ໂລ­ກາ​ພິ​ວັດ ອາດ​ບໍ່​ເປັນ​ຢ່າງ​ທີ່​ຄິດ

2.265 05 ກ.ພ. 2014 ນານາສາລະ

<p style="text-align: justify;"> <strong>ໂດຍ: ດັ້ນ​ກີບ​ເມກ</strong></p> <p style="text-align: justify;"> ກະ­ແສ​ໂລ­ກາ​ພິ​ວັດມາ​ແຮງ ​ຫຼັງ​ຈາກ​ສົງ­ຄາມ​ເຢັນ​ສິ້ນ​ສຸດ​ລົງ ເຊິ່ງ​ສ່ວນ​ໃຫຍ່​ກໍ່​ເວົ້າ​ກັນ​ໃນ​ແງ່ບວກ ຕົວ­ຢ່າງ ກະ­ແສ​ໂລກາ​ພິ​ວັດອາດ​ເປີດ​ໂອ­ກາດ​ໃຫ້​ປະ­ເທດ​ນ້ອຍ​ພັດ­ທະ­ນາ​ຕົນເອງ​ໄດ້​ສະ­ເໝີ­ພາບ ແລະ ມີ​ຄວາມ​ຈະ­ເລີນກ້າວ­ໜ້າ​ທາງດ້ານ​ເສດ­ຖະ­ກິດ ແລະ ອີກ​ຢ່າງ​ໜຶ່ງ​ກໍ່​ແມ່ນ​ເລື່ອງ​ການ​ລົງທຶນ ໂດຍ​ຜູ້​ມີ​ທຶນ​ຫຼາຍ​ສາ­ມາດ​ໄປ​ລົງ­ທຶນ​ໄດ້​ສະ­ດວກ​ຂຶ້ນ​ໃນສະ­ຖານ­ທີ່​ໃດ​ຂອງ​ໂລກ​ທີ່​ເຫັນ​ວ່າ​ຈະ​ໄດ້​ກຳ­ໄລ ນີ້​ຄື​ສັດ­ຈະ­ທຳຂອງ​ທຸ­ລະ​ກິດ​ກຳ­ໄລ ຍ່ອມ​ເປັນ​ເປົ້າ​ໝາຍ​ເປັນ​ຕາຍ​ຂອງ​ນັກລົງ­ທຶນ ດັ່ງ­ນັ້ນ ໂລ­ກາ​ພິ​ວັດ​ຈຶ່ງ​ມີ​ທັງ​ມູມ​ແຈ້ງ ແລະ ມືດ​ໃນໂຕ​ຂອງ​ມັນເອງ.</p> <p style="text-align: justify;"> ຜູ້​ຂຽນ​ໄດ້​ມີ​ໂອ­ກາດ​ອ່ານ​ຂ່າວ​ຈາກ​ສະ­ຫຍາມ​ລັດ ​ສັບ​ປະດາ​ວິ­ຈານ​ຂອງ​ໄທ ລົງ​ວັນ​ທີ 22/01/2014 ທີ່​ຕັ້ງ​ຫົວ­ຂໍ້​ວ່າ: ໂລ­ກາ​ພິ​ວັດ ຄື​ປະ­ເທດ​ທີ່​ມີ​ທຶນ​ຫຼາຍ​ຄອງ​ໂລກ ເຊິ່ງ​ມີ​ຂໍ້​ມູນ​ທີ່ແຫຼ່ງ​ຂ່າວ​ດັ່ງ­ກ່າວ​ເວົ້າ​ເຖິງ ເຊັ່ນ: ມີ​ຄົນ​ສ່ວນໃຫຍ່​ທີ່​ຍັງ​ເຂົ້າໃຈ​ຜິດ​ວ່າ ເມື່ອ​ສົງ­ຄາມ​ເຢັນ​ລົງ ໂລກ​ຈະ​ສະ­ຫງົບ​ຮົ່ມ​ເຢັນ ແຕ່​ຄວາມ​ຈິງ​ບໍ່​ເປັນ​ແນວ​ນັ້ນ ເພາະ­ວ່າມີ​ການ​ແຂ່ງ­ຂັນ​ຕໍ່­ສູ້ກັນ​ແບບ​ໃໝ່​ເກີດ​ຂຶ້ນ ເລື່ອງ​ເສດ­ຖະ­ກິດ ແລະ ເຄື່ອງ­ມື​ເທັກໂນ​ໂລ​ຢີ​ທີ່​ທັນ​ສະ­ໄໝ​ເຂົ້າມາ​ຫຼິ້ນ​ບົດ­ບາດ​ຫຼັກ ເຮັດ​ໃຫ້​ຜູ້​ບໍ່​ຮູ້ເທົ່າ​ທັນ​ຕົກ​ຫຼຸມ​ຄາ­ລົມ​ໃນ​ການ​ເຊື່ອມ​ໂຍງ​ລະ­ຫວ່າງ​ປະ­ເທດມາ​ຫຼາຍ​ແລ້ວ.</p> <p style="text-align: justify;"> ສົງ­ຄາມ​ຮູບ​ແບບ​ໃໝ່ ແມ່ນ​ສົງ­ຄາມ​ປັບ​ປ່ຽນ​ພື້ນ​ທີ່​ອິດ​ທິພົນ​ຂອງ​ມະ­ຫາ​ອຳ­ນາດ ເຊັ່ນ: ເລື່ອງ​ທີ່​ເກີດ​ຂຶ້ນ​ກັບ​ປະ­ເທດອີ​ຣັກ ແລະ ອັຟ​ກາ​ນິດ​ສະ­ຖານ ທີ່​ຕາ­ເວັນ​ອອກ​ກາງ­ຂອງໂລກ ເຮັດ​ໃຫ້​ຊາວ​ໂລກ​ຫວັ່ນ​ວິ­ຕົກ​ກັບ​ການ​ຕໍ່­ສູ້ເພື່ອ​ສະ­ແດງເຖິງ​ອິດ​ທິ​ພົນ​ຂອງ​ປະ­ເທດ​ມະ­ຫາ​ອຳ­ນາດ​ ທີ່​ຍັງ​ມີ​ຄົນ​ສ່ວນໃຫຍ່​ຂອງ​ໂລກ​ກໍ່​ບໍ່​ປາດ​ຖະ​ໜາ​ສົງ­ຄາມ ແລະ ຄວາມ​ຕາຍ ເຫດ­ການ​ທີ່​ແຂ່ງ­ຂັນ​ຂະ­ຫຍາຍ​ອຳ­ນາດ​ອິດ​ທິ​ພົນ​ນີ້​ ສົ່ງ​ຜົນ​ໄປຫຼາຍ​ມູມ​ໂລກ ເປັນ­ຕົ້ນ ໃນ​ອາ­ຊີ ​ທີ່​ປະ­ເທດ​ມະ­ຫາ​ອຳ­ນາດບາງ​ປະ­ເທດ​ຢາກ​ປິດ​ລ້ອມ ແລະ ສະ­ກັດ​ກັ້ນ​ຄູ່​ແຂ່ງ​ເທິງ​ໜ້າໂລກ​ນີ້ ເຊິ່ງ​ບາງຄັ້ງ​ກໍ່​ໄດ້​ໃຊ້​ປະ­ເທດ​ບໍ­ລິ­ວານ​ເປັນ​ເຄື່ອງ­ມື ເປັນ​ພື້ນ­ຖານ​ໃນ​ການ​ຫຼິ້ນ​ເກມ​ກັບ​ຄູ່​ແຂ່ງ.</p> <p style="text-align: justify;"> ແຫຼ່ງ​ຂ່າວ​ດັ່ງ­ກ່າວ​ຍັງ​ໄດ້​ລາຍ​ງານ​ອີ​ກວ່າ ດິນ­ແດນ​ອາຊຽນ ​ກໍ່​ເປັນ​ແຫຼ່ງ​ພະ­ລັງ­ງານ​ມະ­ຫາ­ສານ​ທີ່​ປະ­ເທດ​ທີ່​ມີເງື່ອນໄຂ​ຫຼາຍ​ຢາກ​ເຂົ້າ​ມາ​ຄອບ​ຄອງ ເຮັດ​ໃຫ້​ຜູ້­ນຳ​ການ­ເມືອງ​ບາງປະ­ເທດ​ຕ້ອງ​ເລືອກ​ຝ່າຍ​ເຂົ້າ​ຂ້າງ...</p> <p style="text-align: justify;"> ຂ້າງ​ເທິງ​ນັ້ນ ແຫຼ່ງ​ຂ່າວ​ທີ່​ພະ­ຍາ­ຍາມ​ສະ­ທ້ອນ​ສິ່ງ​ທີ່​ເກີດຂຶ້ນ​ຢູ່​ເທິງ​ໜ່ວຍ​ໂລກ ໄດ້​ຮູ້​ເທົ່າ​ທັນ​ກັບ​ຄຳ​ວ່າ ໂລ­ກາ​ພິວັດ ເຊິ່ງ​ມັນ​ອາດ​ບໍ່​ສວຍ​ງາມ ແລະ ຫອມ​ຫວານ​ຄື​ດັ່ງ​ບາງ​ຄົນເຂົ້າ­ໃຈ ແລະ ຄິດ​ໄວ້ ຖ້າ​ມັນ​ເຖິງ​ຂີດ​ຮ້າຍ​ແຮງແທ້ໆ​ກໍ່​ອາດກາຍ­ເປັນ​ໂລ­ກາ​ວິ­ນາດ​ໄດ້ ອັນ​ນີ້​ຜູ້​ທີ່​ສະ­ຫຼາດ​ພໍ​ກໍ່​ຄົງ​ຕ້ອງ​ໄດ້ເລືອກ​ເອົາ​ແຕ່​ສິ່ງ​ທີ່​ມັນ​ເປັນ​ປະ­ໂຫຍດ​ແກ່​ຕົນ​ເອງ ແນ່­ນອນ​ຜູ້ທີ່​ເລືອກ​ຖືກ​ກໍ່​ຕ້ອງ​ຄິດ​ຖືກ ແລະ ຜູ້​ທີ່​ຄິດ​ຖືກ​ກໍ່​ຄວນ​ແມ່ນ​ຜູ້​ທີ່ມີ​ປັນ­ຍາ​ຮູ້​ເທົ່າ​ທັນຕໍ່​ສິ່ງ​ທີ່​ເກີດ​ຂຶ້ນ.</p> <p style="text-align: justify;"> ຍ້ອນ​ແນວ​ນັ້ນ ໂລ­ກາ​ພິ​ວັດ ມັນ​ກໍ່​ແມ່ນ​ຂະ​ບວນ​ການ​ພັດທະ​ນາ​ຂອງ​ໂລກ​ທີ່​ຕ້ອງ​ໝູ­ນວຽນ​ໄປ​ຕາມ​ວັດ​ທະ​ຈັກຂອງ​ມັນ ເຊິ່ງ​ບໍ່​ມີ​ໃຜ​ຕ້ານ­ທານ​ໄດ້ ເພາະ​ມັນ​ເປັນ​ກົດ​ຂອງ​ສັດ­ຈະ­ທຳ ເຖິງ​ເວ­ລາ​ເສື່ອມ​ກໍ່​ເຊັ່ນ​ດຽວ​ກັນ ຕ່າງ​ແຕ່ວ່າ​ເຮົາ​ຈະ​ເລືອກ​ຢູ່ໃນ​ໂລກ​ແບບ​ໃດ ? ແລະ ປັບ​ໂຕ​ໃຫ້​ເຂົ້າ​ກັບ​ໂລກ​ແບບ​ໃດ​ນັ້ນ ຄົງ​ເປັນ​ຄຳ​ຖາມ​ທີ່​ຕ້ອງ​ໄດ້ຄິດ​ຫາ​ຄຳ​ຕອບ​ໃຫ້​ຄັກໆ ຈຶ່ງຄ່ອຍ​ຕາມ​ເຂົາ​ຢ່າງ​ຮູ້​ເທົ່າ​ທັນ ແລະ ບໍ່​ຫຼົງ​ຕົວ​ເອງ ຫຼື ຕົວະຕົວ​ເອງ.</p> <p style="text-align: justify;"> ເຖິງ​ຢ່າງ­ໃດ​ກໍ່​ຕາມ ທ່າ​ອຽງ​ໂລກ​ກໍ່​ແມ່ນ​ຢູ່​ຮ່ວມ​ກັນ​ຢ່າງສັນ­ຕິ ເຖິງ​ແມ່ນ​ວ່າ​ປະ­ເທດ​ມະ­ຫາ​ອຳ­ນາດ​ໃດ​ໜຶ່ງ​ຢາກເຮັດຟືນ​ເຮັດ​ໄຟ​ກາຍ­ເປັນ​ເຈົ້າ​ຂອງ​ໂລກ​ພຽງ​ຜູ້​ດຽວ​ນັ້ນ ​ຖື​ວ່າ​ພົ້ນສະ­ໄໝ​ແລ້ວ ເຊິ່ງ​ໃນ​ຕົວ​ຈິງ​ກໍ່​ບໍ່​ມີ​ກຳ­ລັງ​ແຮງເຮັດ​ໄດ້ ໂດຍສະ­ເພາະ​ແມ່ນ​ກຳ­ລັງ​ແຮງ​ທາງ​ດ້ານ​ການ​ເງິນ.</p> <p style="text-align: justify;"> ທາງ​ອອກ​ທີ່​ດີ​ກໍ່​ມີ​ແຕ່​ລົດ​ລາ​ວາ​ສອກ​ໃຫ້​ແກ່​ກັນ ແລະ ກັນ ໃນ​ການ​ຮ່ວມ​ມື ສິ່ງ​ສຳ­ຄັນ​ແມ່ນ​ມີ​ສະ­ຕິ ເບິ່ງ​ບັນ­ຫາໃຫ້​ມັນແຕກ ບໍ່​ຊັ້ນ​ຈະ​ຕົກ​ເປັນ​ເຫຍື່ອ​ຂອງ​ປະ­ເທດ​ມະ­ຫາ​ອຳ­ນາດ ເວົ້າ​ໃຫ້​ເຂົ້າ­ໃຈ​ກັນ​ແບບ​ງ່າຍໆ​ກໍ່​ແມ່ນ <strong>“ການໃຫ້​ ຍ່ອມ​ແຝງໄປ​ດ້ວຍ​ຈຸດ­ປະ­ສົງ ຕ່າງ​ແຕ່​ວ່າ​ຈຸດ­ປະ­ສົງ​ນັ້ນ ​ມີ​ຫຍັງ​ຢູ່​ເບື້ອງຫຼັງ”.</strong></p>

ຂ່າວທີ່ກ່ຽວຂ້ອງ