ຂ່າວຫຼ້າສຸດ

ຄວາມ​ສຳ­ເລັດ​ຢູ່​ໃສ?

1.841 05 ມີ.ນ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ທຸກ​ມື້­ນີ້​ບໍ່​ມີ​ມະ­ນຸດ​ຄົນໃດ​ດອກ​ທີ່​ບໍ່​ຢາກ​ປະ­ສົບຜົນ­ສຳ­ເລັດ ທັງ​ໃນ​ໜ້າ­ທີ່​ການ​ງານ ແລະ ຄອບ­ຄົວ ແຕ່ໃນ​ຄວາມ​ເປັນ​ຈິງ ຄວາມ​ສຳ­ເລັດ​ທັງ​ໃນ​ໜ້າ­ທີ່​ການ​ງານ ແລະ ຄອບ­ຄົວ​ນັ້ນ ​ປາ­ກົດ​ວ່າ​ມີພຽງ​ຄົນ​ຈຳ­ນວນ​ໜຶ່ງ​ເທົ່າ​ນັ້ນທີ່​ເຮັດ​ໄດ້ ໝາຍ​ຄວາມ​ວ່າ: <strong>ບາງ​ຄົນ​ປະ­ສົບ​ຜົນ­ສຳ­ເລັດ​ໃນໜ້າ­ທີ່​ການ​ງານ ແຕ່​ຫຼົ້ມເຫຼວ​ໃນ​ຊີ­ວິດ​ຄອບ­ຄົວ</strong> ຫຼື ບາງ​ຄົນຄອບ­ຄົວ​ອົບ​ອຸ່ນ​ດີ ແຕ່​ມີ​ບັນ­ຫາ​ເລື່ອງ​ວຽກ​ເຮັດ ທ່ານ​ຜູ້​ອ່ານອາດ​ສົງໃສ​ວ່າ​ມັນ​ເປັນ​ຍ້ອນຫຍັງ? ກໍ່​ລອງ​ຄິດ​ຄົ້ນ​ຫາ​ສາເຫດ​ເບິ່ງ​ໃຫ້​ຄັກໆ​ຈິ່ງ​ຈະ​ເຫັນ​ສົ້ນ​ເງື່ອນ​ຂອງ​ມັນ.</p> <p style="text-align: justify;"> ຄອບ­ຄົວ​ເປັນ​ສະ​ຖາ​ບັນ​ຫຼັກ​ຂອງ​ສັງ­ຄົມ ສ່ວນ​ໜຶ່ງ​ຂອງຄວາມ​ສຳ­ເລັດ​ຂອງ​ຄົນ​ເຮົາ​ແມ່ນ​ມາ​ຈາກຄອບ­ຄົວ​ທີ່​ອົບ​ອຸ່ນເຂົ້າ­ໃຈ​ກັນ​ທັງ​ຜົວ-ເມຍ ແລະ ລູກ ບາງ​ຄົນ​ອາດ​ຄິດ​ວ່າ​ມັນອາດ​ບໍ່​ແມ່ນ​ປັດ​ໄຈ​ສຳ­ຄັນ ແຕ່​ໃນ​ຄວາມ​ຈິງ​ທ່ານ​ລອງ​ຄິດເບິ່ງ​ວ່າ ຖ້າ​ພະ­ນັກ­ງານ​ລັດ​ຄົນ​ໜຶ່ງ​ຂີ່​ລົດ​ໄປ​ເຮັດ​ວຽກ ແລະ ໃນ​ຂະ­ນະ​ທີ່​ກຳ­ລັງ​ເຮັດ​ວຽກ​ນັ້ນ ​ສະ­ໝອງ​ຂອງ​ເຂົາ​ຄິດ​ສັບ­ສົນຢູ່​ກັບ​ບັນ­ຫາ​ຄອບ­ຄົວ ແນ່­ນອນ​ເຂົາ​ຄົນ​ນັ້ນ​ຍ່ອມ​ຂາດ​ສະ​ມາທິ ເຮັດ​ໃຫ້​ກຳ­ລັງ​ຂອງ​ປັນ­ຍາ​ຫຼຸດ​ລົງ ເວ­ລາ​ນັ່ງ​ເຮັດ​ວຽກ​ຫາກສະ­ໝອງ​ສັບ­ສົນ​ນຳ​ເລື່ອງ​ທຸ­ລະ​ກິດ​ລ້ຳ​ລວຍ ມັນ​ຍ່ອມ​ສົ່ງ​ຜົນຕໍ່​ວຽກ​ງານ ໃນ​ກໍ­ລະ­ນີ​ທີ​ໜຶ່ງ​ນີ້​ອາດ​ເວົ້າ​ໄດ້​ວ່າ: ເປັນ​ຜູ້​ປະ­ສົບຜົນ­ສຳ­ເລັດ​ໃນ​ຄອບ­ຄົວ ແຕ່​ຫຼົ້ມ​ເຫຼວ​ຜິດ­ພາດ​ບົກ​ຜ່ອງ​ໃນ​ໜ້າທີ່​ວຽກ​ງານ.</p> <p style="text-align: justify;"> ກໍ­ລະ­ນີ​ທີ​ສອງ​ແມ່ນ​ປະ­ສົບ​ຜົນ­ສຳ­ເລັດ​ໃນ​ໜ້າ­ທີ່​ວຽກ​ງານ ແຕ່​ຫຼົ້ມ​ເຫຼວ ແລະ ຂາດ​ຄວາມ​ອົບ​ອຸ່ນ​ໃນ​ຊີ­ວິດ​ຄູ່ (ຄອບ­ຄົວ) <strong>ເຊິ່ງ​ບາງ​ຄູ່​ຜົວ​ເມຍ​ອາດ​ຢູ່​ຫ່າງ​ໄກ​ກັນ ຫຼື ແຍກ​ກັນ​ຢູ່​</strong> <strong>ອາດເປັນ​ສາ­ເຫດ​ໜຶ່ງ​</strong>ທີ່​ພາ­ໃຫ້​ລູກ​ຂາດ​ທີ່​ເພິ່ງ ​ຈິ່ງ​ຫັນ​ເຂົ້າ​ໄປ​ຫາ​ໝູ່ເປັນ​ທີ່​ເພິ່ງ​ແທນ ເຊິ່ງ​ບາງ​ກໍ­ລະ­ນີ​ກໍ່​ລົງ­ທ້າຍ​ດ້ວຍ ເຫຼົ້າ ຢາ... ໃນ​ສັງ­ຄົມ​ບ້ານ​ເຮົາ​ອາດ​ມີ​ຫຼາຍ​ຄູ່​ກໍ­ລະ­ນີ​ເປັນ​ຕົວ­ຢ່າງ​ໃຫ້​ຮູ້ເຫັນ​ກັນ ຕ່າງ​ແຕ່​ວ່າ​ພວກ​ເຮົາ​ຈະ​ນຳ​ມາ​ພິ­ຈາ­ລະ­ນາ​ຫາ​ເຫດຜົນ​ກັນ ຫຼື ບໍ່​ເທົ່າ​ນັ້ນ.</p> <p style="text-align: justify;"> <strong>ຖ້າ​ສະ­ຫຼຸບ​ທັງ​ສອງ​ກໍ­ລະ­ນີ ກໍ່​ຈະ​ເວົ້າ​ໄດ້​ວ່າ:</strong>ຄວາມ​ສຳເລັດ​ຂອງ​ມະ­ນຸດ​ທີ່​ຂ້ອນ​ຂ້າງ​ສົມ­ບູນ ແລະ ອົບ​ອຸ່ນ ​ຕ້ອງ​ມາຈາກ​ສອງ​ປັດ​ໄຈ​ໃຫຍ່​ນັ້ນ​ຄື: ທັງ​ຄອບ­ຄົວ ແລະ ໜ້າ­ທີ່​ວຽກງານ ມີ​ຕົວ­ຢ່າງ​ໃຫ້​ເຮົາ​ເບິ່ງ​ຜູ້­ນຳ​ບາງ​ປະ­ເທດ​ເມື່ອ​ໄດ້​ຮັບ​ຕຳແໜ່ງ​ເປັນ​ຜູ້­ນຳ​ປະ­ເທດ​ ບາງ­ເທື່ອ​ກໍ່​ຕ້ອງ​ໄດ້​ຂໍ​ແຕ່ງ­ງານ​ໃໝ່ ເພື່ອ​ປ່ຽນ​ຊີ­ວິດ​ຄອບ­ຄົວ​ໃຫ້​ເປັນ​ຊີ­ວິດ​ທີ່​ມີ​ຄວາມ­ສຸກ.</p> <p style="text-align: justify;"> ບາງ​ຄົນ​ອາດ​ຍັງ​ສົງ​ໃສ​ຢູ່​ວ່າ <strong>ເປັນ​ຫຍັງ​ຜູ້​ຂຽນ​ຈິ່ງ​ຢາກ​ຍົກບັນ­ຫາ​ນີ້​ມາ​ເວົ້າ​ສູ່​ກັນ​ຟັງ</strong> ກໍ່​ເພາະ­ວ່າ​ມັນ​ສຳ­ຄັນ​ຫຼາຍ​ຕໍ່​ຊີ­ວິດມະ­ນຸດ​ເຮົາ ຫຼື ທ່ານ​ຜູ້​ອ່ານ​ອາດ​ມີ​ຄຳ​ຖາມ​ອີ​ກວ່າ ຜູ້​ຂຽນ​ປະສົບ​ຜົນ­ສຳ­ເລັດ​ໃນ​ສິ່ງ​ທີ່ເວົ້າ​ແລ້ວ​ບໍ? ຄຳ​ຕອບ​ກໍ່​ຄື​ຍັງ ແຕ່​ທີ່ເວົ້າ ແລະ ຂຽນ​ແມ່ນ​ຢູ່​ໃນ​ຖາ­ນະ​ຢາກ​ສະ­ທ້ອນ​ແງ່​ຄິດ​ໃຫ້​ສັງຄົມໄດ້​ສັງ­ເກດ​ເບິ່ງ​ນຳ​ກັນ ​ເຖິງ​ຄວາມ​ສຳ­ເລັດ​ຂອງ​ມະ­ນຸດ​ຜູ້ໜຶ່ງ ຫຼື ຄອບ­ຄົວ​ໃດ​ໜຶ່ງ.</p> <p style="text-align: justify;"> ດັ່ງ­ນັ້ນ ເມື່ອ​ເຮົາ​ເຫັນ​ວ່າ​ບາງ​ຄົນ​ປະ­ສົບ​ຜົນ­ສຳ­ເລັດ​ໃນໜ້າ­ທີ່​ວຽກ​ງານ ມີ​ຕຳ­ແໜ່ງ​ສູງ​ກໍ່​ຢ່າ​ຟ້າວ​ດ່ວນສະ­ຫຼຸບ​ວ່າ​ ຜູ້ກ່ຽວ​ຈະ​ມີ​ຄວາມ­ສຸກ​ກັບ​ສິ່ງ​ທີ່​ຕົນ​ໄດ້​ຮັບ ຫຼື ໃນ​ມູມ​ກົງ​ກັນຂ້າມ​ອີກ​ຊີ­ວິດ​ໜຶ່ງ​ເບິ່ງ​ຄື​ວ່າ​ບໍ່ໂດດ​ເດັ່ນ​ໃນ​ສັງ­ຄົມ ຫຼື ຕຳແໜ່ງ​ບໍ່​ສູງ ແຕ່​ຊີ­ວິດ​ຕົວ​ຈິງ​ກິນ​ເຂົ້າ​ແຊບ​ນອນ​ກໍ່​ຫຼັບ​ດີ ນີ້​ຄື​ປະເດັນ​ທີ່​ຄວນຄິດ​ນຳ​ກັນ​ວ່າ: ມັນ​ກໍ່​ແມ່ນ​ຄວາມ­ສຸກ​ອີກ​ແບບໜຶ່ງ ທີ່​ຂຽນ​ມາ​ທັງ​ໝົດ​ມັນ​ບໍ່​ແມ່ນ​ສູດ​ສຳ­ເລັດ ແຕ່​ເປັນພຽງແງ່​ຄິດ​ເພື່ອ​ໃຫ້​ພວກ​ເຮົາ​ຮູ້​ທັນ ແລະ ເຂົ້າ­ໃຈ​ເພື່ອ​ຄວາມ​ຢູ່ລອດ​ໃນ​ສັງ­ຄົມ ແລ້ວ​ຄ່ອຍຫັນ​ສະ­ພາບແວດ​ລ້ອມ​ສັງ­ຄົມ​ໃຫ້ມາ​ຂຶ້ນ​ກັບ​ເຮົາ ຫາກ​ບໍ່​ແມ່ນ​ປ່ອຍ­ປະ​ຕົນ​ເອງ​ໃຫ້​ໄປ​ຕາມ​ສັງຄົມ ທັງ​ໝົດ​ນັ້ນ​ກໍ່ເພື່ອ​ຜົນ­ສຳ­ເລັດ​ໃນ​ຊີ­ວິດ​ຕົນ​ເອງ.</p>

ຂ່າວທີ່ກ່ຽວຂ້ອງ