ຂ່າວຫຼ້າສຸດ

ຈະ​ແກ້​ໄຂ​ສຽງ​ເນືອງ​ນັນ ໃນ​ເວ­ລາ​ກາງ­ຄືນ​ໄດ້​ແນວ­ໃດ ?

1.993 10 ມີ.ນ. 2014 ນານາສາລະ

<p style="text-align: justify;"> <strong>ໂດຍ: ດອກ​ຊ້ອນ ດອນ​ໂຂງ</strong></p> <p style="text-align: justify;"> ສຽງ​ບົນ​ແຊວ​ໃນ​ເວ­ລາ​ກາງ­ຄືນ​ເປັນ​ເລື່ອງ​ໜຶ່ງ​ທີ່​ຊາວ­ບ້ານ-ຊາວ​ເມືອງ​ສົນ­ໃຈ ແລະ ເວົ້າ​ວ່າ​ກັນ​ມາ​ເລື້ອຍໆ​ຫຼາຍ​ປີ​ແລ້ວ ແລະ ພໍ​ຕົກ​ລະ­ດູ­ແລ້ງ​ກໍ່​ມີ​ການ​ສ່ອງ​ແສງ​ມາ​ອີກ ຈົນ​ມີ​ຜູ້​ຂຽນອອກ​ໃນໜ້າ​ໜັງ­ສື­ພິມ​ມາ​ຫຼາຍ​ເຊັ່ນ​ກັນ ເນື່ອງ​ຈາ​ກວ່າ​ມະຫາ​ຊົນ​ໃຫ້­ການ​ສົນ­ໃຈ​ເປັນ​ພິ­ເສດ ດ້ວຍ​ວ່າຕອນ​ກາງ­ຄືນ​ເປັນໄລ­ຍະ​ທີ່​ພັກ­ຜ່ອນ​ຢ່ອນ​ໃຈ­ດີ​ທີ່​ສຸດ​ສຳ­ລັບ​ສຸ­ຂະ­ພາບ ​ກໍ່​ຄື​ຮ່າງກາຍ ແລະ ຈິດ­ໃຈ​ຂອງ​ມະ­ນຸດ​ເຮົາ ໂດຍ​ສະ­ເພາະ​ມະ­ນຸດ​ເງິນເດືອນ ຜູ້​ຫາ​ເຊົ້າ​ກິນ​ຄ່ຳ ຜູ້​ເຖົ້າ​ແກ່​ຊະ­ລາ​ການ ເດັກ­ນ້ອຍໆ</p> <p style="text-align: justify;"> ລ້ວນ​ແຕ່​ມີ​ຄວາມ​ຕ້ອງ­ການ​ຢາກ​ພັກ­ຜ່ອນ ເພື່ອ​ຊີ­ວິດ ແລະ ສຸ­ຂະ­ພາບ​ທີ່​ດີ ຜູ້​ຢູ່​ໃນ​ໄວ​ທຳ​ງານຍິ່ງ​ມີ​ຄວາມ​ຕ້ອງ­ການ ​ສຳຄັນ​ແມ່ນ​ການ​ກຽມ­ພ້ອມ​ເຂົ້າ​ໃສ່​ໜ້າ­ທີ່​ວຽກ​ງານ​ໃນ​ວັນ​ໜ້າໃຫ້​ດີ ມີປະ​ສິດ­ທິ​ຜົນ ເພື່ອ​ປາກ​ທ້ອງ ແລະ ຄວາມ​ຮັບ​ຜິດຊອບ.</p> <p style="text-align: justify;"> ໄລ­ຍະ​ເຂົ້າ​ພັນ​ສາ​ທຸກໆ​ປີ ຄື​ຈັ່ງ​ວ່າ​ສຽງ​ບົນ​ແຊວ​ບໍ່​ມີ​ບັນຫາ​ພໍ​ເທົ່າ­ໃດ ເມື່ອ​ອອກ​ພັນ​ສາ​ແລ້ວຊ້ຳ­ພັດ​ປ່ຽນ​ໄປ​ເປັນ​ລວງປີ້ນ ບໍ່​ຈັກ​ສຽງ​ຫຍັງ​ຕໍ່​ຫຍັງ ​ທີ່​ີ​ດັງ​ມາ​ຈາກ​ຍວດ​ຍານ­ພາ­ຫະ­ນະຍາມ​ວິ­ການ ການ​ເຮັດ­ບຸນ ຫຼື ສວຍ​ໃຊ້​ບຸນ​ເປັນ​ສາກ​ບັງ​ໜ້າທີ່​ມີ​ການ​ເສບ​ງັນ​ຕາມ­ໃຈ​ ພໍ​ປານ​ບ້ານ​ນີ້-ເມືອງ​ນີ້ ສັງ­ຄົມ​ນີ້ ເປັນ​ຂອງ​ເພິ່ນ​ຜູ້​ດຽວ ບາງ​ບ່ອນ​ກິນ​ຊຸມ​ກັນ 3-4 ຄົນ​ຢູ່​ເດີ່ນເຮືອນ ບາງ​ຄັ້ງ​ແຕ່ເວັນ​ຮອດ​ເດິກ​ກໍ່​ມີ ເມື່ອ​ລິດ​ເຫຼົ້າ​ເຂົ້າ​ປາກຫຼາຍ​ ພັດ​ລາກ​ເຄື່ອງ​ສຽງ​ອອກ​ມາ​ເປີດ​ເພງ​ຕາມ­ໃຈ​ ບໍ່​ຮູ້​ຮອດເພງ​ຫຍັງ​ຕໍ່​ເພງ​ຫຍັງ ບາງ​ຄັ້ງ​ຄົນ​ເຮືອນ​ໃກ້​ຄຽງ​ອົດ​ບໍ່​ລົນ​ທົນບໍ່​ໄດ້​ ກໍ່​ໄປ​ບອກ​ຢ່າງ​ດີໆວ່າ​ມີ​ຜູ້​ເຖົ້າ​ເຈັບ ແຕ່​ກໍ່​ຖື​ກວ່າ​ສວນທາງ​ມາ​ຄື: ບໍ່​ມີ​ດົນ­ຕີ​ໃນ​ຫົວ­ໃຈ ຜູ້​ໄປ​ບອກ​ກໍ່​ສວນ​ຄືນ​ໄປ​ຄື​ກັນວ່າ ສິບ​ສອງ​ໂມງ​ກາງ­ຄືນ​ຈັ່ງ​ຊີ້​ ບໍ່​ມີ​ໃຜ​ດອກ​ຊິ​ມີ​ດົນ­ຕີ​ໃນ​ຫົວໃຈ ບາງ​ຄົນ​ເຮັດ­ບຸນ​ຂໍ­ອະ­ນຸ­ຍາດນຳ​ບ້ານ ນຳ​ໜ່ວຍ​ຈົບ​ດີ​ ວ່າຈະ​ຄົບ­ງັນ​ບໍ່​ກາຍ 11.30 ໂມງ ບາດ​ເອົາ​ແທ້ໆ 2 ໂມງ​ໃກ້​ຊິແຈ້ງ​ກໍ່ບໍ່​ເຊົາ ບາງ​ເຮືອນ​ກໍ່​ເປີດ​ການ​ເຊຍ​ເຕະ­ບານ​ປະ­ເທດ​ເອີຣົບ ສັ່ງ​ເຫຼົ້າ​ສັ່ງ​ເບຍ​ມາ​ກິນ​ແລ້ວ​ຮ້ອງ​ໂຮໂປ​ສັງ​ບົນ​ແຊວ​ເອົາເຮືອນ​ເປັນ​ເດີ່ນ​ບານ ໂດຍ​ບໍ່​ຄຳ­ນຶງ​ເຖິງ​ວ່າ​ເປັນ​ເວ­ລາ​ກາງຄືນ​ ຈະ​ລົບ​ກວນບ້ານ​ໃກ້​ເຮືອນ​ຄຽງ​ປະ­ການ​ໃດ ນອກ­ຈາກ​ນີ້ຍັງ​ມີ​ດອງ ອຸ່ນ​ດອງ ວັນ​ເກີດ ວັນ​ຄົບ­ຮອບ​ແຕ່ງ­ງານ ຖ້າ​ຈັດຢູ່​ເຮືອນ​ຂ້ອນ​ຂ້າງ​ຢາກ​ເລີຍ​ເຖືອດ.</p> <p style="text-align: justify;"> ແຕ່​ແນວ­ໃດ​ກໍ່​ຕາມ ຖ້າ​ບົນ​ແຊວ​ລົບ​ກວນ​ການ​ນອນ​ຫຼັບຂອງ​ຊາວ­ບ້ານ ​ຖື​ວ່າ​ລະ­ເມີດ​ສິດ​ຂອງເຂົາ­ເຈົ້າ ເພາະ​ຢູ່​ບ່ອນໃດ ການ­ຈັດ­ຕັ້ງ​ໃດ​ກໍ່​ມີ​ລະ­ບຽບ​ທັງ​ນັ້ນ ເຊັ່ນ​ການ​ນອນ ນັກຮຽນ​ນັກ​ສຶກສາ​ຫໍ​ພັກ ກຳ­ມະ­ກອນ​ທີ່­ຢູ່​ລວມ​ກິນ​ລວມ​ບ່ອນ​ສະຖານ​ທີ່​ກໍ່­ສ້າງ​ໃຫຍ່ໆ ທະ­ຫານ ຕຳ­ຫຼວດ ໃນຄ້າຍ ​ກໍ່​ມີ​ກົດ​ລະບຽບ​ເວ­ລາ​ນອນ (ສົມ­ມຸດ) 9 ໂມງ ຕື່ນ 5:30 ໂມງ​ເຊົ້າ ພະສົງ​ອົງ­ຄະ​ເຈົ້າ​ເຊັ່ນກັນ​ກໍ່​ມີ​ເວ­ລາ​ນອນ ເວ­ລາ​ລຸກ​ສວດ​ມົນ ຫຼື ທຳ​ວັດ​ເຊົ້າ ໃນ​ເມື່ອ​ມີ​ສຽງ​ດັງ​ລົບ​ກວນ​ເວ­ລາ​ນອນ​ ກໍ່ຈະ​ເປັນການ​ແຕະ­ຕ້ອງ​ສຸ­ຂະ­ພາບ ແລະ ສະ­ທ້ອນ​ເຖິງ​ໜ້າ​ວຽກ​ມື້​ຕໍ່ມາ.</p> <p style="text-align: justify;"> ຢູ່​ນະ­ຄອນ­ຫຼວງ​ວຽງ​ຈັນ ຕາມ​ປົກ­ກະ­ຕິ​ປະ­ຊາ­ຊົນ​ກໍ່​ມີ​ຄວາມຕື່ນ​ຕົວເສີມ​ຂະ­ຫຍາຍ​ສິດ​ເປັນ​ເຈົ້າຮວມ​ໝູ່​ສູງ ປະ­ກອບ­ສ່ວນເຮັດ​ໃຫ້​ນະ­ຄອນ­ຫຼວງ ​ກາຍ­ເປັນ​ເມືອງ​ໜ້າ​ຢູ່​ ຈົນ​ໄດ້​ຮັບ​ລາງວັນ​ເຊີດຊູ​ກຽດ​ເມື່ອ​ປີ­ຜ່ານ­ມາ ແຕ່​ປີ​ນີ້ ພາຍ­ຫຼັງ​ອອກ​ພັນ​ສາແລ້ວ ​ກໍ່​ຍັງ​ມີ​ຄົນ​ຈຳ­ນວນ​ໜຶ່ງ​ຍັງ​ປະ­ຕິ­ບັດຄຳ​ສັ່ງ​ແນະ­ນຳ​ຂອງເຈົ້າ​ຄອງ​ນະ­ຄອນ ​ບໍ່​ໄດ້ ດັ່ງ­ນັ້ນ ໃນ​ຍາມ​ທີ່​ເພິ່ນ​ຫ້າມ ເປັນ­ຕົ້ນຫ້າມ​ນຳ​ເຂົ້າ­ໝາກ​ກະ­ໂພກ ແລະ ສິ່ງ​ທີ່​ມີ​ສຽງ​ແຕກ​ຄ້າຍ​ປືນ ໃນ​ມື້​ອອກ​ພັນ​ສາ​ ໄຫຼ­ເຮືອ­ໄຟ ມື້​ກຸດ​ພີ່­ນ້ອງຫວຽດ ພີ່­ນ້ອງ​ຈີນ ກໍ່​ຍັງ​ມີ​ພວກ​ສວຍ­ໂອ­ກາດ​ຈຳ­ນວນ​ໜຶ່ງ​ລະ­ເມີດ​ຢູ່ ເຊິ່ງ​ປາກົດການ​ລ່ວງ​ລະ­ເມີດ​ດັ່ງ­ກ່າວ ​ເປັນ​ສິ່ງ​ບໍ່​ຈົບ­ງາມ​ຕໍ່​ນະ­ຄອນ­ຫຼວງ ດັ່ງ­ນັ້ນ ມັນ​ຮຽກ­ຮ້ອງ​ຕໍ່​ພີ່­ນ້ອງ​ຊາວ​ນະ­ຄອນ​ທຸກຄົນ ​ຕ້ອງ​ມີ​ສະຕິ ແລະ ເປັນ​ເຈົ້າ​ການ​ໃນ​ການ​ສະ­ກັດ​ກັ້ນ​ການ​ກະ­ທຳ​ຂອງບຸກ­ຄົນ​ປະ­ເພດ​ດັ່ງ­ກ່າວ​ໃຫ້​ໝົດ​ໄປ ແນ­ໃສ່​ສ້າງ​ໃຫ້​ນະ­ຄອນເຮົາ ​ເປັນ​ນະ­ຄອນ​ທີ່​ໜ້າ​ຢູ່ ໜ້າ​ທ່ອງ​ທ່ຽວ ມີ​ຄວາມສະ­ຫງົບ ສັນ­ຕິ ແລະ ມີ​ສິ່ງ­ແວ­ດລ້ອມ​ທີ່​ດີ​ນັ້ນ​ເອງ.</p>

ຂ່າວທີ່ກ່ຽວຂ້ອງ