ຂ່າວຫຼ້າສຸດ

ຄວາມ­ທຸກ​ທາງ​ໂລກ ແລະ ທາງ​ທຳ

2.159 12 ມີ.ນ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ພະ­ພຸດ­ທະ­ເຈົ້າ​ສອນ​ໄວ້​ວ່າ: ຄວາມ​ຈົນ​ເປັນ​ທຸກ​ໃນ​ໂລກ ສະ­ນັ້ນ ເພິ່ນ​ຈຶ່ງ​ສະ­ແດງ​ທຳ​ຕໍ່​ໄປ​ວ່າ: ຄວາມ​ຈົນ​ທາງ​ທຳ ແລະ ຄວາມ​ຈົນ​ທາງ​ໂລກ ນັ້ນ​ຕ່າງ​ກັນ​ດັ່ງ­ນີ້: ຄວາມ­ທຸກ​ຂອງ​ຊາວ­ບ້ານ ເອີ້ນ​ວ່າ ຄວາມ­ທຸກ​ທາງ​ໂລກ (ຜູ້​ບໍ­ລິ­ໂພກ​ກາມ) ມີ 6 ຢ່າງ ຄື:</p> <p style="text-align: justify;"> 1. ຄວາມ​ຈົນ ເປັນ​ທຸກ​ທີ່​ສຸດ​ໃນ​ໂລກ</p> <p style="text-align: justify;"> 2. ການ​ກູ້​ໜີ້​ຢືມ​ສິນ ເປັນ​ທຸກ​ໃນ​ໂລກ</p> <p style="text-align: justify;"> 3. ການ​ສູນ​ເສຍ​ດອກ​ເບ້ຍ ເປັນ​ທຸກ​ໃນ​ໂລກ</p> <p style="text-align: justify;"> 4. ການ​ຖືກ​ທວງ​ໜີ້ ເປັນ​ທຸກ​ໃນ​ໂລກ</p> <p style="text-align: justify;"> 5. ການ​ຖືກ​ຕິດ­ຕາມ​ຕົວ ເປັນ​ທຸກ​ໃນ​ໂລກ</p> <p style="text-align: justify;"> 6. ການ​ຖືກ​ຈອງ​ຈຳ ເປັນ​ທຸກ​ໃນ​ໂລກ</p> <p style="text-align: justify;"> ຄວາມ­ທຸກ 6 ປະ­ການ​ນີ້ ພະ­ພຸດ­ທະ­ເຈົ້າ​ໄດ້​ເວົ້າ​ໄວ້​ຢ່າງ​ຊັດ​ເຈນ ສຳ­ລັບ​ຊີ­ວິດ​ຂອງ​ຄາ​ລະ​ວາດ (ຜູ້​ຄອງ​ເຮືອນ) ທ່ານ​ຜູ້​ອ່ານ​ພຽງ​ແຕ່<strong>ລອງ​ເອົາ​ໄປ​ຄິດ​ປຽບ­ທຽບ​ກັບ​ບົດ­ຮຽນ​ຕົວ​ຈິງ​ເບິ່ງ​ວ່າ​ແມ່ນ­ແທ້ ຫຼື ບໍ່</strong><strong>? </strong>ຫຼື ຈະ​ຫາ​ວ່າ​ຜູ້​ຂຽນ​ເວົ້າ​ເອງ ຈຶ່ງ​ບໍ່​ຢາກ​ອະ­ທິ­ບາຍ​ຫຼາຍ ເພາະ​ເຊື່ອ​ແນ່​ວ່າ​ພວກ​ເຮົາ​ຊາວ​ພຸດ​ກໍ່​ຄົງ​ຮູ້​ເປັນ​ພື້ນ­ຖານ​ຢູ່​ແລ້ວ ຫຼື​ວ່າ​ຊີ­ວິດ​ບາງ​ຄົນ​ພຽງ​ແຕ່​ເຂົ້າ​ວັດ​ຊື່ໆ ແຕ່​ບໍ່​ຮູ້­ຈັກ​ຫຍັງ? ຈຶ່ງ​ເກີດ​ມີ​ຄຳ​ຖາມ​ວ່າ ໃຜ​ແທ້​ຈະ​ເປັນ​ຜູ້­ນຳ​ທາງ​ຈິດ​ວິນ​ຍານ (ເຜີຍ­ແຜ່​ຫຼັກ​ທຳ​ຄຳ​ສອນ​ທາງ​ພຸດ​ທະ​ສາ­ສະ­ໜາ​ໃຫ້​ປະ­ຊາ­ຊົນ​ໄດ້​ຮູ້​ແຈ້ງ) ຫຼື​ວ່າ​ຜູ້​ຈູງ​ກະ​ບໍ່​ຮູ້ ແລະ ຜູ້​ຍ່າງ​ຕາມ​ກະ​ບໍ່​ຮູ້ ຕໍ່​ປະ­ເດັນ​ນີ້​ຈຶ່ງ​ຢາກ​ຝາກ​ຜູ້​ສົນ­ໃຈ​ໄດ້​ຄິດ​ຫງຳ​ລອງ​ເບິ່ງ!.</p> <p style="text-align: justify;"> ຕໍ່​ມາ​ກໍ່​ມີ<strong>ຄວາມ­ທຸກ​ຂອງ​ຊາວ​ວັດ​ຄື​ກັນ </strong>ເຊິ່ງ​ຊາວ​ວັດ​ບາງ​ທ່ານ​ກໍ່​ອາດ​ຍັງ​ບໍ່​ຮູ້​ແຈ້ງ​ອີກ ເພາະ​ຖ້າ​ເຮັດ​ສິ່ງ​ໃດ​ກໍ່​ຕາມ​ພຽງ​ແຕ່​ເປັນ​ພຽງ​ປະ­ເພ­ນີ ແນ່­ນອນ​ກໍ່​ຈະ​ໄດ້​ແຕ່​ພຽງ​ພິ­ທີ­ກຳ​ຄວາມ­ທຸກ​ຊາວ​ວັດ​ນີ້ ເອີ້ນ​ວ່າ ທຸກ​ທາງ​ທຳ ມີ 6 ປະ­ການ​ຄື​ກັນ.</p> <p style="text-align: justify;"> 1. ຜູ້​ບໍ່​ມີ​ສັດ­ທາ ບໍ່​ມີ​ຄວາມ​ລະ­ອາຍ​ຕໍ່​ບາບ ແລະ ຢ້ານ​ກົວ​ຕໍ່​ບາບ ຂາດ​ຄວາມ­ພຽນ ຂາດ​ປັນ­ຍາ ຄື​ຄົນ​ທຸກ​ຈົນ​ທາງ​ທຳ​ທີ່­ແທ້​ຈິງ.</p> <p style="text-align: justify;"> 2. ຜູ້​ເຮັດ​ຄວາມ​ຊົ່ວ​ທາງ​ກາຍ ວາ­ຈາ ແລະ ໃຈ ເທົ່າ​ກັບ​ການ​ກູ້​ໜີ້​ຢືມ​ສິນ.</p> <p style="text-align: justify;"> 3. ເຮັດ​ຄວາມ​ຊົ່ວ​ແລ້ວ​ພາ​ວັນ­ນາ ວ່າ​ບໍ່​ຢາກ​ໃຫ້​ໃຜ​ຮູ້ ເທົ່າ​ກັບ​ການ​ສູນ​ເສຍ​ດອກ​ເບ້ຍ.</p> <p style="text-align: justify;"> 4. ຖືກ​ຜູ້​ມີ​ສິນ​ທຳ​ຕຳ​ໜິ​ການ​ກະ­ທຳ​ຂອງ​ຕົນ ເທົ່າ​ກັບ​ການ​ຖືກ​ທວງ​ໜີ້.</p> <p style="text-align: justify;"> 5. ຄວາມ​ຮ້ອນ­ຮົນ​ທາງ​ຈິດ­ໃຈ ຄື​ໄຟ​ເຜົາ​ຕົນ​ທຸກ​ແຫ່ງ​ທີ່​ເຂົາ​ໄປ.</p> <p style="text-align: justify;"> 6. ເມື່ອ​ຕາຍ​ແລ້ວ​ເກີດ​ເປັນ​ສັດ​ເດຍ­ລະ­ສານ ຫຼື ຖືກ​ທໍ­ລະ­ມານ​ໃນ​ນາ­ຮົກ ເທົ່າ​ກັບ​ການ​ຖືກ​ຈອງ.</p> <p style="text-align: justify;"> ຜູ້​ຂຽນ​ຈຶ່ງ​ຂໍ​ເອີ່ຍ​ເຖິງ​ຂໍ້​ອ້າງ​ອີງ​ໃຫ້​ຮູ້​ວ່າ: <strong>ເລື່ອງ​ທີ່​ເກີດ​ຂຶ້ນ​ນີ້ ພະ­ພຸດ­ທະ­ເຈົ້າ​ໄດ້​ສອນ​ໄວ້​ໃນ​ພະ​ສູດ ຊື່­ວ່າ: “ອິ​ນະ​ສູດ” </strong>ໃຜ​ຜູ້​ສົນ­ໃຈ​ລົງ​ເລິກ​ຢາກ​ພິ­ສູດ ກໍ່​ສາ­ມາດ​ໄປ​ຄົ້ນ​ຫາ​ພິ­ສູດ​ດ້ວຍ​ຕົນ​ເອງ​ໄດ້ ເພື່ອ​ຄວາມ​ສະ­ບາຍ​ໃຈ ບໍ່​ສົງ­ໄສ​ວ່າ​ຮູ້​ເທົ່າ​ບໍ່​ເຖິງ​ການ ສ້າງ​ເລື່ອງ​ເອົາ​ເອງ ຫຼື ຈະ​ຍັງ​ສົງ­ໄສ​ວ່າ​ຄົນ​ຂຽນ​ນີ້​ຮູ້​ແທ້​ບໍ່? ກໍ່​ຂໍ​ຕອບ​ໄວ້​ໜ້ອຍ​ໜຶ່ງ​ວ່າ ເຄີຍ​ບວດ​ຮຽນ​ຕາມ​ປະ­ເພ­ນີ​ຄື​ກັນ ແຕ່​ອາດ​ຕ່າງ​ກັນ​ທາງ​ພຶດ­ຕິ​ກຳ.</p> <p style="text-align: justify;"> ເຖິງ​ແມ່ນ​ວ່າ​ເລື່ອງ​ໃນ​ພະ​ສູດ​ນີ້​ມີ​ຂໍ້­ຄວາມ​ສັ້ນໆ ແຕ່​ກໍ່​ໄດ້​ໃຈ­ຄວາມ ແລະ ເປັນ​ຫຼັກ​ເກນ​ໄດ້ ຕົວ­ຢ່າງ <strong>ຊາວ​ໄຮ່​ຊາວ­ນາ​ທີ່​ຍາກ­ຈົນ​ເງິນ​ຄຳ ກໍ່​ພຽງ​ແຕ່​ຈົນ​ພາຍ​ນອກ ແຕ່​ຖ້າ​ມີ​ຄຸນ​ນະ​ທຳ​ດັ່ງ­ກ່າວ​ຂ້າງ​ຕົ້ນ ບໍ່​ເຮັດ​ຄວາມ​ຊົ່ວ​ດ້ວຍ​ກາຍ ວາ­ຈາ ແລະ ໃຈ ກໍ່​ຖື​ໄດ້​ວ່າ​ເປັນ​ຄົນ​ລວຍ​ຄວາມ​ດີ​ໄດ້​ຄື​ກັນ </strong>ສ່ວນ­ວ່າ​ຄົນ​ລ້ຳ​ລວຍ​ມີ​ເງິນ​ຄຳ​ມະ­ຫາ­ສານ ນັ່ງ​ລົດ​ລາ­ຄາ​ຫຼາຍ​ຮ້ອຍ​ລ້ານ ແຕ່​ຂາດ​ຄຸນ​ນະ​ທຳ ກໍ່​ຖື​ໄດ້​ວ່າ​ເປັນ​ຄົນ​ຈົນ​ທີ່​ໜ້າ​ສົງ­ສານ​ຄົນ​ໜຶ່ງ​ເທົ່າ​ນັ້ນ​ເອງ!.</p> <p style="text-align: justify;"> ຂໍ​ສະ­ຫຼຸບ​ແບບ​ສັ້ນໆ​ວ່າ: ມະ­ນຸດ​ເຮົາ​ທີ່​ເກີດ​ມາ​ໃນ​ໂລກ​ແຫ່ງ​ນີ້ ບໍ່​ມີ​ໃຜ​ຫຼີກ​ພົ້ນ​ຄວາມ­ທຸກ​ໄດ້ ຕ່າງ​ແຕ່​ວ່າ​ທຸກ​ຫຼາຍ​ທຸກ​ໜ້ອຍ​ຕ່າງ​ກັນ ກໍ່​ດັ່ງ​ດຽວ​ກັບ​ຄວາມ­ສຸກ ກໍ່​ບໍ່​ມີ​ມະ­ນຸດ​ໜ້າ​ໃດ​ມີ​ຄວາມ­ສຸກ​ຢ່າງ​ສົມ­ບູນ​ແບບ​ໄດ້​ເຊັ່ນ​ກັນ.</p>

ຂ່າວທີ່ກ່ຽວຂ້ອງ