ຂ່າວຫຼ້າສຸດ

ສຽງ​ແຕກ​ຂອງ​ໝາກ​ກະ­ໂພກ​ ທ້າ​ທາຍ​ແຈ້ງ​ການ

1.891 04 ກ.ພ. 2014 ນານາສາລະ

<p style="text-align: justify;"> <strong>ໂດຍ: ແນວ​ລາວ</strong></p> <p style="text-align: justify;"> ຄືນ​ວັນ​ພະ­ຫັດ ທີ 30/01/2014ສຽງ​ແຕກຂອງ​ໝາກ​ກະ­ໂພກ​ໄດ້​ດັງຂຶ້ນ​ຢູ່​ນະ­ຄອນ­ຫຼວງວຽງຈັນ​ຫຼາຍ​ຈຸດ ກ່ອນ​ທີ່​ເຂັມ­ໂມງ​ຈະ​ປ່ຽນ​ເປັນ​ເວ­ລາ​ຂອງ​ມື້ໃໝ່... ນັ້ນ​ແມ່ນ​ການ​ບົ່ງບອກເຖິງ​ປີ​ໃໝ່​ຂອງ​ຊາວ​ຈີນ ແລະ ຫວຽດ­ນາມ ​ທີ່​ອາ­ໄສ​ຢູ່​ນະ­ຄອນຫຼວງ.</p> <p style="text-align: justify;"> ກ່ອນ​ມື້­ບຸນ​ຄືນ​ວັນ​ທີ 29/01/2014 ກອງ​ບັນ­ຊາ​ການ ປກສ ນະ­ຄອນ­ຫຼວງ​ວຽງ​ຈັນ ໄດ້ອອກ​ແຈ້ງ​ການ​ສະ­ບັບ​ເລກ​ທີ 040/ປກສ.ນວ ກ່ອນ​ນັ້ນ​ກໍ່​ມີ​ແຈ້ງ​ການ​ຂອງ​ເຈົ້າ​ຄອງ ນະຄອນ​ຫຼວງ​ວຽງ​ຈັນ ສະ­ບັບ​ເລກ​ທີ 001/ຈ​ນວ ລົງ​ວັນ​ທີ 27/01/2014ຍົກ​ສອງ​ແຈ້ງການ​ມາ​ແມ່ນ​ຢາກ​ລົງ​ເລິກ​ໃນແຈ້ງ​ການ​ຂອງ​ກອງ​ບັນ­ຊາ​ການ ປກສ ເພາະ­ວ່າ​ໃນ​ຂໍ້​ສອງ​ ທີ່ເວົ້າ​ເຖິງ​ຂໍ້​ຫ້າມ​ຕ່າງໆ​ນັ້ນ​ ໄດ້​ເວົ້າ​ເຖິງ​ຫ້າມ​ກ່ຽວ​ກັບ​ການ​ນຳເຂົ້າ ແລະ ບໍ­ລິ­ການ​ຊື້-ຂາຍ ແລະ ຈູດ​ໝາກ​ກະ­ໂພກ​ທຸກ​ຊະນິດ ທຸກ​ລະ­ດັບ ແຕ່​ໃນ​ຄວາມ​ເປັນ​ຈິງ​ຄື​ເວົ້າ​ຂ້າງເທິງ ​ມີ​ການລະ­ເມີດ​ຫຼວງ­ຫຼາຍ ເບິ່ງ​ຄື​ວ່າ​ເປັນ​ການ​ທ້າ​ທາຍ​ຕໍ່​ແຈ້ງ​ການ.</p> <p style="text-align: justify;"> ເວົ້າ​ເລື່ອງ​ແຈ້ງ​ການ​ນີ້​ບໍ່​ແມ່ນ​ແຕ່​ກໍ­ລະ­ນີ​ນີ້​ດອກ ມີ​ຫຼາຍກໍ­ລະ­ນີ​ມັກ​ເສີຍ​ເມີຍ​ບໍ່​ປະ­ຕິ­ບັດ ເຊິ່ງ​ບາງ​ຄັ້ງ​ສັງ­ຄົມ​ກໍ່​ຕັ້ງ​ເປັນຂໍ້​ກັງ­ຂາ​ວ່າ: ເປັນ​ຫຍັງ​ຈຶ່ງ​ບໍ່​ມີ​ການ​ກວດ­ກາ​ຈັດ​ຕັ້ງ​ປະ­ຕິ­ບັດຢ່າງ​ເຂັ້ມ​ງວດ.</p> <p style="text-align: justify;"> ກໍ­ລະ­ນີ​ຈູດ​ໝາກ​ກະ­ໂພກ​ນີ້​ ຫາກ​ອຳ­ນາດ​ການ​ປົກ­ຄອງ​ພື້ນຖານ​ເຂັ້ມ​ງວດ ເຮັດ​ຄື​ເວ­ລາເຮົາ​ເປັນ​ເຈົ້າ­ພາບ​ກອງ​ປະ­ຊຸມສາ­ກົນ (ເຊັນ​ບົດ​ບັນ­ທຶກ​ກັບ​ຄອບ­ຄົວ) ເຫັນ​ວ່າ​ໄດ້­ຜົນເລື່ອງຄວາມ​ສະ­ຫງົບ​ຮຽບ​ຮ້ອຍ.</p> <p style="text-align: justify;"> ຢູ່​ບ້ານ​ໜຶ່ງ​ ນາຍ­ບ້ານ ປກສ ບ້ານ ​ຍ່ອມ​ກຳ​ໄດ້​ວ່າ​ລູກ­ບ້ານຂອງ​ຕົນ​ມີ​ໃຜ​ແດ່​ເປັນ​ຊາວຈີນ ຊາວ​ຫວຽດ­ນາມ (ມີ​ຈັກ​ຫຼັງຄາ​ເຮືອນ) ແລ້ວ​ລົງ​ໄປ​ເຜີຍ­ແຜ່​ທາງ​ເລິກ​ ກ້າວ​ໄປ​ເຖິງການເຊັນ​ບົດ​ບັນ­ທຶກ​ ເຊື່ອ​ວ່າ​ຄົງ​ໄດ້​ຍິນ​ສຽງ​ແຕກ​ຂອງ​ໝາກ​ກະໂພກ​ໜ້ອຍ​ລົງ... ການ​ບໍ່ໃຫ້​ຈູດ​ນີ້​ບໍ່​ແມ່ນ​ແຕ່​ຢູ່​ປະ­ເທດເຮົາ... ປະ­ເທດ​ເຈົ້າ​ຂອງ​ປະ­ເພ­ນີ​ແທ້ ເຊັ່ນ: ສປ ຈີນ ສສ.ຫວຽດ­ນາມ ເພິ່ນ​ກະ​ຍັງ​ຫ້າມ.</p> <p style="text-align: justify;"> ຫາກ​ພວກ​ເຮົາ​ເຮັດ​ແບບ​ພໍ​ເປັນ​ຮີດ ​ໃນ​ກໍ­ລະ­ນີ​ປະ­ຕິ­ບັດແຈ້ງ​ການ ​ຈະ​ພາ­ໃຫ້​ລະ­ບຽບ​ກົດ­ໝາຍ​ຢູ່​ບ້ານ​ເຮົາ​ບໍ່​ຄ່ອຍ​ເຂັ້ມງວດ... ຫຼາຍ​ປີ​ໄປ​ມັນ​ຈະ​ເປັນ​ພະ­ຍາດ​ຊຳ​ເຮື້ອ​ຍາກ​ແກ່ການແກ້​ໄຂ.</p> <p style="text-align: justify;"> ເລື່ອງ​ນີ້​ມັນ​ເປັນ​ບັນ­ຫາ​ທີ່​ຕັ້ງ​ຂຶ້ນ​ ສຳ­ລັບ​ກອງ​ກໍ່­ສ້າງ​ຮາກຖານ​ການ­ເມືອງ​ຢູ່​ນະ­ຄອນ­ຫຼວງ​ວ່າ​ເຮັດ​ຫຍັງ​ໄດ້​ແດ່? ນາຍບ້ານ ປກສ ບ້ານ ຫຼື ກຸ່ມ​ບ້ານ ​ເຮັດ​ຫຍັງ​ຢູ່? ເຈົ້າ​ຂອງ​ແຈ້ງການ​ຄວນ​ມີ​ມາດ​ຕະ­ການ​ກວດ­ກາ​ການ­ຈັດ­ຕັ້ງ​ປະ­ຕິ­ບັດ​ແນວໃດ?.</p> <p style="text-align: justify;"> ບັນ­ຫາ​ນີ້​ຄວນ​ໄດ້​ປະ­ຊຸມ​ຖອດ​ຖອນ​ບົດ­ຮຽນ ເພາະ​ຍັງ​ມີ​ອີກຫຼາຍ​ແຈ້ງ​ການ​ທີ່​ມັກ​ຖືກ​ຖືເບົາ ສະ­ນັ້ນ ຈຶ່ງ​ຊອກ​ຫາ​ຄວາມຮັບ­ຜິດ­ຊອບ ຄວາມ​ຮັບ­ຜິດ­ຊອບ​ນີ້​ສຳ­ຄັນ​ຫຼາຍ... ເຫັນບໍ? ກໍລະ​ນີ​ເງິນ​ອຸດ​ໜູນ​ພະ­ນັກ­ງານ​ທີ່​ຖືກ​ໂຈະ​ໃນ​ປີ 2014 ນັ້ນ​ມາຈາກ​ການ​ຂາດ​ຄວາມຮັບ­ຜິດ­ຊອບ.</p>

ຂ່າວທີ່ກ່ຽວຂ້ອງ