ຂ່າວຫຼ້າສຸດ

ຈັບ​ຕາ​ເບິ່ງ​ວິ​ກິດ​ຂີ້​ເຫຍື້ອ​ຈາກ​ປະ­ເທດ​ໄທ

3.268 17 ມ.ສ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ປັນ­ຫາ​ໂລກຮ້ອນ ແລະ ປັນ­ຫາ​ຂີ້​ເຫຍື້ອ​ລົ້ນ​ໂລກ ຫຼື ຂີ້​ເຫຍື້ອ​ກາຍ­ເປັນ​ໝອກ​ພິດ​ໃນ​ອາ­ກາດ ຍ່ອມ​ເປັນ​ອັນ­ຕະ­ລາຍ ຕ້ອງ​ໄດ້​ຮັບ​ການ​ແກ້​ໄຂ ແລະ ເອົາ­ໃຈ­ໃສ່​ຈາກ​ຫຼາຍ​ພາກສ່ວນ​ທີ່​ກ່ຽວ­ຂ້ອງ​ ສຳ­ລັບ​ປະ­ເທດ​ທີ່​ເກີດ​ມີ​ປັນ­ຫາ ແຕ່​ປະ­ເທດທີ່​ພັດ­ທະ­ນາ​ຕາມ​ກົ້ນ​ກັນ​ກໍ່​ບໍ່​ຄວນ​ນິ້ງ​ນອນ​ໃຈກັບ​ບັນ­ຫາ​ດັ່ງກ່າວ ຄຳ​ຖາມ​ຈຶ່ງ​ມີ​ຢູ່​ວ່າ: ຂີ້​ເຫຍື້ອ​ລົ້ນ​ໂລກ ຫຼື ຂີ້​ເຫຍື້ອ​ຫຼາຍຈົນ​ກາຍ­ເປັນ​ໝອກຄວັນ​ເປັນ​ພິດ ມັນ​ກໍ່​ເກີດ​ຈາກ​ນ້ຳ­ມື​ມະ­ນຸດນີ້​ເອງ ​ທີ່​ໃຊ້​ຊັບ­ພະ­ຍາ­ກອນ​ຕ່າງໆ​ຟຸມ​ເຟືອຍ ຫຼື ບໍ່­ເກີດ​ປະໂຫຍດ​ເທົ່າ​ທີ່​ຄວນ.</p> <p style="text-align: justify;"> ປະ­ເທດ​ເຮົາ ຄົນ​ລາວ​ເຮົາ​ໂຊກ​ດີ ເພາະ​ມີ​ແບບ­ຢ່າງ​ຂອງການ​ພັດ­ທະ­ນາ​ບາງ​ປະ­ເທດ​ອ້ອມຂ້າງ ເຊັ່ນ: ປະ­ເທດ​ໄທ ທີ່ເດີນ​ຕາມ​ເສັ້ນ­ທາງ​ທຶນ​ນິ­ຍົມ ເຮົາ​ໄດ້​ເຫັນ​ຄວາມ​ຜິດ­ພາດ​ໃນການພັດ­ທະ­ນາ ແລະ ເຫັນ​ຈຸດ​ດີ​ ດັ່ງ​ຕົວ­ຢ່າງ​ກໍ­ລະ­ນີ​ການ​ເກີດວິ​ກິດ​ການ​ຂອງ​ປະ­ເທດ​ໄທ ​ເກີດ​ຂຶ້ນ​ຢູ່ບາງ​ປູ ທີ່​ເກີດ​ໄຟ​ໄໝ້ຂຸມ​ຂີ້​ເຫຍື້ອ ເພາະ​ມັນ​ເປັນ​ນິ­ຄົມ​ອຸດ­ສາ­ຫະ­ກຳ​ຢູ່​ແຂວງ​ສະໝຸດ​ປຣາການ ເຮັດ​ໃຫ້​ໝອກ​ຄວັນ​ດັ່ງ­ກ່າວ​ແຜ່​ກະ­ຈາຍ​ກວ້າງໄກ​ຫຼາຍ​ກິ­ໂລ­ແມັດ ເຊິ່ງ​ຄວັນ​ດັ່ງ­ກ່າວ​ພັດ​ແມ່ນຄວັນ​ພິດ​ທີ່ເກີດ​ຈາກ​ໄຟ​ໄໝ້​ຂີ້​ເຫຍື້ອ ເຊິ່ງ​ມັນ​ເກີດ​ຂຶ້ນ​ເລື້ອຍໆ​ຕັ້ງ­ແຕ່ປະ­ເທດ​ໄທ ກ້າວ​ເຂົ້າ​ສູ່ສັງ­ຄົມ​ອຸດ­ສາ­ຫະ­ກຳ ອີກ​ແຫ່ງ​ໜຶ່ງ​ທີ່ເກີດ​ບັນ­ຫາ​ຄ້າຍ​ກັນ ແມ່ນ​ຢູ່​ແຂວງ​ການຈະ​ນະ​ບູ​ລີ ເຊິ່ງແຫຼ່ງຂໍ້​ມູນ​ດັ່ງ­ກ່າວ​ໄດ້​ຢືນ­ຢັນ​ວ່າ: ມັນ​ເປັນ​ປັນ­ຫາ​ແກ່­ຍາວ​ມາ​ດົນແລ້ວ.</p> <p style="text-align: justify;"> ບັນ­ຫາ​ຂີ້​ເຫຍື້ອ​ເມືອງ​ໄທ ຍ່ອມ​ເປັນ​ບັນ­ຫາ​ໃຫຍ່ ເຊິ່ງ​ທະນາ​ຄານ​ໂລກ (World Bank) ໄດ້ເວົ້າ​ໄວ້​ວ່າ: ອີກ 5 ປີ​ຂ້າງໜ້າ ​ຂີ້​ເຫຍື້ອ​ຈະ​ລົ້ນ​ໂລກ ເພາະ­ວ່າ​ພົນ­ລະ­ເມືອງ​ຫຼາຍ​ຂຶ້ນ ເຮັດ​ໃຫ້​ມີການ​ຂະ­ຫຍາຍ­ຕົວ​ເມືອງ ແລະ ອຸດ­ສາ­ຫະ­ກຳ​ກໍ່ຂະ­ຫຍາຍ­ຕົວ​ໄວ ໂດຍ​ສະ­ເພາະປະ­ເທດ​ທີ່​ກຳ­ລັງ​ພັດ­ທະ­ນາ (Developing country) ເຊິ່ງ​ອຸດ­ສາ­ຫະ­ກຳ​ຂະ­ຫຍາຍ​ໂຕໄວ​ແທ້ໆ.</p> <p style="text-align: justify;"> ຮສ.ດຣ. ຊະ­ວະ­ລິດ ຣັດ​ຕະ​ນະ​ທຳ​ສະ­ກຸນ ຫົວ­ໜ້າ​ໜ່ວຍປະ­ຕິ­ບັດ​ການ​ວິ­ໄຈ​ບຳ­ບັດ​ຂອງ​ຂີ້ເຫຍື້ອ ຄະ­ນະ​ວິ­ສະ­ວະ­ກຳ​ມະສາດ​ຂອງ​ຈຸ­ລາ​ລົງ​ກອນ ​ມະ­ຫາ­ວິ­ທະ­ຍາ­ໄລ ໄດ້​ເວົ້າ​ໄວ້​ໃນງານຖະ­ແຫຼງ​ຂ່າວ​ທ້າຍ​ເດືອນ​ມີ­ນາ 2014 ຜ່ານ​ມາ​ນີ້​ວ່າ: ການ​ເຜົາ​ຂີ້​ເຫຍື້ອ​ກາງ­ແຈ້ງ​ກໍ­ລະ­ນີ​ບາງ​ປູ ຍ່ອມ​ເປັນ​ອັນ​ຕະລາຍ ເພາະ​ອຸນ­ຫະ­ພູມ​ໃນ​ການ​ເຜົາ​ມັນ​ບໍ່​ສູງ​ພຽງ­ພໍ ໃນ​ການທຳ­ລາຍ​ແກັດ​ພິດ ຫຼື ຄວັນ​ພິດ ເພາະ­ວ່າ​ປົກ­ກະ­ຕິ​ອຸນ­ຫະ­ພູມເຜົາ​ກາງ­ແຈ້ງ ​ຢູ່​ທີ່ 200-400 ອົງ­ສາ ແລະ ການ​ລະເຫີຍອາຍ​ຂອງ​ສານ​ເຄ​ມີ​ທີ່​ເປັນ​ພິດ ​ຕ້ອງ​ມີ 1.000 ອົງ­ສາ​ຂຶ້ນ​ໄປ ນີ້ຄື​ເຕົາ​ເຜົາ​ທີ່​ຖືກ​ຫຼັກ​ວິ­ຊາການ... ເຊິ່ງ​ເປັນ​ບັນ­ຫາ​ໃຫຍ່ ແລະ ເລັ່ງ​ດ່ວນ​ທີ່​ເກີດ​ຂຶ້ນ​ກັບ​ປະ­ເທດ​ໄທ ​ຕອນ​ນີ້.</p> <p style="text-align: justify;"> ນອກ​ນີ້ ບັນ­ຫາ​ຍັງ​ມີ​ອີ​ກວ່າ: ການ​ຄວບ​ຄຸມ​ໄຟ​ເທິງ​ໜ້າ­ດິນໄດ້ ແຕ່​ບັນ­ຫາ​ທີ່​ໄຟ​ມັນ​ຍັງ​ເຜົາ​ໄໝ້​ຢູ່ໃຕ້​ດິນ​ນັ້ນ​ໃຜໆ​ກໍ່​ຢ້ານກົວ ເພາະ­ວ່າ​ໃຜ​ຈະ​ກ້າ​ໄປ​ຍ່າງ​ສຳ​ຫຼວດ ໂດຍ​ຢ້ານ​ມັນ​ຍຸບ​ລົງທັນ­ທີ.</p> <p style="text-align: justify;"> ສະ­ຫຼຸບ​ວ່າ​ແຕ່​ລະ​ເຂດ​ສຳ­ລັບ​ເຈົ້າ​ໜ້າ­ທີ່​ຈະ​ເຂົ້າ​ໄປ​ກວດ­ການັ້ນ​ກໍ່​ຢ້ານ​ຕາຍ​ຄື​ກັນ ເຊັ່ນ: ເຂດ Hot Zone Warm Zone ແລະ Cold Zone ຖ້າ​ຖາມ​ໃຫ້​ກວ້າງ​ບັນ­ຫາ​ດັ່ງ­ກ່າວ​ມັນເກີດ​ມາຈາກ​ໃສ? ຖ້າ​ຕອບ​ແບບ​ຫຼາຍ​ຄົນ​ເຫັນໆ​ກັນ​ຢູ່​ກໍ່​ແມ່ນການ​ບໍ­ລິ­ໂພກ ແລະ ອຸດ­ສາ­ຫະ­ກຳ​ທີ່​ຜິດທາງ ຫຼື ເກີນ​ຄວາມພໍ­ດີ ທັງ​ໝົດ​ຄື​ບົດ­ຮຽນ​ລາ­ຄາ​ແພງ​ສຳ­ລັບ​ຫຼາຍ​ປະ­ເທດ​ທີ່​ກຳລັງ​ເລັ່ງ​ພັດ­ທະ­ນາ​ໄລ່​ຕາມ​ກົ້ນ​ກັນ​ຢູ່​ນີ້ ແຫຼ່ງ​ຂໍ້​ມູນ​ນີ້​ໄດ້​ມາຈາກ​ໜັງ­ສື­ພິມ​ແນວ​ໜ້າ​ຂອງ​ໄທ ໃນ​ເດືອນ​ເມ­ສາ​ນີ້ເອງ.</p>

ຂ່າວທີ່ກ່ຽວຂ້ອງ