ຊ່ອງ​ຫວ່າງ​ຂອງ​ອາ​ຊຽນ

1.715 31 ມີ.ນ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ອາ​ໃສ​ວ່າ​ຂຽນ​ມາ​ດົນ ແລະ ກໍ່​ມັກ​ຕິດ­ຕາມ​ສະພາບ​ສັງ­ຄົມ​ອ້ອມ​ໂຕ ຈຶ່ງ​ຢາກ​ຍົກ​ເອົາ​ບັນ­ຫາຊ່ອງ​ຫວ່າງ​ອາຊຽນ ​ເປັນການ​ແລກ­ປ່ຽນ​ທັດ­ສະ­ນະ​ຮ່ວມ​ກັນ ເພາະ​ໃຜໆ​ກໍ່​ຮູ້ວ່າ​ ອາ​ຊຽນ ​ມີ​ສະ­ມາ­ຊິກ​ທັງ​ລວຍ ແລະ ຈົນ ​ເມື່ອ​ລວມຕົວກັນ​ເຂົ້າຈະ​ບໍ່​ເອົາ​ປຽບ​ກັນ​ບໍ່? ຫຼື ໃຜ​ມີ​ຄວາມ​ເຂັ້ມ­ແຂງກວ່າຍ່ອມ​ໄດ້​ປຽບ ນັ້ນ​ເປັນ​ກົດ​ທຳ​ມະ​ຊາດ​ຂອງ​ໂລກ​ຢູ່ແລ້ວ! ໂດຍ​ສະ­ເພາະ​ກຸ່ມ​ປະ­ເທດ​ທີ່ຄອບ​ຄອງ​ການ​ຕະ­ຫຼາດ​ທີ່​ມີ​ມູນຄ່າ​ຕ່ຳ ເຊັ່ນ: ກຸ່ມ​ປະ­ເທດ​ກຳ­ປູ­ເຈຍ ລາວ ມຽນ​ມາ ແລະ ຫວຽດນາມ (CLMV) ແຕ່​ຖ້າ​ເບິ່ງ​ກົດ​ບັດ​ຂອງ​ອາ​ຊຽນ ພັດແມ່ນ​ການ​ຊຸກ­ຍູ້​ໃຫ້​ສະ­ມາ­ຊິກ​ຕ້ອງບູ­ລະ­ນະ​ການ​ເຂົ້າ​ຫາ​ກັນ.</p> <p style="text-align: justify;"> ການ​ບູ­ລະ­ນະ​ການ​ເຂົ້າ​ຫາ​ກັນ ​ເປັນ​ການ​ລົດ​ຊ່ອງ​ຫວ່າງລະ­ຫວ່າງ​ປະ­ເທດ​ສະ­ມາ­ຊິກ ແຕ່​ຈະເນັ້ນ​ທີ່​ການ​ພັດ­ທະ­ນາຊັບ­ພະ­ຍາ­ກອນ​ມະ­ນຸດ​ຫຼາຍ​ທີ່​ສຸດ ເຊັ່ນ: ການ​ສະ­ໜັບ­ສະ­ໜູນແກ່​ກຸ່ມປະ­ເທດ CLMV ໃຫ້​ທຶນ​ການ​ສຶກ​ສາ ແລະ ໂອ­ກາດໃນ​ການ​ຮ່ວມ​ພັດ­ທະ­ນາ​ຫຼາຍ​ຂຶ້ນ​ ໃນ​ການສ້າງ​ບຸກ​ຄະ­ລາກອນ ຄື: ແພດ ແລະ ວິ­ສະ­ວະ­ກອນ ເພື່ອ​ໃຫ້​ຄົນ​ເຫຼົ່າ­ນັ້ນ​ມີໂອ­ກາດ​ຮ່ວມ​ໃນການ​ພັດ­ທະ­ນາ​ສັງ­ຄົມ​ຫຼາຍ​ຂຶ້ນ ​ເມື່ອ​ເຂົາຮຽນ​ຈົບ​ກັບ​ປະ­ເທດ.</p> <p style="text-align: justify;"> ຂໍ​ຢ້ອນ​ກັບ​ໄປ​ຫາ​ຊ່ອງ​ຫວ່າງ​ທີ່​ຕັ້ງ​ຫົວ­ຂໍ້​ໄວ້ ເຊິ່ງ​ໃນ​ຄວາມເປັນ​ຈິງ​ກໍ່​ອາດ​ມີ​ຄົນ​ທົ່ວ​ໄປ ຫຼື ນັກ­ວິ­ຊາ­ການ​ກໍ່​ເປັນ​ຫ່ວງ ແລະ ກັງ­ວົນ​ໃນ​ປະ­ເດັນ​ນີ້​ສູງ​ສົມ­ຄວນ ເຊິ່ງ​ວ່າ​ເຖິງ​ບໍ່​ລວມຕົວ​ກັນ​ມັນ​ກໍ່​ມີຄວາມ​ໄດ້​ປຽບ​ເສຍ­ປຽບ​ເປັນ​ປົກ­ກະ­ຕິ​ຢູ່​ແລ້ວ ເພາະ​ການ​ພັດ­ທະ­ນາ​ທາງ​ດ້ານ​ເສດ­ຖະ­ກິດ​ຈະ​ມີບົດ­ບາດ​ສູງເປັນ​ໂຕ​ກຳ­ນົດ ແລະ ອີກ​ຄວາມ​ເປັນ​ຈິງ​ຄື​ວ່າ: ບາງ​ປະ­ເທດລວຍ ​ແຕ່​ກໍ່​ຕ້ອງ​ຍັງ​ອາໃສ​ເພິ່ງ​ປະ­ເທດ​ອື່ນ ເນື່ອງ​ຈາກ​ບໍ່​ມີ​ປະເທດ​ໃດ​ຢູ່​ໄດ້​ຕາມ​ລຳ­ພັງ ເຊັ່ນ​ວ່າ: ປະ­ເທດ​ໄທ ມາ​ເລເຊຍ ສິງ­ກະ­ໂປ ຈະ​ເປັນ​ຜູ້​ໄດ້​ປຽບ​ຄອບ​ຄອງ​ຕະ­ຫຼາດ​ທີ່​ມີ​ມູນ​ຄ່າສູງ ແຕ່​ກໍ່​ຕ້ອງ​ເພິ່ງ​ກຸ່ມ​ປະ­ເທດທີ່​ມີ​ມູນ​ຄ່າ​ຕ່ຳ​ໃນ​ຕະ­ຫຼາດເຊັ່ນ​ກັນ.</p> <p style="text-align: justify;"> ເຖິງ​ແມ່ນ​ວ່າ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ ​ຈະ​ເຮັດ​ໃຫ້ຊ່ອງ​ຫວ່າງ​ເສດ­ຖະ­ກິດ​ໃນ​ອາ​ຊຽນ ແລະ ສັງ­ຄົມ​ກວ້າງ​ຂຶ້ນ ເພາະ­ວ່າ​ປະ­ເທດ​ລວຍ​ມີ​ຂໍ້​ໄດ້​ປຽບ​ຫຼາຍ​ກວ່າ​ ກໍ່​ຈະ​ເກັບ​ກ່ຽວເອົາ​ຜົນປະ­ໂຫຍດ​ໄດ້​ຫຼາຍ​ກວ່າ​ປະ­ເທດ​ທີ່​ຈົນ​ກວ່າ ແຕ່​ນັ້ນ​ກໍ່​ບໍ່ໄດ້​ໝາຍ​ຄວາມ​ວ່າ­ ການ​ພັດ­ທະ­ນາ​ຈະເອົາ​ປຽບ ແລະ ເປີດຊ່ອງ​ຫວ່າງ​ສະ­ເໝີ​ໄປ ເພາະ​ທຸກ​ຄົນ​ກໍ່​ຈະ​ມີ​ຈຸດ​ອ່ອນ ແລະ ຈຸດ​ແຂງ​ສະ­ເພາະ​ຕົນ​ຄື​ກັນ ເຊັ່ນ: ປະ­ເທດ​ສິງ­ກະ­ໂປ ​ບໍ່​ສາມາດ​ແຂ່ງ​ເລື່ອງ​ອາ­ຫານ​ທະ­ເລ​ກັບ​ໄທ​ໄດ້.</p> <p style="text-align: justify;"> ດັ່ງ­ນັ້ນ ບັນ­ດາ​ກຸ່ມ​ປະ­ເທດ CLMV (Cambodia Laos Myanmar Vietnam) ຕ້ອງ​ໄດ້​ເລັ່ງສີ­ມື​ພັດ­ທະ­ນາ​ໃຫ້​ທັນຄົນ​ອື່ນ​ໃນ​ບາງ​ດ້ານ​ທີ່​ເຮັດ​ໄດ້ ເພາະ­ວ່າ​ຢ່າງ​ໜ້ອຍ​ໃນ​ຫຼາຍປະ­ເທດ​ສະ­ມາ­ຊິກ​ກະ​ມີ​ປະ­ຫວັດ­ສາດ​ຄ້າຍ­ຄື​ກັນ ເຊິ່ງ​ສາມາດ​ເຂົ້າ­ໃຈ​ກັນ​ໄດ້ ແລະ ປຶກ­ສາ​ກັນ​ພໍ​ຮູ້​ເລື່ອງເມື່ອ​ຮ່ວມ​ມືກັນ ບໍ່​ດັ່ງ­ນັ້ນ ຖ້າ­ວ່າ​ປະ­ເທດ​ໃດ​ບໍ່​ພ້ອມ ຫຼື ມີ​ຄວາມ​ພ້ອມໜ້ອຍ​ກວ່າ​ປະ­ເທດ​ອື່ນໃນ​ກຸ່ມ​ດຽວ​ກັນ ​ຕ້ອງ​ໄດ້​ປຽບ​ຢ່າງ​ບໍ່ຕ້ອງ​ສົງ​ໃສ.</p> <p style="text-align: justify;"> ແຕ່​ສິ່ງ​ທີ່​ຢາກ​ໃຫ້​ຮູ້​ແມ່ນ: ການ​ເປັນ​ປະ­ຊາ​ຄົມ​ເສດ­ຖະ­ກິດອາ​ຊຽນ ແມ່ນ​ການ​ລວມ​ຕົວ​ເປັນຕະ­ຫຼາດ​ດຽວ ແລະ ງານການ​ຜະ­ລິດ​ດຽວ Single Market and Production Base ເຊິ່ງ​ຈະນຳ­ໄປ​ສູ່​ການ​ໃຊ້​ລະ­ບຽບ​ການ​ຄ້າ​ເປັນ​ໄປ​ຢ່າງ​ດຽວກັນ ໃນ​ຕະ­ຫຼາດ​ທີ່​ມີ​ພົນ­ລະ­ເມືອງ ປະ­ມານ 600 ລ້ານ​ຄົນ ຕ້ອງ​ຍອມ­ຮັບ​ວ່າ​ຍາກ​ສົມ­ຄວນ ​ເລື່ອງ​ການ​ຫຼຸດ​ຊ່ອງ​ຫວ່າງ ແຕ່​ມັນ​ຈຳ­ເປັນ​ຕ້ອງເຮັດ.</p>

ຂ່າວທີ່ກ່ຽວຂ້ອງ