ຂ່າວຫຼ້າສຸດ

ສ້າງ​ຄວາມ​ຫວັງ​ໃໝ່​ໃນ​ປີ​ມ້າ ພສ 2557 ດ້ວຍ​ພຶດ­ຕິ​ກຳ​ອັນ​ໃໝ່

2.495 09 ມ.ສ. 2014 ນານາສາລະ

<p style="text-align: justify;"> <strong>ໂດຍ: ບີ​ໂນ ໂລ­ກາ​ວິ​ທຸ</strong></p> <p style="text-align: justify;"> ພໍ​ໃກ້​ຈະ​ຫວິດ​ຈາກ​ປີ​ເກົ່າ ປີ​ໃໝ່​ກໍ່​ຄ່ອຍໆ​ຫຍັບ​ເຂົ້າ​ມາ ຜູ້ຄົນ​ຕ່າງ​ປາດ​ຖະ​ໜາ​ຢາກ​ດຳ­ລົງ​ຊີ­ວິດພາຍ​ໃຕ້​ຮົ່ມ​ເງົາ​ຂອງສັນ­ຕິ­ພາບ ຢູ່​ດີ​ມີ​ສຸກ ສຸ­ຂະ­ພາບ​ເຂັ້ມ­ແຂງ ປະ­ສົບ​ຜົນ­ສຳ­ເລັດໃນ​ໜ້າ­ທີ່ວຽກ​ງານ ສິ່ງ​ທີ່​ເປັນ​ສິ­ລິ​ມຸງ­ຄຸນ ແລະ ໂຊກ​ໄຊ​ຂໍ​ຈົ່ງໄຫຼ­ຫຼັ່ງ​ເຂົ້າ​ມາ ສິ່ງ​ທີ່​ຄ້າງ​ຄາ​ປາດ​ຖະ​ໜາແບບ​ໃຫ້​ໄດ້​ມາ​ໃນຮູບ​ອະ­ກຸ­ສົນ ເປັນ­ຕົ້ນ ການ​ໄດ້​ມາ​ຈາກ​ການ​ດົນ​ບັນ­ດານ​ໃຫ້​ມີເອງ ໂດຍ​ບໍ່ຜ່ານ​ການ​ອອກ­ແຮງ​ງານ ຫຼື ໄດ້​ມາ​ຈາກ​ການ​ກະທຳ​ທີ່​ຜິດ​ກົດ­ໝາຍ​ນັ້ນ​ ແມ່ນ​ແຕ່​ສິ່ງ​ສັກ­ສິດ​ກໍ່ຮັບ​ນຳ​ບໍ່​ໄດ້ ເນື່ອງ​ຈາ​ກວ່າ ​ສິ່ງ​ສັກ­ສິດ​ຈະ​ບໍ່​ອະ­ນຸ­ຍາດ​ເດັດ­ຂາດ​ໃຫ້​ຄົນ​ຮັ່ງມີ​ຍ້ອນ​ໄດ້​ມາ​ຈາກສິ່ງ​ທີ່​ບໍ່​ຖືກ­ຕ້ອງ​ ເຊັ່ນ: ສໍ້​ລາດ​ບັງ​ຫຼວງ ຂີ້ຕົ້ມ​ຫຼອກ​ລວງ​ໃນ​ຮູບ​ຂອງ 100 ມົງ​ກຸດ ລັກ​ໂລບ​ປອມແປງ ບຽດ­ບຽນ ຫຼື ຮູບ​ແບບ​ການ​ຟອກ​ເງິນ​ອື່ນໆ.</p> <p style="text-align: justify;"> ການ​ທີ່​ຢາກ​ຮັ່ງ­ມີພໍ​ຢູ່​ພໍ​ກິນ​ຢ່າງ​ຖືກ­ຕ້ອງ​ຕາມ​ລະ­ບຽບ​ກົດໝາຍ​ນັ້ນ ບໍ່​ແມ່ນ​ເລື່ອງ​ງ່າຍ­ດາຍ​ພໍເທົ່າ­ໃດ ຜູ້​ຄົນ​ຫຼາຍ​ອາຊີບ​ຕ່າງ​ໄຝ່​ຝັນ​ເໝືອນ​ກັນ​ຢາກ​ເປັນ​ເຈົ້າ​ຂອງ​ຄະ​ລື​ຫາດ​ທີ່​ບໍ່ໃຊ້​ເງິນ ເປັນຕູ້​ຄຳ ຕູ້​ເພັດ​ເຄື່ອນ​ທີ່ ແຕ່​ຄວາມ​ໄຝ່​ຝັນ​ນັ້ນ​ຕ້ອງແມ່ນ​ຜ່ານ​ການ​ກະ­ທຳ​ຖືກ­ຕ້ອງ​ຕົວ​ຈິງ ຕົວ­ຢ່າງ ຊາວ­ນາ​ຜູ້ໜຶ່ງ​ກວ່າ​ຈະ​ເກັບ​ກ່ຽວ​ເຂົ້າ​ພໍ​ຢູ່​ພໍ​ກິນ​ໄດ້​ກໍ່​ເລີ່ມ​ຈາກ​ການ​ດຸໝັ່ນ​ຂະ­ຫຍັນ​ພຽນ ຕື່ນ​ເດິກລຸກ​ເຊົ້າ ໄປ​ຢຽບ​ໝາ​ມາ​ຢຽບ​ຂຽດ ມີ​ຄວາມ​ຮອບ​ຮູ້​ຈາກ​ການ​ຖ່າຍ​ທອດ​ການ​ລ້ຽງ­ສັດ-​ປູກ­ຝັງ​ມາແຕ່​ບັນ​ພະ​ບູ​ລຸດ ເປັນ­ຕົ້ນ ຮູ້​ໃສ່​ຝຸ່ນ ຮູ້​ລະ­ບາຍ​ນ້ຳ​ເຂົ້າ­ນາ ຮູ້ເສຍ​ຫຍ້າ​ຂ້າ​ຫຸ່ນ ຮູ້​ປາບ​ສັດ­ຕູພືດ ແລະ ຮູ້​ຮອດ​ເສັ້ນ​ຈ້ຳ​ຜີ​ຕາແຮກ... ຄົນ­ຫາ­ປາ​ໃນ​ນ້ຳ​ໃຫຍ່​ ກວ່າ​ຈະ​ຫາ​ປາ​ໄດ້​ກໍ່​ແມ່ນຄວາມພະ­ຍາ­ຍາມ ແລະ ຮຽນ​ຮູ້​ວ່າ​ບ່ອນ​ໃດ​ມີ​ປາ​ຢູ່ ລະ­ດູ​ໃດປາ​ຫຼາຍ ນ້ຳ​ແບບ​ໃດ​ປາ​ຂຶ້ນ ແລະ ແບບໃດ​ປ່າ​ລ່ອງ ຟ້າ​ຕັ້ງໂງ່ນ​ແນວ­ໃດ​ຝົນ​ຈະ​ຕົກ ຟ້າ­ຮ້ອງ​ແບບ​ນີ້​ແບບ​ນັ້ນ​ຝົນ​ຍັງ​ຢູ່​ໄກ ອາ­ຊີບ​ອື່ນ​ໃດກໍ່​ມີ​ຈຸດ​ພິ­ເສດ​ຂອງ​ມັນ​ທັງ​ນັ້ນ ສິ່ງ​ດັ່ງ­ກ່າວ​ແມ່ນພູມ​ປັນ­ຍາ​ຊາວ­ບ້ານ​ສືບ​ທອດ​ກັນ​ມາ ບາງ​ຄົນກຳ​ໄດ້​ໝູນ​ໃຊ້ເຂົ້າ​ກັບ​ອາ­ຊີບ​ສາ­ມາດ​ພົ້ນ​ໄພ ບາງ​ກໍ່​ມີ​ຢູ່​ມີ​ກິນ​ຍ້ອນແຕ່ຕ້ອງ​ໃສ່­ໃຈ​ວ່າ: ດຸ­ໝັ່ນ ປະ­ຢັດ ຂະ­ຫຍັນ ອົດ­ທົນ ຄື​ຄາ­ຖາ​ສັກສິດ​ທີ່​ພາ­ໃຫ້​ພົ້ນ​ທຸກ ມີ​ເງິນ​ມີ​ຄຳ​ຢ່າງ​ບໍ­ລິ­ສຸດ​ໄດ້.</p> <p style="text-align: justify;"> ປີ​ໃໝ່ ພສ 2557 ຍ່າງ​ເຂົ້າ​ມາ​ແລ້ວ ສິ່ງ​ທີ່​ຄ້າງ​ຄາ​ໃນ​ຕົວເຮົາ​ເອງ​ຈົນ​ເປັນ​ນິ­ໄສ​ຕ້ອງ​ມີ​ການ​ທົບທວນ­ຄືນ​ໃໝ່ ຕັ້ງ​ຄຳຖາມ​ຕົນ​ເອງ​ວ່າ ປີ­ຜ່ານ­ມາ​ເຮົາ​ສ້າງ​ຕົວ​ດີ​ພໍ­ແລ້ວ​ບໍ ເປັນຫຍັງ​ເຮົາ​ຈຶ່ງ​ເປັນແນວ​ນີ້ ເປັນ​ຫຍັງ​ເຮົາ​ຈຶ່ງ​ບໍ່​ເປັນ​ແນວ​ນັ້ນ ຊອກ​ຫາ​ສາ­ເຫດ​ໃຫ້​ພົບ ແລ້ວ​ຈຶ່ງ​ຄ່ອຍ​ປົດ​ຄ່ອຍ​ມາຍອອກຢ່າງ​ມີ​ສະ­ຕິ​ ເພື່ອ​ຫັນ​ຕົນ​ເອງ​ໄປ​ສູ່​ສິ່ງ​ທີ່​ດີ ແລະ ຖືກ­ຕ້ອງ​ພໍ​ຢູ່​ພໍກິນ​ຄື​ບ້ານ​ຄື​ເມືອງ​ເພິ່ນ ວ່າຊັ້ນ​ສາ !.</p> <p style="text-align: justify;"> ສິ່ງ​ສຳ­ຄັນ​ປະ­ການ​ໜຶ່ງ​ທີ່​ຄົນ​ເຮົາ​ມັກ​ແກ້​ບໍ່​ໄດ້​ ແມ່ນ​ການຫຼົງ​ຕົວ​ເອງ ຫັນ​ໄປ​ຝັກ​ໄຝ່​ໃນ​ສິ່ງ​ທີ່ຫຼອກ​ຕາ​ຫຼອກ​ໃຈ ການ​ຫຼົງຕົວ​ເອງ​ນີ້​ລະ​ຄື​ການ​ສູນ​ເສຍ​ໂອ­ກາດ ໂດຍ​ສະ­ເພາະ​ການ​ພາຕົວ​ໄປຕາມ​ກະ­ແສ​ສັງ­ຄົມ​ທີ່​ຂ້ອນ​ຂ້າງ​ຜິດ­ພາດ​ຍ້ອນ​ໂລກຂອງ​ວັດ­ຖຸ​ບໍ­ລິ­ໂພກ​ນິ­ຍົມ​ມາ​ຫຸ້ມ​ລ້ອມ ​ດ້ວຍການ​ໃຊ້​ຈ່າຍ​ເກີນຕົວ ລາຍ​ໄດ້​ຕ່ຳ ລົດ​ນິ­ຍົມ​ສູງ ເກີດ​ມີ​ໜີ້​ສິນ​ຄ້າງ​ຄາ​ເປັນ​ພວງພະ­ນັງ ແລ້ວກ້າວ​ໄປ​ສູ່​ການ​ກະ­ທຳ​ໃນ​ສິ່ງ​ບໍ່​ຖືກ​ກົດ­ໝາຍ ສ້າງ​ສິ່ງ​ຫຍໍ້­ທໍ້​ຕ່າງໆ​ໃນ​ສັງ­ຄົມ ​ເພື່ອ​ໃຫ້​ໄດ້​ມາ​ສິ່ງວັດ­ຖຸ ແລະ ໜ້າ​ຕາ ກຽດ​ສັກ​ສີ​ນັ້ນ.</p> <p style="text-align: justify;"> ຕໍ່­ໜ້າ​ສະ­ພາບ​ການ​ຍົວະ​ຍວນ​ກວນ​ໃຈ​ຈາກ​ກະ­ແສ​ດັ່ງກ່າວ​ນັ້ນ ສິ່ງ​ທີ່​ພໍ​ຢັບ​ຢັ້ງ​ສັ່ງ​ໃຈ​ໄດ້​ກໍ່​ຄື ການ​ປັບ​ປ່ຽນ​ລະ­ບົບແນວ​ຄິດ​ຂອງ​ຕົນ​ໃຫ້​ເປັນ​ປົກ­ກະ­ຕິ ບໍ່​ຫວັ່ນ­ໄຫວ​ຄອນ​ແຄນ ສ້າງ​ຄວາມສຳ­ນຶກ​ໃນ​ການ​ເພິ່ງ​ຕົນ​ເອງ ກຸ້ມ​ຕົນ​ເອງ ສ້າງຄວາມ​ເຂັ້ມ­ແຂງ​ດ້ວຍ​ຕົນ​ເອງ ເຊິ່ງ​ປະ­ທານ ໄກ­ສອນ ພົມ​ວິຫານ ທີ່​ເຄົາ­ລົບ​ຮັກ ຍາມ​ໃດ​ເພິ່ນ​ກໍ່​ສັ່ງ­ສອນ​ໃຫ້​ຈົດ​ຈຳ ແລະ ປະ­ຕິ­ບັດ​ສິ່ງ​ດັ່ງ­ກ່າວເພື່ອ​ໃຫ້​ພວກ​ເຮົາ​ຢືນ​ຢູ່​ລຳ​ແຄ່ງ​ຂອງ​ຕົນໄດ້ ໃນ​ທາງ​ພຸດ​ທະ​ສາ­ສະ­ໜາ ພະ­ພຸດ­ທະ­ເຈົ້າ​ກໍ່​ສັ່ງ­ສອນ​ວ່າ ອັດ​ຕະ​ຫິ ອັດ​ຕະ​ໂນ​ນາ​ໂຖ ຕົນ​ເປັນ​ທີ່​ເພິ່ງ​ຂອງ​ຕົນ​ເອງ ເຊັ່ນກັນ ດັ່ງ­ນັ້ນ ມີ​ແຕ່​ຕົນ​ເອງເທົ່າ​ນັ້ນ​ທີ່​ຈະ​ສ້າງ​ຕົນ​ເອງ​ໃຫ້​ມີ​ອະນາ​ຄົດ​ກ້າວ​ໄກ​ໄປ​ໄດ້ ແລະ ກໍ່​ບໍ່​ມີ​ໃຜ​ຈະ​ດຶງ​ເອົາ​ຕົນ​ເອງ​ພົ້ນທຸກ​ໄດ້​ ໃນ​ຂະ­ນະ​ຕົນ​ເອງ​ກໍ່​ບໍ່​ເຮັດ​ຫຍັງ​ເປັນ​ຊິ້ນ​ເປັນ​ອັນ​ເລີຍ.</p> <p style="text-align: justify;"> ປີ​ໃໝ່​ຈົ່ງ​ມີ​ຄວາມ​ຫວັງ​ໃໝ່​ທີ່​ສົດ­ໃສ ມີ​ແຕ່​ຄວາມ­ສຸກຄວາມ​ຈະ­ເລີນ ປີ​ມ້າ​ອາ​ຊະ­ໄນ​ແລ່ນ​ຫັນໄວ​ສູ່​ການ​ບຸກ​ທະ­ລຸຄວາມ​ດ້ອຍ ທຸກໆ​ທ່ານ​ທີ່​ກະ­ທຳ​ຄວາມ​ດີຄວາມ​ງາມ​ແກ່​ປະເທດ​ຊາດ​ບ້ານເມືອງ ແລະ ປະ­ຊາ­ຊົນ ຂໍ​ຈົ່ງ​ບັນ­ລຸ​ດ້ວຍ​ພອນທິບ ອາ­ຍຸ ວັນ­ນະ ສຸ​ຂະ​ພາ­ລະ ແລະ ລາບ​ຍົດ​ສັນ­ລະ­ເສີນ​ທຸກປະ­ການ​ດ້ວຍ​ເທີ້ນ.</p>

ຂ່າວທີ່ກ່ຽວຂ້ອງ