອາ­ໄສ​ ຄື​ບຸກ­ຄົນ​ທີ່​ເຮົາ​ຄວນ​ກະ­ຕັນ­ຍູຕອບ​ບຸນ​ແທນ​ຄຸນ ຫຼື ໂຮງ­ຮຽນ​ຫຼັງ​ຮ້າງໆ​ໃນ​ຊົນ­ນະ­ບົດ​ທີ່​ເຄີຍ​ນັ່ງ​ຮຽນ​ ກໍ່​ຄວນ​ຫຼຽວກັບ​ຫຼັງ​ເບິ່ງ​ແດ່ ສ່ວນ​ຕົວ​ຜູ້​ຂຽນ​ເຊື່ອ​ວ່າ: ການຈະ​ພັດ­ທະ­ນາໃຫ້​ຄົນ​ເຮົາ​ເຫັນ​ຄວາມ​ສຳ­ຄັນ​ໃນ​ຈຸດ​ນີ້ ເປັນ​ເລື່ອງ​ທີ່​ທຸກ​ຝ່າຍຕ້ອງ​ຮ່ວມ​ກັນ ຄົນ​ລາວ​ເຮົາ​ໂຊກ​ດີທີ່​ມີ​ພັກ​ປະ­ຊາ­ຊົນປະ­ຕິ­ວັດລາວ​ນຳ­ພາ ເຊິ່ງ​ໃນ​ໄລ­ຍະ​ນີ້ແມ່ນ​ເພິ່ນ​ວາງ​ນະ­ໂຍ­ບາຍ 3 ສ້າງ​ອອກ ເນື້ອ​ແທ້​ກໍ່ແມ່ນ​ນະ­ໂຍ­ບາຍ​ພັດ­ທະ­ນາ​ຊົນ­ນະ­ບົດນັ້ນ​ເອງ ແຕ່​ໃນ​ສ່ວນ​ຂອງ​ບຸກ­ຄົນ​ຈະ​ເຫັນ​ຄວາມ​ສຳ­ຄັນ​ຂອງນະ­ໂຍ­ບາຍ ແລະ ສຳ­ນຶກ​ເຖິງ​ບຸນ­ຄຸນ​ຂອງ​ພັກ ຫຼື ບໍ່ ?.</p> <p style="text-align: justify;"> ຂໍ​ຫວນ​ເຖິງ​ອະ­ດີດນັກ​ສຶກ​ສາ​ປັນ­ຍາ​ຊົນ​ຮຽນ​ຈົບ​ແລ້ວ​ກັບມາ​ພັດ­ທະ­ນາ​ບ້ານ​ເກີດ​ເມືອງ​ນອນ ບາງ​ຄົນ​ເປັນ​ຄູ ຫຼື ເປັນພະ­ນັກ­ງານ​ຂະ­ແໜງ​ຕ່າງໆ ພວກ​ເຂົາ​ຖື​ວ່າໄດ້​ເຮັດ​ເປັນແບບ­ຢ່າງ​ໃຫ້​ແກ່​ຄົນຮຸ່ນ​ໜຸ່ມ​ໄດ້​ສຶກ​ສາຮຽນ​ຮູ້ ພວກ​ເຮົາຕ້ອງ​ໃສ່­ໃຈ​ສະ­ເໝີ​ວ່າ: ພວກ​ເຮົາ​ມີ​ຊີ­ວິດ​ຢູ່​ໄດ້​ສູ່​ມື້­ນີ້ ແມ່ນ​ບັນພະ​ບູ​ລຸດ​ຂອງ​ເຮົາ​ຕໍ່­ສູ້​ກັບ​ໄພ​ທຳ​ມະຊາດ ແລະ ສັດ­ຕູ​ຜູ້​ຮຸກຮານ​ມາ​ບໍ່​ຈັກ​ວ່າ​ທໍ່​ໃດ ? ສະ­ນັ້ນ ພວກ​ເຮົາ​ເກີດ​ໃໝ່​ໃຫຍ່​ລຸນ ຫາກ​ບໍ່​ຮູ້​ຮັກ​ແຜ່ນ­ດິນ​ເກີດ...ບໍ່​ສ້າງ­ສາ​ພັດ­ທະ­ນາ​ແຜ່ນ­ດິນເກີດ​ ແລ້ວ​ຈະ​ເໝືອ​ກວ່າ​ສັດ​ຢ່າງ­ໃດ ?.</p>

ຂ່າວທີ່ກ່ຽວຂ້ອງ