ຄວາມ​ຮັບ­ຜິດ­ຊອບ​ສຳ­ຄັນ​ແທ້​ເນີ !

1.812 04 ມ.ສ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ການ​ກໍ່­ສ້າງ​ສຳນັກ​ງານ ອົງ­ການ ກໍ່​ຄືເສັ້ນ­ທາງ​ແບບ​ໃຫ້​ບໍ­ລິ­ສັດລົງ­ທຶນ​ກ່ອນ 100% ແລ້ວ​ລັດຈະ​ຈ່າຍ​ຕາມ​ຫຼັງ​ນັ້ນ ເກີດ​ມີຫາງ​ສຽງ​ຫຼາຍ​ຂຶ້ນ ໂດຍ​ສະ­ເພາະ​ການ​ສ້າງ​ທາງ... ຍ້ອນ​ວ່າສ້າງ​ບໍ່ສຳ­ເລັດ​ຕາມ​ສັນ­ຍາ... ຫາງ​ສຽງ​ຮຽກ­ຮ້ອງໃຫ້​ມີ​ຜູ້​ຮັບຜິດ​ຊອບ ຫາກ​ບໍ່​ແມ່ນ​ອອກ​ມາ​ຖະ­ແຫຼງວ່າ ​ຈະ​ສ້າງ​ແລ້ວຍາມ​ນັ້ນ​ຍາມ​ນີ້ !.</p> <p style="text-align: justify;"> ໂຄງ­ການ​ທີ່​ຟົດ​ຂຶ້ນ​ຢູ່​ນະ­ຄອນ­ຫຼວງ ​ທີ່​ຖືກ​ແກ່­ຍາວ​ມາ​ຫຼາຍປີ​ ມີ​ສອງ​ໂຄງ­ການ ​ຄື: ໂຄງ­ການ​ກໍ່­ສ້າງ​ເສັ້ນ­ທາງ​ເບ​ຕົງ​ເສີມເຫຼັກ ​ແຕ່​ສາມ​ແຍກ​ໂທລະ­ພາບ-ໜອງ​ໜ່ຽງ-ຫົວ​ຂົວ (ບຶງທາດ­ຫຼວງ) ເບື້ອງ​ຕົ້ນ​ສັນ­ຍາ​ເກົ່າ​ແມ່ນ​ຕ້ອງ​ສຳ­ເລັດ​ໃນປີ 2013 ພາຍ­ຫຼັງ​ຊັກ​ຊ້າ​ປ່ຽນ​ສັນ­ຍາ​ໃໝ່​ໃຫ້​ສຳ­ເລັດໃນ​ປີ2014ບໍ­ລິ­ສັດ​ຮັບ​ເໝົາ​ກໍ່­ສ້າງ​ຢືນ­ຢັນ​ຈະ​ສູ້​ຊົນ​ປູ​ເບ​ຕົງ​ກ່ອນລະ­ດູ­ຝົນ... ສ່ວນ​ອີກ​ໂຄງ­ການໜຶ່ງ​ແມ່ນ​ເສັ້ນ­ທາງ​ແຕ່​ບ້ານຫົວ​ຂົວ-ນາ​ຄວາຍ ເມືອງ​ໄຊ​ເຊດ​ຖາ ມີ​ຄວາມ​ຍາວ 7 ກິ​ໂລແມັດ ກວ້າງ 12,55 ແມັດ ມູນ​ຄ່າ 152 ຕື້​ກວ່າ​ກີບ ເລີ່ມລົງ­ມື​ປີ 2011 ຕາມ​ສັນ­ຍາ​ແມ່ນ​ຈະ​ສຳ­ເລັດປີ 2013 ພາຍຫຼັງ​ຊັກ​ຊ້າ​ຈຶ່ງ​ສ້າງ­ສັນ​ຍາ​ໃໝ່ ໂດຍ​ແບ່ງ​ໃຫ້​ສອງ​ບໍ­ລິ­ສັດ ທັງສອງ​ບໍ­ລິ­ສັດ​ກໍ່​ຢືນ­ຢັນ​ວ່າ​ຈະ​ເທ​ເບ​ຕົງ​ໃຫ້​ແລ້ວ​ກ່ອນ​ລະ­ດູ­ຝົນຈະ​ເຖິງ​ນີ້.</p> <p style="text-align: justify;"> ຫາງ​ສຽງ​ຂອງ​ສັງ­ຄົມ​ຮຽກ­ຮ້ອງ​ໃຫ້​ພາກ­ສ່ວນ​ກວດ­ກາ​ລັດ ເຂົ້າ​ໄປ​ຊອກ​ຮູ້​ເບິ່ງ​ວ່າ ​ມີ​ຫຍັງ​ເກີດຂຶ້ນ​ໃນ​ສອງ​ໂຄງ­ການ​ດັ່ງກ່າວ ຈຶ່ງ​ເຮັດ​ໃຫ້­ການ​ກໍ່­ສ້າງ​ຫຼ້າ​ຊ້າ ຊອກ​ຮູ້​ແລ້ວ​ກໍ່​ຊອກ​ທາງອອກ... ຊອກ​ຫາ​ຈຸດ​ເພື່ອ​ຖອດ​ຖອນ​ບົດ­ຮຽນ... ຊອກ​ຫາ​ຜູ້ຮັບ­ຜິດ­ຊອບ !.</p> <p style="text-align: justify;"> ລົມ​ກັບ​ບາງ​ຄົນ​ມີ​ຄວາມ​ເຫັນ​ວ່າ: ເລື່ອງ​ການ​ໃຫ້​ສິດ​ບໍ​ລິສັດ​ລົງ­ທຶນ​ກ່ອນ​ນີ້​ ຕ້ອງ​ໄດ້​ເບິ່ງ​ຄືນຢ່າງ​ລະ­ອຽດ​ຮອບ​ຄອບ <strong>ໂດຍ​ສະ­ເພາະ​ພວກ​ເສ­ນາ​ທິ​ການ (ວິ­ຊາ​ການ​ກ່ຽວ­ຂ້ອງ) ທີ່ຢັ້ງ­ຢືນ​ໃຫ້ບໍ­ລິ­ສັດ​ໄດ້​ຮັບ​ລົງ­ທຶນ​ກໍ່­ສ້າງ​ວ່າ ຂໍ້​ມູນ​ເພື່ອ​ໃຫ້­ການນຳ​ລົງ​ລາຍ​ເຊັນ​ນັ້ນ​ມີ​ຫຍັງ​ຜິດ­ພາດ...</strong> ວິ­ຊາການ​ເຂົ້າ​ຂ້າງ​ບໍລິ​ສັດ​ກໍ່­ສ້າງ​ຫຼາຍ​ໂພດ​ບໍ? ທັງໆ​ທີ່​ຮູ້​ວ່າ​ບໍ­ລິ­ສັດ​ນັ້ນ​ມີ​ກົນ​ຈັກບໍ່​ພຽງ­ພໍ ມີ​ກຳ­ມະ­ກອນ​ໜ້ອຍ ແລະ ມີ​ທຶນ​ໝູ­ນວຽນ​ໜ້ອຍ ຄວາມ​ຮັບ­ຜິດ­ຊອບ​ນີ້​ສຳ­ຄັນ​ແທ້​ເນີ !.</p> <p style="text-align: justify;"> ຈາກ​ບົດ­ຮຽນ​ໂຄງ­ການ​ລົງ­ທຶນ​ກ່ອນ 100% ທີ່​ຟົດ​ຂຶ້ນ​ຢູ່ສອງ​ໂຄງ­ການ​ນີ້ ເຈົ້າ​ຂອງ​ໂຄງ­ການຄວນ​ສຳ​ຫຼວດ​ກວດ­ກາເບິ່ງ​ວ່າ ຈຸດ​ບົກ​ຜ່ອງ​ນັ້ນ​ເກີດ​ນຳ​ພາກ­ສ່ວນ​ໃດ? ແລ້ວ​ຖອດເປັນ​ບົດ­ຮຽນໃນ​ໂຄງ­ການ​ໜ້າ​ບໍ່​ຄວນ​ແກ່­ຍາວ​ອີກ​ຕໍ່​ໄປ !.</p> <p style="text-align: justify;"> ຂໍ​ທວນ­ຄືນ​ອີກ​ຄັ້ງ​ໜຶ່ງ​ວ່າ: <strong>ກຳ­ລັງ​ແຮງ​ຂອງ​ການ​ປະ­ຕິ­ວັດ ແມ່ນ​ຢູ່​ນຳ​ພໍ່​ແມ່​ປະ­ຊາ­ຊົນ​ເນີ !.</strong></p>

ຂ່າວທີ່ກ່ຽວຂ້ອງ