ເບິ່ງ​ທຸ­ລະ​ກິດ​ໄທ ຈະ​ເຂົ້າ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ

<p style="text-align: justify;"> <strong>ໂດຍ : ດັ້ນ​ກີບ​ເມກ</strong></p> <p style="text-align: justify;"> ມີ​ນັກ​ຂຽນ​ໄທ​ຜູ້​ໜຶ່ງ​ຊື່ ຖະ­ໜອມ​ສັກ ຈິ​ຣະ​ຍຸ​ສະ​ຫວັດ ໄດ້​ຂຽນ​ວິ­ເຄາະ​ກ່ຽວ​ກັບ​ທຸ­ລະ​ກິດ​ໄທ 11 ປະ­ເພດ ຈະ​ເຂົ້າ​ມາ​ແຂ່ງ­ຂັນ​ຕະ­ຫຼາດ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ AEC ເຊິ່ງ​ສະ­ພາບ​ການ​ປັດ­ຈຸ­ບັນ​ນີ້ ເຮັດ​ໃຫ້​ກຸ່ມ​ທຸ­ລະ​ກິດ​ຕ້ອງ​ໄດ້​ເປີດ​ຫູ​ເປີດ​ຕາ​ເບິ່ງ​ວ່າ ຖ້າ​ຕັ້ງ​ໂຕ​ບໍ່​ດີ​ແລ້ວ​ທຸ­ລະ​ກິດ​ຈາກ​ປະ­ເທດ​ສະ­ມາ­ຊິກ​ຂອງ​ອາ​ຊຽນ ອາດ​ເຂົ້າ​ມາ­ຕີ​ຕະ­ຫຼາດ ແລະ ເສຍ­ປຽບ​ດ້ານ​ກຳ­ລັງ​ທຶນ  ແນ່­ນອນ​ເບິ່ງ​ໃນ​ແງ່​ຄວາມ​ຮູ້ ປະ­ສົບ​ການ ແລະ ຄ່າ​ເງິນ​ທີ່​ໄດ້​ປຽບ​ກວ່າ​ບາງ​ປະ­ເທດ.</p> <p style="text-align: justify;"> ທຸ­ລະ​ກິດ 11 ປະ­ເພດ​ທີ່​ຈະ​ເຂົ້າ​ມາ​ດຳ­ເນີນ​ທຸ­ລະ​ກິດ​ເປີດ​ສາກ​ການ​ຕະ­ຫຼາດ AEC ແມ່ນ​ກ່ຽວ​ກັບ​ສຸ­ຂະ­ພາບ​ເສີມ​ຄວາມ​ງາມ​ຄົບ​ວົງ​ຈອນ ການ​ສ້າງ​ສຳ­ນັກ­ງານ​ຫ້ອງ­ການ​ໃຫ້​ເຊົ່າ ທຸ­ລະ​ກິດ​ໂຮງ­ໝໍ​ເອ­ກະ​ຊົນ ໂດຍ​ຊູ​ນະ­ໂຍ­ບາຍ​ໃນ​ດ້ານ​ການ​ໃຫ້­ການ​ບໍ­ລິ­ການ ການ​ກະ­ເສດ​ສົ່ງ​ອອກ ທ່ອງ​ທ່ຽວ​ຄົບ​ວົງ​ຈອນ... ຜູ້​ຂຽນ​ສົນ­ໃຈ​ທຸ­ລະ​ກິດ​ການ​ສຶກ​ສາ ຈຶ່ງ​ຢາກ​ນຳ​ສະ­ເໜີ​ສູ່​ທ່ານ​ຜູ້​ອ່ານ​ໄດ້​ຮູ້​ນຳ​ກັນ ເພາະ­ວ່າ​ບໍ່​ມີ​ໃຜ​ຈະ​ໜີ​ມົ້ມ​ປະ­ຊາ​ຄົມ​ເສດ­ຖະ­ກິດ​ອາ​ຊຽນ​ໄດ້ ເຊິ່ງ​ບໍ່​ໄວ​ກໍ່​ຊ້າ​ຕ້ອງ​ຮັບ​ມື​ກັບ​ສິ່ງ​ທີ່​ທ້າ​ທາຍ​ກຳ­ລັງ​ຈະ​ເກີດ​ຂຶ້ນ.</p> <p style="text-align: justify;"> ເບິ່ງ​ໃນ​ແງ່​ຂອງ​ການ​ພັດ­ທະ­ນາ​ປະ­ເທດ​ຕ້ອງ​ຍອມ­ຮັບ​ວ່າ ການ​ສຶກ​ສາ­ມີ​ສ່ວນ​ສຳ­ຄັນ​ຍິ່ງ​ຕໍ່​ການ​ພັດ­ທະ­ນາ​ຊາດ ເຊິ່ງ​ເປັນ​ການ​ຖ່າຍ​ທອດ​ຄວາມ​ຮູ້​ໃຫ້​ກັບ​ເດັກ­ນ້ອຍ ເພື່ອ​ກຽມ​ຮັບ​ມື​ກັບ​ໂລກ​ພາຍ​ນອກ​ທີ່​ຈະ​ແຂ່ງ­ຂັນ​ກັນ​ສູງ​ຂຶ້ນ ດັ່ງ­ນັ້ນ <strong>ການ​ສຶກ​ສາ​ທຸກ​ມື້­ນີ້ ຈຶ່ງ​ກາຍ­ເປັນ​ຕະ­ຫຼາດ​ທາງ​ທຸ­ລະ​ກິດ​ທີ່​ມາ​ແຮງ ໂດຍ​ສະ­ເພາະ​ສະ​ຖາ​ບັນ​ການ​ສຶກ​ສາ​ຮູບ​ແບບ​ໂຮງ­ຮຽນ​ນາໆຊາດ </strong>ເນື່ອງ​ຈາ​ກວ່າ​ໄທ​ໄດ້​ເຮັດ​ສັນ­ຍາ​ຮ່ວມ​ມື​ກັບ​ດ້ານ​ການ​ສຶກ​ສາ​ກັບ​ຕ່າງ­ປະ­ເທດ​ໄວ້​ຢ່າງ​ຫຼວງ­ຫຼາຍ ເຂົາ​ມີ​ຄວາມ​ເຊື່ອ​ໝັ້ນ​ຫຼາຍ​ຂຶ້ນ ຖ້າ​ເບິ່ງ​ຕົວ​ເລກ​ທີ່​ຍັງ​ສູງ​ຢູ່​ກໍ່​ແມ່ນ​ນັກ​ສຶກ​ສາ​ຈາກ​ປະ­ເທດ​ຈີນ ທີ່​ຍັງ​ຄອງ​ສະ­ຖິ­ຕິ​ຕົວ​ເລກ​ສູງ​ກວ່າ​ໝູ່​ກວມ​ເອົາ 50% ຂອງ​ນັກ​ສຶກ​ສາ​ຕ່າງ­ປະ­ເທດ​ທັງ​ໝົດ​ທີ່​ເຂົ້າ​ມາ​ຮຽນ​ຢູ່​ປະ­ເທດ​ໄທ.</p> <p style="text-align: justify;"> ໃນ​ຈຳ­ນວນ​ສະ­ຖິ­ຕິ​ຕົວ​ເລກ ຮອງ​ລົງ​ມາ​ກໍ່​ມີ​ຈາກ​ປະ­ເທດ ຫວຽດ­ນາມŒລາວ ແລະ ກຳ­ປູ­ເຈຍ ເຊິ່ງ​ຕົວ​ເລກ​ດັ່ງ­ກ່າວ​ພິ­ສູດ​ໄດ້​ວ່າ ລະ­ບົບ​ການ​ສຶກ​ສາ​ນາໆຊາດ​ຂອງ​ໄທ​ນັ້ນ ມີ​ມາດ­ຕະ­ຖານ​ເປັນ​ທີ່​ຍອມ­ຮັບ​ຂອງ​ປະ­ເທດ​ອາ​ຊຽນ ແລະ ລະ­ດັບ​ໂລກ ບັນ­ດາ​ກຸ່ມ​ນັກ­ທຸ­ລະ­ກິດ​ໂຮງ­ຮຽນ​ນາໆຊາດ ຈຶ່ງ​ເບິ່ງ​ເຫັນ​ຊ່ອງ​ທາງ ແລະ ການ​ຕະ­ຫຼາດ ເມື່ອ​ເປີດ​ການ​ຄ້າ​ເສລີ​ອາ​ຊຽນ ພວກ​ເຂົາ​ກໍ່​ຈະ​ໄດ້​ເປີດ​ສາ­ຂາ​ໂຮງ­ຮຽນ​ນາໆຊາດ ເພີ່ມ​ອີກ ເພື່ອ​ຮອງ​ຮັບ​ຈາກ​ກຸ່ມ​ປະ­ເທດ ເຊັ່ນ: ຫວຽດ­ນາມŒລາວŒກຳ­ປູ­ເຈຍ ໂດຍ​ສະ­ເພາະ​ເຂດ​ພາກ​ອີ­ສານ​ຂອງ​ໄທ ຖື​ວ່າ​ເປັນ​ຍຸດ​ທະ​ສາດ​ຮອງ​ຮັບ​ທຸ­ລະ​ກິດ​ໂຮງ­ຮຽນ​ນາໆຊາດ ໃຫ້​ແກ່​ເພື່ອນ​ບ້ານ​ໄດ້​ດີ.</p> <p style="text-align: justify;"> ໄທ ຄາດ​ການ​ວ່າ: ການ​ເຮັດ​ທຸ­ລະ​ກິດ​ໂຮງ­ຮຽນ​ນາໆຊາດ ຈະ​ສາ­ມາດ​ຕອບ​ສະ­ໜອງ​ຄວາມ​ຕ້ອງ­ການ​ຢ່າງ​ຄົບ​ຖ້ວນ ໂດຍ​ເບິ່ງ​ຈາກ​ຜົນ​ວິ­ເຄາະ​ຂອງ​<strong>ນາງ ອຸ­ສາ ສົມ­ບູນ ນາ­ຍົກ​ສະ­ມາ­ຄົມ​ໂຮງ­ຮຽນ​ນາໆຊາດ ແຫ່ງ​ປະ­ເທດ​ໄທ ໄດ້​ໃຫ້​ທັດ­ສະ­ນະ​ວ່າ:</strong> ໂດຍ​ພາບ​ລວມ​ແລ້ວ​ຖື​ວ່າ ທຸ­ລະ​ກິດ​ໂຮງ­ຮຽນ​ນາໆຊາດ​ຂອງ​ໄທ ໄດ້​ຂະ­ຫຍາຍ­ຕົວ​ຫຼາຍ​ຂຶ້ນ ເຫັນ​ໄດ້​ຈາກ 5 ປີ­ຜ່ານ­ມາ ມີ​ປະ­ມານ 90 ແຫ່ງ ແຕ່​ດຽວ­ນີ້​ເພີ່ມ​ຂຶ້ນ​ເປັນ 133 ແຫ່ງ (ສະ​ຖາ​ບັນ​ການ​ສຶກ​ສາ) ແລະ ຄາດ​ການ​ວ່າ​ຈະ​ມີ​ການ​ຂະ­ຫຍາຍ​ໄປ​ຕ່າງ​ແຂວງ​ອີກ.</p> <p style="text-align: justify;"> ສະ­ເພາະ​ແຂວງ​ອຸ­ດອນ ແລະ ຂອນ​ແກ່ນ ຍັງ​ແມ່ນ​ຍຸດ​ທະ​ສາດ​ດີ ເພາະ​ຈະ​ໄດ້​ນັກ­ຮຽນ​ຈາກ​ກຸ່ມ​ປະ­ເທດ​ອິນ­ດູ­ຈີນ ເຂົ້າ​ມາ​ສຶກ​ສາ​ຕໍ່​ຢ່າງ​ຫຼວງ­ຫຼາຍ ໂດຍ​ຖ້າ​ທຽບ­ໃສ່​ຄ່າ​ຄອງ​ຊີບ ເຊັ່ນ: ປະ­ເທດ​ມາ​ເລ​ເຊຍ ແລະ ສິງ­ກະ­ໂປ ຖື​ວ່າ​ໄທ ຍັງ​ໄດ້​ປຽບ​ຢູ່ ນີ້​ແຫຼະ​ຄື​ບັນ­ຫາ​ຂອງ​ທຸ­ລະ​ກິດ​ໂຮງ­ຮຽນ​ນາໆຊາດ ເຊິ່ງ​ກຸ່ມ​ນັກ­ທຸ­ລະ­ກິດ​ຮູ້​ດີ​ວ່າ ຈະ​ຕ້ອງ​ປັບ­ປຸງ​ໃຫ້​ໄດ້​ຄຸນ​ນະ​ພາບ​ຫຼາຍ​ຂຶ້ນ ສ່ວນ​ບ້ານ​ເຮົາ​ກໍ່​ຍັງ​ບໍ່​ທັນ​ຫຼ້າ​ສວາຍ ຫາກ​ນັກ­ທຸ­ລະ­ກິດ​ຢາກ​ເປັນ​ຄູ່​ຮ່ວມ​ກັບ​ເຂົາ​ຄົງ​ບໍ່​ມີ​ບັນ­ຫາ... ສຳ­ຄັນ​ແມ່ນ​ບໍ່​ຄວນ​ປະ​ໃຫ້​ເຂົາ​ຄອງ​ຕະ­ຫຼາດ​ຝ່າຍ​ດຽວ ເພາະ​ມັນ​ເປັນ​ການ​ເສຍ­ປຽບ​ນໍ? ຈະ​ເຫັນ​ເປັນ​ປະ­ການ​ໃດ ຫຼື ມີ​ສິ່ງ​ໃດ​ເປັນ​ຈຸດ​ແຂງ ນັ້ນ​ຄົງ​ຕ້ອງ​ໃຫ້​ສັງ­ຄົມ​ເປັນ​ຜູ້​ໃຫ້​ຄຳ​ຕອບ​ເອົາ​ເອງ.</p>