ຂ່າວຫຼ້າສຸດ

ຜູ້­ນຳ ຫຼື ຜູ້​ບໍ­ລິ­ຫານ ບໍ່​ງ່າຍ​ຢ້າງ​ທີ່​ຄິດ !

2.323 29 ມ.ກ. 2014 ນານາສາລະ

<p style="text-align: justify;"> <strong>ໂດຍ:ດັ້ນ​ກີບ​ເມກ</strong></p> <p style="text-align: justify;"> ຫົວ­ຂໍ້​ຕັ້ງ​ແບບ​ນີ້​ ສະທ້ອນ​ທັງ​ແງ່​ມູມ​ຂອງ​ນັກທຸ­ລະ​ກິດ​ ຕ້ອງ­ການ​ຄວາມສຳ­ເລັດ ເຊິ່ງ​ໃນ​ຄວາມ​ຈຳເປັນ​ສຳ­ລັບ​ຜູ້ມີ​ເງິນ​ເຕັມ ເວ­ລາ​ໄປ​ດຳ­ເນີນ​ທຸ­ລະ​ກິດ​ອັນ​ໃດ​ໜຶ່ງ ກໍ່​ມັກ​ຈະ​ຫຼົ້ມ​ເຫຼວເປັນ​ສ່ວນ​ໃຫຍ່ ເພາະ­ວ່າ​ເງິນ​ບໍ່​ແມ່ນ​ປັດ​ໄຈທີ​ໜຶ່ງ ​ທີ່​ຈະ​ໃຫ້​ຄຳ​ຕອບ​ແກ່​ຄວາມ​ສຳ­ເລັດ​ຂອງ​ທຸ­ລະ​ກິດ ເຊິ່ງການ​ຮູ້­ຈັກ​ບໍ­ລິ­ຫານ ແລະ ມີ​ຄວາມ​ຮູ້​ໃນ​ການ​ຈັດ­ການ​ຕ່າງຫາກ​ ທີ່​ແມ່ນ​ຄຳ​ຕອບ​ທີ່​ນັກ­ທຸ­ລະ­ກິດ​ຫຼາຍ​ຄົນ​ຍອມ­ຮັບ ແລະ ໃນ​ມູມ​ມອງ​ຜູ້​ບໍ­ລິ­ຫານ ຫຼື ຜູ້­ນຳ​ ກໍ່​ບໍ່ແຕກ​ຕ່າງ​ກັນ​ຫຼາຍເທົ່າ­ໃດ ເຊິ່ງ​ເວ­ລາ​ນີ້ ປັນ­ຍາ​ຊົນ​ບາງ​ກຸ່ມ​ກໍ່​ຫັນ​ກັບ​ມາ​ໃຫ້ຄວາມ​ສຳ­ຄັນ​ແກ່​ປັດ​ຊະ​ຍາ ຄວາມຄິດ​ຂອງ​ຕາ­ເວັນ​ອອກ ໂດຍ​ສະ­ເພາະແບບ​ພຸດ ຈາກ​ອິນ​ເດຍ ແລະ ປັດ​ຊະ​ຍາ​ຈີນ.</p> <p style="text-align: justify;"> ຄວາມ​ຈິງ​ແລ້ວ​ການ​ຫັນ​ກັບ​ໄປ​ສູ່​ອະ­ດີດ​ເພື່ອ​ຫາ​ຄຳ​ຕອບໃຫ້​ແກ່​ປັດ­ຈຸ­ບັນນັ້ນ ​ບໍ່​ແມ່ນ​ເລື່ອງ​ໜ້າ​ອາຍ​ຂາຍ­ໜ້າ ແຕ່​ມັນແມ່ນ​ກຸດ​ສະ​ໂລ​ບາຍ​ຂອງ​ຜູ້​ສະ­ຫຼາດ ເຊິ່ງ​ອາ­ຈານ ສະ­ກຸນ ບຸນ​ຍາ​ທັດ (ອາ­ຈານ​ສອນ ແລະ ນັກ​ວິ­ຈານວັນ­ນະ­ກຳ​ທີ່​ດັງແບບ​ງຽບ​ຂອງ​ໄທ) ໄດ້​ພັນ​ລະ​ນາ​ໄວ້​ໃນ​ຂ່າວ INN Newsກ່ຽວ​ກັບ​ຫຼັກ­ການ​ແຫ່ງ​ການ​ນຳ ຫຼື ການ​ບໍ­ລິ­ຫານ​ຂອງ​ມະນຸດ​ ທີ່​ເຮັດ​ໜ້າ­ທີ່​ສຳ­ຄັນ​ແກ່​ສັງ­ຄົມ​ ສະ­ຫຼຸບ​ໄດ້​ດັ່ງ­ນີ້:</p> <p style="text-align: justify;"> ຄວາມ​ເປັນ​ຜູ້­ນຳ​ຂອງ​ມະ­ນຸດ​ບາງ​ເລື່ອງ​ເປັນ​ຂອງ​ທຳ​ມະຊາດ​ສະ­ເພາະ​ຕົນ ເຊິ່ງ​ຍາກ​ທີ່​ຈະ​ສ້າງ​ຂຶ້ນ​ໃຫ້​ສົມ­ບູນໄດ້ ເຖິງແມ່ນ​ວ່າ​ຈະ​ມີ​ທິດ​ສະ​ດີ​ຫຼວງ­ຫຼາຍ​ກໍ່​ຕາມ... ຜູ້­ນຳ​ບາງ​ຄົນ​ກໍ່ຫຼົງ​ຢູ່​ໃນ​ອຳ­ນາດ​ດ້ວຍ​ແຮງ​ສະ­ໜັບ­ສະ­ໜູນຂອງ​ພັກ​ພວກ ອາດ​ຈະ​ສືບ​ເນື່ອງ​ມາ​ຈາກ​ເປັນ​ຜູ້​ມີ​ບາ​ລະ​ມີ​ທາງ​ການ​ເງິນ ໂດຍ​ບໍ່​ເບິ່ງ​ສະ­ພາບ​ຄວາມ​ເປັນ​ຈິງຂອງ​ສັງ­ຄົມ​ວ່າ: ກຳ­ລັງເກີດ​ຫຍັງ​ຂຶ້ນ ດັ່ງ­ນັ້ນ ໃນ​ບາງ​ສັງ­ຄົມ​ຜູ້​ບໍ­ລິ­ຫານ ຫຼື ຜູ້­ນຳ​ ຈຶ່ງຖືກ​ວິ­ພາກ​ວິ­ຈານ​ຢ່າງ​ໜັກ ແລະ ກົງ​ໄປ​ກົງ​ມາ ເພາະ­ວ່າ​ຜູ້​ບໍລິ​ຫານ ຫຼື ຜູ້­ນຳ​ເຫຼົ່າ­ນັ້ນ​ ຂາດ​ພາ­ວະ​ການ​ເປັນ​ຜູ້­ນຳ​ ຈຶ່ງ​ອ່ອນແອ ແຕ່​ພັດ​ຍັງຢາກ​ຢູ່​ໃນ​ອຳ­ນາດ... ແລະ ຍັງ​ມີ​ຜູ້​ບໍ­ລິ­ຫານ ຫຼື ຜູ້­ນຳ​ບາງ​ຄົນ​ກໍ່​ຕັ້ງ​ຢູ່​ໃນ​ຫຼັກ­ການ​ທີ່​ຄວນ​ຈະ​ເປັນ​ ແຕ່​ບໍ່​ເປັນ ຂາດຄວາມ​ຊື່­ສັດ ມີ​ທັດ­ສະ­ນະ​ຄະ­ຕິ​ຄັບ­ແຄບ​ ຈົນ​ກາຍ­ເປັນເຫຍື່ອ​ຂອງ​ພະ­ຍາ​ມານ ດ້ວຍ​ເຫດ​ນີ້​ ການ​ບໍ­ລິ­ຫານ​ລັດ ແລະ ສັງ­ຄົມ ຈຶ່ງ​ເກີດ​ມີ​ຄວາມ​ຂັດ​ແຍ່ງ​ກັນ​ຫຼາຍ ​ຝ່າຍ​ຜູ້​ບໍ­ລິ­ຫານໃນ​ລັກ­ສະ­ນະ​ນີ້ ຈຶ່ງ​ເບິ່ງ​ເຫັນ​ແຕ່​ຜົນ​ໄດ້​ຂອງຕົນ​ເອງ ຂາດ​ຈິດວິນ​ຍານ​ຂອງ​ຜູ້​ກວ້າງ­ຂວາງ​ໂອບ­ອ້ອມ​ຕໍ່​ສັງ­ຄົມ.</p> <p style="text-align: justify;"> ຂ້າງ​ເທິງ​ນັ້ນ​ແມ່ນ​ຄວາມ​ຄິດ ແລະ ທັດ­ສະ­ນະ​ຂອງ​ອາຈານ ສະ­ກຸນ ບຸນ​ຍະ​ທັດ ທີ່​ມີ​ຊື່​ສຽງ​ທາງ​ດ້ານ​ການ​ວິ­ເຄາະ​ວິຈານ​ວັນ­ນະ­ກຳ ​ທີ່​ໄດ້​ສະ­ແດງ​ຄວາມ​ຄິດ​ເຫັນ​ກົງ​ໄປ​ກົງ​ມາ ເຊິ່ງກໍ່​ເປັນ​ປະ­ເດັນ​ທີ່​ໜ້າ​ຄິດ​ຢູ່​ບໍ່​ໜ້ອຍ​ໃນຫຼາຍໆ​ສັງ­ຄົມ​ໂລກ ແລະ ຫຼາຍ​ໜ່ວຍ​ງານ ຖ້າ​ຫາ​ກວ່າ​ໄດ້​ຜູ້​ບໍ­ລິ­ຫານ ຫຼື ຜູ້­ນຳ​ທີ່ຂາດ​ພາ­ວະ​ຄວາມ​ເປັນ​ຜູ້­ນຳ ແລະ ບໍ່​ເຂົ້າ­ໃຈ​ແກ່ນ​ແທ້​ຂອງສັງ­ຄົມ ແລະ ຫົວ­ໃຈ​ຂອງ​ປະ­ຊາ­ຊົນ ຫຼື ລູກ​ນ້ອງ​ທີ່​ຕົນ​ບັນ­ຊາຢູ່​ ກໍ່​ອາດ​ເປັນ​ສາ­ເຫດ​ໃຫ້​ເກີດ​ຄວາມ​ຫຼົ້ມ​ເຫຼວ ແລະ ຂັດ​ແຍ່ງກັນ​ໄດ້.</p> <p style="text-align: justify;"> ໃນ​ບົດ​ຄວາມ​ທີ່​ຂຽນ​ໂດຍ​ອາ­ຈານ ສະ­ກຸນ ບຸນ​ຍະ​ທັດ ນີ້ ແມ່ນ​ເພິ່ນ​ເນັ້ນ​ເອົາ​ຄວາມ​ຄິດ​ປັດ​ຊະ​ຍາ​ຈີນ ​ທີ່​ມີ​ທັງ​ຂົງ​ຈື້ ແລະ ເລົ້າ​ຈື້... ເປັນ​ຜູ້​ປູ​ທາງ​ແກ່​ນັກ​ຄົ້ນ­ຄວ້າ ຫຼື ນັກ​ປົກ­ຄອງ ຜູ້​ຢາກ​ນັ່ງ​ຢູ່​ໃນ​ຫົວ­ໃຈ​ຂອງ​ປະ­ຊາ­ຊົນ ຫຼື ສ້າງປະ­ໂຫຍດ ແລະ ຄວາມ­ສຸກ​ໃຫ້​ເກີດ​ຂຶ້ນ​ແກ່​ຜູ້​ຢູ່​ໃນ​ການ​ປົກ­ຄອງ​ຂອງ​ຕົນ ​ເຊັ່ນເພິ່ນ​ຍົກ​ຕົວ­ຢ່າງ​ວ່າ: ການ​ຂໍ​ໄຟມາ​ໄດ້​ ກໍ່​ຍັງ​ບໍ່​ເທົ່າ​ກັບ​ການ​ຮູ້ຈັກ​ສ້າງ​ໄຟ​ໃຫ້​ເກີດ​ຂຶ້ນ​ໄດ້ ແລະ ການ​ອາ­ໄສ​ຄົນ​ອື່ນ​ຕັກ​ນ້ຳ ​ກໍ່ຍັງ​ບໍ່​ເທົ່າ​ກັບ​ການຂຸດ​ບໍ່​ນ້ຳ​ໄດ້​ເອງ.</p> <p style="text-align: justify;"> ຜູ້​ຂຽນ​ເຫັນ​ວ່າ ​ຂະ​ບວນ​ການ​ຂົບ​ຄິດ​ທາງ​ປັນ­ຍາ​ເປັນ​ສິ່ງ​ທີ່ມາ​ທີ​ໜຶ່ງ​ຂອງ​ຜູ້​ບໍ­ລິ­ຫານ ແລະ ການ​ຊຸກ­ຍູ້​ພັດ­ທະ­ນາສັງ­ຄົມ ຫຼື ໜ່ວຍ​ງານ​ທີ່​ຕົນ​ຮັບ­ຜິດ­ຊອບ​ຢູ່​ນັ້ນ​ ກໍ່​ແມ່ນ​ໜ້າ­ທີ່​ຫຼັກ​ທີ່ບໍ່​ອາດ​ຫຼີກ​ໜີ​ໄດ້ ຫຼື ບໍ່​ດັ່ງ­ນັ້ນ​ການ​ຍອມ­ຮັບຄວາມ​ເປັນ​ຈິງ ແລະ ຫຼີກ​ທາງ​ໃຫ້​ຄົນ​ມີ​ສີ­ມື​ກວ່າ​ມາ​ຮັບ­ຜິດ­ຊອບ​ ກໍ່​ແມ່ນ​ວິ­ທີແກ້​ໄຂ​ທີ່​ດີ​ຄື​ກັນ ແຕ່​ບໍ່​ແມ່ນ​ເລື່ອງງ່າຍ.</p> <p style="text-align: justify;"> ການ​ເປັນ​ຜູ້­ນຳ ຫຼື ເປັນ​ຜູ້​ບໍ­ລິ­ຫານ ຈຶ່ງ​ບໍ່​ແມ່ນ​ເລື່ອງ​ງ່າຍພໍ​ປານ­ໃດ?.</p>

ຂ່າວທີ່ກ່ຽວຂ້ອງ