ຂ່າວຫຼ້າສຸດ

ນ້ຳ​ບໍ່​ອອກ ແຕ່​ມີ​ໃບ​ເກັບ​ເງິນ

3.380 15 ພ.ພ. 2014 ນານາສາລະ

<p style="text-align: justify;"> ບ.ກ ພວກ​ເຮົາ​ໄດ້​ຮັບ ຈ.ມ ຈາກ​ເພື່ອນ​ຜູ້​ອ່ານ​ລາຍ​ໜຶ່ງ ໃນ​ຕົ້ນ​ເດືອນ​ພຶດ­ສະ­ພາ ທີ່​ຈົ່ມ​ທຸກ​ເລື່ອງ​ການ​ບໍ­ລິ­ການ​ນ້ຳ​ປະ­ປາ​ຢູ່​ເຂດ​ບ້ານ​ເພິ່ນ.</p> <p style="text-align: justify;"> ບ.ກ ບໍ່​ມີ​ອະ­ຄະ­ຕິ​ຕໍ່​ບໍ­ລິ­ສັດ​ນ້ຳ​ປະ­ປາ ແລະ ເຫັນ­ໃຈ​ໃນ​ການ​ພັດ­ທະ­ນາ ແຕ່​ຢາກ​ໃຫ້​ບໍ­ລິ­ສັດ​ຊີ້​ແຈງ​ຜ່ານ​ສື່​ແດ່ ເພື່ອ​ໃຫ້​ຜູ້​ຊົມ­ໃຊ້​ເພິ່ນ​ເຂົ້າ­ໃຈ.</p> <p style="text-align: justify;"> ເນື້ອ​ໃນ​ຂອງ ຈ.ມ ມີ​ບາງ​ຈຸດ​ດັ່ງ­ນີ້:</p> <p style="text-align: justify;"> <strong>ຂໍ​ຮຽນ: </strong>ທ່ານ ບ.ກ ວຽງ​ຈັນ​ໃໝ່.</p> <p style="text-align: justify;"> ພວກ​ຂ້າ­ພະ­ເຈົ້າ​ເປັນ​ລູກ­ບ້ານໆ​ໂພນ​ສະ­ຫວ່າງ ເມືອງ​ຈັນ­ທະ​ບູ​ລີ ນະ­ຄອນ­ຫຼວງ​ວຽງ​ຈັນ ຄຸ້ມ​ທາງ​ຫຼັງ​ສະ­ຖາ­ນີ​ກະ­ຈາຍ​ໄຟ­ຟ້າ​ໂພນ​ຕ້ອງ ຢູ່​ເຂດ​ນີ້ ໂດຍ​ສະ­ເພາະ​ແຖວ​ເຮືອນ​ທີ່­ຢູ່​ຕິດ​ດ້ານ​ຫຼັງ​ກຳ­ແພງ​ຂອງ​ສາງ​ເຄື່ອງ​ໄຟ­ຟ້າ ຮ່ອມ 22 28 ຂອງ​ບ້ານ​ໂພນ​ສະ­ຫວ່າງ ແມ່ນ​ເປັນ​ເວ­ລາ 4 ເດືອນ​ປາຍ​ແລ້ວ ທາງ​ບໍ­ລິ­ສັດ​ນ້ຳ​ປະ­ປາ​ບໍ່​ສົ່ງ​ນ້ຳ​ໃຫ້ (ເປັນ​ຫຍັງ​ຈຶ່ງ​ໃຊ້​ຄຳ​ສັບ​ວ່າ​ບໍ່​ສົ່ງ​ນ້ຳ​ໃຫ້) ຍ້ອນ​ວ່າ​ຖ້າ​ສົ່ງ​ນ້ຳ​ໃຫ້ ແຕ່​ບໍ່​ມີ​ນ້ຳ​ໄປ ມັນ​ກໍ່​ຍັງ​ມີ​ລົມ ຫຼື ຍາມ​ກາງ­ຄືນ​ເດິກ​ດື່ນ​ທ່ຽງ​ຄືນ ຄົນ​ທັງ​ເມືອງ​ນອນ ບໍ່​ມີ​ຜູ້​ຊົມ­ໃຊ້​ນ້ຳ​ຫຼາຍ ນ້ຳ­ມັນ​ກໍ່​ຈະ​ໄປ ເຖິງ​ວ່າ​ບໍ່​ແຮງ​ກໍ່​ຍັງ​ພໍ­ໄດ້ 5-10 ຄຸ​ນ້ຳ ແຕ່​ອັນ​ນີ້​ປິດ​ປະ­ຕູ​ໄວ້​ບໍ່​ສົ່ງ ນ້ຳ​ກໍ່​ບໍ່​ໄປ ລູກ­ບ້ານ​ຢູ່​ເຂດ​ນັ້ນ​ມີ​ຫຼາຍ​ສາ­ຂາ​ອາ­ຊີບ ຜູ້​ຮູ້​ເຕັກ­ນິກ​ແນວ­ໃດ​ກໍ່​ມີ ການ​ທີ່​ພວກ​ເຮົາ​ປະ­ສານ​ໄປ​ຫາ​ບໍ­ລິ­ສັດ​ນ້ຳ​ປະ­ປາ ຕາມ​ເບີ​ທີ່​ບໍ­ລິ­ສັດ​ແນະ­ນຳ​ໄປ​ທີ່​ບໍ­ລິ­ການ​ແຕ່​ລະ​ເຂດ​ນັ້ນ​ກໍ່​ໄດ້ ແຕ່​ປັດ​ປ່າຍ​ຄວາມ​ຮັບ­ຜິດ­ຊອບ ລູກ­ບ້ານ​ໄດ້​ພ້ອມ​ກັນ​ວິ­ນິດ​ໄສ ປະ­ກອບ​ຄຳ​ເຫັນ​ນຳ​ກັນ​ຢ່າງ​ຖີ່​ຖ້ວນ​ແລ້ວ​ເຫັນ​ວ່າ ເຫດ­ຜົນ​ທີ່​ບໍ­ລິ­ສັດ​ນ້ຳ​ປະ­ປາ​ອ້າງ​ນັ້ນ​ບໍ່​ມີ​ເຫດ­ຜົນ​ພຽງ­ພໍ​ທີ່​ຈະ​ໃຫ້​ເຊື່ອ​ຖື​ໄດ້ <strong>ແຕ່​ໃນ​ແຕ່​ລະ​ເດືອນ​ເມື່ອ​ບໍ່​ສົ່ງ​ນ້ຳ​ປະ­ປາ​ໃຫ້​ແລ້ວ ພັດ​ຍັງ​ສົ່ງ​ໃບ​ບິນ​ໄປ​ເກັບ​ເງິນ​ຄ່າ​ນ້ຳ​ຢູ່ </strong>ທັງ​ທີ່​ຮູ້​ແກ່​ໃຈ​ວ່າ​ເຂດ​ນັ້ນ​ບໍ່​ໄດ້​ສົ່ງ​ນ້ຳ​ໃຫ້​ດົນ​ແລ້ວ ບໍ່​ສົ່ງ​ນ້ຳ ແຕ່​ຢາກ​ໄດ້​ເງິນ ກໍ່​ບໍ່​ຕ່າງ​ຫຍັງ​ວ່າ ບໍ່​ເຮັດ​ວຽກ​ແຕ່​ຢາກ​ໄດ້​ເງິນ­ເດືອນ ເງິນ​ເກັບ​ຄ່າ​ນ້ຳ​ໃນ​ນະ­ຄອນ­ຫຼວງ​ໃນ​ແຕ່​ລະ​ເດືອນ ກໍ່​ຫຼາຍ​ຕື້​ກີບ ຂໍ​ຍົກ​ຕົວ­ຢ່າງ​ຕົວ​ເລກ​ສະ­ເລ່ຍ: ເມືອງ​ຈັນ­ທະ​ບູ​ລີ 30 ບ້ານ ສະ­ເລ່ຍ​ບ້ານ​ລະ 700 ຫຼັງ­ຄາ​ເຮືອນ ເມືອງ​ໄຊ​ເຊດ​ຖາ 47 ບ້ານ ສະ­ເລ່ຍ​ບ້ານ​ລະ 600 ຫຼັງ­ຄາ​ເຮືອນ ສີ​ນາກ 48 ບ້ານ ສະ­ເລ່ຍ​ບ້ານ​ລະ 600 ຫຼັງ­ຄາ​ເຮືອນ ສີ​ໂຄດ 60 ບ້ານ ສະ­ເລ່ຍ​ບ້ານ​ລະ 500 ຫຼັງ­ຄາ​ເຮືອນ ໄຊ​ທາ­ນີ 104 ບ້ານ ສະ­ເລ່ຍ​ບ້ານ​ລະ 400 ຫຼັງ­ຄາ​ເຮືອນ ຫາດ​ຊາຍ​ຟອງ 60 ບ້ານ ສະ­ເລ່ຍ​ບ້ານ​ລະ 400 ຫຼັງ­ຄາ​ເຮືອນ ໃນ​ນີ້​ບໍ່​ນັບ​ນາ​ຊາຍ​ທອງ ປາກ​ງື່ມ ສັງ​ທອງ ລວມ​ຫຼັງ­ຄາ​ເຮືອນ​ຂອງ 6 ເມືອງ ສະ­ເລ່ຍ​ມີ 172.000 ຫຼັງ­ຄາ​ເຮືອນ ໃນ​ນີ້​ຄາດ​ວ່າ​ໃຊ້​ນ້ຳ​ປະ­ປາ 120.000 ເຮືອນ x 20.000 = 2.400.000.000 ກີບ​ຕໍ່​ເດືອນ ນີ້​ເປັນ​ຕົວ​ເລກ​ຄາດ​ຄະ­ເນ​ຕ່ຳ​ສຸດ ຍັງ​ບໍ່​ນັບ​ໄດ້​ຈາກ​ໂຮງ­ງານ ບໍ­ລິ­ສັດ ຫ້າງ​ຮ້ານ ສຳ­ນັກ­ງານ​ອົງ­ການ ທັງ​ພາກ​ລັດ ແລະ ເອ­ກະ​ຊົນ ແລະ ຕ່າງ­ປະ­ເທດ ເຫັນ​ວ່າ​ຕົວ​ເລກ​ເງິນ​ໄດ້​ຈາກ​ນ້ຳ​ປະ­ປາ​ແມ່ນ​ຫຼາຍ ເບິ່ງ​ຕົວ​ເລກ​ມອບ​ພັນ­ທະ​ໃຫ້​ລັດ​ກໍ່​ບໍ່​ຫຼາຍ ຖ້າ​ທຽບ­ໃສ່​ບໍ­ລິ­ສັດ​ອື່ນ ແຕ່​ຢາກ​ຕັ້ງ​ຄຳ​ຖາມ​ວ່າ ເປັນ​ຫຍັງ​ບໍ່​ມີ​ເງິນ​ໝູ­ນວຽນ​ຂະ­ຫຍາຍ​ກິດ­ຈະ­ການ ຫຼື ມີ​ຫຼາຍ​ໂຮງ­ງານ​ກັ່ນ​ຕອງ ແຕ່​ເປັນ​ຫຍັງ​ບໍ່​ສະ­ໜອງ​ນ້ຳ​ໃຫ້​ທົ່ວ​ເຖິງ​ໄດ້ ຖ້າ​ບໍ່​ຫຼ້ອນ​ໃນ​ການ​ເຮັດ​ບໍ­ລິ­ການ ເປັນ​ຫຍັງ​ບໍ່​ແບ່ງ­ປັນ​ໃຫ້​ເອ­ກະ​ຊົນ​ເຮັດ​ນຳ ເພື່ອ​ສຸ­ຂະ­ພາບ​ທີ່​ດີ​ຂອງ​ປະ­ຊາ­ຊົນ.</p> <p style="text-align: justify;"> ດັ່ງ­ນັ້ນ ຈຶ່ງ​ຂໍ​ຮຽນ​ມາ​ຜ່ານ​ທ່ານ ບ.ກ ຊ່ວຍ​ຝາກ​ໄປ​ຍັງ​ບໍ­ລິ­ສັດ​ນ້ຳ​ປະ­ປາ ຜ່ານ​ໜັງ­ສື­ພິມ​ຂອງ​ທ່ານ​ດ້ວຍ ເພື່ອ​ໃຫ້​ເພິ່ນ​ສົ່ງ​ນ້ຳ​ປະ­ປາ​ໄປ​ໃຫ້​ຊົມ­ໃຊ້​ແດ່ ເພາະ​ປະ­ຊາ­ຊົນ​ເຂດ​ນັ້ນ​ເດືອດ­ຮ້ອນ​ມາ​ໄດ້ 4 ເດືອນ​ປາຍ​ແລ້ວ ບໍ່​ມີ​ນ້ຳ​ໃຊ້ ໃນ​ຍາມ​ຮ້ອນ ກໍ່​ວ່າ​ຍາມ​ຮ້ອນ ແຕ່​ຍາມ­ໜາວ ຄົນ​ບໍ່​ໃຊ້​ຫຼາຍ ຫຼື ຍາມ​ເດິກ​ດື່ນ​ຄົນ​ນອນ​ທັງ​ເມືອງ ກໍ່​ຍັງ​ບໍ່​ສົ່ງ​ນ້ຳ​ໃຫ້.</p> <p style="text-align: justify;"> <strong>ດ້ວຍ​ຄວາມ​ນັບ­ຖື​ຢ່າງ​ສູງ</strong></p> <p style="text-align: justify;"> ຈາກ: ບຸນ​ພາ​ມີ</p> <p style="text-align: justify;"> ໂທ: 020 54380877</p>

ຂ່າວທີ່ກ່ຽວຂ້ອງ