ຂ່າວຫຼ້າສຸດ

ປີ​ໃໝ່ ກັບ​ຄວາມ​ຊົງ​ຈຳ​ຂອງ​ຫຼາຍ​ຄົນ

2.528 28 ມ.ສ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ຜູ້​ຂຽນ​ໄດ້​ມີ​ໂອ­ກາດກັບ​ເມືອ​ຢາມ​ບ້ານ​ທາງພາກ​ໃຕ້​ຂອງ​ລາວ ຄື: ແຂວງ​ຈຳ­ປາ​ສັກ ເຊິ່ງຍາດພີ່­ນ້ອງ​ຕ່າງ​ກໍ່​ດີ­ໃຈ​ທີ່​ໄດ້​ເຫັນ​ລູກ​ຫຼານ​ຄົບ​ໜ້າ​ຄົບ​ຕາ ເຊັ່ນ​ວ່າ: ໃຜ​ໄດ້​ລູກ​ໄດ້​ເມຍ​ໄດ້​ໄພ້​ໄດ້ເຂີຍ ​ກໍ່​ຊັກ​ຊວນ​ອວນເອີ້ນ​ກັນ​ເມືອ​ຢາມ​ພໍ່​ແມ່ ປູ່ຍ່າ ຕາຍາຍ ແລະ ອີກ​ຢ່າງ​ໜຶ່ງກໍ່​ແມ່ນ​ຖື​ເອົາໂອ­ກາດ​ບຸນ­ປີ­ໃໝ່​ນີ້​ ໄປຂໍ​ພອນ​ຈາກ​ຜູ້​ເຖົ້າ​ຜູ້​ແກ່ ຫຼື ອວຍ­ພອນ​ໃຫ້​ພໍ່​ແມ່​ຍາດ​ພີ່­ນ້ອງ ໃຫ້​ມີ​ສຸ­ຂະ­ພາບ​ເຂັ້ມ­ແຂງ ໂດຍ​ມີ​ການ­ສະ­ແດງ​ອອກ​ທາງ​ພຶດ­ຕິ​ກຳ ນັ້ນ​ຄື​ເຮັດ​ນ້ຳ​ຫອມຫົດ­ສົງ​ພໍ່​ແມ່​ຜູ້ໃຫ້​ຊີ­ວິດ.</p> <p style="text-align: justify;"> ອາດ​ຍັງ​ມີ​ບາງ​ຄົນ​ເຂົ້າ­ໃຈ​ວ່າ <strong>ປີ​ໃໝ່​ເຮັດ​ພຽງ​ແຕ່​ນ້ຳ​ຫອມໄປ​ສົງ​ພຣະ​ຢູ່​ວັດ​ເທົ່າ​ນັ້ນ</strong> ແຕ່​ກໍ່​ລືມພຣະ​ຢູ່​ເຮືອນ ​ຄື ​ພໍ່​ແມ່ ເຊິ່ງເປັນ​ພຣະ​ອໍ​ຣະ​ຫັນ​ຂອງ​ລູກ ດັ່ງ­ນັ້ນ ​ບາງ​ຄົນ​ອາດ​ຕັ້ງ​ຄຳ​ຖາມຂຶ້ນໃນ​ໃຈ​ຕົນ​ເອງ​ວ່າ ​ໜຶ່ງ​ປີ​ຜ່ານ​ໄປ ປີ​ໃໝ່​ວຽນ­ມາ​ເຖິງ ຕົນເອງ​ໄດ້​ເຮັດ​ຫຍັງ​ແດ່​ເພື່ອ​ພໍ່​ແມ່ ຫຼື ໄດ້ເຮັດ​ຫຍັງ​ແດ່​ທີ່​ເປັນການ​ສ້າງ​ບັນ­ຫາ​ທຸກ​ໃຈ​ໃຫ້​ພໍ່​ແມ່ <strong>ດັ່ງ­ນັ້ນ ຖ້າ​ໃຜ​ເປັນ​ລູກຫຼານ ໄດ້​ເຮັດ​ໃຫ້​ພໍ່ແມ່​ຄອບ­ຄົວ​ເປັນ​ທຸກ​ເດືອດ­ຮ້ອນ​ນຳ​ລູກຫຼານ​ຄົນ​ນັ້ນ ກໍ່​ປຽບ​ໄດ້​ກັບ​ຂຸມ​ນາ​ຣົກ​ຂຸມ​ໜຶ່ງ​ທີ່​ເຜົາ​ໄໝ້​ດວງໃຈ​ຂອງ​ພໍ່​ແມ່.</strong></p> <p style="text-align: justify;"> ຢູ່​ເຂດ​ບ້ານ​ຜູ້​ຂ້າ​ນີ້​ຍັງ​ປາ­ກົດ​ມີ​ການ​ຮັກ­ສາ​ຮີດ­ຄອງ​ໄດ້​ດີບາງ​ອັນ ແຕ່​ກໍ່​ມີ​ບາງ​ຢ່າງ​ໄດ້​ຖືກ​ອິດ​ທິພົນ​ກະ­ແສ​ໂລກ​ກືນ​ກິນໄປ​ເກືອບ​ໝົດ​ແລ້ວ ເຊັ່ນ​ວ່າ: ເວ­ລາ​ມື້​ເອົາ​ພຣະ​ລົງ​ຢູ່​ໃນ​ສາລາ ປາ­ກົດ​ມີພຽງ​ຜູ້​ເຖົ້າ​ເປັນ​ສ່ວນ​ໜ້ອຍ ສ່ວນ​ຫຼາຍ​ພັດ​ແມ່ນລູກ​ຫຼານ​ໄວ​ໜຸ່ມ​ເຕັມ​ສາ­ລາ ຄຳ​ຖາມ​ຈຶ່ງ​ມີ​ຢູ່ວ່າ: <strong>ບົດ­ບາດຄົນ​ເຖົ້າ​ຫົດ​ຫາຍ​ໄປ​ໃສ</strong> ໃນ​ການ​ຊັກ​ນຳ ຫຼື ນຳ­ພາ​ລູກ​ຫຼານເຂົ້າ​ວັດ​ຟັງ​ທຳ ຫຼື ປະ­ກອບ​ພີ​ທີ​ທາງ​ພຸດ​ທະ​ສາ­ສະ­ໜາ ຫຼື ຖ້າຈະ​ທຽບ­ໃສ່​ໃນ​ເມືອງ​ໃຫຍ່​ພັດ­ທະ­ນາ​ຂອງ​ບ້ານ​ເຮົາ​ອາດປາກົດ​ມີ​ຫຼາຍ​ຂຶ້ນ ​ທີ່​ລູກ​ຫຼານ​ຈູງ​ແຂນ​ພໍ່​ຕູ້​ແມ່­ຕູ້​ເຂົ້າ​ຮ້ານ​ສັບ­ພະສິນ­ຄ້າ ເຊິ່ງ​ຖ້າ​ເບິ່ງ​ຢ້ອນ​ຫຼັງ​ໃນອະ­ດີດ​ຈະ​ເຫັນ​ວ່າ ​ເດັກ­ນ້ອຍລູກ​ຫຼານ​ຈູງ​ແຂນ​ພໍ່​ຕູ້​ແມ່­ຕູ້​ເຂົ້າ​ວັດ​ຟັງ​ທຳ.</p> <p style="text-align: justify;"> ສ່ວນ­ວ່າ​ຝ່າຍ​ພຣະ​ສົງ​ກໍ່​ອາດ​ມີ​ບາງ​ວັດ​ທີ່​ຖື​ເບົາ​ໃນ​ການເຕົ້າ­ໂຮມ​ຄວາມ​ສາ­ມັກ­ຄີ ໂດຍ​ຖື​ເອົາບຸນ­ປີ­ໃໝ່​ສົງ​ນ້ຳ​ພຣະ​ນີ້ ເປັນ​ໂອ­ກາດ​ເທດ​ສະ­ໜາ​ທຳ ຫຼື ບອກ­ສອນ​ຮີດ­ຄອງ​ປະ­ເພ­ນີ ຖ້າ​ເປັນຕ່າງ​ແຂວງ​ຊົນ­ນະ­ບົດ ຫຼື ໃນ​ເມືອງ ກໍ່​ຕ້ອງ​ໄດ້​ເຮັດຮ້ານ​ສົງ​ນ້ຳ​ພຣະ ໂດຍ​ນຳ​ເອົາ​ຕົ້ນ​ກ້ວຍ ຕົ້ນອ້ອຍ ຫຼື ກ້ານພ້າວ ໃບ​ພ້າວ​ ມາ​ປະ­ດັບ​ເອ້​ຢ້ອງ​ເປັນ​ສິ­ລະ​ປະ​ງົດ​ງາມ ແລະ ຄອຍ​ຊີ້​ນຳ​ຊາວ­ບ້ານ​ໃຫ້​ເຂົ້າ­ໃຈ​ອັນ​ໃດ​ເປັນ​ຮີດ ອັນ​ໃດ​ເປັນຄອງ...</p> <p style="text-align: justify;"> ເຖິງ​ແມ່ນ​ວ່າ­ການ​ກັບ​ເມືອ​ຢາມ​ບ້ານ​ຄັ້ງ​ນີ້​ເປັນ​ເລື່ອງ​ສ່ວນຕົວ​ກໍ່​ຕາມ ແຕ່​ກໍ່​ສັງ­ເກດ​ເຫັນ​ຫຼາຍອັນ​ທັງ​ບວກ ແລະ ລົບ ເຊິ່ງ​ຍັງ​ຈະ​ສົ່ງ​ຜົນ​ໄລ­ຍະ​ຍາວ​ຕໍ່​ຮີດ­ຄອງ ແລະ ວິ­ຖີ​ຊີ­ວິດ​ຂອງຊາວ­ບ້ານ ເຊິ່ງ​ເລື່ອງ​ປະ­ເພ­ນີ ແລະ ຮີດ­ຄອງ​ຈະ​ຝັງ​ຮາກ​ເລິກໄດ້ ​ກໍ່​ຕ້ອງ​ໄດ້​ອາ­ໄສ​ຊາວ­ບ້ານ​ຜູ້​ເຖົ້າ​ຜູ້​ແກ່ເຜີຍ­ແຜ່​ສູ່​ລູກ​ຫຼານ ພ້ອມ​ດ້ວຍ​ພຣະ​ສົງ​ສາ­ມະ­ເນນ ເຊິ່ງ​ເປັນ​ສັນ­ຍະ­ລັກ​ຜູ້­ນຳ​ທາງຈິດ​ວິນ​ຍານ (ຜູ້­ນຳ​ທາງ​ຄວາມ​ຄິດ) ຄອຍ​ບອກ­ສອນ​ລູກຫຼານຜູ້​ເກີດ​ໃໝ່​ໃຫຍ່​ລຸນ​ໃຫ້​ເຂົ້າ​ຮ່ອງ​ເຂົ້າ­ຮອຍ.</p> <p style="text-align: justify;"> ເຫັນ​ໄດ້​ວ່າ <strong>ໂລກ​ທຸກ​ມື້­ນີ້​ບໍ່​ພຽງ​ເສດ­ຖະ­ກິດ​ເທົ່າ​ນັ້ນ​ທີ່​ແຂ່ງຂັນ​ກັນ ແຕ່​ປະ­ເພ­ນີ</strong><strong>-ວັດ­ທະ­ນະ­ທຳລະ­ຫວ່າງ​ຂອງ​ລາວ​ເຮົາ ແລະ ຊາດ​ອື່ນ ​ມັນ​ກໍ່​ຍູ້​ດັນ​ຕີ​ກັນ​ໃຫ້​ຕາຍ​ໄປ​ຂ້າງ​ໜຶ່ງ​ໄດ້</strong>ດ້ວຍເຫດ​ນີ້​ບຸນ­ປີ­ໃໝ່​ຈຶ່ງ​ບໍ່​ແມ່ນ​ເປັນ​ບຸນ​ປະ­ຈຳ​ປີ​ທໍ່​ນັ້ນ ມັນ​ແມ່ນ​ມື້ບຸນ​ແຫ່ງ​ການ​ເຊີດ​ຊູ​ຄຸນ­ຄ່າ​ທາງ​ສິ­ລະ​ປະ ແລະ ສິນ​ລະ​ທຳທາງ​ພຸດ​ທະ​ສາ­ສະ­ໜາ​ທີ່​ສຳ­ຄັນ ສະ­ນັ້ນ ລູກ​ຫຼານ​ຕ້ອງ​ຮັບໜ້າ­ທີ່​ຂອງ​ຕົນ​ໃນການ​ຮຽນ​ຮູ້ ໂດຍ​ມີ​ພຣະ​ສົງ ແລະ ຜູ້​ເຖົ້າ​ຜູ້ແກ່​ເປັນ​ຜູ້​ສັ່ງ­ສອນ​ບອກ​ກ່າວ ຖ້າ​ຫາກ​ບໍ່​ສາ­ມາດ​ຫຼິ້ນບົດ­ບາດເດີມ​ໄດ້ ​ມັນ​ກໍ່​ຈະ​ສະ­ຫຼາຍ​ໄປ​ຕາມ​ການ​ເວ­ລາ.</p>

ຂ່າວທີ່ກ່ຽວຂ້ອງ