ຂ່າວຫຼ້າສຸດ

ຕ້ອງ​ຮູ້​ເທົ່າ​ທັນ​ທຶນ​ນິ­ຍົມ​ສາ­ມານ

2.318 28 ກ.ພ. 2014 ນານາສາລະ

<p> <strong>ໂດຍ: ແນວ​ລາວ</strong></p> <p> ເວ­ລາ​ໄປ​ເປັນ​ອາ­ຈານ​ຮັບ​ເຊີນ ວິ­ຊາ​ການ​ຂຽນ​ຂ່າວ​ໃນ​ສື່​ສິ່ງ​ພິມ​ຢູ່​<strong>ສະ​ຖາ​ບັນ​ການ​ຕ່າງ­ປະ­ເທດ ກະ­ຊວງ​ການ​ຕ່າງ­ປະ­ເທດ</strong> ໃນ​ຕົ້ນ​ເດືອນ​ກຸມ­ພາ (ວັນ​ທີ 5/2/2014) ນັກ​ສຳ​ມະ​ນາ​ກອນ​ຕັ້ງ​ບັນ­ຫາ​ການ​ເຜີຍ­ແຜ່​ຂໍ້​ມູນ​ຂ່າວ­ສານ​ໃນ​ສື່​ສາ­ທາ­ລະ­ນະ (Social Media) ໂດຍ​ສະ­ເພາະ​ແມ່ນ Facebook ໜ້າ​ເປັນ​ຫ່ວງ​ຫຼາຍ ຈະ​ແກ້​ຢ່າງ­ໃດ? ໃນ​ແງ່​ກົດ­ໝາຍ​ມີ​ການ​ຄຸ້ມ​ຄອງ​ບໍ?.</p> <p> -ຜູ້​ຂຽນ​ຍອມ­ຮັບ​ວ່າ ຕອບ​ຍາກ ແລະ ກໍ່​ມີ​ອາ­ການ​ໜ້າ​ເປັນ​ຫ່ວງ​ເຊັ່ນ​ກັນ ເພາະ<strong>​ຂໍ້​ມູນ​ທີ່​ສ່ອງ​ແສງ​ນັ້ນ​ເຮັດ​ຕາມ​ລຳ­ພັງ​ໃຈ</strong> ຖື​ຄວາມ​ມ່ວນ ຄວາມ​ສົນ­ໃຈ​ເປັນ​ທີ່​ຕັ້ງ ໂດຍ​ບໍ່​ຄຳ­ນຶງ​ເຖິງ​ຜົນ​ເສຍ​ຫາຍ.</p> <p> -ຜູ້​ຂຽນ​ມີ​ໂອ­ກາດ​ລົມ​ນຳ​ເພື່ອນ​ຜູ້​ອ່ານ​ຫຼາຍ​ຄົນ ຕ່າງ​ກໍ່​ອອກ­ປາກ​ເຊັ່ນ​ດຽວ​ກັນ... <strong>ວິ­ທີ​ຫ້າມ ຫຼື ລົງ­ໂທດ​ກໍ່​ເຮັດ​ໄດ້​ຍາກ ເພາະ​ມັນ​ແມ່ນ​ສິດ­ທິ​ສ່ວນ​ບຸກ­ຄົນ...</strong> ແຕ່​ຄິດ​ວ່າ​ຄວນ​ໄດ້​ມີ​ການ​ຕັ້ງ​ເປັນ​ບັນ­ຫາ​ຂຶ້ນ​ປຶກ­ສາ​ຫາ­ລື​ກັນ ເພາະ​ປະ­ເທດ​ໃກ້​ຄຽງ​ເຮົາ ເຂົາ​ກໍ່​ມີ​ໜ່ວຍ​ງານ​ຮັບ­ຜິດ­ຊອບ​ເພື່ອ​ແກ້​ໄຂ... ຕີ​ຖອຍ​ການ​ສົ່ງ​ຂໍ້​ມູນ​ທີ່​<strong>ຫຼໍ່​ແຫຼມ ສ່ຽງ​ຕໍ່​ຄວາມ​ໝັ້ນ­ຄົງ​ຂອງ​ຊາດ... ສ່ຽງ​ຕໍ່​ການ​ລົບ​ລ້າງ​ສະ​ຖາ​ບັນ​ຂອງ​ຊາດ ສ່ຽງ​ຕໍ່​ການ​ມ້າງ­ເພ​ຄວາມ​ສາ­ມັກ­ຄີ​ພາຍ​ໃນ​ຊາດ.</strong></p> <p> -ຂໍ​ໂທດ​ເນີ! ບາງ­ເທື່ອ​ກໍ່​<strong>ຫຼົງ​ປ່ອຍ​ຂໍ້​ມູນ​ອອກ​ໄປ​ໂດຍ​ບໍ່​ຄຳ­ນຶງ​ເຖິງ​ຜົນ​ເສຍ</strong>​ຈະ​ຕາມ​ມາ ເຊັ່ນ​ວ່າ: ຮູບ​ພາບ​ໄປ​ຊຸມ​ແຊວ ໄປ​ທ່ຽວ​ຫຼິ້ນ​ເຮ​ຮາ​ຟູມ​ເຟືອຍ ໂດຍ​ບໍ່​ຄຳ­ນຶງ​ເຖິງ​ຖາ­ນະ​ຕຳ­ແໜ່ງ​ຂອງ​ຕົນ... ເຖິງ​ຂັ້ນ​ຄອບ­ຄົວ​ຜິດ​ຖຽງ... ແຕກ​ແຍກ​ຍ້ອນ​ຂໍ້​ມູນ​ຜ່ານ Facebook ກໍ່​ຫາກ​ມີ​ມາ​ແລ້ວ... ສ່ວນ­ວ່າ​ການ​ລົງ​ຮູບ​ເປືອຍ ໂປ້... ອະ­ນາ­ຈານ... ເຊັກ ກໍ່​ບໍ່​ຄວນ... ລວມ​ໄປ​ເຖິງ​ການ​ໂຈມ​ຕີ​ບຸກ­ຄົນ​ອື່ນໆ... ໝາຍ​ຄວາມ​ວ່າ ຖື​ການ​ມີ ຫຼື ອວດ​ຮູບ​ພາບ​ໃນ Facebook <strong>ເປັນ​ຄ່າ​ນິ­ຍົມ​ໜຶ່ງ​ທີ່​ບົ່ງ​ບອກ​ເຖິງ​ຄວາມ​ທັນ​ສະ­ໄໝ ເປັນ​ຄົນ </strong><strong>In trend </strong><strong>ບໍ່​ຕ່ຳ​ຕ້ອຍ​ນ້ອຍ​ໜ້າ​ຜູ້​ອື່ນ</strong>ເຊິ່ງ​ພຶດ­ຕິ​ກຳ​ດັ່ງ­ກ່າວ​ນີ້​ຄວນ​ໄດ້​ເບິ່ງ​ຄືນ... ແມ່ນ​ຢູ່​ວ່າ ຍຸກ​ນີ້​ແມ່ນ​ຍຸກ IT ແຕ່​ເຮົາ​ຕ້ອງ​ຮູ້​ທັນ​ມັນ ບໍ່​ຊັ້ນ​ເຮົາ​<strong>ຈະ​ຕົກ​ເປັນ​ທາດ​ຂອງ​ມັນ</strong> ອັນ​ນີ້​ລະ​ເຂົາ​ວ່າ: <strong>ທຶນ​ນິ­ຍົມ​ສາ­ມານ...</strong> ທຸກ​ຢ່າງ​ເປັນ​ສິນ­ຄ້າ​ທັງ​ນັ້ນ ການ​ໃຊ້​ຈ່າຍ​ເພີ່ມ​ຂຶ້ນ​ແບບ​ບໍ່​ຮູ້­ສຶກ​ຕົວ ໃຊ້ Facebook ກໍ່​ຕ້ອງ​ຈ່າຍ​ເງິນ ບໍ່​ແມ່ນ​ໃຊ້​ລ້າ... ຈຳ­ນວນ​ເງິນ​ໜ້ອຍ ແຕ່​ຕື່ມ​ຫຼາຍ​ເທື່ອ​ກໍ່​ຫຼາຍ​ຂຶ້ນ ໝາຍ​ຄວາມ​ວ່າ ມັນ​ສ້າງ​ໃຫ້​ໃຊ້​ຈ່າຍ​ຟູມ​ເຟືອຍ​ແບບ​ບໍ່​ຮູ້­ສຶກ​ຕົວ... ສະ­ນັ້ນ ມັນ​ຈຶ່ງ​ຮຽກ­ຮ້ອງ​ໃຫ້​ມີ​ສະ­ຕິ​ຮູ້​ເທົ່າ​ທັນ​ມັນ​ນໍ?.</p> <p> -ສິ່ງ​ສຳ­ຄັນ​ແມ່ນ​ການ​ທີ່​ຈະ Post ສິ່ງ​ໃດ​ສິ່ງ​ໜຶ່ງ​ຂຶ້ນ​ໃນ Facebook ຕ້ອງ​ໄດ້​ຄຳ­ນຶງ​ເຖິງ​ຜົນ​ຈະ​ຕາມ​ມາ​ພາຍ­ຫຼັງ ວ່າ​<strong>ມັນ​ຈະ​ດີ ຫຼື ບໍ່​ດີ​ຕໍ່​ສັງ­ຄົມ​ສ່ວນ​ລວມ</strong> ຫາກ​ບໍ່​ແມ່ນ​ເຮັດ​ຕາມ​ລຳ­ພັງ​ໃຈ ສ້າງ​ຜົນ​ເສຍ​ຫາຍ​ຕໍ່​ພາບ​ພົດ​ຂອງ​ຕົນ​ເອງ... ສັງ­ຄົມ​ສ່ວນ​ລວມ... ຕ້ອງ​ຄຳ­ນຶງ​ຢູ່​ສະ­ເໝີ​ວ່າ ເຮົາ​ຢູ່​ຮ່ວມ​ກັນ​ໃນ​ສັງ­ຄົມ ຕ້ອງ​ສ້າງ​ໃຫ້​ໄດ້​ຄວາມ​ສາ­ມັກ­ຄີ​ປອງ​ດອງ.</p> <p> -ສຳ­ລັບ​ຊາວ​ໜຸ່ມ-ຍິງ​ສາວ​ແຮ່ງ​ຕ້ອງ​ໄດ້​ເອົາ­ໃຈ­ໃສ່​ເປັນ​ພິ­ເສດ ພໍ່​ແມ່​ຜູ້​ປົກ­ຄອງ... ຄູ­ບາ​ອາ­ຈານ ບໍ່​ຄວນ​ຢູ່​ລ້າ ຕ້ອງ​ຕິດ­ຕາມ​ເບິ່ງ​ຕາມ​ໜ້າ Facebook ຂອງ​ລູກ​ຫຼານ ວ່າ​ເຂົາ Post ຫຍັງ​ຂຶ້ນ? ມີ​ຫຍັງ​ບໍ່​ຊອບ​ມາ​ພາ​ກົນ ບໍ່​ເຂົ້າ­ທ່າ​ເຂົ້າ​ທາງ ກໍ່​ຕ້ອງ Comment ໃຫ້​ເຂົາ​ຮູ້​ວ່າ ສິ່ງ​ທີ່​ເຂົາ​ເຮັດ​ນັ້ນ​ມັນ​ບໍ່​ຈົບ ບໍ່​ຄວນ ແລະ ບໍ່​ງາມ... ບໍ່​ທໍ່​ນັ້ນ ໝູ່­ຄູ່​ພັກ​ພວກ​ກໍ່​ຄວນ​ເຕືອນ​ກັນ ຫາກ​ບໍ່​ແມ່ນ Post ຂຶ້ນ​ຍາມ​ໃດ​ກໍ່​ຊວນ​ກັນ​ກິນ​ເຫຼົ້າ-ກິນ​ເບຍ ໄປ​ທ່ຽວ​ຫຼິ້ນ ເວົ້າ​ເລື່ອງ​ຫຼໍ່​ແຫຼມ ເລື່ອງ​ເພດ​ສຳ­ພັນ... ຄວນ​ທີ່​ຈະ Post ເລື່ອງ​ການ​ຮ່ຳ­ຮຽນ <strong>ການ​ຊອກ​ຮູ້​ເຕັກ­ນິກ​ວິ­ທະ­ຍາ­ສາດ​ທີ່​ກ້າວ­ໜ້າ​ໃນ​ໂລກ ເພື່ອ​ແບ່ງ­ປັນ​ຄວາມ​ຮູ້​ໃຫ້​ກັນ ແລະ ກັນ.</strong></p> <p> ສະ­ຫຼຸບ​ແລ້ວ​ບໍ່​ແມ່ນ​ແຕ່​ນັກ​ສຳ​ມະ​ນາ​ກອນ ຜູ້​ຂຽນ ຫຼື ຄູ່​ສົນ­ທະ­ນາ​ທໍ່​ນັ້ນ​ດອກ​ເປັນ​ຫ່ວງ ! ການ­ຈັດ­ຕັ້ງ​ກ່ຽວ­ຂ້ອງ​ກໍ່​ເປັນ​ຫ່ວງ ແລະ ຊອກ​ທາງ​ອອກ​ຢູ່... <strong>ກະ­ແສ​ນີ້​ມັນ​ບໍ່​ມີ​ພົມ​ແດນ​ໝົດ​ໂລກ​ຮູ້​ໝົດ...</strong> ປິດ​ບັງ​ລຳ­ບາກ ຄັນ​ແມ່ນ​ໄປ​ຢູ່​ໃນ​ເຄືອ​ຂ່າຍ​ນີ້​ແລ້ວ !...</p> <p> ຢາກ​ໃຫ້​ມີ​ສະ­ຕິ​ຮູ້​ເທົ່າ​ທັນ... ບໍ່​ຫຼົງ​ກັບ​ການ​ໂຄ­ສະ­ນາ ການ​ຕະ­ຫຼາດ ບໍ່​ຊັ້ນ​ເຮົາ​ຈະ​ຕົກ​ເປັນ​ທາດ​ຂອງ​ມັນ​ຢ່າງ​ຫຼີກ​ໄດ້​ຍາກ.</p>

ຂ່າວທີ່ກ່ຽວຂ້ອງ